#حب_في_ازقة_بغداد
للكاتبة ام مصطفى
بارت الواحد والعشرون
ساره الله يهديها بس صدكيني
كولش بالتفاهم ينحل علميها دائما وخلي كرار يحسيها هي ام بيته ويحبها ومعتمد عليها وميكدر من دونها حتى تشعر بالمسؤليه
سديت التلفون وظليت صافنه حتى انت ياكرار ممرتاح بحياتك..
رنا..بعد عقد المحكمه اقل من اسبوع خالتي سوت عزيمه عزمت بيها عمامي واقربائهم طبعا عمي ستار تدخل بالموظوع وعتب على سعد وكاله شلون اختك تعقد واحنا مندري ومسوي مشكله وجايه هو وستار ومؤمل ومعاتبه ...بس سعد مفهمه بالموظوع وكاله رنا صارت عدها حاله نفسيه لااكل ولاشرب بس من تبقى بيت خالتي بغرفتها ترتاح ومترهم ابقيها هناك وعدهم ولد شاب لهذا خالتي خطبتها لمهند واني اعرف زين اختي بعد ماالها نفس بالزواج وهي وافقت اهم شي رنا متتأذى لاسمح الله وتروح من ايدي ومؤمل خطيه هم مدخل بالموظوع وكال ابوه مهند اخو المرحوم اذا بيوم نست وكالت اسمه على لسانها مراح يزعل ويشك كل مره عدها زوجها بالدنيا كلها ومتكدر تنساه بسهوله عاد مهند اخو المرحوم ومستحيل يصير وياخذ على خاطره اذا قرت الفاتحه لو سوت ثواب اله فعمي سكت ومحجه بعدها انتقلت بيت خالتي وفهمتني من اول يوم لازم الزم العده لان زواجي من احمد تم وكامل فلازم اطبق العده الى يوم ولادتي صح طلعت حتى افحص دم واعقد محكمه بس كنت مظطره ومجبوره اكون خارج البيت... فضليت بغرفه خالتي الجوه ومن يجي مهند ابد مااطلع الثاني يوم وعدت الاشهر مشايفه مهند يطلع الصبح ويجي بليل يسبح وينام وخالتي تحمي اله العشا بعد مااني احظره وادخل للغرفه ..امي اكثر من مره تتصل تكولي تعالي شوفي خواتج صار هوايه مجايه لبيتنا واني اتحجج بخالتي مريضه فخطيه تجي مرات تشوفني وتطمئن عليه ومن اجتي ساره بعد امي ظلت تلح كالت اختج اجتي من السفر مكسوره ومطلكه تعالي شوفيها اخذي من خاطرها على الاقل انتي اختها والاخوات وحده شيل هم الثانيه..ومع هذا مكدرت اروح لبيت اهلي لان لازمه العده وساره هم متكدر تطلع من البيت ولا اني اكدر اطلع كل وحده سببها يختلف عن الثانيه ومصيبتها تختلف.... وبعد مااهلي عرفوا بخبر حملي فرحوا هوايه خاصه من رجعت صحه خالتي احسن من الاول حتى سعد كان يجي للبيت يشوفني ويسال على مهند ويكول صار فتره ماكو مهند ومشايفه بس اجاوبه لازم شغله بعد دوام الدائره ويجي بليل ..اما هبه اساسا لاتجي ولا تتصل عليه ودائما ساره تشكي منها وتكول تتكلم عليه وتكول عني خربت حياتها تسألني عن السبب فااظطر اكولها هي متوهمه والزواج قسمه ونصيب وخالتي رادتني لمهند موهبه ..الى ان فاض بيه الالم بعد مااتصلت باامي اسلم عليها وصاحت على هبه حتى اسلم عليها ..امي متعرف بيها مقاطعتني فسمعت تكولها لااختي ولا اعرفها وان شاالله متتهنه بحياتها وامي تعاركت وياها وتكولها هاي اختج هيج تدعين عليها و.......هوايه حجي.. اني اسمع كلامها وكلبي احسه ينزف دم ساره اخذت الموبايل من امي وظلت تسلم عليه وتكولي لتاخذين على خاطرج من هبه ماعدها عقل بس بصراحه يارنا هبه عدها شي اني متأكده .. لان كلامها بحركه كلب يمكن مهند كان مأملها بزواج .... ممعقوله هبه تكذب . اني سكتت ..وحسيت نفسي مخنوكه واريد احجي الي بكلبي .فطلبت من ساره ان تجيني للبيت لان رايدتها بشغله .. فعلا بعد يومين اجتي هي وامي سعد وصلهن الصبح وراح الشغله امي ظلت يم خالتي جوه واني اخذت ساره للغرفه حتى احجي وياها لان بعد مااتحمل ..وسولفت الساره كولشي اباوع عليها تبجي وكاتمه نفسها وتكولي لعد ليش ظميتي عليها وخلتيها تشك بيج وتدعي عليج دائما.. وتظن انتي غدرتي بيها ومهند ضحك عليها..شلون اتحملتي كل هاي الاتهامات بدون مدافعين عن نفسج ...جاوبتها واني ابجي ..خفت لاتضعف وتحجي ال سعد وتعرفين بهبه متخفي سالفه واكيد راح تكشف المستور خليت كولشي بكلبي وسكتت..بس والله ساره بعد مااتحمل احس نفسي راح انفجر حظنت اختي وضليت ابجي حسيت براحه شويه... ...
