____________ براءة تحكي ___________
نوضني أيهم وخرجنا رحنا ديراكت لدارو عالاول تشوكاو ڨاع ومبعد رحبو بينا وفرحو بزاف خاصة يمات أيهم كانت تبان من عينيها توحشت وليدها
سهيلة: أيهم علاه ماقتليش بلي راكم جايين
أيهم: نسيت ڨاع باش نقولك لهيت مع الخدمة
سهيلة: الخدمة الخدمة الخدمة علاه ماترتاحش شوي منها
أيهم: الله غالب يما لازم
سهيلة: راني نقول علاه ماتجيوش تعيشو معانا الدار كبيرة وانا رح نبقا وحدي كي تروح إسراء
أنور: واش يما مراناش نبانو ڨاع
عبد الوهاب: راك تشوف وليدي يماك تشوف وليدها تنسانا
أيهم: غرتو؟؟..
أنور: هههه حنا؟.. غرنا؟.. راك تسمع بابا
أيهم: باين غرت مني بسك يما تحبني كثر منك
انور: هي تحبك وانا يحبني بابا
عبد الوهاب: هيه انا نحب وليدي
سهيلة: ايا اسكتو عليا راكم كبار....براءة بنتي قولي لراجلك باه تقعدو هنا بالاك يسمعلك
شفت عند أيهم وهو خزر عندي خزرة تع لكان تقولي حاجة تموتي انا هنا حبيت نديرلو زكارة تبسمت معاه وقتلو: ايه أيهم علاه مانقدوش هنا اصلا لهيه الدار صامتة وديما وحدي هنا عالاقل نقعد مع خالتي سهيلة نونسو بعض
سهيلة: هاي لهدرة الشابة هيا ولدي قول حاجة
بسملله راهو بدا يولي شيطان عينيه حمارو من القلق وعروقو قريب يطرطقو بقا يشوف معايا بخزرة تع حسابك معايا مبعد انا هنا خفت صح السيد مايبشرش بالخير ياربي كون معايا.... سييت نهرب
براءة: اسمحولي انا نروح نبدل حوايجي
سهيلة: ايه بنتي روحي وذرك نجيبلكم لعشا
براءة: لالا تعشينا فالطيارة كثر خيرك
أيهم: اصبري ني جاي معاك مام انا عييت
ياربي وش حايدير هذا بنادم انا نهرب منو وهو يلحق فيا وش داني نهدر اففف وزاد لازم نقعدو فبيت وحدة باش مايشكوش فينا
طلع هو وانا وراه بالفاليزة دخل ومبعد دخلت...غلق لباب جيت حانروح للدوش مي هو وقف فطريقي وماخلانيش انا قريب بلت تحتي( حشاكم)
براءة* بخوف*: وشبيك..بعد..خليني نروح
أيهم: وش قتلك لتحت
براءة: وش قلت؟..
أيهم: ماتلعبيهمش بهلولة قالك ماتقولي حتى حاجة ليما ونتي كسرتي كلمتي
براءة: رح..ندخل نبدل
وجيت ماشية نبعد عليه حتى نحس بيه جبدني ولصقني عند الحيط وقرب مني انا قلبي طاح فسروالي مافهمتش علاه كي يكون قريب ليا يصرالي هذا ڨاع
أيهم: قداه من مرة قتلك ماتلعبيش اللعب الصامت معايا كنت كل خطرة نسكت مي هاذ المرة رح نبدل الطريقة هكا تعرفي معا شكون لعبتي
زاد قرب مني قلبي نزل سلم على مصارني عينا كانو فالارض من الحشمة بزاف...حكمني من فكي وخزر عندي بنفس الخزرة لي نموت ونعرف وش تعني مخلطة باحاسيس بزاف....وبدون اي مقدمات باسني..وللمرة الثانية...تشوكيت عالاول ومبعد حاولت نبعدو بيديا مي حكمهملي بيد وحدة وزير عليا واليد الزاوجة حكملي بيها كرشي ولصقني فيه بالمختصر ماقدرتش نتحرك بين يديه غاضتني روحي كي ماقدرت ندير والو حسيت روحي عاهرة من العاهرات لي كان يبات معاهم دموعي بداو يسيلو والنفس بدا يروحلي بديت نتخبط وحدي حتى بعد عليا...راح طول للدوش وانا بقيت كيما خلاني ودموعي غير يزيدو مسيت شفايفي لقيتهم مجروحين ومنفخين قعدت فالارض ونبكي درت يدي على فمي نحاول نخبي الشهقة لي تزيد كثر وكثر حطيت راسي بين يديا وغمضت عينيا
أنت تقرأ
حَيَاَتِيِ مَعَهُ {بِاَلْلّهْجَةُ اَلْجَزَاْئِرِيَةُ}
Romanceهو بارد ومخيف وهي هادئة قليلا لكن مجنونة لحد ما ماذا سيحدث اذا اجتمعا هذان الاثنان❤️💑 تابعو القصة لتعرفوا احداثها
