#حب_في_ازقة_بغداد
للكاتبة ام مصطفى
البارت السادس والعشرين
من سمعت خالتي بكلام ايناس ظلت تبجي فااني كتلهاةخاله الرزق بيد الله هوايه ناس كانت نسبتهم ضعيفه وصار عدهم اطفال..
ايناس صارت الحاكم الناهي بالبيت وادئما تذكرنا بحبها للاطفال الي انحرمت منه ومهند حالته النفسيه تعبانه مرات يردها بالكلام ومرات يسكت وخالتي متحمله تصرفات ايناس لخاطر مهند...
كنت بالحديقه ارتب بالزرع شفت مهند سلم عليه وكعد بالحديقه بس يتصفن سألته شبيك..بس مرد عليه. راد يروح لبيته كتله مهند اكو مراكز مال اطفال الانابيب هوايه عمليات ناجحه سووها واذا متريد بغداد اكو مركز كولش ناجحه عملياته بااربيل اثناء كلامي خالتي اجتي يمنا وكالت ياريت ومهند رحب بالفكره وبدات مشوار العلاجات وكان متحمس حيل خالتي باعت قسم من الذهب الي عدها وانطت الفلوس ال مهند واني كنت مجمعه مليونين وسلمتها بيده بالبدايه مقبل ياخذهن بس كتله هذا دين ومن الله يرزقك رجعه ومهند كان مسوي سلفه قبضها اول واحد كل الي بالبيت شارك بجمع فلوس العمليه الا ايناس بالرغم هي راتبها مااشاء الله وذهبها خير من الله بس تحس المشكله متخصها تخص مهند واهله كملت فلوس العمليه وسوت ايناس الزرع وبعد ثلاثه اسابيع حللت طلع عدها حمل الكل باالبيت فرح واولهم اني وخالتي سوت ثواب لوجهه الله ومهند كان فرحان وعيونه تلمع من الفرحه..الدكتوره طلبت من ايناس تنام على ظهرها لمده شهر ومتحمل اي ثقل وووو..هوايه اشياء ..زاد الحمل عليه منا الكليه والدراسه واسوي اكل النا ولبيت مهند من غير الي اخليه بالمجمده وانظف بيتنا وبيت مهند..وايناس طلعتلي شغل من جوه الكاع ياالمطبخ يرادله جلف ياالسيراميك يرادله غسل والصاله تغسليها حتى تبرد لان الجوه حار
حيلل تعبت بحيث بليل اروح للفراش مثل الميت..بيوم كملت شغلي وصعدت لغرفتي اريد ادرس اندكت الباب فتحتها شفت مهند كبالي عيونه فاتحهن من الغضب وجهه احمر دخل وقفل الباب بعدني اريد اسأله شبيك كال هاي موصفحتج على الفيس جاوبته اي ضربني راجدي حيل بحيث وكعدت على الجربايه واجه سحلني من شعري ..مهند شبيك تخبلت هد شعري واجه ضربني راجدي واثنين وتلاثه بحيث مااكدر احمي وجهي منه واخر شي ضربني على خشمي حسيت خشمي ينزف دم يحجي ويكول ليش سويتي هيج ..لج انتي مرتي كدام الناس اكو وحده تحجي ويه شاب بنص الليل وتكول هذا الكلام
كل الضرب الي انظربته بصفحه ومن كال هذا الكلام بصفحه ثانيه
باوعت على المراسله اني اتكلم ويه ولد كلام غزل وصور ابا.....يه ساعه ٢بليل
كلت ال مهند اني رنا مو غير وحده وتتهمني مثل هذا الاتهام احجي ويا وخشمي ينزف دم وينزل على وجههي امسحه باايدي لان ماامكدر اخذ كنينس بعيدعني الميز شكل بشع ومقرف ....ومع هذا كتله انت تعرف هاي المراسله مو الي اقسم بالله العظيم وداعت ابني اني مااعرف ولد بهذا الاسم حتى بالكليه ماعندي علاقه بااي ولد لا زماله ولا اي شي
هوايه مواقف مرت وماادري منو الي يحاول يشوه سمعتي اذا انت تخاف من الله اريد تعرف وتلزم ولو خيط يدلك منو الي كاعد يلعب بااعصابي وكعت بالكاع وضليت ابجي واني ضامه وجهي باايدي ..
