#حب_في_ازقة_بغداد
للكاتبة ام مصطفى
البارت الثاني والعشرون
اكو موظفه ويانا جديده بالتعين اسمها ايناس
حلو وانيقة ماكانت الي علاقة بيه قوية على كد السلام مرات من يسالوها اجاوب وتضل اتباوع علية واني من اشوفه انزل راسي بيوم من الايام اتصل بيه رقم غريب جاوبت طلعت ايناس سألتني اذا تكدر تاخذ اجازة سنة بدون راتب يحق الها لو لا بااعتبارها تعين جديد جاوبتها على شروط تقديم الاجازه واخذني الكلام وياها ضلينة نتواصل على الموبايل كل يوم تقربيا لساعات متاخره من الليل الى ان فاتحتها بلموضوع وكلتلها اني معجب بيج وهي هم ابدت اعجابها وكالت حتى سؤالي عن الاجازه كان بصراحه سبب حتى اتكلم وياك
ظلت علاقتي ب ايناس تقريبا سته اشهر ..حبيتها او التجأت الها بحاله هروب من نفسي حتى احب اي فتاه وابتعد عن الجو الي اني بي
امير كبر ومتعلق بي من يشوفني يضل يبجي الا اشيله واحظنه يسكت ورنا حيل انقهر عليها واكول هاي حياتها شلون راح تقضيها ..صح امي وياها بس بعدين شلون.مرات اشوفها صافنه ومرات تحجي ويه نفسها بصوت عالي بس كلام ممفهوم الله يكون بعونها ..دائما من تصير رنا وامير كدامي اذكر الحلم الي حلمته بااحمد الله يرحمه..ياربي هذا يتيم ساعدني مااكدر اكسر بخاطره لاهو ولا امه. ان شاالله اكدر اربي وماااقصر ويا .
ساره... كنت اتكلم ويه منتهى وجانت حيل ضايجه زوجه كرار متعاركه ويه كرار تريد تسوي طفل انابيب ..
ساره..شكو بيها لازم يفرح على الاقل يصير عنده طفل يغير حياته ويملى عليه البيت بلعبه وضحكته
منتهى..ياطفل الله يخليج هي بعدها بطور العلاج وعلاجها يطول هوايه مبايضها بعدها صغيره اني بنفسي اخذتها للدكتوره وشافتها
وهاي الدكتوره مالتها تكول اسويلج طفل انابيب وتكلف ٧ ملايين من غير الغحوصات الي راح تسويها يعني تضحك عليها الدكتوره لو عدها قابيله على الحمل كان صارعدها ..وكرار يكولها ماعندي هذا المبلغ جوه ايده بس ٣ ملايين تعرفين ابويه وعلاجه هوايه واكل خاص بس هي متخبله واني مااعرف شسوي..
ساره..منتهى راح اكولج على شي بس عليج الله وافقي ولتفشيلني
منتهى..شنو الموضوع ساره.؟؟لست..قلبي...يا..قلب..ان..لم..تنسى.وتعيش...على..ذكراه...وتبقى...
فالجرح...الم..بي...
والغدر....وما..يخفى..
عشق..حب....تفاني...
كنت...احيا..
فحرقتني..بنيران..الذل..فصبرا..
اني...انا...وانا..سأكون..صُلبى..
فقلبي...ادميته...وجعلت..فيه..
بركان...يدمى..
لست..قلبي..اذن....ما..دام..اسمه
يروى...
ذكراه...في.بقايا..الروح....
والروح..اليه..منفى...
سأاابقى..وابقى..اعاني..دهرا..
فلا..قدره...لي..بنسيانك..
وجزء..منك..بداخلي...يُربى..
شوفي منتهى عندي فلوس ضامتهن والله ممحتاجتهن حاليا راح اخذمنهن ٧ ملايين وانطيها الج وانتي سلميها الكرار بس كولي سويت سلفه او اداينتهن ولتكولين مني
..ساره كرار مستحيل يقبل وهو يعرف ضرفي المادي موزين لااني عندي ولا زوجي ولو عندي هذا المبلغ على الاقل اشتري مكينه ماا خياط زينه بدل هاي العندي تشلع الكلب..
