One Direction - إتجاه واحد

شهرة ون دي الجامدة جدا

'لك ان تتخيل ان الباند اللي بتحبه بيكسب فانز بقاله 3 سنين وهو مش موجود أصلًا

تخيلت... طب كويس ارجعلي هنا

ممكن بقي تتخيل معايا كمية الفانز اللي هتدخل جديد عالفاندوم واللي هترجع مع رجوع الباند دا... تخيلت... طب ارجعلي مرة كمان ، نحلل الكلام اللي اتقال بقي

دلوقتي ون دايركشن فباند انفصلوا من 2016 واخر اغنية عملوها كانت history ذي ما احنا عارفين...

. بعدها بفترة ممكن تتجاوز الشهور الفاندوم انقسم لاغلبية فضلت تدعم ون دي وجزء صغير جدًا شاف ان انفثالهم يعني انتهاء الفرقة وساب الفاندوم... * مشاغل حياة بقي *

لكن انفصالهم مش معناه ان محدش بقي بيسمع الأغاني بتاعتهم ويحبها ويدخل الفاندوم ويتصدم لما يعرف إنهم انفصلوا..

. لكن المعظم برضو بيكمل فالفاندوم علي أمل أنهم يرجعوا واقلية هي اللي بتخرج عشان بتكون عاوزة تفاعل مع الايدولز

ميعرفوش ان الفاندوم لوحده أصلًا كفاية عشان يخلينا نحبهم.. انا واحدة من الناس اللي حبي زاد لون دايركشن من الدايركشنرز..... ناس عسلية أصلاً

الفاندوم بقي كبير جداً برغم ان الفرقة اللي الفاندوم معمول علشانها مش موجودة أصلاً انتو متخيلين يعني ايه احنا بندعمهم وبنخلي حاجات تخصهم تريند علي تويتر لوقت ممكن نقول عليه طويل وهما اصلا مش موجودين فالوقت دا

ذي اللي حصل مع 1000without1D مش فاكرة كان مكتوب ازاي بصراحة.... بس اهو من الامثلة دي

دا الجزء الاول .

الجزء التاني لما يرجع الباند... مع زين... او من غيره.... لما يرجعوا ك ون دايركشن دي هتفرق جدًا مع الفاندوم واللي سابوا الفاندوم هيرجعوا.... مش بين يوم وليلة طبعًا لكن اقدر اقول من موقعي هذا رجوع ون دي هيقلب الصحف والمجلات الكام خبر اللي الناس بتتكلم فيهم اليومين دول هيتلغوا.

واكاد اقسم أنهم راجعين بمفاجأة كبيرة للفانز بتوعهم.... * ييجوا مصر مثلا 😉* لا بهزر اكيد مش هييجوا.... مفاجئة كليرة معناها ان مثلا هيعلنوا رجوعهم مع صدور ألبوم جديد وتور جديد.... او هيعملوا فيلم تاني.... طب اغنية حتي يعلنوا بيها رجوعهم..... من الآخر الفاندوم وبرا الفاندوم هيبقي فوضي بس .

احنا فاندوم كبير وبنكبر كل يوم حتي مع عدم وجود فرقتنا أصلاً .... الهدف من البوست دا اني كنت عاوزة اتكلم علي قد ايه هما ناجحين حتي لو مش موجودين.... حوالي 94 اغنية كفاية اوي إنها تحبب الناس فيهم وتخليهم يتابعوهم حتي من غير ما يعرفوا حاجة عنهم

ورسالة لزين.... البوست بتاعك مش مريحني وبفكر فيه من ساعتها..... بس كدا 😂😂

#Mariem Hosam. آل دايركشن