________ براءة تحكي __________
نضت الصباح لقيت روحي راقدة فبيت ماش بيتي ومن ريحتها عرفتها تع أيهم عاود رجعلي السيناريو تع لبارح كي تبحرت...اااهه تسما هو لي جابني ومبعد تولهت لقشي..ياخاااه شكون بدلي؟؟... هو؟؟.. اففف مصيبة هذا وش حاسب روحو هبطت حانعرشلو وجيت جايزة عالصالو شفتو راقد فوق الفوتاي رحت ليه وقفت عند راسو وبديت نعيط
براءة: اسمع نوووض ....متكبر اووو نوض
والو...مزال راقد باين عليه عيان وراهو فسابع نومة وفجأة من حيث لاتدري جاتني في بالي ماما لي مالفة تنوضني بالما...هل تفكرون فيما افكر😈؟..
ابتسمت ابتسامة شريرة ورحت نجري للكوزينة جبت طاسة فيها لما ورجعت عندو لقيتو مزال راقد كبيتها عليه بدون اي تردد هو ناض مخلوع
ايهم: وش صرا؟؟.. وش كاين؟؟.
براءة: ههههههههههههههه شوف حالتك كيفاش ولات.....ههههههههههه راك مشمخ كامل
ماحسيت غير بيدو جبدتني ليه بالقوة حتى وليت انا فالفوتاي وهو فوقي وقريب ليا بزاف وشعرو لمشمخ يقطر على وجهي يبست فبلاصتي ومالقيت وش ندير..
أيهم: وش حاسبة روحك باش تديري هاذ الجاست...مرتي؟؟...ولا حبيبتي؟؟.. اذا عندك تضحك انا عندي لالة وبالاكي من اللعب الصامت معايا بسك مانحبوش ومانحبش تلعبي معايا اصلا شكون نتي...نتي مجرد خدامة عندي هذا مكان والخدامة ماتلعبش مع سيادها تخدمهم برك فهمتي..وهذي اخر مرة ليك تغلطي معايا سينون رح نعاود نربيك كيعاد والديك مارباوكش
ماحسيت غير بدموعي يهبطو حاولت نخبيهم مي خانوني مخلاش كلمة ماقالهاليش بابا وعمرو ماهدر معايا هك صاي مانقدرش نشد كثر من هكا هانني بزاف...سكتت لمرة الاولى بزايد لمرة هذي مانسكتش
بعدتو عليا نضت مسحت دموعي وعاودت درت ليه
براءة: شوف ياوسمك مانسمحلكش تهدر معايا هكا واذا حاطني خدامة عندك راك غالط انا مانخدم حتى عند حد ومش حانخدم عندك حتى اذا طبڨت السما على الارض جبت العاهرة تاعك للدار ماقلت والو ضربتني كف ثاني ماقلت والو وقلت عليا خدامة مي اذا تدخل والديا فالنص فاكيد مش رح نسكت...نقولك حاجة انا متربية واحسن تربية ووالديا ديما فخورين بيا وباخلاقي منيش كيفك نجيب عاهرات للدار نفرغ فيهم شهوتي اذا تحب نقولك نتا لي ماشي متربي وماش راجل ثاني نقولها ونعاودها نتا رخييييس
رفد يدو حايضربني مي تشجعت وحكمتهالو نحيتهالو ورفعت يدي عطيتو كف خماسية الابعاد كي تع لهنودة
هو بقا مشوكي فيا
براءة: هذي الكف كيعاد جبلتي على والديا
قدمت عندو زدت عطيتو كف
براءة: وهاذي كيعاد تجرأت ومديت يدك عليا ياحيوان
رحت طول لبيتي بسك شفت وجهو مايبشرش بالخير وعينيه بداو يحمارو وكي يحمارو نعرفها بلي مش مليح ليا غلقت لباب وانا حاسة بالانتصار كي رديت حقي تع الكف....حرت منين جاتني الشجاعة هذي ڨاع خليني منو يستاهل المهم رحت دوشت وبدلت قشي لبست بيجامة وقعدت نتفرج فالتيليفون مسلسل تاعي حتى صونا شفت لقيتها ندى فرحت كي عيطت
براءة: الو لبڨرة واخيرا تفكرتي بلي عندك ختك
ندى: ههههه اربي ليوم قعدت....ايه وش ديري يالعروسة؟؟
براءة: لباس الحمد لله ونتي؟.. وش يديرو ساجد وقصي وماما وبابا والله توحشتكم كامل
