قوة توأم

part 11

part 11
فى صباح يوم جديد استيقظت نتالى وكان جسدها يؤلمها وبشدة جلست قليلا على السرير ثم شعرت بتساقط بعض الدماء من انفها قلبت عيناها بملل ثم قامت من على سريرها واغتسلت ونزلت للاسفل ومر اليوم دون جديد ختى جلء لها اتصال من سلمان وكان الجميع مجتمع
نتالى: عايز ايه يا سلمان... فى حد تانى عايزنى اروحله ولا ايه
سلمان: عايز بنتى
نتالى: بنتك!!... اااه بنتك فى جيبى استنى اناديهالك
سلمان: ماتستعبطيش بنتى معاكى
نتالى: ومين قالك ان شاء الله
سلمان: الحرس
نتالى: يااااا... هنا افتكروا انهم يقولولك اخيراا.... المهم انها عندى اه والجن الازرق مش هايعرف مكانها وانسى بنتك دى... انساها.. لان كده باخد حق اختى وانا وانت كده متساويين
سلمان: والله ماهرحمك وخاليكى تشوفى جحيم على الارض
نتالى: اعلى مافى خيلك اركبوا... مش بيهمنى
واغلقت الهاتف دون كلمة اخرى
سيف:وبعد كده هانعمل ايه بقى....انا شايف القضية دى طولنا فيها اوووى
نتالى:قريب ان شاء الله قريب هانخلصها
سيف:انا شايف ان احنا نريح نفسنا تسلمى الشرطة الورق اللى معاكى ده ومع شهادة من اللى اتقبض عليهم وخلاص
نتالى بغضب:اللى انا بقوله يتنفش وبس
وقامت وتركتهم
سيف:هاموت واعرف انتوا فى دماغكوا اييييه
نتاشا:موضوع خاص بينا وعايزين نخلصه وقريب هاتعرفوا عن اذنكوا
وبعد ذهابها
حازم:انا مش فاهم حاجة
سيف:ولا انا
ومرت الايام دون جديد وبتخطيط من نتالى لا يعلمه احد وكان الم نتالى يزداد كل يوم ختى علم الجميع بامر نزيف انفها وتعب جسدها وكم قالوا لها ان تذهب للاطمئنان عن حالها ولكن دون جدوى وكل يوم يزيد حب حازم لنتاشا وحب سيف لنتالى وعلموا انهم بالفعل احبوهم وليس مجرد انجذاب لشخصياتهم
وفى يوم من الايام
كان الجميع موجودين حتى سمعوا صوت شخص يدخل وهو يقول:اهليييييين باللى مش بيسالوا
كانت نتالى تمسك كتاب تقرا فيه وشاردة لم تسمع الصوت
بينما نتاشا حينما استمعت للصوت حتى ذهبت للفتاة ودخلت باحضانها وقالت:جوجووووووووو......وحشتينى اوووى
جنى:حياتى وحشتينى اكتر
نتاشا بمزاح:اومال ابو صلاح فين طفشتيه
صلاح:وهى تقدر
نتاشا: والله وليك واحشة يا راجل
صلاح: راجل!!!.... تربيته نعمل ايه بقى
وهمت نتاشا باحتضانه وقالت: اومال الزفت فين
...: الزفت موجود اهو
نتاشا: اجوووووو... حبيب قلبى... مختفى فين
يوسف: موجود
نتاشا: يبقى صلاح نزلك الشغل
يوسف: اه يا اختى اااه... ياريتنى مانزلت
صلاح: بتقول حاجة
يوسف: بقول الشغل ده جميييل اووى وخرجنى من مودى خااالص
نتاشا: لا والله
يوسف: اه والله..... هى نتالى فين
نتاشا: هناك.... ايه ده هى ماقامتش يعنى
يوسف: اروح اخضها... استعنها على الشقى بالله
نتاشا: بلاش
لم يستمع لها يوسف وذهب باتجاه نتالى بحذر وجلس امامها واخذ الكتاب فجاة وقال بصوت عالى: عووووووو
سحبت منه الكتاب وقالت: بطل هبل
قم انزلته مرة اخرى بصدمة وقالت: يخربيتك جيت امتى
يوسف: بقالى ساعة واقف وانت مش واخدة بالك
فنظرت للجهة الجانبية رات الباقى وذهب وقامت باحتضانهم
نتالى:فهد... رعد... شذا.... دول صلاح وجنا
فهد: صلاح وجنى مين؟!!!
نتاشا: انكل صلا يا اخينا
رعد: انكل صلااااااح
وقاموا بالتسليم والاحضان
شذا: بس انتوا بتنادوهم باساميهم عادى كده
يوسف بفخر: تربيتى
رعد: اه باين عليها تربية و
يوسف: تؤتؤ كده ماينفعش ماتشتمش لو سمحت
فهد: لا اصيل يلا
نتالى: اتفضلوا اقعدوا البيت بتكوا طبعا
وجلس الجميع وتعرفت عائلة الرافعى مع صلاح وجنى ويوسف
يوسف: انتاشاااا
:......
