#حب_في_ازقة_بغداد
للكاتبة ام مصطفى
البارت التاسع والعشرون.
سمعته لعصام كلام جارح بدون قصد مني ..
ومع هذا كال انسي الموظوع وابقى ابن عمج اذا احتاجيتي شي ان شاالله مااقصر وياج..
عافني وحدي بالغرفه كرهت نفسي وكرهت مهندوكرهت رنا والعالم كله هم السبب للي امر بي اني..
بعدها اجاني الخط مال الكليه للشركه وداومت واني اذكر شلون تكلمت بطريقه مو حلوه ويه عصام
ثاني يوم قررت اعتذر منه انتظره بس ماكو ممداوم الموظف الي ويانه كال اخذ اجازه شهرين والي عرفته من سعد بعد ماارجعت للبيت كال راح يسافر يسوي عمليه لعينه لان حيل اتأذي...بصراحه افتقدته بالشركه عصام طيب بس شكله ماادري شلون يلبس نظارات ماخذه نص وجهه ..كان دائما يسال عني واذا عندي شغل هوايه ياخذه مني وكولي راجعي عندج امتحان ..
قبل فتره المدير قرر ينقل قسم من الموظفين للفرع الثاني مال شركه بس اني كنت مستبعده من النقل بااعتباري بت عم استاذ عصام ووصل كادر جديد ٧ موظفين بنات حيل حلوات عددهم ٤ والباقي ولد سووى جو حلو للشركه ضحك وسوالف كان هذا الجو جديد عليه لان بطبيعتي مااختلط مع احد اتعرفت على بنبه اسمها ديمه حلوه حيل بيضه طويله شعرها لنهابه ضهرها تضحك وتسولف ضلت تحجي وبايه واني عرفتها على نفسي وكتلها اصير بت عم المسؤول عن هذا القسم استاذ عصام بس هو هسه مااخذ اجازه بيوم كنت هستوني راجعه من الكليه اتصل عليه عصام حيل فرحت بااتصاله..
هلو عصام شلونك الحمدلله على السلامه بشر شلونها العمليه مال عينك..
الحمد لله هباوي نجحت اويلي حيل تعبت وجع العين يموت انتوا شلونكم دوامج بالشركه شلونه .؟؟
الحمد لله المدير سوه حمله تنقلات بالموظفين بينا وبين الفرع الثاني واجوي موظفين جدد بنات وولد
اهااا..هو كان ناويها المدير همزين حتى الكل يشتغل نفس الشي مو قسم تتعب من الشغل وقسم كاعدين ومرتاحين مااعدهم اي عمل..
اي كلامك صحيح..شوكت داوم؟؟
بعد اسبوع ليش؟
والله مكانك خالي بالشركه وتعرف انت ماعندي اختلاط بااحد ولوتعرفت على بنيه اسمها ديمه حبابه وتظحك وتشاقى هوايه .
اها..الله يكثر من معارفج بس هباوي انتبهي لاتقوين علاقتج بااحد من غير متعرفي ..
لااكيد..اترخص اني مع السلامه..
سديت التلفون منه ..وبعد اسبوع كنت بالدوام مال الشركه وعندي كومه شغل وامتحان مقاريته زين سمعت صوت ...صباح الخير..
رفعت راسي شفت ولد عيونه عسلي شكله حلو لابس تيشر بصلي وبنطلون نيلي تفاجأت بي عصام سبحان الله النظاره كانت ظامه ملامح وجه كلها وهسه نازع النظاره ومسوي رجيم بسيط بس صاير حلو جسمه
صباح النور هلو عصام ضليت صافنه يعني معقوله هذا الوجهه كان مختفي جوه النظاره كعد يمي وشافني غركانه بالشغل وعندي امتحان خطيه اخذ قسم من الشغل حتى يكمله وكال عوفي الباقي واقري امتحانج
ظليت كاعده وعيني عليه شلون كاعد ويشتغل بكل اناقه اول مره اشوفه هيج اجتي ديمه سلم عليه كالت استاذ عصام شلونك الحمدلله على السلامه كان عدها شغل واجتي تسأله عليه ..هو كام وسلم عليها وظلت كاعده يمه تسوولف وتضحك كملت شغلي وبديت اقرا بس ابد مستوعبت شي من الامتحان احاول اركز بس مكدرت اخر شي كمت ابجي اجاني عصام سالني هباوي بيج شي ليش تبجين كتله الامتحان ماادري ليش مااكدر اركز واقرا عقلي مياخذ سألني على الماده كتله علوم ماليه خطيه ضل يشرحها الي ويحاول يلخص الماده الحفظ
ديمه كالتلي الماده سهله ليش متحفظين..جاوبتها ماادري
المهم كمل شرح وافتهمت حيل وجاوبت بالامتحان ..بليل اتصلت بي حتى اشكره بس ماادري ليش كلامه كان ثكيل حيل ويايه سديته منه ونمت..
