جینی قەڕین

لەوێ

ئەو جنۆکەیە چاوی کەمێک زیاتر لە جین ڕاکێشرابوو گیانی سوور بوو بەتووڕەییەوە دەستی گرتبووم

وتم:ئازاری ھەیە...دەستم ئازاری ھەیە تکایە

کەمێک دەستی شل کرد و منی بردە شوێنێک کە ئەتوت زیندانی تەنھاییە لە شوێنێکی بەرز بوو کە جین و ھەموو جنۆکە گەورە و باڵا بەرزەکانم ئەبینی یەکێک لەلای ڕاستەوە لە ناوەڕاست دانیشتبوو و بە خەندەیەکی گاڵتە ئامێزەوە

وتی:شازادە جین! بەخێر بێیتەوە بەداخەوەم کە دوای ئەو ھەموو ساڵە کە گەڕایتەوە پێشوازییەکی وەکو شازادەمان نەکردیت

جین:من ھەر نیازم نەبوو بگەڕێمەوە لەبەر ھەنێک چەپەڵ

ئەوەی ناوەڕاست کە کورسییە گەورەکەی ھەبوو برۆکانی لێک نا و دەستی بە مانای تەواو یاخود بەسە بەرز کردەوە و ھەموو ئەوانەی ئەوێ بێدەنگ بوون

وتی:چۆن ئەم ھەڵەیە ڕوویدا تکایە ڕونی بکەرەوە

جین:ئەو نیو کاتژمێر بوو لەبەردەم ئاوێنەکە خەریکی قژی بوو ئێ کە سەری بەرز کردەوە منی بینی ھەتاکو ئێستاش من وەکو مرۆڤێک ئەبینێت نەوەک وەکو جنۆکەیەکی لە ئاگر دروست کراو

گەورەکە:باشە ئێستا ئێمە چی بکەین کە مرۆڤێک بە ئێمەی زانیوە؟ وە ئێمەشی بینی

جین:گەر باوەڕم پێ بکەیت ھیچ ڕوونادات مرۆڤ بێ دەستەڵاتن بێ ھێزن ئێمە نەبین ئەوان لەبەردەم شەیتانەکان ئەمرن! بۆ ئەم تاوانە ئەنێن بەسەر منەوە لە کاتێکدا ھیچ نیازێکم لەو قسە پڕو پوچ و بێمانایانەی ئێوە نەبووە باشە پێم بڵێن چی ڕوودەدات کە یەکێک لە مرۆڤەکان بە بوونی ئێمە دەزانێت؟ ئەڕوات بە خەڵک ئەڵێت؟ جا با بیڵێت ھیچ کەس باوەڕی پێناکات و بە شێت ناوی دەبەن ئێوەش شتەکان زۆر گەورە دەکەن!

ھەموو قسەکانی بە یەک ھەناسە وت لە کۆتایی قسە توڕە و خێراکانیدا ھەناسەیەکی قوڵی ھەڵمژی و دایەوە ئەو ڕاستی ئەکرد ھیچ ڕووی نەدەدا

گەورەکە:ئەو کچە کە ئەگەڕێتەوە سەر زەوی ئەتوانێت ھەموو شتێک ببینێت بە جنۆکەکانی تر و شەیتانیشەوە وە خۆت ئەزانیت شەیتانەکان چی ئەکەن گەر بزانن کەسێک ھەیە دەیان بینێت

زۆر بە ھێمنی و دەنگێکی فەرمانەوە وای وت ھەستم کرد کە جین لە شوێنی خۆیدا وشک بوو ئاوڕێکی دایەوە بۆ من کەمێک سێری کردم

گەورەکە:ئەبێت ھاوسەرگیری بکەن

ھەموو دانیشتووەکانی ئەوێ بە شۆکەوە سێری ئەو ھێمنەی ناوەڕاستیان دەکرد کەسیشیان نەیان دەوێرا کە ڕووبەڕووی ببنەوە یاخود بڵێن نەخێر یان ناڕەزایەتییەک دەر ببڕن