يوسف: نتاشاااااا
نتاشا: نعم عايز ايه
يوسف: عايز اعمل حاجة مجنونة
نتاشا: زي
يوسف: اجرى وراكى زى زمان مثلا
نتاشا: انسى
يوسف: واى
نتاشا: عشان اخرتها وقعة فى البيسين انا عارفة
يوسف: مانا بوقعك وبنط وراكى
نتاشا: بردو لا
يوسف: ماااااشى.... ماشى يا نتاشا هاتشوفى
نتاشا: ماشى خلينى اشوف
وبعد قليل فجاة قال يوسف بصوت عالى لنتاشا: فااار تحتيك
قفزت نتاشا برعب وجرت سريعا بعيد عن مكانها وقالت فين ده فين
ظل يضحك وعلمت انه مقلب منه جرت اليه بغضب وقالت والله لاوريك وظلوا يجروا خلف بعضهم البعض حتى اوقعها يوسف فى البيسين
يوسف: مش قولتلك هاعملها
نتاشا: طب انزل بقى
بوسف وهو يخرج لها لسانها: لا
فشدت رجله واسقطته فى البيسين
يوسف: يا متخلفة
نتاشا: مانا مش هاتبل لوحدى يعنى
يوسف: القميص باااظ... انت بقى اللى هاتكويه
نتاشا: اعمل حاجتك لنفسك يا ابا
يوسف: بت احترمى نفسك
نتاشا: مالكش دعوة
يوسف: طالعة لمين بس ياربى
صلاح: ماهى تربيتك يا ابو الكباتن هاتكون عايزاها ازاى
يوسف: صح انا غلطان انى علمتك حاجة اصلا امشى من وشى
نتاشا: نسيت القواعد ولا ايه هههههههههه
يوسف: لا يا اختى مانستهاش
نتاشا: واااااو انا اللى كسبت التحدى هاهاهاهاها
يوسف: تحدى ايه ده
نتاشا: القاعدى التانية يا استاذ نستها
يوسف: دانت فاكرة كلو بقى
نتاشا: اممممممم اومال
يوسف: كسبتينى المرادى بس انا اللى هابقى كسبان دايما
نتاشا: هانشوف
يوسف بهمس سمعه الجميع: فعلا التلميذ يغلب استاذه
وصعدوا الاقنين وبدلوا ملابسهم بينما كان حازم يستشيط غضبا من هذا لكى تكون معه لذلك الحد وتمرح معه هكذا وصار البوم كما كل يوم
وفى يوم من الايام تجمع سيف وحازم ونتالى ونتاشا معا
نتالى: طبعا زى مانتوا عارفين ان زياد هرب من السجن
سيف بغضب طفيف: ومين زياد ده اصلا وكان عايز منك ايه
نتالى ببرود: موضوع وهاحكيه بعدين
حازم: بس مش زياد ده لقوا جثتوا فى السجن
نتالى: هرب بخدعة وحطوا جثة تانية فى زنزالته بس كانت مشوهة عشان كده ماتعرفو عليها وقالوا انو مات لانها فى الزنزانه بتاعته
حازم: وعرفتى منين
نتالى: كنت مخلية الرجالة يراقبوا جميع مخارج السجن وعرفت انو ملعوب عمل اكنه مات انما هو هرب وغير اسمه لمايكل عشان ماحدش يعرفوا ويبقى معروف فى السوق انو مايكل
نتاشا: والعمل؟
نتالى: دلوقتى انا براقبه وشايفة كل تحركاته
نتاشا: وسلمان
نتالى: انت بتراقبيه ولغاية دلوقتى مافيش شحن وسكوته مش مطمنى اكيد بيعمل مخطط كبير....المشكلة انو مش بيتكلم خالص فى حكاية بنتو دى اكنو نساها
نتاشا:ماتنسيش ان سلمان مكار ويقدر يعمل اى حاجة
نتالى:مش عليا
نتاشا: ممكن يستهدف فرد من العيلة لانه اكيد متابع اخبارك بعد ماعرف ان انت خاطفة بنتو
نتالى: بردو مش هايقدر يعمل حاجة
نتاشا بصوت منخفض سمعه حازم وسيف: جبروووت
امسكت نتالى هاتفها وقامت باتصال على شخص ما وقالت: اسهم المنفاوى تقع واغلقت دون سماع رد
سيف: واحنا هانعمل ايه باسهم المنفاوى ايه اللى هايحصل لما تقع غير انو يعلن افلاسه
نتالى: قرصة ودن بسيطة بس اكملت بحقد: خو مش متخيل انا ممكن اعمل فيه اى
حازم: طب انا عايز اعرف انتوا بتكرهوا سلمان اوووى كده ليه
قامت نتالى دون كلام وذهبت للخارج وجلست على ارجيحة بالحديقة
سيف: نتاشا... ردى قولى حاجة.... احنا تيم ولازم نساعد بعض
