كلاكيت تاني مرة نزلته الصبح ومسحته ومن بليل أصلاً بفكر انزله ولا لا
هتكلم فموضوع مهم... بجد كونه هيفيد او يقنع ولو حد واحد دا بالنسبالي حاجة كبيره واللي عنده اعتراض علي كلامي يناقشني ويمكن انت اللي تقنعني.... البنات بالذات
العلاقات بتاعت البويز... عارفين الشعور دا اللي هو انا فانز بحب فلان الفلاني مش عاوزة حد يقربله... التملك الغيرة سموها براحتكو
انا عارفة الموضوع دا وجربته كتير بس فأول حبي ومعرفتي بـ ون دايركشن... الأول تخيلوا اني كنت بغير وبتضايق حتي لو في حد عارف عنهم معلومات اكتر مني او سمعت بنت بتقول إنها بتحب هاري ... او. او. او. بقي طبقوا علي دا كتير بس دلوقتي بقيت لا...
حسيت أن ايه الهبل الطفولي اللي انا بعمله دا... نتكلم بمنطقية. ..
ومش هقول ذي الناس اللي ميعرفوش حاجة وأقول هو هييجي يتجوزك يعني.... لا هو مش هييجي يتجوزني ولا يعرفني أساسا ولا هيعرفني ارتحتي هديتي اسكتي بقي - معلش بس الموضوع حارقني اوي لسة بنتي اول إمبارح قايلاهولي بس لقيت بنت بتحب اكسو عرفت تظبطها يعني -
المهم... انا لما بدأت أعرف ون دايركشن كفرقة بجد واتعرف علي شخصياتهم وبقيت واحدة بجد من الفاندوم دا حتة الغيرة من البنات التانين ( الفانز يعني) راحت .... اللي هو دا حاجة عادية اوي أصلاً هما فرقة عالمية.... دا طبيعي جدا إنه يحصل بس.. بس... بس متخليش مشاعرك تنجرف اوي اوي ورا حاجة
من الناحية اللي بعدها بقي.... غيرة - معظم - الفانز البنات من حبيبات البويز.... لوي و إلينور مثلاً .... هو انا كوني بحب ال relationship اللي بينهم كنت فاكرة الفاندوم كله كدا بس لقيت في ناس بتقول عكس كدا... طب حرفياً ( البنت اللي قالت كدا انا بجد آسفة اني مخدتش اذنك بس الموضوع طلع فدماغي فجآة لو مش عاجبك همسحه فلحظة)
حرفياً قالت إنها مش بتطيق الينور احم وعاوزة تولع فيها وتبقي هي حبيبة لوي
طيب مبدئيا الغلبانة إلينور ذنبها ايه ولو اني مش هعارضك فدي براحتك يعني
حبيبة لوي بقي... وجملة إلينور الشهيرة لما قالت لا تتوقفوا عن الأحلام وان هي كانت فانز للبويز وبقت حبيبة لوي ... انا مش عكس كدا ورأيي اصلا مش هيأثر بس هقوله
ايوة الأحلام الكبيرة حاجة حلوة... معروفة دي
بس في حاجة اسمها نحلم علي قدنا... يعني مش تبقي قاعدة ففصل المدرسة وتقولي انا بحلم أطلع القمر بعد يومين يااه لو دا يحصل... دا مش تشبيه حرفي بس في شبه من موضوع لوي شوية
كماان
لوي بيحب الينور ولو افترضنا إنه ما قابلهاش اصلا ومش بيحبها يبقي هنضيع الورقة دي خلاص
نعتبر الينور مش موجودة للحظة
لحظات بس نتخيل كيفية حدوث الموضوع... ..... الفكرة اصلا مش عاوزة تيجي معايا لو عندكوا افكار اقترحوا اهو نستفاد
البوست دا بجد جابلي صداع ‘مش عارفة أجمع الكلام حساني تايهة فالنص ومش عارفة اقول رأيي فكلمات
طيب احنا مش المفروض نتضايق بالمرة من موضوع هاري ارتبط بـ مش عارفة مين مثلا ... - لو كنا بنكرهها دا موضوع تاني - بس... ياللهوي مش عارفة اتنيل اكتب حاجة لما حطيت نفسي فنفس الموقف بالنسبة لهاري وكاميل.... بس برضو ارجع وافكر إن لو هاري قرر إنه يرتبط بيها هدعمه فدا.... اكيد هو عارف مصلحته اكيد هو مش بيعبث كدا وخلاص... وأكيد حرقة دمي مش هتفيدني بحاجة
مثلا لما نايل ارتبط بهايلي.... انا اتصدمت اه وبقيت مش عارفة استوعب الموضوع بس فنفس اليوم لقيتهم كيوت مع بعض... طب شوية صراحة... نايل كيوت فخلاها كيوت معاه
اي حاجة هيعملوها هما باقتناع هوافق عليها باقتناع لو ارتبطوا بمين ولو حبوا مين ماهو اصل دا مش اختيار بالذات مع إلينور وجيجي و لوي وزين
العلاقة بينهم طويلة وقوية... إذا كان موضوع فريدي مفرقش بين لوي والينور
جماعة لو سمحتوا حافظوا علي مشاعركم دي عشان ممكن تنجرف وتتحول بعدها لكره وحقد ولو اتحولت لكدا انتو اللي هتتعبوا بجد الكره إحساس صعب اوي بياخد طاقة وتفكير غير طبيعي من الإنسان ... مقولتش حبها ماهو الكره مش عكس الحب بس تقبل الأمر الواقع... نحلم ماشي بس نفكر نفسنا إن في ارض واقع حاصل عليها كذا وكذا وكذا ومش احنا اللي هنغيره
انا أسفة تاني طولت وصدعتكوا بالكلام اللي مش مترتب بس انا نفسي متشوشة ومش عارفة أجمعه بطريقة أحسن... اللي وصل لهنا يعني عارفة إنكم سبتوا البوست من النص من الملل
أنت تقرأ
One Direction - إتجاه واحد
Randomكتاب يناقش موضوعات ربما ستشغل تفكير أحد ما الكتاب عن فرقة One Direction 💙💙
