عشك دليم
للكاتبه؛-غيم ☁
بارت 15
الجده؛-جده جاي نكطع دجاج وراحت ايدها
سجاد:-يحتاج خياط
ايه:-مادري توجعني
سجاد:-اوك... اجة وخر الكلنس وشافها
سجاد:-لتخافين ماكو شي.... جيبولها عباة وشال
زينب جابتلي عباية وشال ولبست
ايه:-سجاد ماريد اخاف والله
سجاد:-خوية لتخافين ماكو شي... رحت وياه بالسيارة للمضمد لكيت وليد بالباب
وليد:-شصار
سجاد:-مصار شي اخذها خيطها
وليد:-اوك تعالي.... رحت ويا وليد فتنا جوة دقايق وطبينه على المضمد
وليد:-سلام عليكم
المضمد:-عليكم تفضلو
وليد:-حجي المرة ايدها نشكت
المضمد:-ابيش ابني
ايه:-عمو بالطبر
المضمد:-وشجابج على الطبر... طبعا هو يفتح بالضماد وديسولف وياية عود يعني حتى انسى الوجع وماركز ويا هاي الحيلة امي علمتياها
ايه:-جنت اقطع الدجاج
المضمد:-هو انتي بكد الفصمه شجابج على الدجاج
ايه'-غير اسوي غدا... جاب معقم حط
لااااا كمت اعيط وابجي كافي عليك الله تحرك
المضمد:-بس اعقمها لتخافين
ايه:-عليك الله عمو عوفة توجعني...تقرب وليد لزم ايدي الثانية
وليد:-يله لتباوعين ماكو شي يروحي
ايه:-تحركني والله لتحط بعد
المضمد:-اوك ماحط...يلا باوعي على رجلج شوية
وليد:-باوعي علية حبيبي...باوعت لوليد
حسيت شي دخل ايدي ردت اندار وليد لزم وجهي وكمت اعيط من الوجع بدون بنج خيط
ايه:-وليددد بداعت امك كاااافي....اجه سجاد
سجاد:-يلا ايوت خلص بس صبري شوية
ايه:-كافي عفية كافي عليكم الله....الى ان خلص الف مرا شلت روحي وركعتها شاغت روحي لسما السيم كله معقم وهو مل ساع يعقم من كمل اني سكتت انبح صوتي من العياط والبجي
المضمد:-كملنا
ايه:-لارد
المضمد:-هاج هاي فرجة اسنان هدية
سجاد:-ههه حتى هدية حصلتي
ايه:-اني لارد بس اباوعلهم اشرت لوليد نطلع...طلعنا سجاد ضل يحاسب صعدت سيارة وليد
وليد:-عمه سناء تخليج سوين مو
ايه:-لا
وليد:-لعد
ايه:-محد
وليد:-شنو محد منو كالج سوي الدجاج
ايه:-اني
وليد:-ها يعني ادافع عليج واكللهم مايتعبوج وانتي تعاندين وتشكين ايدج
ايه:-لارد
وليد:-توجعج
ايه:-اي..وكمت ابجي...قرب ايدة ومسح دموعي
وليد:-كافي يله راحت شوية وتطيب....
