عشك دليم
بارت12
للكاتبه؛-غيم
ريم؛-ايه وليد يكول خلي تمسح وجها
ايه:-ولج محاطه هواي والله
ريم:-والله مادري مسحي قبل لا ترحين ويرزلج
ايه:-اوك..... مسحت كولشي بس حلكي هو توريد شسويله
وصلنا وليد لمحل البدلات بس مبين ضايج حيل اخذت بدله لون ماروني وفستان ذهبي واسود خواتي كلهن مشتريات لذلك ماخذنالهن شي واخذنا لريم فستان
رحنا لمحل شالات اخذت شال تول ابيض وشالات ثنين ابيض ساده وتاج كرستالي ورجعنا
خديجه منعها جدو من ان تحضر العرس وميريد يشوفها ابد بعد الي سوته بس ما اذوها استخطوها لانو يتيمه
قررنا نسوي جلسه التصوير مال الحنه بغرفتنا لذلك بالليل رحت جبت مكياجي الي تحتاجه واخذنا الكاويات همات
وليد واخوانه عزلو غراضه بالغرفه ماخليته ينام بيها اريدها معزله لباجر
يوم الحنه؛00؛6 الصبح
قمر:-اكعدو ماما يلا كومن
ايه:-يوووم شكوووو 😴😴😴
قمر:-كومن يوم مااضل وكت دكوومن
سنار:-ماما بعدها فجر كولي يالله
ايه:-اي والله وقتت الفون ب7 بعده ماداك
قمر:-راح اكفر بيجن كلت كووومن
ارام:-اوك 💔😴😴
كمنا غسلنا وصلينا ونزلنا جوة الكل كاعد تريكنا صارت ب7:00
قمر:-سنار وساره هول وصاله مسح وكنس وتعزيل عليكم
سنار:-لويش عود وينهن ذنيج الخواتين
قمر:-سنار ماسمع صوتج فاهمه حنته اختج مو اختهن
ساره:-اي ماما ادللي معليج بسنار
قمر:-ايه الفاهيه صعدي سبحي وسوي تنضيف سريع لجهرتج وبلشي بشعرج
ايه:-ممم اوك ماما وصعدت
ارام وازل طلعو على الطرمه غسلوها
ازل:-اوك يوم
قمر:-الاء تعالي ويايه للمطبخ
بقو يشتغلون لل8........ صعدو سنار والاء اني كملت سبح وحاطه ماسك لوجهي طبو يسبحون حتى امكيجهم لان مكياج الي هنا لعبان نفس هو مو لعبان نفس كولش بس خليجي كوله ثكيل
جتي ريم متريكه وراها زينب
ريم:-ايه عادي نحط منج مكياج
ايه:-اي شي تردو استخدمو........ بدن بحطن مكياج ميعرفن 🤦🏻♀️
غسلت وجهي من الماسك... اخذت الفرش منهم
تعالن اني احطلجن.... حطيت لعيونهن كملتهن ثنينهن
سنار بربج بس كملي وجوهن اريد اسوي شعري
سنار:-تعالي حطي الي بس لعيوني والباقي احنه نكمله
ايه:-ديلا تعالي.... حطيت لسنار شدو كملت عيونها.... جتي ساره.....
