Unicode Version
ရဝေချမ်း၏ ပထမဆုံးစာသင်ရက်တွင် ခန့်မင်းနောင်က သူ၏ဘာသာရပ်တစ်ခုချင်းစီအပေါ် အာရုံဝင်စားမှုနှင့် တတ်မြောက်ခြင်းကို စစ်ဆေးခဲ့သည်။ ထို့နောက်တွင် ရဝေချမ်း၏ရလဒ်ကို သေချာမှတ်သားကာ ဘယ်ဘာသာတွင် ဘယ်လိုပို၍တွန်းအားပေးသင့်သည်ဟူသော အစီအစဥ်အချို့ကို အကြမ်းချမှတ်လိုက်သည်။
ပထမဆုံးရက်ကတော့ ပြင်းပြင်းထန်ထန်မလုပ်ခိုင်းဘဲ ပုံမှန်Definition တချို့ကိုသာ ဖတ်ခိုင်း၊မှတ်ခိုင်းခဲ့သည်။ ရဝေချမ်းကလည်း စာလုပ်သည့်အချိန်တွင် သေချာအာရုံစိုက်သဖြင့် ခန့်မင်းနောင်အတွက် ဘာမှစိတ်အနှောင့်အယှက်မရှိဘဲ သင်နိုင်သည်။
သူတို့စာသင်နေစဥ် ဇေယျာချမ်းက ရေဘူးဖြစ်စေ၊ စားစရာတစ်ခုခုဖြစ်စေ ယူလာပေးလေ့ရှိပြီး စကားတစ်ခွန်းမှမပြောဘဲ ယူလာသမျှကို ချပေးပြီးသည်နှင့် အခန်းထဲမှထွက်သွားသည်သာ။
ယခုလည်း ဇေယျာချမ်းက အသီးပန်းကန်လေးကိုင်ကာ ရဝေချမ်း၏ အခန်းထဲသို့ ပျင်းတိပျင်းလျော့ပုံစံဖြင့် ဝင်လာလေသည်။ သူရောက်လာချိန်တွင် ရဝေချမ်းနှင့်ခန့်မင်းနောင်က သင်္ချာပုဒ်စာတစ်ပုဒ်ကို အတူဖြေရှင်းနေကြချိန်ဖြစ်သည်။
"အမေကပို့ခိုင်းလိုက်တာ။ ရော့"
ဇေယျာချမ်းသည် အသီးပန်းကန်ကို ရဝေချမ်းအား ကမ်းပေးလိုက်ပြီး ချက်ချင်းပင် အခန်းထဲကထွက်သွားရန်ပြင်သည်။ ထွက်မသွားခင် အငြိမ်မနေနိုင်သော သူ၏ဗီဇကြောင့် ကြမ်းပြင်ပေါ်တွင် တင်ပုလ္လင်ချိတ်ကာ ထိုင်နေသော ရဝေချမ်း၏တင်ပါးကို ခြေမနှင့်ခပ်ကြမ်းကြမ်းတို့ထိသွားသေးသည်။ ယားယံမှုကြောင့် တွန့်လိမ်သွားသော ရဝေချမ်း၏ပုံစံကိုမြင်သောအခါ ခန့်မင်းနောင်နှင့်ဇေယျာချမ်းတို့က မထိန်းနိုင်တော့ဘဲ အူလှိုက်သည်းလှိုက်ရယ်မောမိကြသည်။
ရဝေချမ်းကတော့ ဇေယျာချမ်းအား မြင်ပြင်းကပ်စွာ မျက်စောင်းနာနာထိုးလိုက်သည်။ ထို့နောက် စာအုပ်ကိုစိုက်ကြည့်နေပြီး ကိုယ့်စာကိုသာအာရုံစိုက်နေဟန်ပြုပြီး ခန့်မင်းနောင်ကိုပါ စိတ်ဆိုးချင်ယောင်ဆောင်နေလေသည်။
KAMU SEDANG MEMBACA
Falling In Love With the Most Admired Person
Romansaကိုယ္ေလးစားရတဲ့လူတစ္ေယာက္ကိုခ်စ္မိသြားမယ္လို႔ ေတြးဖူးၾကလား.... စိတ္ကူးနဲ႔တင္ယုတၲိမတန္ခ်င္စရာပါ။ ဒါေပမယ့္အဲ့လိုယုတၲိမတန္တာကကြၽန္ေတာ့္ဆီမွာ တကယ္ျဖစ္လာေနၿပီ!!!!!!!! ကိုယ်လေးစားရတဲ့လူတစ်ယောက်ကိုချစ်မိသွားလိမ့်မယ်လို့ တွေးဖူးကြလား..... စိတ်ကူးနဲ့တင်ယုတ္တ...
