اقروها بإحساس وأسلوب ساخر في الاجوبة
س. ج
انتو بتحبوا ون دايركشن عشان شكلهم
= معلش
ون دايركشن بتقلد ناس تانية
=معلش
صوتهم مش حلو
=معلش
فرقة وحشة ومش ناجحة
=معلششش
الدليل علي كدا إنهم اتفركشوا ومكملوش مع بعض
=ااا معلش
هاري عامل ذي البنات
=معلش
لوي ولا معرفش اسمه ايه دا وحش
=معلش يكوكو
واعضاء فرقتكم مش محترمين عشان بيخلفوا من غير ما يتجوزوا
=او ام جي.. معلش
زين أرتاح عشان طلع من الفرقة
=ههه معلش
بيعرف يفكر
=اه طبعاً معلش
أنتِ باردة اوي هو كل حاجة معلش معلش... دا يثبت إنك مش لاقية تبرير لكل الحاجات دي مما يثبت إني صح وكل حاجة قلتها علي فرقتكم صح
طبعاً ... اولا عاوزة أقولك حاجة مختلفة.... معلش
ثانياً ودا الأهم ... احنا مش بنحب ون دايركشن عشان شكلهم... احنا مش هنسمع شكلهم - ودا الرد التقليدي -
ولو بنحبهم عشان شكلهم ليه الاغاني بتاعتهم تاخد جوايز قد كدا ومش عارفة رقم واحد فكاام بلد.... ماحنا بنحبهم عشان شكلهم بقي.... شكلهم هينجحهم ؟! طب ما في مليون حد شكله حلو... و ما شاء الله يعني في منهم 100 بس ناجحين ومعروفين والناس بتحبهم وباقي المليون شكلهم حلو برضو ومعروفين بس مش كتير بيحبهم...
لو عشان شكلهم كان زمانهم كانوا فرقة محلية بنات بلدهم بس هما اللي حبوهم - عشااان شكلهم - مش كل العالم حبهم ولاد وبنات....
ون دايركشن بتقلد فرق تانية ؟! اه صح صح انا مش عارفة احنا بنحبها ليه الفرقة دي وهي بتقلد الناس... احنا ناس وحشين اوي يجماعة لازم نعلق المشنقة لنفسنا
وكمثال جميل لتقليد ون دايركشن للفرق الاخري والانجح منهم... تقليدهم ل بوي باند...
ون دايركشن صوتهم مش حلو... طبعاً مش حلو دول حتي مكسبوش فالبرنامج اللي كانوا مشتركين فيه لا وإيه لولا إن الحكم خلاهم ففرقة واحدة كان زمانهم سابوا البرنامج ومكملوش فيه خالص ....هما صحيح مكسبوش برنامج بس كسبوا ملايين الناس بيحبوهم ويدعموهم.... تقدر حضرت جنابك تقولي اللي كسب فالموسم بتاعهم فين دلوقتي.. اه صح مش موجود... مع إني فاكرة إن شكله كان حلو برضو
ون دايركشن فرقة فاشلة ومش ناجحة... معلوم معلون بدليل الجوايز ال قد كدا اللي اخدوها عشان 5 ألبومات بس... فضلوا خمس سنين واخدوا جوايز بالهبل... عادي عادي. .اصلهم فشلة شوية فشلة مكملوش تعليمهم
اتفوكشوا ؟ دي تتقال ل اتنين مخطوبين فركشوا مع بعض اول إمبارح... اسمها اخدوا بريك برييييك بريييييييك.... وكل واحد ناجح جدًا دلوقتي... يعني حتي مسابوش فرصة تقولهم أنتو نجحتوا بس عشان انتو فرقة مع بعضكم
هاري ذي البنات ؟ مش احسن ما يبقي عامل ذي الدينصورات اللي بتسأل السؤال
واي كمان قولتلي مش محترمين وبيخلفوا من غير ما يتجوزوا ولاري وزاري واستغفر الله ؟ معلش يا قلبي دا عشان البيئة بتاعتهم مسموح فيها الكلام دا اتربوا علي كدا علي عكس العادات والتقاليد بتاعتك... ولو مش عاوز تركز فالحتة دي متركزش اتس اوكييي
لوي وحش ؟ دي يرد عليها اللوي جيرلز... اللي انا منهم بس هما هيعرفوا يردوا احسن مني
تعديل *
دا رد بنت من لوي جيرلز
***** Ana Louis girl w momken 2rod kwis 2wy
اللي بيقولوا عليه وحش ده قمر كفاية عينيه اللي بيتغير لونها على حسب المكان اللي هو فيه و الjow line الفظيع بتاعه
صوته وحش؟؟ هو فعلا معلش لان لو وحش مكنش هيلاقي نجاح بره الباند
قليل الادب؟ ده هو اللي بيدافع عننا و ديماً بيشجعنا
لوي كان اقرب واحد لمامته و بيحبها بجنون و لما ماتت هو اتكسر بس رجع تاني و قدر يكمل... لما اخته ماتت وقع شوية و قام تاني
ده واحد عنده قوة مش طبيعية انه يكمل
الشاطر اللي بيتكلم عليه معداش بنص ظروفه ديه ف ياريت ميتكلمش ******
ودا رد بنت تانية من لوي جيرلز
*******لوي وحش؟ مش قلت أنهم مشهورين عشان شكلهم حلو؟؟،أني واي إحنا ما بنسمعش وجه عشان عندنا ثقافة و ذوق حلو يا عيوني قصدي ي#*+%@ والفرق بين ذوقنا وذوقك هو أنه عندنا واحد 🙂 *مش عليكي برضه بس تحمست و نفسي في خناقه ☺️* ******
ونحب نشكر الللوي جيلز علي قصف الجبهات العظيم دا
زين بيعرف يفكر عشان ساب الفرقة.... طبعاً هو حد قالك إن أعضاء ون دايركشن ذيك... ماهو أكيد لازم يعرفوا يفكروا بني أدمين بقي بعيد عنك
وأخيراً عزيزي المتسائل.... ممكن أفهم بما إنك بتكرههم... ليه مركز معاهم... اصل فالحالة دي ميبقاش أسمه كره يبقي اسمها حاجة تاتية
انا أعرف اللي بيكره حد وشايفه مش ناجح وفاشل بيتجاهله... مش بيدور ف تاريخه بالمنظر دا
إلا اذا كانت دي غيرة اوعي يكوكو تكون غيرة اصلك كدا بتثبت نجاحهم
تييك كير يور سيلف
هو طبعاً البوست دا مش لأي حد من الجروب بس حسيتني عاوزة أنزله والسلام.... عاوزة حد اتخانق معاااه فقولت اخانق نفسي
أنت تقرأ
One Direction - إتجاه واحد
Acakكتاب يناقش موضوعات ربما ستشغل تفكير أحد ما الكتاب عن فرقة One Direction 💙💙