ثاني يوم بالدوام احسه ضرب ميانه ويه ديمه سوالف وضحك واساسا ممعبرني بكلمه وحده ..حيل انقهرت والمصيبه من اشوف البنات يحجن ويايه وهاي الي دكول شلون شكل حلوه وهاي الي تكول شلون اناقه
حاولت اسأله كتله عصام انت ضايج مني اني سويت شي يضوجك
لا..ليش تكولين هيج
طبعا يتكلم ويايه وعيونه بالشغل ميباوع عليه .
لعد ليش متحجي ويايه مثل قبل
هباوي رايده شي عندي كومه فايلات اريد اراجعهن لازم ادققها
حيل انقهرت وحسبت الدمعه راح تنزل من عيني عفته ورجعت لمكاني ضلت ديمه تجي وتكعد يمه وتضحك وتسولف ومره طلبت منه ان يوصلها وهو رحب بالفكره
اني النار اشتعلت بيه معقوله احبه؟؟هو بوقت الي سافر اني حيل افتقدته ..حسيت نفسي وحدي ماعندي احد هو كان الوحيدالي يتكلم ويايه ويضحك ويسال عني ليش هيج تغير؟؟
ديمه قوت علاقتها بي طبه وطلعه حتى الشغل الي يخصها تجي تكمله بالمكتب مالته
جان اكو ولد بنفس الجامعه مالتي بس بغير كليه يشتغل بالطابق الاول للشركه من اصعد بالخط اشوفه يتكلم ويه السائق والولد زملائي الظاهر يعرفوهم وعلاقه صداقه بينهم ..
بيوم نزلت للكافتريا لان راسي كان حيل يوجعني ردت اشرب شاي وعصام نزل ويه ديمه للطابق الارضي بشغل واعتيادي هي( ال كيل فرند) مالته دخلت للكافتريا صحت على سجاد ولد صغير يشتغل بيها طلبت منه كوب شاي ..ظليت كاعده وصافنه على الشباك الى ان حسيت واحد يكول تفضلي هذا الشاي باوعت شفت نفس الولد بالطابق الاول سلم عليه وكال اني اسمي باقر اني بنفس الجامعه مالتج بس بكليه التربيه ..
وطلب ان يكعد كتله تفضل ظل يحجي كال اني دائما اشوفج بالجامعه انتي بااي كليه جاوبته بدون مااباوع
عليه كتله كليه اداره واقتصاد
كال اذا تحتاحين شي كولي احنا زملاء عمل ودراسه كان هوايه مهذب ردت اكوم شفت عصام وديمه دخلوا للكافتريا فبقيت احجي ويه باقر واابتسم الى ان اجاني عصام عاكد الحواجب ويباوع عليه..عصام..شوكت نزلتي جنت ادور عليح ..
فجاوبته قبل ربع ساعه اترخصت من باقر ورجعت لغرفتي ...دقائق واشوف عصام نار صاير...جان يتكلم بحديه ..
انتي اول تالي تنزلين للكافتريا مو دكولين استحي لان كولها موظفين؟؟
جاوبته صح كلامك بس الفضل يرجع ال ديمه شجعتني اختلط ويه الموظفين وثانيا ..جان راسي يوجعني نزلت اشرب شاي ..
ظل صافن عليه ..رجع لمكتبه ..
