طيب عاوزة اتكلم فحاجة ومحدش يتضايق
ماهو أصل مش مني إنك بتحب أيدول معين ومتابع اسلوب حياته ومعجب بالأسلوب دا يبقي تقلده.... هو فبيئة واحنا فبيئة تاني خالص... بغض النظر عن الديانة هي ايه لأنها حاليا مش بتفرق المجتمع اللي هما فيه هو اللي بيخليهم يتطبعوا بكدا
يعني مثلاً مش عشان هو بشرب خمرة وانا بنحبه يبقي نقلده ماهو احنا بنحبه والكلام دا مش لكل الناس عشان انا عارفة ان في ناس كتير عارفين الكلام دا كله
ومش معني أننا مش فاهمين حاجة معينة... يعني مثلا انا داخلة الفاندوم جديد ومش فاهمة يعني ايه لاري مكابرش بقي واروح اعمل سيرش ولو كلمة مفهمتهاش اعمل عنها سيرش وادخل فحاجات كبيرة وممكن يكون معظمها غلط
ودا يدخلنا فموضوع تاني .... مثلاً عندنا هاري بيدعم المثلية... واحنا بنحبه... بس احنا مش مجبرين نحب اللي هو بيحبه وندعمه ماهو احنا مش هنتمثل بيه هو مش ملاك دا بني ادم وغلطان يمكن اكتر مننا مش معني أننا بنحبه يبقي تدافع عنه حتي فالغلط ياعم سيبك من الغلط ندافع عنه حتي فالحاجة الحرام لا وندعمها طب ليه... ايه اللي يجبرنا علي كدا والدين حتي بيقول لا... وهقول تاتي بغض النظر عن اي هو الدين لا كله بيقول لا
يعني مثلاً زين مالي جسمه وشوم والدين الاسلامي بيقول ان دا غلط يعني اخواتنا المسلمين مينفعش يعملوا كدا ويرسموا علي جسمهم.... يعني مش عشان بحبه يبقي اقلده
وهاري وليام ولوي ونايل وكلهم بيشربوا بيرة وخمرة ونبيذ والدين المسيحي مانع الحاحات دي يعني اخواتنا المسيحيين مينفعش يشربوها حرام ...ولا المسلمين حتي...
وبيشتموا اهو دي حاجة بسيطة لكنها غلط برضو وحرام .... انا مش جاية احلل واحرم صدقوني لا بس انا الموضوع دا زاد عن حده حبتين فحبيت اتكلم فيه وذي مانتوا عارفين انا معرفش اقعد وفي كلام محشور فزوري
وحاجة كمان بالله عليكم..... دلوقتي في بنات عرب... اااه مش عارفة اجيبها ازاي بس بيتكلموا عن لاري بطريقة جريئة شويتين كدا.... انا اتضايقت واللي ضايقني اكتر إني اعرف البنت دي معرفش صاحبتها بس أعرفها فياريت يجماعة نحافظ علي لسانا وأفكارنا.... انا عارفة في ناس هتتضايق من الكلام دا وتقولي أنتي مالك بس أنتو مالي وصحابي وأكيد هبقي عاوزة صحابي فأحسن حالة
وتاني بقول الكلام مش لكل الناس ومحدش ياخد الكلام علي نفسه ومحدش يزعل من صراحتي
أنت تقرأ
One Direction - إتجاه واحد
Randomكتاب يناقش موضوعات ربما ستشغل تفكير أحد ما الكتاب عن فرقة One Direction 💙💙