كعد على الجربايه ضام راسه بيده ولج اني هم ممصدك بس هاي الصفحه مالتج وهذا الكلام اعوذ بالله لج ممصدك بس الي تشوفه عيني صعب اكذبه
اريد ايد الله وايدك اذا سمع سعد بهذا الحجي يمكن يدفني حيه حاول تعرف الصفحه المن دور وشوف
مهند..طلعت من رنا واني مكسور لااكدر اصدك ولا اكدر اكذب ضربتها كسرتها من نار كلبي صعب اشوف هيج محادثه غزل وهي على ذمتي بس لازم اعرف الحقيقه
رجعت للصفحه ورحت على ولد صديقي يعرف شلون يفتها بالبدايه مكدر يعرف شي عنها بس بعدي
طلعت الصفحه بيها رقم اخذت الرقم من الولد وسويت بحث عنه طلع اسمه حيدر محمد..
بالبدايه معرفت هذا منو بس بعدين عرفته هذا ابن عم ايناس وطالب ويه رنا بالكليه بس ابدا ممتكلمه عليه ..هذا جابه على رنا ..رجعت للبيت لكيت رنا بالمطبخ بعدني اريد احجي وياها اجتي امي كالتلي اطلع بره يحرم عليك هذا البيت واني بالوجود ولك تشك برنا؟برناوي ؟ رنا تربايه ايدي يامهند رنا الي من عقدت عليها الى اليوم حجاب متنزعه من شعرها رنا عباده وقران وصلاه يامصخم تسوي بيها هيج ظلت امي تلوم بيه وتحجي كتلها يوم بروح المرحوم بس اصبري عليه والله الا اخذ حقها بيدي تعالي رنا اريد احجي وياج
دخلت للاستقبال ودخلت هي ..شتريد مهند مابيه حيل احجي كلها ضدي اقرب الناس عليه ابن خالتي وعم ابني يتهمني ويشك بااخلاقي مضل بيه حيل الكفخات من كل جانت مااعرف المن التفت ظليت ابجي واجه مهند كعد يمي سألني كال شنو علاقتج بحيدر محمد؟؟ اني ظليت صافنه كتله ويايه بالكليه هوايه تعرضلي بمواقف والمشكله كان يعرف عن حياتي كولشي حتى طبيعه العقد الي بيني وبينك يعرفه قدمت شكوى للعميد مال الكليه بعدم التعرض وبعدها ابتعد عني ردت اكول الخالتي بس صارت شغله ايناس والحمل والتهيت وكلت ماطول ابتعد عني ماكو داعي اكول المهند بس اذا عادها اجي اكولك
زين حيدر شلون يعرف عنج كولشي وعن حياتج منو الحاجي اله؟؟
هنا اني سكتت ظليت بس صافنه عليه وكولشي محجيت كلت بكلبي كنو غير مرتك المصون
ليش ساكته احجي؟؟
لساني دائما اخرس والي يريد يفهم من عيوني بكيفه بعد عفته وطلعت صعدت بغرفتي بعدها بدقاىق سمعت صوت عياط مهند وايناس اتمنيت يردعها ويوكفها عند حدودها نزلت جوه اكمل شغلي دخلت ايناس تصيح رنا موعبالج ماادري بسوالفج انتي وحيدر الكليه كلها تعرف بعلاقتكم وطباتكم وطلعاتكم سوى لصيرين شريفه براسي وانتي كايله الحيدر مهند موبعيني ومستحيل يصير زوج اليه ومتفقه ويا بعد التخرج تزوجون خالتي صافنه عليها وكالتلها ايناس اتقي الله انتي حامل كلام الجذب والتأويل يطلع بيج وابنج عيب عليج رنا ماعدها هاي السوالف
لاعيني عدها روحي شوفي المراسله مالتها بينها وبين حيدر ولج وحده مثلج طم روحها بالتراب