ايام ماكو كلام بينا وديمه مستمره بجياتها للغرفه بيوم سمعت كالت ال عصام ..حجيت ويه ابن خالتي وكال خلي يتفضل للمعرض علمود السياره شنو رائيك نروح اني وياك بعد الدوام.؟؟
رفعت راسي اباوع عليه شافني وكال ليش لا نطلع بعد الدوام اتفقوا بيناتهم واني كلبي اشتعل نار ..قبل نهايه الدوام شفت باقر سلم عليه وكال هبه اليوم صديقي اتصل عليه وكال الخط مالتكم عطلان ..شنو راىيج اخذج بطريقي للجامعه واني عندي طالبات اخذهن بطريقنا هن طالبات بغير جامعه؟؟
طبعا اجي وياك لان اتبهذل و مااعرف اصعد كيات ..
عصام..هبه انزلي راح يجي خطج بعد خمس دقائق ..
حجيت بدون مااباوع عليه كتله الخط مالتنه عطلان ميجي اليوم
لعد شلون تروحين للكليه اليوم؟؟
ظليت ساكته واباوع عليه مكتله باقر عرض عليه يوصلني واني والبنات و وافقت..
حجت ديمه من يمها اكو بنات بالطابق الاول باقر ياخذهن خط يوميه روحي وياهم اذا تحبين احجي ويه باقر..
هبه...لا ماكو داعي اني احجي ويا مشكوره
ياله عصام ابن خالتي منتظرنا خلي نروح قبل الازدحام..
ضليت اباوع عليه اتمنيت ميروح وياها وهو الي يوصلني لان ممتعوده اصعد ويه شخص غريب حتى لو اكو بنات ويانه بالسياره
عصام حظر نفسه ونزل ويه ديمه احس راسي من التفكير يوجعني اني ليش افكر بيه... خلي ولي هو وياها عساهم بالحرك..
احجي ويه نفسي وصايره عصبيه سمعت صوت عصام كال كومي اتأخرتي على الكليه خلي اوصلج
انت موطلعت ويه ديمه تروحون للمعرض ليش رجعت..؟
وشلون اطلع وتبقين انتي وحدج ولد غريب يوصلج ..اني غير مره اروح ويه ديمه للمعرض
يحجي ويركز على اسم ديمه عبالك طرشه ..
نزلت جوه كانوا الموظفين يطلعون نهايه دوام ومنتظرين خطوط النقل مالتهم شفت ديمه واكفه منتظره الخط مالتها ومنتزلت عينها من علينا..
سألت عصام بااستفزاز..ليش خربت طلعتكم ؟؟
ظل صافن عليه كال اعوضها ال دمدم غير مره واخذها للمعرض
دمدم منو؟؟
ديمه شبيج اسم الدلع مالتها..
هااا اسم الدلع ..عبالي اسم حيوان مفترس..
ضحك بصوت عالي واالطريق كله ساكت متكلم شي ..
اني افكر اكول ليش اتعصب من اشوفهم سوى..معقوله احبه واغار عليه.؟؟؟
لالا مستحيل بس اني تعودت عليه جان دائما يتكلم ويايه ويعرف شبيه حتى قرار التعين هو الي دخل وتكلم ويه سعد وجبره يوافق بااعتبار راح ادوام ويا وعينه عليه
بس الي مقيدي تحكم امهم بيهم وحياه ساره الي انتهت على ايد اخوه ثائر من رجعت من الخارج كانت حيل مريضه وحالتها صعبه الليل كوله تبجي نسألها ليش،متجاوب..
بس الحمد لله كرار رجع خطبها وسعد وافق ..وصلت للكليه وتشكرت منه ..
ثاني يوم كانت ساره مسويه فطائر حيل طيبه ساره نفسها طيب بالاكل اخذتهن وحظرت ترمز شاي من صار وقت الاستراحه بالشركه فرشت سفره صغيره على الميز وطلعت الفطائر خليتهن والترمز مال شاي دخل عصام ..كال هاي شنو..شكلها يخبلل اكيد عمتي تحبني..
كتله تعال اكل صبيت شاي ..جان تدخل ديمه وكالت عصام منذر وحيدر بالكافتريا ينتظروك ..معزومين على حساب منذر اني وانت وحيدر ورقيه..
عصام احذ كوب الشاي جان تكوله يمعود انزل جوه اشرب شاي..
حسيت راسي راح ينفجرمن النار الي صارت بيه ..ف عصام كالها اني هم معزوم هباوي عازمتني اتفضلي ويايه..
