البنات اللي مش بتحب إلينور... إحم انا مش هقول ذي الناس الحافظة مش فاهمة اللي بيقولوا هو أنتِ هتتجوزيه يعني هو عارفك هو هيحبك يعني لو سابها
لا بالعكس أنا عارفة إنك بتحبي لوي ومحترمة دا جداً لأني أنا كمان بحبه.... بس نتكلم بالعقل... كرهك ليها لا هيقدم ولا هيأخر .... كرهك ليها هيبني سوداوية فقلبك انتي بس... هو مش هيتأثر وهي مش هتتأثر ( بغض النظر إن في ناس ممكن تاخد خطوة وتنشر الحاجات دي... خليها بعدين الحكاية دي)
بفرض إنهم مش هيتأثروا بكرهك ليها... دلوقتي أنتي مش بتحبيها ليه... أنتي لو بتحبي لوي بجد هتبقي مشاعر الحب عندك أكبر من مشاعر الكره. .. حد فاهمني؟
يعني انا بحب لوي... بس مش بحب إلينور... حبي للوي هيخليني احب إلينور او علي الأقل اتقبلها... لأن دا واقع ولازم اتقبله
حقيقة كرهي ليها هتبني فقلبي حاجات وحشة مهما حاولت مش هعرف اتخلص منها بعد كدا
وكمان إن كرهك دا هيوصلها... من اي طريقة بقي... وهيأثر عليها وبالتالي هيأثر علي لوي لأنه بيحبها! وطبعاً التأثير هيبقي سلبي
يا ستي لو مش عاوزة تتقبليها او تحبيها... تجاهليها... كأنها مش موجودة... بس متقوليش بكرهها الكره كلمة كبيرة أوي ومتعبة بطريقة غبية هتاخد من طاقتك طاقات ومن جهدك جهود... انتي اللي هتتعبي مش حد غيرك
زائد إن الكره مش عكس الحب... وفي بينهم حاجة أسمها... احساس طبيعي... يعني إلينور دي بتحبيها ولا بتكرهيها... ؟.... ولا بحبها ولا بكرهها اهي إنسان عايش علي الكورة الأرضية وخلاص... مليش دعوة بيها معرفهاش عشان احبها او اكرهها
ولما بقول حب مش قصدي حب ولد لبنت.... قصدي حب فان للايدول بتاعه بأقصي درجاته...
إلينور مش وحشة ولو حد جرب وتعب نفسه ودور عليها فو ويكيبديا حتي... هيلاقي أنها حد كويس... رغم كدا ميرضنيش تتعبوا نفسكوا... وياريت محدش يوجه كره لحد مهما كان... الموضوع له كام يوم مضايقني وقد فاض الكيل لما لقيت بنت بتقول إنها بتكره الينور لمجرد إنها شافت خبر بيقول إن لوي بيحب إلي
طب ما يحبها حياته وهو حر فيها يكرمشها يغسلها يكويها ينشرها فالصحرا... حياته وملناش حق التدخل فيها ولا من قريب ولا من بعيد
نفس الموضوع مع تايلور مثلاً .. واهو الموضوع دا بقي هيجيبلي جلطة سداسية الأبعاد... دي تايلور ...دي كيوت... بحق البتتس المحمرة دي تايلور.... وبعد ما هاري انفصل عنها من سنين... ظهرت ظاهرة جديدة بتقول هايلور.. ولسك بيحبوا بعض .. وانقسم الفاندوم الي داعمين الي هذه العلاقة ورافضين مقاطعين حارقين شانقين قاتلين لمن يؤيدها
وناس تايهة فالنص مش عارفة تعمل اي ... وناس بقي أمثالي ...تضحك علي المعارضين والمؤيدين وتصبر التايهين... واضحك الصورة تطلع حلوة
وهاري ارتبط ب كيندال... وللصراحة انا لحد دلوقتي مش بحبها... مش عشان هاري ارتبط بيها لا لأن دا سبب عبيط ومش من حقي أزعل
بس عشان الكلبوبة كانت واخدة مني حلق ولسة مرجعتهوش... كلبة
لا بجد .... نأتي بقي ل هايلي... اللي نايل ارتبط بيها ومن يومها منعرفش اي اللي حصلهم... بيقولوا قتلها ورماها فالبحر ( فريدة) نايل هو اللي قتل فريدة
منكرش إن الفاندوم كله اتصدم يوم ما ناي نزل الصورة او الصورة هي اللي نزلت.... انا عن نفسي فضلت فاتحة بوقي ومقفلتهوش غير لما وجعني
وربما اتي سحر الفاندوم بمفعوله واختفت تلك الفتاة الي الأبد
وجيجي... البت دي لا انا عارفة بحبها ولا مش بحبها هي وزين... بس انا بحب اتريق عليهم وخلاص عشان هما عسل أصلاً
وليام دا سرسجي وبتاع بنات ومعرفش هو بيصيع فين ف ملناش دعوة بيه... كفاية شيريل دي تخليني أموته بعد ما أخذه بالحضن... عسل ليام
وكما يقول مستر احمد رمزي... حبيب قلب بابي
وأخيراً وليس آخراً عشان في كلام تاني محشور فزوري هقوله بعدين... آسفة لو كلامي زعل حد و آسفة علي التهييس والهلس اللي أنتو قريتوه دا وشكرا جزيلاً علي القراءة حتي النهاية
إلينور لما قالت " لا تفقدي الأمل فأنا كنت من الفانز " ومعرفش ايه... وكبرت الفكرة دي فدماغ كل بنات الفاندوم
لو كانت تعرف إنهم هيكرهوها بالشكل دا كان زمانها قاطعة لسانها وماقلتهاش
و فالآخر لا افقدي الأمل
معلش الموضوع مضايقني مش عارفة اقفله
أنت تقرأ
One Direction - إتجاه واحد
Randomكتاب يناقش موضوعات ربما ستشغل تفكير أحد ما الكتاب عن فرقة One Direction 💙💙