ساره:-ايوت ادخل اسبح واطلع اللكاج مكمله مكياج حتي تمكيجيني 😁🤭
والله لااا ساعه؛11:00 واني بعدني حايره بيجن
انجبي حطي مكياج يلا واني اسوي شعرج...... راحت ساره تسبح حطيت على عيني شدو جوزي بالنهايه والبدايه ذهبي رموش وعدسات خضر حمره ماروني وهاهيه 🤦🏻♀️😂
هو شبقه حبي 😂🤦🏻♀️
جتي ساره حطيتلها مكياج وكملنا بدت سنار بشعري حطتلي خصل سوته كيرلي وضفيره صفح من فوك رفعه خفيفه وتاج ذهبي كملنا كلنا البنات لل2؛00 جلسه التصوير
دخلت لغرفتي امي وامه ووليد والنصوره موجودين باوعلي هو بس عادي ماهتم 🙄 اني ضحكت بوجهة بس ماكواي رده فعل منه الي جوي ماما وعمه اميره بوسوني وباركولي هو واكف عادي ومنطيني ضهره 🤦🏻♀️لابس قاط اسود وقميص ماروني
طلعو اهلنه وضلينا احنه علمود التصوير بس الغريب وليد عاديممهتم ومتحجه ويايه ابد ولا كلمه. بقينا لل3:45 نصور كملنا تصوير بدو يدخلون اهلي واهله ياخءون صور ويانه بدلت بالفستان وهمات صورنا
وليد:-تلفونج وين
ايه:-يم ساره
وليد:-شيسوي
ايه:-ولا شي بس وين اودي غير يم خواتي اخلي
وليد:-اريده
ايه:-ليش
وليد:-تلفوني مدري شبي وايد استخدم تلفونج
ايه:-هاا اوك..... سنار جيبلي تلفوني من ساره
هسه.... دقايق وجابته الي.... اخذه
٠وليد:-شنو الرمز
ايه:-1990 باوع عليه.... مواليده
اخذ الفون وطلع...... مرت الحنه على خير....... ماريد احجيلكم تفاصليها لان مابيها شي مهم
صار وقت العشى ضليت بمكياجي بس شعري شلته فوك ولبست كلابيه عرايس
كعدنا على العشى وليد كدامي
وليد:-هاج.... نطاني الفون وطلع فونه من جيبه
ايه:-اخذته اني دزلي
وليد:-كومي غسلي الصخام البوجهج ورجعي
ابه:-باوعت عليه خازرني.... كمت داريد اروح
وليد:-انطيني التلفون
ايه:-هاك... انطيته وصعدت.... نزعت الشعر كوله ودخلت للحمام سبحت ماردت ابجي على اعتبار هذا يوم حنتي صميتها بكلبي وسكتت
يمهم على العشى؛-
الجده:-جده شبيها مريتك
وليد:-مابيها شي جده
الجده:-لعدعليش كامت
وليد:-مادري
قمر:-عمه خواتها ياخذلها عشى انتي تعشي
صعدت سنار.... ها خيه شبيج
ايه:-ولا شي
سنار:-احجي شكو
ايه:-والله ماكوشي الاخ يغار ميقبل يشوفوني بالمكياج
سنار:-هاا اوك عادي... هاج هاي امي دزته ماعون اكل
ايه:-سنار اخذي ماريد بس جيبلي جاي بربج
سنار:-ديلا اوك.... نزلت
اني رحت اكوي شعري حتى باجرما اتاخر........ دخل وليد...... باوع عليه......
وليد:-باجر ماريد مكياج
ايه:-ترا عرسي
وليد:-اي ادري حطي شي خفيف المن حاطه صارخ؟
ايه:-اوك تدلل
وليد:-اتحضري الصبح ترحين لبيت احمد ومحمد مناك نجيج زفافه
ايه:-وليد
وليد:-نعم
ايه:-بيك شي؟
وليد:-لا
ايه:-متاكد.... عافني وطلع ضليت اكل بنفسي لان سالته طبه مرض يعني اني شكو سالته تالي اجاهلني وطلع والله متت قهر من تصرفاته يوم زين ويوم حقير مدا افهمه
جابتلي سنار الجاي......كملت شعري ونمت يمكن ب10 وللل5 الصبح يلا كعدت شبعانه نوم امي وخواتي نايمات نزلت جوة بيبي ووليد وعمه اميره وجدوا وعمو سهم كاعدين.....صليت ورحت اسوي ريوك
استغربت انو وليد ما اجه يمي ولا فات للمطبخ اصلا؟!!!