كالت لا عيني راح انزل جوه اطلب اشكال والالوان ..عزومه وبلاش راح تفوتك..بااي..
كملت كلامها ومنزلت عينها مني اني هنا حسيت نفسي ضاق واختنكت واحس روحي راح تطلع ..عصام ضل يسألني هبه شبيج وبهفي بوجهي الى ان كدرت اخذ نفس وطلعت الشهكه من صدري كتله ليش اني صير بيه هيج..ليش .احس الناس متريدني ارتاح ..اذا اكو شخص يقترب مني ويسال عليه تجي وحده ثانيه تاخذه مني
تدري اني جنت بحكم المخطوبه لاابن خالتي مهند..؟.والي طعن بيه اقرب الناس اليه اختي رنا..بمغمضه عين صار من نصيبها ..اني ممهتمه لان باعني ..بس صعبه اقرب شخص الك يغدر بيك..
ثائر الي حطم اختي ساره وكانت نهايتها قبل لتبدي وانتهت بالطلاك..
شفت بيك قساوه امك ورفضها النا كبنات ..ومن حسيت بيك تريدي وكلبي كام يصيح بااسمك ..طلعت ديمه على الساحه..زين ليش اني بالذات ..ظليت ابجي ومنهاره وصوت عالي. بس اتندمت حجيت مشكلتي ويه رنا لان ممهما يكون هاي اسرار بيت متطلع .... عصام اتوجه للباب سده واخذ كرسي وكعد مقابيلي وكال ..
اولا..ميحتاج كل هذا الانهيار الي انتي بي محد يستاهل دمعه من عيونج انتي..اغلي من الي حواليج..
دائما خلي يكون شعار بداخلج.انا. ثم انا ثم انا ثم انت..
ثانيا..اني من زمان سمعت بيج مخطوبه لمهند يعني خطبه نسوان ومن رنا اتزوجت مهند طلبت من ابويه يفتح موظوع الخطبه وكتله اني رايد هبه بس اكو اشياء قلبت الموازين زواج ثائر من ساره كنت اول الرافضين مو لان ساره متليق ب ثائر ..بالعكس بس الي اعرفه ثائر ميقدر الحياه الزوجيه وكنت هوايه اتصل بيه اوصيه على ساره ..ثائر دربه اعوج صح استقام وترك الشرب والسوالف المكسره بفضل ساره طبعا وهذا كلامه هو بس مو بعيد يرجعلهن...ثائر يرادله مره لسان تاخذ حقها بيدها وساره فقيره..والحمد لله راح تبدي حياه جديده بالرغم ثائر بالفتره الاخيره هوايه اتصل على ابويه حتى يرجع ساره بس اني مقبلت واعترضت على الشغله..
وثالثا..ياست هبه محد ياخذ قسمه الثاني ..الجوهره الثمنيه لازم الواحد يحاول وياها مره واثنين وثلاثه حتى يحصلها..وانتي جوهره ثمنيه ولاعبالج من كلتي مااريد ازوج قررت اتركج.؟؟لا بس الفضل ال ديمه خلتج تفتحين كلبج الي وتحجين ..
ابتسمت ونزلت راسي..
وبنهايه الاسبوع اجه عمي وعصام وخوالهم وعمي ستار وطلبوني من سعد وحصلت الموافقه وانقرت الفاتحه..
واجتي زوجه عمي للمره الثانيه على التوالي وهي مراضيه 🤗بس عصام اساسا كان عازل الطابق الثاني ومجهزه تجهيز كامل...وبحفله الخطوبه لبست فستان لون البيج وبقيت شعري مفتوح وطوق اكرستال عليه ومكياج بسيط لان عصام مقبل اخلي مكياج هوايه .
واجتي رنا صار اكثر من سنتين مشايفتها حظنتني وباستني بالرغم اني منسيت الي سوته بيه بس سلمت عليها حتى محد يلاحظ المشكله الي بيناتنا..والزمن كفيل بالنسيان ..والحمد لله ..الله عوضني بعصام والاهم من هذا حبيته من كل كلبي..🌷
رنا....الحمد لله اتخرجت واستلمت شهاده التخرج بيدي وتعينت
وللحكاية بقية ام مصطفى
ان شاء الله باجر نختم القصة