مراجعت دكتوره ابدا..حتى خالتي كالت البسي بوشي واديج للدكتوره تشوفج بس كنت ارفض مااريد اطلع ابدا ....البيت كله شلت مسؤليته اني.. طبخ تنظيف زوالي فرشات خالتي تتعارك ويايه وتكولي عوفي واني اكولها خاله من اشتغل انسى اتركيني براحتي حتى غرفه مهند انظفها اغسل ملابسه واكويهن واعطر الغرفه ..
دخلت بالشهر الثامن ..بيوم كعدت كانت اكو الالم بخصري مااهتم ولا اشتكي لااحد ابدا كأنما اعاقب نفسي على شي ماالي ذنب بي خالتي تكولي من تولدين حاولي تتقربين لمهند حتى يتم زواجنا بس اني كنت رافضه هاي الفكره وكتلها مهند اخو احمد وعم الطفل الي ابطني وبس وكافي عليه عقد وراح يسجل ابني بااسمه.... خلي بعدين يشوف حياته خطيه يضل مرتبط باارمله اخوه .بس خالتي مكانت تقبل على كلامي ..بيوم كعدت على الالم قويه اسفل ظهري طلعت حظرت الريوك ال خالتي ورند مهند كان مموجود بعدني واكفه على الطباخ زاد الالم بشكل فضيع ونزل مي بين رجلي صحت على خالتي وظليت اصيح وابجي مرعوبه خالتي اجتي عليه كالت بس لاعندج ولاده وانتي بعدج بالثامن ظلت تصيح وتبجي وتكول يمه البنيه راح تروح مني فدواتك ياربي اخذت احمد انطني ابنه..وتدعي بجاه كل نبي وامام جرتني هي ورند للغرفه واتصلت على مهند يجي ياخذنا للمستشفى بس اني متحملت وحسيت الطفل نزل بيت رجلي وصياحي ملا البيت فخالتي راحت وكفت تكسي بالباب واخذتني للمستشفى مجرد دخلت للدكتوره فحصتني حولتني صاله الولاده بعدها بااقل من نص ساعه ولدت امير .اوووف يااحمد وينك تعال شوف ابنك الي تمنينه وجنت تحلم بي ....تعال شوف مرتك شلون انكسرت بعدك لاالي عين اباوع على العالم ولااكدر اكول هذا ابن احمد ابن حلال والله الشاهد تعال محتاجتك احمد .وقت الولاده بس صورتك كدامي واحجي وياها .المن عفتي ....دموعي تجري والممرضات عبالهم ابجي من الم الولاده ميعرفن ابجي من كسره كلبي على زوج مات قبل عرسه وطفل نزل من بطن امه يتيم.اجتي السستر كالت خالتج خطيه ظلت تبوس بالدكتوره وتشكر منها وتوزع فلوس على الممرضات بتربى بعزكم امير بقى بالخدج لان نزل بالشهر الثامن دخلت عليه خالتي وباستني. وحظنتني .جانت دموعها على خدها. كالت مهند خطيه لازم باب الخدج مال الاطفال ويبجي يصيح احمد هذا ابنك تعال شوفه ااوف يمه شميته عبالك ريحه ابوه بي يارب ينطني الصحه حتى اربي ظل امير بالمستشفى والدكتوره وصتني اجي يوميه ارضعه ..وكفت بالباب مال الغرفه شفت مهند سلم عليه وكال الحمد على السلامه ام امير يتربى بعزج.ان شاالله .تشكرت منه وهاي اول مره احجي ويه مهند بعد ماتعاركنا بالسياره من كمل عقد المحكمه ..
