عشك دليم
بارت 13
للكاتبه:-غيم ☁
تقرب يمي كرار
كرار:-نسحبج تركصين لو ميقبل........ بعدني مجاوبته وليد دفعه
كرار شقاوجي اخذها بشقه وكمل ركص عادي
ايه:-صدوك تحجي
وليد:-انجبي.... باوعت عليه ودرت وجهي منه
صار وكت نطلع جابو مصور كدامنه هذا العريس ما كايدني ونمشي لاااا يجررر بيه ويسحلني سحل
المصور:-عيني امشي على كيف خلي اصور ورجاءا اللزمها عدل
وليد:-مرتاحين كمل انت
غيم ☁:-امدااااك همجي
ايه:-كمت ابجي اذاني وكفت ووخرت ايده انداريت على امي وهو ماشاء الله ولا يمه الموضوع... لزمني يريد يكمل سحل وخرت منه ماخليته جريت امي وحضنتها وابجي شاورتها
ايه:-ماريده يوم عفيه
قمر:-حبيبتي توكلي ماما
ايه:-يوم
قمر:-ششش روحي امي الرحمن يحرسكم......
ماخلتني احجي ورجع هذا يسحل بيه يالله شبي هذا ويايه بدلتي نفش بس اريده ينطي مجال امشي عدل ويا ماكووو بس يسحل وهاي الناس تتعثر بالبدله يعني فوك القهر مال هذا انوب الناس متنطيني مجال افوت ولا امي ولا خواتي جوي شالوها ولا اهله تقربو ضلت ايه حايره بالبدله صعدنا بالسياره اني ليكدام وهو يسوق جامات مسدوده اغاني ماكووو وفاتح تبريد والسرعه مالته طياره يطيررر الافندي عبالك مغصوب ولا جن هو الي ذبح روحه ابد محجينا شي المصور كسر علينا صار كدام سيارتنا بس حتى يصور هالزفه الكشره على راس وليد
الافندي ضاج تخبل بقه يغلط وطبك طوووب ضووجتهم
وكفو السيارات بمكان الكل نزل يركص ويهوس
عريسي لا هو نزل ولا اني نزلت مايرضى 😂🤦🏻♀️جتي امه تريد تنزلني
وليد:-اذا نزلتي كتلج يصير عمل شعبي..... والله العظيم متتت فشل
اميره:-شبيك يمه
وليد:-ماكو شي يمه.... سدت الباب وراحت
ايه:-انت شبيك 🤨
وليد:-لارد
ايه:-مغصووب عليه؟ ترا ماميته عليك
فتحت الباب بسررعه ونزلت وهو جلب ببدلتي حاول يجرني بس ماكو ماكدر سياره خواتي وامي قريبه اشرتلهم نزل الخبل يركض لزم عكس ايدي حيييل
وليد:-شكلتلج؟
ايه:-لا كتلي ولا كتلك هي خلصت بعد انت بطريق واني بطريق فااهم
اجه كرار
كرار:-شبيك وليد فضحتوونا..... جر وليد مني..... خواتي شافو هيج جوي ماما وسنار وسجاد
قمر:-شبيج ماما
ايه:-سالي هو..... عبالك فاتحه مو عرس يسحل بيه ويصيح شبي ويايه
سنار:-شبيك وليد سالمين
وليد:-استغفر الله بابا لتدخلون
قمر:-اشش سنار سكتي... يلا ماما صعدي بس خلي تكمل الزفه عيب من العالم فضحتونا
كرار وسجاد كامو يركصون بوليد حتى يتلافون المشكله الناس كلها دتباوع
قمر:-اصعدي ماما
ايه:-لو يطك ما صعد يوم ماشفتي والله عبالك شخص ثاني مو وليد
قمر:-ميخالف امي بسسس اصعدي الخاطر الله
ايه:-الله ياخذه العلحقير زوركها لايدي
قمر:-ايه صعدي فضحتونا الله لا يرضى عليكم
ايه:-صعدت شويه واجه هوه
وليد :-عبالج اعبرها الج بس صبريلي
ايه:-لارد
وليد؛-ييي ابد لا تحجين نوصل ويصير خير
ايه:-همات محجيت......
