بارت 9
عشك دليم
للكاتبه:-غيم ☁
ايه:-بعدم اقتناع ..... اوك نروح بالليل؟
وليد:-يي كولي للبنات
ايه'-اوك..... الكل اتعارك ويريد يروح رحنا سيارتين
الاء:-نسيب افتح اغاني بربك
وليد:-ول يابه عييب
ازل:-اماااانه حباب
وليد:-عيب بنتي
البنات:-اهوووو...... فتحتلهن اني ونصيته حتى مينكسر خاطرهن خطيه
وليد:-ليش😕
ايه:-يلا حبيبي والله نصيته خلي يشوفون شويه
وليد:-😒😒😒 اوك
تسرررريع...
اشتريت فستان واجرت بدله للمهر مالي لون وردي وبيها ذهبي رجعنا للبيت سنار اتفقت وبا مصوره من بغداد تجي تصور ومصممه كوشه بس من الرمادي وماما حجزتلي يم صالون ومرار وسجاد اهتمو بالكراسي والسماعات وشغلات مهر وصيناهم عليهن جابوهن
يوم المهر.....
سنار وريم وساره وبنات عمه ريهام راحو صالون اني اكيد ماروح لان اعرف امكيج مكياج عرايس جوي المصممه والمصوره امي استقبلتهم وكامو يشتغلون شغلهم
خيرتنا المصوره بدخوليه لو من الدرج وانزل لو من الطرمه وادخل
حبيت فكره الطرمه
جتي بدلتي اخذتها وصعدت اسبح وبعدين ابدي مكياج وشعر
كملت مكياج وركبت شعر خصل وبديت ابرم بي رفعه خفيفه من فوك ويا تاج
دخلو سنار وساره
ايه'-ها شبيجن.... شكولاتهن تخوف
ساره:-دشوووفي بربج هو هذا مكياج؟
ايه:-اشش اكعدن هسه اعدله الشدو خففته والفونديشن كوله مسحته نزعتهن العدسات عفت الايلاينر والرموش وكلعن حلوات 😁✌🏻
ايه:-حطن بلشر شويه وخلص
نزلت اني للهول امي مبدله اخذنا صور وكملنا ورحت لغرفه بيبي الى ان الكل اجه اخذتني امي وطلعتني من باب المطبخ وتمشيني للباب الكندور والمصوره كدامي دتصور
دخلت الكل يهلهل ويطش جكليت اجه وليد لزم ايديه وباس راسي(لابس قاط كحلي والرباط وردي بلون بدلتي وقميص ابيض) اخذنا صور وكذا قطعنا الكيك وبنتها للمصوره هي الي تعلمنا على اللقطات
اخذت قطعه صغيره كولش من الكيك وتريد ناكل وهي لازمه الجطل (شوكه) نريد ناكلها تسحبها ليجوة ف دياخذها وليد وباس حلكي🤦🏻♀️ يبوووووو ياكاع انفتحي خلي اضم نفسي يالله فشلت فشله واستحيت ردت ابجي والله..... حتى وليد خجل من العالم انو عيب شنو يسوي هيج كدامهم
وما شاء الله العالم مكيفه 😂 ناس متحب الستر 😂
اخخ منك يالنجر
هههههه...... وصلنا للذهب اول شي الحلقه نزعت حلقتي الذهب نطيتها لامي فتح وليد علبه الحلقه وكلها صفنت 🙄 لان اللماس لبسنياها ولبسني الذهب الي هو جابه وخر على صفحه جتي امي لبستني البتوت بعدين خواتي لبسوني هداياهم الي جابنهن والعالم صافنه وهدوء وبيبي تصلي على محمد وتقرا معوذات وتكولهم ينطي العافيه الي صلي على النبي والعالم تصلي 😂🤦🏻♀️
المصوره:-يلا بوس الحلقه حتى اصورك..... وليد غمض وباسها
وليد:-احبج
ايه:-اني همات
وليد:-انتي شنو
ايه:-احبك 🤭....... باسني ههههه كمل المهر على خير الحمدلله وباجر مهر ماجد وسمر ويجي بابا همات علمود يحضره