بدون مااباوع عليها جبت القران الي خالتي جانت تقرا بي على القنفه وخليته كدامها
كتلها احلفي انتي محاجيه ال حيدر عن حياتي ولا كايلتله زواجي من مهند بس علل الاورق احلفي واني مستعده بهل اللحظه اطلع من البيت وبعد متشوفيني
وضلت صافنة علية بحقد وكالت مو اني الاحلف احترمي نفسج رنا وامشي عدل احسلج كتله القران خصيم بيني وبينج وانشاالله يضهر الحق مهند ..صار كلشي كدامي مثل الحلم
حيدر ابن عم ايناس وايناس تعرف كلش زين علاقتي برنا ليش هيج اتسوي معقولة تحجي لابن عمه هي اكول مواني ورنا اكول مواني بسيطة ...اني اعرف الحقيقة وين اتفقت وية ولد ٣اصدقائي كتلهم عندي ولد اطلبه ١٥ مليون وهسة نكرهن علية الولد اصدقائي يعرفوني مافتري على احد وكالو عدعيناك شتريد؟؟
اريدكم تاخذوا كروه هو عدنه سباره تاكسي لمنطقه.......وهناك اجبره يوقع على كمبياله وبعدين تصير الشغله سهله بس اقدمها للشرطه واخذ حقي..الولد وافقوا بس طلبوا ان مااستعمل سلاح مجرد اجبره على التوقيع بس واحد بيهم يعرف الشغله وشلون اريد استجوبه نفسه الي طلعيلي رقم الصفحه ..اتفقنا على يوم التنفيذ ..والولد اخذوا كروا لمكان وهناك وكفوا واخذوا سويج السياره واجيت اني تشكرت منهم وراحوا..
بقى صديقي الي يعرف بالسالفه
جبت كيبل ربطته بي وصديقي ساعدني بالبدايه ضربته بوكس على وجه ودفرات على بطنه الى ان سال الدم من وخشمه وحلكه .المنطقه كانت عباره عن محلات تصليح للسيارات والساعه ١٠ بليل وكولها معزله ..كتله كول الي عندك بسرعه وبدون لف ولا دوران شنو علاقتك برنا وهاي المحادثه شنو سالفتها وانت منين تعرف رنا..
بالبدايه نكر بس من كمت اضرب بي كالي ايناس حجت عليها وكالت مهند عاقد عليها ورنا وياك بالكليه ابالبدايه حاولت وياها ومنطتني مجال حتى سلام ماكو بيناتنه ايناس كالت سوي صفحه بااسمها وصورتها وسوي محادثه ودزها المهند حتى يطلكها ويصفالك الجوه وياها بالبدايه مقبلت بس اني الصدوك حبيت رنا ..
هو كال حبيت رنا وانطيته بوكس على بطنه وظليت ادفر بي بعدين كتله كمل ..
كال سويت الصفحه ورسلتها الك وتركتها وغلقت السيم كارت وراها بيومين فتحته ونسيت اني مسوي الصفحه على الرقم وانت عرفتها والله مازودت بالكلام بس رنا حبيتها وردت ازوجها واعرف كولش زين انت ماخذ ايناس بت عمي ومستحيل ايناس تخلي وحده تشاركها بزوجها.
كتله شوف هالمره سماح وراح افوتها الك بس والله اذا نعادت او تعرضت ال رنا بالكليه طلقه واخليها براسك واذا تحاول تبلغ الشرطه روح بلغ ....٧ من اصدقائي راح يشهدون اني سهران وياهم يعني متكدر تلزم عليه شي ومن غير هذا اخلي جماعتي هلمره ينهوك سمعتني لولا...