مهند الخاطر امي قبلت اعقد على رنا امي الي ضلت تلطم وتملخ بروحها ودكول يمة البنية انكسرت ركبته واني شاهدة عليه البنية حامل واذا عرفوا اهله يمكن ايذبحوها وتضل خطيتها بركبتنا اليوم الدين حاولت اقنعها اني اريد هبة بس مسمعت مني كالت مو نهاية الدنيا اذا مزوجت هبة يمة البنية حامل بعد كم شهر اتبين بطنها يمة اروحلك فدو لاتخليها حسرة بكلبي اريد اربي مقبلت وكتلها مستحيل روحي احجي ويه بيت خالتي اني معليه ضلت امي تعيط وراحت للطرمه جرت جلكان مال نفط وتريد تشمره على راسها وكالت احرك روحي والله اذا متزوجتها اني صافن عليها فقدت ورند تبجي ولازمه امي متعرف السالفه شنو رجعت امي لزمت ايدي تبوس بيها ونزلت على رجلي تكولي ابوس رجلك يوومه البنيه مالهت ذنب ظليت صافن على امي وعيني الي دمعت من كتلها موافق في سبيل ليصير باامي شي اموافق ..اموافق بقيت اصيح بس حدي وياه حد الولادة بعدها محد يعتب علية اتزوج غيرها مستحيل اتصيرلي مرة افتهمتي امي وافقت وكالت هاهية بس خلي تولد واذا تريد تتزوج ازوجك بيدي عقدت على رنا ومن اجتي للبيت امي طلبت منها تبدي بلعدة وبعد مشفتها ولا سمعت صوتها وبيوم ولادتها حلمت باخوي احمد كاعد بستان كلة زرع يحجي وياية فرحان وحاظني واني اضحك واسولف ويا ورنا كاعدة بعيد عنة بعدين احمد راح ورة شجرة واني اباواع علي ورجع نفس المكان بس جان شايل طفل خلاه بحضني وراح على رنا جرها من ايدها كعدها يمي وباس راس الطفل وراح
اني بسرعه فزيت وكعدت من النوم صليت الصبح وقريت سوره ياسين وهديتها للمرحوم وطلعت للدوام ورهبه الحلم بداخلي مرت تقريبا ساعتين امي اتصلت كالت رنا عدها ولاده بسرعه اخذت زمنيه ورحت للمستشفى اول مادخلت شفت امي تبجي وتحظن بالدكتوره عرفت رنا جابت ولد وامي كالت سمي امير لان المرحوم راد اول طفل اله يسمي امير بقوا بالخدج وطلبوا من رنا تجي ترضعه واني اخذها بيدي للمستشفى خطيه تعبت هوايه المفروض ترتاح بعد الولاده بعدها باايام سجلت الدكتوره خروج امير من المستشفى لان حالته استقرت رنا ظلت بغرفه احمد الله يرحمه لان الدكتوره كالت الطفل بقوا بغرفه لاحاره ولابارده ولتخلون احد يدخل بيها بس امه حتى متتلوث ..خالتي ام سعد بقت يمنا تقريبا اسبوعين بخلال هاي الفتره امير اتحسن الحمد لله ..حجزنا عند دكتور اطفال واخذنا امير عليه اني ورنا حتى نتأكد من صحته والحمدلله الدكتور كال صحته زينه وسألنا اذا نكدر نسوي(الختان)طهور ال امير كال انتظروا من يصير عمره شهرين افضل ..
امير بينت ملامحه والكل تكول يشبه احمد الله يرحمه خاصه حاجبه ياسبحان الخالق طبق الاصل معكوده ودوره الوجهه ورصعه بحنجه ... رنا من تسمع هذا الكلام تنزل راسها وتبجي وامي حاظنته وتبوس بي وتشمه وتكول يمه ريحه احمد ردتلي ...حقها امي من ردات تربي صدوك تحس احمد رجعلها..بعد متحسنت حاله امير وكملنا الختان مالته رحت ال امي كتلها يوم اريد اطلك رنا بعد كافي ردتي مني اعقد عليها وعقدت وامير انسجل بااسمي ..بس امي كالت اذا طلكت اخوها سعد يسحبها وامير يصير بعيد عني ازوج وعوف رنا يمي بس افصل البيت قبل زواحك افضل الك والنا الطابق الثاني بي غرفتين نوم وصاله وابني مطبخ وحمام والسطح كبير تكدر تستغله ..بهاي الفتره كانت اكو موظفه ويانه اسمها ايناس كولج جنن معجب بيها..
يتبع...
وللحكاية بقية ام مصطفى
