___________ أيهم يحكي _____________
نضت الصباح عيطولي صحابي بغاو يشوفوني بسك عندهم بزاف ماشافونيش المهم خرجت عندهم قصرنا شوي وتغدينا ومبعد روحت وفالطريق شفت حاجة خلاتني نتنارفا لدرجة وليت مانشوفش قدامي كانت براءة تحضن في واحد برا مافقتش حتى نزلت من الطونوبيل ورحت عندهم بعدتو عليها وعطيتو كوتبي جبتو فالارض ودرت عند براءة كركرتها معايا للطونوبيل كسرت كلمتي للمرة الثانية مي حسابها عندي ديتها لداري لي هنا وهي طريق كامل وهي تحاول تفهمني زعما....وش رح تفهمني؟.. كيفاش حضنت هذاك لي تقول عليه وليد خالتها ؟.. مايهمنيش انا وش يقربلها مي مزالت صورتها وهي معنقاتو في عيني ....علاه درت هكا؟.. وصلت نزلت ونزلتها عاودت كركرتها لبيتي وقفلت عليها لباب علابالي اذا قعدت قدامي رح ندير فيها حاجة نندم عليها الور درت هكا في مصلحتها علابالي مانحكمش فروحي
خرجت من الدار رحت للدار لهيه لقيت يما فالصالو مع إسراء
سهيلة: ااوليدي جيت براءة وينها؟..
أيهم: رح تقعد فالدار لخرى حتى عرس إسراء
إسراء: علاه؟..
أيهم: هاذي حاجة تخصنا بين زوج
إسراء: اففف نتا ديما هكا كنت رح نقوللها تخرج معايا نشريو شوي حوايج للعرس
سهيلة: ياطفلة خليهم ونتي اخرجي مع صحاباتك
أيهم: إسراء ماتزعفيش إذا تحبي روحي لعندها وانا نديكم
إسراء: ايااااي ميرسي أيهومة
أيهم: واقيلا حاسبتيني طفل صغير😒
إسراء: هههه لالا مي نحب نقولك هكا
أيهم: آخر مرة
زدت قعدت شوي معاها ومبع
تفكرت هاذيك بلي وحدها خرجت ركبت فالطونوبيل وديماريت ربع ساعة وصلت بسك مش بعيدة بزاف
حليت لباب وطلعت رحت لبيتي جبدت لمفتاح من جيبي وفتحت غير بالعقل دخلت وغلقت لباب... تشوكيت كسي شفتها هكاك .....كانت لابسة تريكو تاعي فخاضها باينين وشعرها هلى وجهها كانت تبان كيوت وفي نفس الوقت مثيرة ومغرية حكمت روحي عالشعرة ودخلت للدوش فتحت لما البارد كشما نطفي النار لي شاعلة فيا ومبعد خرجت لبست شورط وخرجت رحت للصالو منقدرشتقعد معاها جبت البيسي وبديت نخدم حتى وصلت 23:30 لهيت مع الخدمة حتى مافقتش كيفاش جاز الوقت طفيت البيسي ورحت كليت حاجة خفيفة وطلعت للبيت زلقيت براءة مزالت راقدة ...اووو شكارة تع رقاد رحت غطيتها ورقدت
____________ براءة تحكي ___________
بعد حكاية الفوطوات لي شفتهم رحت رقدت ديراكت بسك الرقاد هو الحل الثاني بعد الماكلة بيان سور وعلى سيرة الماكلة كيعاد ماكليت والو بعد لمحاجب الحارين تع عمي رابح نوضتني كرشي فنص الليل
نضت صبت أيهم راقد تأملت فيه شوي ومبعد تفكرت التصاور تنهدت ونضت غير بالعقل باش ماينوضش ونحصل فيه الحمد الله لقيت لباب مفتوح الحمد الله اول مرة فالتاريخ وقف معايا زهري هبطت للكوزينة طول للفريجيدار جبدت كلش وش فيه وقعدت فوق البوطاجي وبسم الله بديت الهجوم الساحق تاعي ڨرينداااايزررر انطلق...ناكل ناكل ومانشوفش قدامي حتى نحس عبد فوق راسي ..طلعت راسي نصيبو هو..ايه أيهم وكان بلا تريكو وانا كي لعادة قلبي قريب خرج ...معقد حواجبو ومربع يديه
أيهم: كملي كملي علاه حبستس زيدي كولي الفرماج هذاك بنين بزاف
براءة: لالا شبعت
جيت واقفة رح نروح حتى يجبدني عندو تخبطت فصدرو العريض المعضل المعضول العريان
أيهم: قتلك كملي
براءة: اوك
رحت قعدت كملت ناكل وخو جا قعد قدامي ...وشبي جدو هذا؟.. ياربي مانقدرش نشوف فيه
براءة.: تقدر تروح تلبس تريكو
أيهم: علاه ماعجبتكش هكا؟..
براءة: لالا ماش قصدي هكاك
أيهم: تسما عجبتك؟..
براءة: اه...لالا...افففف صاي ماهدرتش
تبسم تبسيمة ومبعد سكت شوي وعاود هدر
أيهم: ونتي علاه لابسة التريكو تاعي
مافقتش ڨاع وش راني لابسة ..وقدامو ...ياربي رجليا اوكل يبانو نضت بعدت عليه وتخبيت مور الكرسي
براءة: اوووو غمض عينيك
أيهم: علاه؟.. ياك مرتي نورمال
براءة: أيهم قتلك غمض عينيك اصلا كلش بسبتك نتا لي جبتني هنا بلا قش لال والو
أيهم: ااا بون انا الغالط....نسيتي يا لالة كيفاش جبتك؟..
براءة: يتك قتلك الف خطرة ياسر وليد خالتي
أيهم: شوفي راكي بديتي تقلقيني ليل ليل الور كملي ارهجي وروحي ترقدي ...ازربي
براءة: افففف منك افففف
يتبع...💜
أنت تقرأ
حَيَاَتِيِ مَعَهُ {بِاَلْلّهْجَةُ اَلْجَزَاْئِرِيَةُ}
Romanceهو بارد ومخيف وهي هادئة قليلا لكن مجنونة لحد ما ماذا سيحدث اذا اجتمعا هذان الاثنان❤️💑 تابعو القصة لتعرفوا احداثها