اذا تردين مكينه من باجر احلى مكينه بيك ياسوك توصل المنتهى بس انتي اخذي الفلوس
..زين اخاف يسال زوجي على الفلوس؟ ..مااكدر ساره فدوه خليها الفلوس تفيدج
الله عليج لتفشليني بس كوليله سويت سلفه وداينت بدون علم احد وخلي يسوي طفل انابيب صدكيني هذا الطفل راح يسعدهم اثنينهم وراح نشوفين حياتهم شلون تستقر من يكون عدهم طفل ..انتي متفرحين اذا اخوج يصير عنده طفل يصيحلج .عمه؟
المشكله مو بالطفل كرار خالها على الله سبحانه وتعالى هو يدري اساسا من البدايه عدها ضعف واحسن دكتوره اخذها بس هي الله يسلمها متلتزم بالعلاج ويوميه دكتوره شكل وادويه اي واحد يكولها على عنوان واسم دكتوره تلح على كرار هسه تاخذني الها روحي شوفي الثلاجه والكاونترات عباره عن صيدليه ومن يريد يودي ابويه للدكتور ضل تحجي تكوله الفلوس تفيدنا ليش تودي هو نفس الدوا جيبه من الصيدليه وانطيه اله لو الا علاج جديد وكشفيه جديده ومن اكولك اني صيح ماعندي..
هسه عوفي هذا الكلام واخذي الفلوس وان شاالله كولشي يتغير
اخذت منتهى الفلوس وانطتها ال كىرا على اساس مسويه سلفه ومداينه من صديقتها وهو خطيه كالها بس استلم سلفه بعد اسبوعين اقسطها الج كنت فرحانه بداخلي لان ساعدت كرار واتمنى يصير عنده طفل حتى زوجته تستقر وشويه تعتني بيهم
تقريبا بعد اسبوع اتصلت عليه منتهى كالت اسماء سوت العمليه يم دكتورتها وراحت لبيت اهلها لان لازم تنام على ظهرها حتى يثبت التلقيح مالتها ويتأكدون من الحمل خلال هاي الفتره منتهى تروح وتجي على بيت اهلها ظل ساعتين ثلاث ساعات وترجع اني مرات اسوي سوب خالي من الدهن وادز على منتهى تاخذه لاابوها لان متلحك خطيه تنظف وتطبخ بيت عيالها وبعدين تجي هم تنظف وتسوي اكل ال ابوها من غير شغل الخياط... ومرات تطلب مني اسوي كبه وادزها الها تخليها بالمجمده تكول حتى كرار ميظل جوعان يطلع وياكل..يارب ارزق كرار الذريه الصالحه
منتهي اتصلت عليه كالت اني بيت اهلي تعالي بسرعه ابويه واكع من القنفه ومااكدر اشيله وحدي جانت تبجي وتصيح كلت امي واجيت بسرعه اني وامي رفعنا ابو كرار خطيه على الجربايه اني ومنتهى من كتفه وامي من رجله ..والحمد لله صايره الوكعه مالته على فراش بالكاع الظاهر رايد شي وماكو احد يمه واتحرك وكع.. الله يساعده رجال جبير بالعمر يحتاج احد يعتني بي خاصه من كرار يبات بالدوام .. وبقت منتهى تنظف بالهول وشيل الاغراض الواكعه بالكاع طلبت من امي ابقى شويه ويه منتهى حتى اساعدها وارجع بسرعه امي وافقت وطلعت لان تدري كرار بالدوام ويبات هناك بس كالت لتتأخرين اخاف يجي سعد من وكت
ظليت ويه منتهى نظف البيت وسوت اكل الاابوها واني اساعدها كلتلها روحي غسلي ملابس ابوج واني اكمل الاكل راحت هي واني واكفه على الطباخ سمعت صوت ورايه..منو انتي وشسوين بيتي.. ؟؟سعد...كل فتره تاخذني الذكريات للحب الاول او الحب الي انخدعت بي ...ندى ..اروح بسيارتي لمنطقتهم اضل صافن على بيتهم هوابه اشوفها بيت اهلها الظاهر مزوجه قريب منهم....طفيت السياره وطلعت باكيت جكاير اريد ادخن واحجي ويه روحي الى متى اضل اجي برجلي للباعتني. وغدرت بيه؟؟ليش مااشوف حياتي مثلها وازوج ويصير عندي عائله..شنو الناقصني....الحمد لله بيت وسياره وشغل بالمعمل من غير مكتب الحاسبات ..بعدني اتكلم ويه روحي انفتحت الباب وطلعت جنها الشمس حلوه واضحكتها على وجهه بس مع الاسف انسانه ماديه ..شايله بيدها ابنها وياها اثنين بنات مااعرفهن..
شغلت السياره وطلعت من المنطقه نزلت بكافتريا اشرب شاي لان احس راسي راح يطك...وروحي احسها مختنكه...كعدت على ميز وامامي جان كروب مال بنات ولد ثلاث بنات وثلاث ولد يمكن طلاب جامعه وحده منهم عازله نفسها ..عنهم بس بنفس الميز كاعدين والبقيه واحد بصف الثاني ..ضليت اشرب شاي وعيني عليهم يضحكون وصوتهم كان عالي ..الكافتريا قليل ناس بيها لهذا ماخذين راحتهم الى ان وحده من البنات تكلمت بصوت مسموع تعالي يمنه ليش عازله روحج...؟ساعه ونطلع.شبيج كلبتي وجهج ..والولد الي بصفها يكولها عوفيها هسه تتعود علينا ..سمعت صوت عبالك هاي البنيه اعرفها بس مشفت وجهه لان الولد كدامي واابنات ضهرهن عليه..كالت راح اروح اخذ تكسي وحدي والله اتاخرت اخاف امي تحجي عليه..وصديقاتها يضحكن ووحده منهن كالت انتي الراس الشارع متعرفين تروحين النوب تاخذين تكسي انتظري ساعه ونروح كلنا .