اجة سجاد جايب معقم وشاش حطهن بسيارتنا ورجعت للبيت تلكتنا بيبي وعمة سناء
سناء:-سودة بوجهي عمة موكتلج عوفيها ماسمعتي كلام
وليد:-عمة هسة تعبان بليل حسابكم
سناء:-ليش عمة شسوينه؟
وليد:-ماجاوبها
الجده:-جدة خوما توجعج
ايه:-هزيتلها براسي يي 🥺
الجده:-ميخالف جدة هسة تطيب
وليد؛-يلا تعالي.... رحت ويا نزعت الشال والعباية وليد اخذ ملابس وراح للحمام يسبح اني نزعت الدشداشة ولبست تراك ونمت حسيت احد جرني كعدت
ايه:-شكو
وليد:-ماكو شي ايدج توجعج
ايه:-مادري نمت وماحسيت
وليد:-اوك تعالي...سجني بحضنه انام ايدي اليمين هي الي نشكت مدها حتى مايطخها انوب هذا بي مرض شكد يحط عطر خنكني انسطرت من عطرة ونمت....العصر...ودك الباب وفاتت بيبي وليد غطاني وغطة راسي
الجده:-يلاغم حسبلك ماشوفها موهونيها لشة مبينة
وليد:-وخر الغطا مني... دشوفيها يلا ترا والله لابسين مدا نسوي شي
الجده:-ضربته....امداك يالخرا صاير ماتستحي
وليد:-خرررب جدة مو هاي نايمة
الجده:-شلون صارت
وليد:-الحمدلله زينه
الجده:-الحمدلله يلا انة انزل
وليد:-اوك سدي الباب الغرفة باردة
الجده:-ضربته وراحت
ضلينا نايمين لليل...كعدت اني بعدني بحضنه هو ديباوع بوجهي
ايه:-مضيع شي
وليد:-لا
ايه:-لعد شكو تباوع
وليد:-بكيفي حلالي
ايه:-هااا وخر
وليد:-وين
ايه:-جوعانة
وليد:-شأجيبلج
ايه:-مادري المهم اكل
.
وليد:- اوك ابقي شوية واجي...راح غسل وجه واجة خابر مطعم على عشة وجاب كيك وعصير
اية:- ماريد
وليد:-لا اكلي يلا
اية:- لا ماريد انتضر العشة
وليد:-اوك بس شربي هذا...شربيه تعشين ولذا بدلت ونزلنا جوة 9:00
وليد:-سلام عليكم
الكل:- عليكم السلام
الجد:-جدو واشصايرلج
اية:-مصاير جدو جرح صغير
الجد:- يلا الحمدلله
اية:-اي
سناء:-عمه شلون صرتي
اية:-الحمدلله مابية شي
وليد:-بيبي ازتي جنتي موجودة من نشكت ايدها؟
الجدة:-اي جدة انه ضربتها ونشكت
وليد:-صدك؟ الجدة:-اي والله
وليد:-شجابج على المطبخ انتي
الجدة:-وحيدها مخليها وجتي رادت اساعد هاهي ماتعرف تلزم الدجاج وانضربت ايدها وهاي سنيوة كل البلا من جوة راسها
سناء:-هااا صدك عمة الله يسامحج
الجدة:-الله لايسامحج
سناء:-عمة ايوتة صدك عصبتج على الترجيب
اية:-لا ردت اساعد وهيج صار
وليد:-بعد لاساعدين سوي عشة وانجبي نضفي بس عوفي هاي السوالف فاهمة
الجدة:-تعالي جدة احبج (ابوسج يعني)....رحت يمها
فدوة رحتلج جدة فدوة لكليبج الطيب انه اعرف هاي هي السوت هيج
اية:-يلا بيبي ميخالف و قدر وصار....اجه كرار
كرار:-سلام عليكم
الكل:-عليكم السلام
كرار:-ايوتة شلون صرتي
اية:-الحمدلله عيني
كرار:-جبتلج كارتون اندومي بعد لا تروحين يم الدجادج
اية:-ههه اوك...فاتت ايام ورجعوا ريم وعمة اميرة بس بعد ماسويت غدا ولا علية بي وهن كامن يخافن من وليد ولذلك ماجبرني على شي واجهت صعوبات من ناحيت ايدي بس يلا ميخالف اهلي ماكتلهم خطية اقلقهم
عمة اميرة اهلها جانو بالعمرة لذلك سولها واهس تروح فبقت تتوسل بعمو سهم حتى تروح واقتنع عمو سهم انو يرحون هو وياها وجد وبيبي
وسجلو للعمره.... باجر يرحون ان شاء الله والصبح اهلي يجون يودعوهم..... فات اليوم طبيعي
ساعه6
كعدت صليت ونزلت طبخ وشغل كسران ضهر وهذا وليد متخبل بس يصيح لان ناس طابه ناس طالعه ب11 جوي اهلي سلمت عليهم وبوستهم ورجعت اشتغل صح ما اطبخ بس اغسل تمن ومواعين واقطع وكولشي اسوي بس نار لا خواتي شافو وضعي جوي يمي يساعدوني
سنار:-ايه
ايه:-ها
سنار:-بربج هاي بوميه هيج تشتغلين؟
ايه:-لا والله بس اليوم لانو خطار يوميه شغلي من عصر وورا
جنت اقطع طماطا...