ندى: حنا اوكل لباس مام حنا توحشناك والدار بلا بيك صامتة
براءة: هههه هذا وين اعترفتي
ندى: بلعي برك متديهاش فروحك والدار ولات كالم ملي رحتي
براءة: صار هكا ياوجه البطاطا
ندى: هههه خلاص راني نتمسخر برك ماتبكيش
براءة: شكون قالك نبكي
ندى: حقا وش يدير أيهم
قعدت قصرت مع ندى ومبعد جات ماما زدت قصرت معاها حتى طفا التلفون حطيتو يتشارجا ومبعد هبطت للكوزينة درت بان كيك وقعدت ناكل تشهيتهم بزاف حتى يدخل عليا أيهم شاف عندي وعينيه حمورة ومبعد راح حل الفريجيدار وانا هزيت الصحن تاعي وخرجت رجعت لبيتي ماش متحملة نشوف خليقتو هذيك تع هتلر
* بعد مرور 3اسابيع*
جازو 3 سمانات على الابطال تاعنا مي حالتهم كل يوم تسوء براءة تجيب نهارها كامل فالدار وحدها وأيهم الصباح يروح للخدمة وفليل يروح للبار ويشرب بإختصار مكانش اي تطور بيناتهم اصلا مايتلاقاوش بزاف غير مرة فالسمانة
__________براءة تحكي: __________
كنت قاعدة نتفرج وحدي فذيك الدار الكبيرة وزاد الليل حتى يطبطب لباب....زعما شكون؟؟. يكون أيهم؟.. ماش مالف بكبطب عندو لمفتاح تنهدت ورحت نحل لقيت أيهم مجروح وداير لبلاطر فيدو ومعاه صاحبو شادو باش مايطيحش كان دايخ.. للحظة حسيت بحاجة داخلي وقلبي بدا يخبط بالقاوي منعرف علاه كي شفتو هكاك حسيتو واحد عزيز عليا وملازمش تصرالو حاجة
براءة: وش بيه؟..
فؤاد( صاحب أيهم لانتيم وخطيب ختو): عاونيني ندخلوه ومبعد نحكيلك
براءة: اوك هيا ادخل
رحت شديت أيهم من جيهة وصاحبو من جيهة ديناه لبيتو كسلناه فوق السرير ووقفنا قدامو
فؤاد: دار اكسيدون فالطريق
براءة: كيييفاااش؟؟
فؤاد: ماتخافيش ماصرالو والو كان شارب وتخبط فطونوبيل جاتو غفلة مزية عيطولي ديتو للسبيطار
براءة: وذرك وكتاه ينوض؟
فؤاد: الطبيب قال غدوا ينوض بسك دا ضربة على راسو
بقيت ساكتة نشوف فأيهم كان وجهو مجروح وداير لبلاطر فيدو وبوندا على راسو قعدت قدامو وحطيت يدي على وجهو غير بلعقل باه مانوجعوش
فؤاد: براءة أيهم كي خويا وكثر يحكيلي كلش وعلابالي بقصتكم ڨاع صح هو يبان شوي متكبر مي فالحقيقة حنين بزاف بصح مايحبش يبين وصدقيني عندو سبب كي دارلك هكاك وجابلك زينب للدار هذيك الليلة
براءة: و وش هو السبب؟
فؤاد: انا ماندخلش بيناتكم اذا بغا ايهم يحكيلك مي اعطيه شوي وقت وكلش يتحل باذن الله
براءة: وشمن وقت اصلا باقيلنا خمس شهور ونطلقو وكل واحد يروح فطريق انا مايهمنيش أيهم والسبب تاعو يدير وش يحب انا مش رح ندخل فيه وفي حياتو
فؤاد: عينيك رام يقولو عكس وش قلتي
براءة: فؤاد اذا تحب نجيبلك كاش حاجة قولي* وجات خارجة*
فؤاد: ههههه علاه تهربي ماتبدليش الموضوع من عينيك باينة تحبيه
براءة: وش راك تخرط نتا؟.
فؤاد: انا قلت وش شفت ماشفتيش حالتك كيفاش ولات كي شفتيه التحت
براءة: لالا....برك....وش..
فؤاد: هههه انا نروح ذرك نخليك مع راجلك اهتمي بيه حتى يبرا وانا غدوا نرجع نشالله
يتبع........💛
أنت تقرأ
حَيَاَتِيِ مَعَهُ {بِاَلْلّهْجَةُ اَلْجَزَاْئِرِيَةُ}
Romanceهو بارد ومخيف وهي هادئة قليلا لكن مجنونة لحد ما ماذا سيحدث اذا اجتمعا هذان الاثنان❤️💑 تابعو القصة لتعرفوا احداثها