نتاشا: اسفة ماقدرش وخرجت جلست مع الجميع
عند نتالى
شردت بذكرياتها الى يوم الحادث
"" "" "" "" "" "" "" "" "" "" "" "
فلاش باااك
استيقظت نتاشا ورات انها فى المستشفى ودخل اليها صلاح
نتاشا: انكل.... ماما وبابا ونتالى فين
صلاح: نتالى كويسة فى الاوضة اللى جنبك
نتاشا: وماما وبابا
ابتلع ريقة بصعوبة ثم قال: البقاء لله
نتاشا: مستحيل هما قالوا انهم هايفضلوا معانا اكيد مامشوش صح
صلاح: بصى يا نتاشا دا قداء وقدر ربنا صح.... يبقى لازم نؤمن بيه.... وكمان انا حاسس ان الحادثة مدبرة لان باباكى ليه اعداء ماينفعش تتضعفى ولازم تواجهيهم وتجيبى حق ابوكى
نتاشا بدموع: بس انا عايزة بابى
صلاح: خلاص يا ستى انا النهاردة بابى اوكى
نتاشا ومازالت الدموع تنهدر من عينيها: اوكى
صلاح: تعالى بقى عشان نروح لنتالى
وبالفعل ذهبوا الى نتالى راؤها جالسة على السرير تنظر للقراغ ولا تتحدث فقط صامته وحتى لا يوجد دموع با عينها
نتاشا: نتالى
التفت اليها نتالى سريعا والقت نفسها فى احضانها وبكت فى صمت
دخل الطبيب وطلب محادثة صلاح فرافقه للخارج
صلاح: خير يا دكتور
الطبيب: نتالى اتعرضت لصدمة عصبية شديدة ادى عندها انها تفقد النطق وده لفترة مؤقتة ونفسيتها تحت الصفر فلازم معاها دكتور نفسى
صلاح: بس نتالى مش بتقبل اى حاجة بسهولة
الطبيب: ده الحل الوحيد اللى نقدر نخليها تتكلم.... او ممكن مثلا نعملها صدمة تانية عشان النطق يرجعلها
صلاح: خلاص تمام يا دكتور... شكرا ليك
الطبيب: لا شكر على واجب
فى الداخل
نتاشا: نتالى..... خليكى معايا
اومات لها نتالى براسها
نتاشا: انت مش بتتكلمر
اومات لها لا
نتاشا: طب حاول تتكلمى ارجوكى مش هاقدر اقعد معاكى كده
ولكن لا حياة لمن تنادى
دخل صلاح وقال: نتالى فى دكتور هايجليك عشان يكشف عليكى ويخليكى تتكلمى
اومات نتالى بخوف لا
صلاح: عشان خاطرى يا نتالى
لكن نتالى لا تجيب واكنها اتخذت القرار ولن ترجع عنه
مر شهرين نتالى تجلس فى غرفتها تاكل وتشرب القليل ولا تتحدث ورفضت الطبيب النفسى
وفجاة يدخل عليها يوسف مهرورا ويقول: نتالى... الحقى نتاشا عملت حادثة
قفزت نتالى من مكانها وهى تصرخ باسم نتاشا باعلى صوتها
فدخلت نتاشا وقالت: اخيرا اتكلمتى
نتالى: انت كويسة
نتاشا بضحك: اه دا كان ملعوب الدكتور قاله عشان تتكلمى
نتالى: والله مانا سيباكى وقعتى قلبى
واخذت بالركض وراءها وسعد صلاح لرؤيته نتالى تتحدث وتخرج من حالة الحزن التى بها
باااااك
§§§§§§§§§§§§§§§
مسحت نتالى تلك الدمعة الحارقة على وجنتها
ثم رات حازم وسيف يجلسون على الرجيخة التى امامها
سيف: نتالى
نتالى: افندم
سيف: ممكن تحكيلنا
نتالى: احكيلكوا ايه بالظبط
سيف: سر عداوتك مع سلمان
نتالى: موضوع ما يخصكش
حازم: يا نتالى احنا عايزين نساعدك انت ونتاشا
نتالى: واحنا مش محتاجين مساعدة
سيف: ارجوكى قولى احنا عابزين نساعدكم وبعدين مش احنا المفروض تيم مع بعض لازم تحكى
انفجرت نتالى فيهم قائلة
******************
ياترى نتالى هاتقولهم ايه؟
ونتالى ناوية تعمل ايه مع زياد وسلمان؟؟

اسفة اوووووووى على التاخير هو شوية مشاغل وهاحاول ان شاء الله انزل بدرى شوية وما اتاخرش بس لو سمحتم ارجوكم تفاااعل عشان اكمل لانى لو لاقيت التفاعل مش حلو مش هاكمل الرواية يلا الدعم يا شباب فوت وكومنت بقى مش صعبة
دمتم سالمين 👋♡♡