البنيه دارت وجهه وشفتها..
هاي رند..بت خالتي..
هاي جابها هنا؟؟
وليش كاعده ويه ذني البنات ..
صرت اعصاب نار ..ضربت الميز وكفت جريتها من ايدها..
شدسوين..هنا رررند؟؟؟ ..رند...عمري..ماالتقيت بصديقه ولا عندي صداقه ويه بنيه حتى من كنت بالمدرسه مجرد زماله طبعي مو اجتماعيه .صديقتي المفضله والي بمثابه اختي هبه بت خالتي..
هبه كانت متأثره بااختها ساره حيل وتسمع كلامها ومتبعه كل نصائحها وبالتالي كانت توجهني وتعلمني على اشياء اني مااعرفها او اجهلها.الي اعرفه مهند يحب هبه بس الي صار قلب كل الموازين مهند ازوج رنا بلمح البصر شلون ؟؟
ماادري..ومن اسأل امي تصيح بي وتكولي شغلهةمتخصج..
هبه قطعت علاقتها بيه باصعب المراحل الي احتاجها مرحله الجامعه ..هوايه بنات هناك واني مثل عادتي مااختلط بااحد..
عندي خط ويايه بنات تقريبا بنفس منطقتنا على بعد شارعين ..المشكله الخط دائما لو يعطل لو ميجي تعب اعصابنا واني مااعرف ارجع وحدي واكثر من مره طلبت من مهند يغير الخط مالتي يكول اي وينسى ..صارت طلعاتي ويه البنات الي بنفس منطقتنا حنين وبيداء مجاملات حيل يحبن الضحك والشقه اني اظطر اجي وياهن لان ماادبرها وحدي ارجع من للكليه..
بيوم طلعنا نتظر الخط واتصل على بنيه زمليتنا كال مااكدر اجي السياره عطلانه ..اجتي بيداء وكالت راح ناخذ تكسي اني وحنين تجين ويانه لولا..؟اني بسرعه كتلها اي ياريت مااعرف ارجع وحدي..بس حنين كالت راح نشرب عصير بالكافتريا على الطريق منتأخر ونرجع ..نص ساعه مو اكثر..وافقت من غبائي وطلعنا .نزلنا بمنطقه اول مره اشوفها ودخلنا للكافتريا ..طلبت بيداء عصير وجانت تضحك كالت اليوم رند معزومه على حسابي هاي اول مره تجي وجانت حنين تتكلم بالموبايل وعينها على الباب الى ان دخلوا ثلاث شباب سلموا على حنين وبيداء واني صافنه عليهم..حتى مرديت السلام..
كعدوا سويه على الميز واني احس نفسي صرت نار ماادري شلون اتصرف ...عزلت كرسي بيعد عنهم وجان اكو شاب وياهم حيل حقير ضوجني بكلامه وحنين وبيداء نسن نفسهن ضحك وشقه واني اعصابي انهارت اريد ارجع للبيت صار صوتهم عالي وكلامهم مزعج حيل..بيداء كالت هسه ساعه ونرجع شبيج انخبصتي ..الى ان سمعت صوت ولد كال رند..شفت سعد ابن خالتي كدامي..سالني شعندج هنا..
حيل فرحت من شفته ...جرني من ايدي حيل طلب مني نطلع بسرعه مشيت ويا وصعدت بالسياره جان يندار عليه .وهو عصبي وعيونه نار ..سألني هاي منو الولد الي كاعده وياهم ؟؟وهذني البنات منين تعرفيهن..
جاوبته وكتله خط مالتي مااجه اليوم وحده منهن كالت راح ناخذ تكسي ونرجع بس نشرب عصير بالكافتريا والله ماادري راح يجون وياهم ولد..
ظل سعد يصيح عليه ويغلط ثوله وغبيه شلون تكعدين وياهم والطريق كله اني ابجي وهو يرزل
اخر شي كال تعلمي شلون تختارين صديقات بيهن خير ..وصلنا للبيت ونزل ..
سعد..اذا احد سالج كولي شفت سعد قريب من الكليه وصلني بطريقه..واني راح ادخل اسلم على خالتي ورنا واشوف اموري..
رند..فتحت الباب وصحت على امي ورنا يووم رنا..اجه سعد...
وللحكاية بقية ام مصطفى
