صباح جديد:
نضت صليت ولقيت ايهم جابلي قشي الحمد الله ...لبست جبة سامبل وهبطت لقيتو يشرب فالقهوة رحت عمرت حليب ليا وقعدت نشرب ونتأمل فالزين لي قاعد قدامي حنى ينطق صاي تحول لهتلر اففف
أيهم: كي تخلصي روحي البسي
براءة: علاه؟..
أيهم: رح نجوز على اسراء بغات تشري شوي حوايج للعرس
براءة: اه اوكي
كملت ورحت لبست
وهبطت لقيت أيهم يستنا فيا خرجنا كيف كيف ركبنا الطوموبيل وديمارينا ربع ساعة وصلنا خرجت إسراء سلمت عليها وعاودنا ديمارينا رحنا للحوانت درنا حانوت حانوت الحاجة لي تعجبنا نشريوها وأيهم معانا يهز الصاشيات الشح فيه شكون قالو يجي الشوبينڨ تع لبنات ...اه ما اجمل التسوق هو الحاجة الثالثة لي نحبها ابري الماكلة والرقاد بيان سور
كملنا قضينا حتى وصل وقت لغدا رحنا لواحد الريسطورون شيك شيك كلينا حتى شبعناوولا نقول كليت حتى شبعت بسك أيهم صحن تاعو فيه زوج حبات بطاطا وشوية لحم وحبة زيتونة وقطرة مايونيز واسراء كانت تتمعشق مع حبقلبها بالتلفون نحير فيهم لماكلة قدامها وهي تتمعشق عجبا.. وأيهم نموت ونعرف يشبع ولا مايشبعش بقطرة تع المايونير وحبة تع الزيتونة ...المهم خليني منهم كليت ڨاع وش كاين فالطابلة وخلص أيهم وخرجنا رجعنا للدار واسراء جات معانا بسم انا قلتلها تجي كرهت وحدي فالدار
قعدنا فالصالو وأيهم طلع لليتو
إسراء: عجبوك لحوايج ؟..
براءة: ايه تلبسي بالصحة والهنا
إسراء: يعيشك...شوفي هاذ الروبة مليحة؟.
براءة: ايه تهبل
إسراء: هاكي قيسيها حبيت نشوفها عليك
براءة: اه ...لالا خلي برك مش ستيل تاعي
إسراء: هيا برك يخي حد مكان من غيرنا
براءة: مي....
إسراء: هاكي ازربي راني نستنا فيك
طلعت للبيت نلبسها مش الستيل تاعي خذا مي خلي برك نلبسها علا جال إسراء دقيقة ونحيها ...لبستها خلصت جاتني على لطاي وزدت طلقت شعري جيت نهبل ( حوحو يشكر روحو)هكا جاتني
وجيت حانخرج باش نروح عند إسراء ويقابلني أيهم يحكي فالتلفون ومبعد شاف عندي كوبا تلفونو وجا عندي
أيهم: وش راكي لابسة؟
براءة: روبة ماتشوفش
أيهم: علابالي روبة بصح علاه راكي لابستيها
براءة: مادخلكش فيا نلبس وش نحب
أيهم: كوني عاقلة وجاوبي خيرتلك
براءة: هههه ضحكتني علابالك بعد من طريقي خليني نروح
بعدتو شوي من قدامي وهبطت نجري للصالو لقيت إسراء قاعدة تستنا فيا وكي شافتني وقفت وجات عندي
إسراء: الله يبارك وش هاذ الزين كامل وين كان مخبي
براءة: يبارك فيك ههه وش رايك ؟
إسراء: جيتي تهبلي حبيبتي اصبري دقيقة نصورك
براءة: اوك
صورتني إسراء حتى شبعت ومبعد قعدنا نقصرو شوي حتى وصل وقت لقهوة تقهوينا ومبعد روحت إسراء وانا بقيت فرزت لحالة ودرت عشا خفيف وطلعت لشمبرتي بدلت لبست بيجامة وقعدت نكونيكتي
ديزولي مرة خرى على الروطار علاالي هذا بارت صغير مي صبرو بيه رواحكم حتى نزيد نكتب
ماتنساوش تدعموني بفوط وكومنت 💛
أنت تقرأ
حَيَاَتِيِ مَعَهُ {بِاَلْلّهْجَةُ اَلْجَزَاْئِرِيَةُ}
Romanceهو بارد ومخيف وهي هادئة قليلا لكن مجنونة لحد ما ماذا سيحدث اذا اجتمعا هذان الاثنان❤️💑 تابعو القصة لتعرفوا احداثها