سنار:-بله ايدج
ايه:-شكو..... جرتها
سنار:-شنو هاي
ايه:-ولا شي
سنار:-احجي
ايه:-ولا شي
سنار:-اثر خياط هيااته مبين ترا
ايه:-لا ولج جرح مو خياط
سنار:-حبيبتي ترا دكتوره كدامج شنو هالخياط؟
ايه:-كافي سنار
سنار:-ايه
ايه:-انجرحت ووخيطوني
سنار:-شلون انجرختي
ايه:-داقطع دجاج وانجرحت
سنار:-منو جرحج
ايه:-والله محد شبيج كتلج داقطع دجاج وانجرحت
سنار:-هااا اوك اخلفي
ايه:-والله العظيم
سنار:-زمال غير تنتبهين
ايه:-شمدريني ☹️
سنار:-امداج... صار وقت الغدا وعود ايه لانو مزوجه وكذا ف اوكفي بالباب ناوشيهم صواني الاكل المهم قفبلت وعادي وكفت شسويلهم...
دانطي بالصواني للولد يعني ولد عمي واخوان زوجي
اجه العريس زهكان 😂
وليد:-طبي جوة
ايه:-مطالعه
وليد:-ييي طبي معليج بالصواني انتي
ايه:-ترا بس اني مزوجه ذنيج عود بنات ف يستحن
وليد:-ايه طبي لا اكفر بيج اني وكرار راح نجي يمكم وناوشهم
ايه:-اوك 🤨😒..... عفته وطبيت جوة وصدوك جوي كرار وهوة
كرار:-لك هلاااا اليوم خوش تعلوله
سنار:-هههه اي
وليد:-امشي وديها 🤨😒
كرار:-اووك........ وداها ورجع
كرار:-ايوت عيوني مي متت عطش
ايه:-اوك... جبت كلاص... هاك
كرار:-دشربيني امداج
ايه:-وسم اشرب... شايل صينيه ف شربته
وليد:-واني 🤨
ايه:-وانت شنو
وليد؛-هم عطشان
ايه:-اوك هاك
كرار:-لا لتنطي يغار مني😒
وليد:-شربيني وعوفي هالهتلي
ايه:-اوك اشرب
شرب شويه... ادري بي جذاب ما عطشان
وليد اختنك بالمي... طفرت عليه خديجه تضرب بضهره وهو يكح واني صافنه عليهم..... سنار كرصتني وافتهمتها
جيت يمه لزمن وجهة
ايه:-حبيبي اسم الله بيك شي؟
وليد:-لا لا بس اختنكت
ايه:-سودا عليه يروحي.... هاي انحسدت روح وبعد لطب يم النسوان
وليد:-يي خلي اكمل وبعد ما اجي
خديجه:-يي والله ابن عمي خوش زلمه والف من تتمناه حكهن يحسدنه
ايه:-هههه يي والله صح فدوه الطوله الف تتمناه وهو يتمنناني 😂
خديجه:-بعد كلبو شيسوي
ايه:-حياتي فدوه الكلبك
وليد شاف الغضب بعيوني... تقرب باس راسي 😁✌🏻
وليد:-يحفضج الي.... وطلع واني اباع عليهن 😁
سنار:-ايوت ميكول ويحفضج لاااا ويحفضج الي يعني ميحفضج لغيره
ايه:-هههه ييي يحبني
ساره:-الله يديمكم خيه
ايه:-حبيبي يسلمو.... دنسمع خديجه وخواتها 😂✌🏻
وتم التسميع بنجاح هن كلبن جهرتهن وطلعن 🥺💔
وضل الشغل علينا بس يلا احسن من شوفتهن وكلامهن السم
