انا بكره الفنان فلان الفلاني... صوته وحش... مش طايق أشوفه.. انا بعمل توياس تدل إني بكرهه وعامل جروب للناس اللي مش بتحبه... دا فيه كذا وكذا وكذا .. بلا بلا بلا ... وفي نفس ذات اللحظة يقولك لا للتنمر
طب حضرتك ك إنسان عاقل ليس جماد لا يفهم شيئ أنت لما توصل لشخص فكرة إنك مش بتحبه ... هتستفاد إيه .هتكسب الياناصيب اللي ابو جتمبول كسبها مثلاً ...ولا هتروح ناخد الفلوس بتاعت مستر سلطع كلها
مش هتستفاد حاجة... هتقولي هبقي ارتحت... حلو الراحة مهمة برضو ...بس انت جبت الراحة لنفسك مقابل إنك هدمت واحد تاني لمجرد إنك قولتله أنت وحش.. او انا مش بحبك ... صوتك وحش... هو وحش ماشي وفيه عِبر الدنيا... بس مش من حقك تقوله كدا
يعني مش من حقك تعبر عن رأيك ؟ ... لا طبعاً حقك ... واللي يقولك غير كدا يبقي متخلف... بس علي الأقل قوله بطريقة لائقة ولبقة... ماهو مش معقول هييجي واحد من حيث لا تعلم ويقولك أنت وحش وانا كدا بعبر عن رأيي فيك وهتقوله شكراً كنت محتاج رأيك
الرأي لما يكون هدام وغير بناء يبقي تحتفظ بيه لنفسك فقط... كل واحد عنده مشاكل قد كدا ومش محتاج حد ييجي يزيد عليه شيئ سلبي...حتي لو داشخص مشهور علفكرا.... يعني مثلاً مثلاً اللي حصل مع ليام..... انا مش بفكركم بالموضوع بس دا أقرب حاجة فكراها دلوقتي
لو أنت مش بتحب الشخص دا رحت الحفلة بتاعته ليه ماكنت ممكن تتجاهل الكام دقيقة دول وادخل لما اللي بعده يدخل يغني ولا يعمل اي حاجة
ولو أنت فاهم إن عشان هو مشهور وغني والناس تعرفه يبقي معندوش مشاكل وبتاع يبقي غلطان... غلطان وبس
او مثلاً نوع تاني من الناس اللي يلاقيك بتحب مثلاً زين... وبعدين يقولك زين دا شخص غلس ومش بحبه وصوته وحش وعامل تاتوز كتير وشكله وحش وأخلاقه مش حلوة.... دا مش بعيد يقولك انه بيكرهه هشان مش بيتكلم موزامبيقي مثلاً او عشان مش حافظ الهاكونا متاتا
والمصيبة إنك تحاول تقنعه بعكس كدا بكل ما لديك من قوة ومش بعيد النقاش يتحول ل خناقة و في الأخر محدش يطلع كسبان والاتنين اتعكنن عليهم وخلاص... بس دا برضو ميمنعش إن تقول رأيك بطريقة محترمة غير جارحة للي قدامك سواء كان من الفانز أو الشخص نفسه
ودا يشمل احترام رغبات الايدول سواء كان بتحبه او مش بتحبه او حتي غير مهتم بيه ... يعني متجيش لحد بيحب سام سميث وتشتمه... ماشي أنا معاك وانا اكيد مش بني آدم كامل ف هقول إني مش بحبه... بس دا مش معناه إني لو شوفت حد منزل صورته.. أشتمه واشتم اللي منزل الصورة واللي عاملين كومنتس عالصورة واللي صوره أصلا واشتم الكاميرا اللي أخدت الصورة وأفضل اتريق عليه وبعدين أروح شاتمة صاحب الصورة تاني... طب وليه الأذى دا مانا ممكن اتجاهلها وخلاص من غير تعب لنفسي ولا ل غيري
اللي قصدي اقوله إن محدش يستحق تقوله عيوبه ف وشه... حتي لو هو عارفها... أنت كدا غالباً عامل ذي واحد بيقول لشخص تاني اي دا انت معندكش شعر.... اللي هو... انت عبيط ماهو اكيد عارف أن معندوش شعر
بس ... مش عارفة ايه مناسبة الكلام دا بس حسيت إني عاوزة اقوله حتي لو مش موجه لحد اعرفه او حد فالجروب بس أنا من كام يوم لما فكرت ف موضوع ليام وكدا ...لقيتني لازم أقول الكلمتين دول لحد وإلا هفرقع
رغي كتيررر
أنت تقرأ
One Direction - إتجاه واحد
Randomكتاب يناقش موضوعات ربما ستشغل تفكير أحد ما الكتاب عن فرقة One Direction 💙💙