عادي غلست شسويله 💔
وديت الريوك للهول وصعدت كعدت امي وخواتي مانزلت بعد مثل ما مايريد يشوفني اني همات
طبيت سبحت وطلعت جوي خواتي ساعدوني حطيت مكياج ساااعه يلا كملت صح هواي بس كوله بيجي حمره وردي لبست البدله وشلت كل شعري لبست كب ولفيت شال ابيض ليوره ولفيت شال ابيض اخر ووفوكاهم التول وحطينا التاج ليكدام وفوكاهن الطرحه على راسي وثبتناها بدنابيس
ساره:-ما شاء الله
سنار:-خيه يارب بعين كل حاسود عود
ايه:-هههه قلبي انتن يسلمو.... عيونهم دمعت
سنار:-اهوووو لا تبجون... يلا يلا لبسي... لبست الذهب امي حطتلي دنبوس قل اعوذ برب الفلق بصدري بس عادي مبين شلت قرءان صغير بيدي
ساره:-تلفونج وين
ايه:-يم وليد
ساره:-شيسوي
ايه:-تلفونه مكسور واخذه
ساره:-اهااا بعدم تصديق
ايه:-اي.... ساعه 8
دخلت لغرفتي وليد واكف ولابس زي عربي دشداشه ببضى وعبايه سوده فدوه الطوله والثكله الحلو 😘😘😘
المفروض يجي مصور بس الاخ ضايج وميتحاجه ف ساره كالت للمصوره تبقى تاخذلنا صور
باس راسي بدون ميباوع عليه 🙄... انقهرت والله يربي هذا شبي ويايه لويش هيج ديعاملني لا اكدر احجي ولا اكدر اسكت ف ضليت ساكته احسن
وحده من اللقطات المصوره كالت بس قرب حلكك على حلكها بس لتبوسها فقط قربه وخشم يطخ بخشم وغمضو مقبل كاللها غير حركه اني عيوني انترست دمع 💔
ايه:-جنان عفيه كافي
جنان:-لا بعد
ايه:-شكم وحده صارن
جنان:-15
ايه:- اي لعد خلص كافي... عفتهم وطلعت ابجي
سنار:-شبيج
ايه:-مابيه
سنار:-احجي شسوالج
ايه:-مسوة هو معليه دابجي عليكم
سنار:-امداج خوفتيني
امي وسنار يرحون ويايه لبيت احمد والبقيه يجون بالزفه
دانزل من الدرج هو صددفه اجه ورايه دينزل
اميره:-كلللللللللللللييييييششششش
ريم:-اخونا خوش اخو يستاهل الهوسه.... يدبجن النسوان ويطشن جكليت
ادلل خويه ادلل والمال هوووايه
دخلو عماتي من باب المطبخ
على عناد عمااته لعبن لعب خالاته
عماتو شافو هالات وليد هيج اتخبلوو
على عناد خالاته لعبن لعب عماته..... طلعت اني دنروحلانو تاخرنا الافندي هو اخذنا 😒
حطو عليا عبايه وليد صعدت ليوره ولا باوعتله ولا يمه اصلا وراح
بقينا ببيت احمد وافكر بهذا يالله هذا شبي شصاير وهيج ديسوي معقوله علمود لبس الي رحت بي بيوم البدلات وضليت افكر
احمد ومحمد مزوجبن بنات خالاتاهم خوات
جابن النه الغدا اكلنا عدلنا المكياج صارت ب4
كعدوني على قنفه نفرين..... سمعنا صوت الزفه ودخلو النسوان
كلللللللللليييييييييييششششششش
شايف خير ومستاهلها
دخل وليد لابس... قاط....مباوعلي 💔 لزم ايديه وباس كصتي.... واني واللهالعظيمصافنه بي هذا صدوك يحجي؟
بقو يركصون كدامنه دخلو الشباب ههههه اولهم كرار
ادلل خويه ادلل مال سهومي هوايه 😂😂😂 عمه اميره لزمته وتركص ويا
غيم وينج... غيم ردي... شوكت بارت الخ.... حقكم والله العظيم بس صارت عندي مناسبه بالبيت واللتهيت بيها وما شاء الله اليوم غيم رادت تصير سباعيه وتتعلم سياقه واتعرضت الحادث الحمدلله مبيه شي بس سيارتنا اتفلشت وسياره الرجال الدعمتها همات ماكللهم اني بالمستشفى وكذا بس واللهالعظيمماكدر اكتب حيلي كوله يرجف الحادث مدا يروح من بالي متتتخيلون الي صار الحمدلله على كل حال اهم شي سلامتنا ثقو انو هالبارت خليت اختي تكتبه اني اردلها وهي تكتب ماكدرت اكتب وياريت تعذروني لانو قصير والله العظيم
اعوضكم ان شاءالله
اختكم غيم ☁