دخلت للبيت لكيت ايناس كاعده بدون مااسلم عليها كتلها ليش ايناس ليش تشوهين سمعه البنيه هاي تاليتها تحجين لاابن عمج حيدريسوي صفحه حتى يشوه سمعه رنا ؟
ليش متخافين من الله ضليت اصيح وهي تنكر وكالت حيدر يريد يتقدملها واني كتله مهند ميقبل لان عدها طفل ..كتلها ليش تجذبين ضربتها ب اجدي قوي واني لازمها من شعرها لج حيدر سولفلي كولشي لج انتي ماعندج غيره ماعندج شرف وضربتها ب راجدي ثاني شنو الي سوته رنا بحيث تكريها وتحقدين عليها وتشوهين سمعتها
مكنت اكدر اأذيها لان حامل ومنتظر الطفل بفارغ الصبر ..
شوفي لج تولين بيت اهلج بعد مااشوفج ومن تجيبن اخذ ابني منج بسيطه ياايناس اذا مااامشيج عدل اني مو مهند ظلت تصيح وراحت لبيت اهلها ..للقير وبئس المصير
عدت ايام وكنت احسب ال حملها يوم يوم هسه هي دخلت بالشهر الثالث
هي ماخذه اجازه من الدوام اتمنى الايام تعدي بسرعه ويجني طفل ولد او بنيه ..امير مالي عليه حياتي بس يبقى ابن اخويه اتمنى الله يرزقني طفل واحد عسى مابعدها ميصير عندي غيره مو مشكله هو وامير بالدنيا كولها..
بعد ايام اتصل عليه اخو ايناس يريدني اجي للبيت حتى نحل المشكله ترددت بالبدايه اروح بس لازم اواجهه ايناس كدام اهلها حتى يعرفون تصرفات بتهم رحت لبيتهم وانفتح الموضوع وايناس نكرت كولشي واخوها كال هاي غيره نسوان وطالبوا مني اطلك رنا بااعتبار زواجي منها متام بحجه بنيه ليش،خالها على ذمتك وهم تخلص من المشاكل حاولت اكولهم اهلها ياخذوها وننحرم من امير بس كان هذا شرطهم الوحيد وايناس كانت تهدد اذا مطلكت تحلم تشوف ابني والقانون ينصفني
طلعت من البيت روحي بخشمي رجعت لكيت رنا بالحديقه وامير كاعد يمها يلعب ركض عليه وهو يصيح بابا..احلى كلمه يتمنى الانسان يسمعها.....حظنته وشميته ياروح وكلب ابوك بعد عمري وحياتي ظليت شايله وابوس بي والعب ويا.صاير نسخه من احمد الله يرحمه صدوك لو كالوا الخلف مامات....رنا سألتني ايناس مرجعت ؟؟
لا. متقبل نرجع شرطها هي واهلها لازم اطلك الظاهر متفقين وياها
نزلت راسي حقها مهند ايناس تحبك وتغار عليك وراح يصير عدكم طفل تريد تحس بعائله انت مسؤول عليها تريدك الها وال ابنها وهذا من حقها متكون مسؤليتك جبيره هم زوجتك وابنك وهم مرت اخوك وابنه
ثاني شي خالتي والحمد لله ممخليتني محتاجه واني ان شاالله راح اتخرج واتعين واكيد انت متقصراذا احتاجيتك بيوم
فطلك افضل الك وخلي موضوع الطلاك بيناتنا محد يدري حتى خالتي ..هو اساسا الزواج حبر على ورق والطلاك هم راح يكون هيج بعد ليش الناس تعرف ..؟؟؟
نزلت راسي كتلها والله يارنا مااعرف شكولج جنت حاير شلون افتج الموظوع وياج صدكيني انت وامير..بعدني ممكمل كلامي..
كالت روح ابن خالتي لتتهتم شوف نفسك كافي حملناك فوك طاقتك صدك ايناس لان تحبك وتغار عليك تريدك الها وحدها وهذا حقها وان شاالله يوم الي تجيب ولد اخ ال اموري
اسعى بالطلاك وبالنسبه الي حااللتك واهبتك..روح ابن خالتي بطريقك وحافظ على عائلتك..واتمنى الك كل للسعاده يارب
وللحكاية بقية ام مصطفى
