نوڤيلا نيران الحب(مكتملة)

الفصل الثالث

"كنت عاوزة أنزل واشوفهم بيتكلموا في إيه، خايفة علي زعل بابا من غضب يوسف، وخايفة علي يوسف من كلام بابا بس جدي منعني، فطلعت أوضتي وشوفتهم من البلكونة."

-هتعملي فيها زعلان بقي.
=إنت عارف إني مقدرش أزعل منك يا عمي، انا كل زعلي من سوء ظنك بيا، سيبك من إني بحبها بس هي في الأول والآخر بنت عمي يعني عمري ما هأذيها.
-عارف بس لما يبقي عندك أولاد هتحس بيا، سهل الكلام دلوقت وإنت مش في مكاني يا چو.
=هخلف ازاي ؟ لاسلكي !، مش لما بنتك تحن عليا وترضي تتجوزني.
-اتقل عليها، مش أنا أبوها أهو بس بقولك اتقل واديها فرصة تفكر.

"مكنتش سامعة كويس هما بيتكلموا في إيه، بس لاقيتهم بيضحكوا وحضنوا بعض، عرفت إن المشكلة اتحلت، فرحت لأن أغلي اتنين علي قلبي بيحبوا بعض كدة، امال هيحبوني ازاي ؟."

-مش هتنزلي معايا نشوف البلد.
=لا مليش مزاج يا ندي، روحي إنتِ مع عمي وبابا.
-طب وإنتِ ؟.
=هفضل مع جدي.
غمزت-جدك برضه.
=مش فايقة لك يا مهزأة.
-ماشي يا مرات أخويا،هههه.

"نزلت تحت عشان أقعد مع جدي، ولاقيتهم بيتكلموا في الشغل، فجبت كتاب وفضلت أقرأ، بعدها بشوية جدي طلع لأنه تعبان، وهو طور ولا راضي يتكلم ولا حاجة"
-احم.....
=...........
-احم.....
=..........
"عامل انه مشغول في الملفات اللي قصاده".
-هو حتي الشغل جايبه هنا يا يوسف ؟.
=..........
-مش بترد عليا ليه ؟، بكلم نفسي أنا يعني ؟.
=إيه يا سارة، قولتي إيه، معلش مسمعتش خالص.
-لا يا شيخ، أبقي ركب سماعة بقي.
=ماشي.

"بقينا علي الحال ده نص ساعة لحد ما زهقت، هو ده اللي مكانش بيبطل كلام !، حصل إيه بقي ؟، لسانه بقي عليه بالإيجار !

-اف، انا زهقت.
=من إيه ؟
-من حالة الصمت دي، مش بتتكلم ليه ؟.
=مشغول شوية معلش.
قبل ما أرد كان الفون بتاعه رن.
=الو، لا والله وحتي لو مشغول افضالك.

"صوت صرصور الحقل بيرن في وداني دلوقت.

=هو أنا عندي أغلي منك.

"لا ده فيه حد هيتقتل النهاردة، حضروا الكفن بقي.

=وحشتيني اوي والله.
"توحشك عقربة يا شيخ، مش عارفه جبت الجرأة دي منين وقومت خطفت التليفون منه وكسرته، يلا يا بيبي مش عاوزها توحشك !، وحش لما يلهفكم سوا"

بغضب=إيه اللي عملتيه ده ؟

"لو فاكر إني هخاف من صوتك العالي، فعندك حق أنا خوفت، كنت هجري بس مسك ايدي وشدني له"

=طب والله جدعة، كدة كدة كنت عاوز أغير الفون، قوليلي بقي أجيب نوع ايه

"يارب يا تهبلني زيه، يا تعقله، عشان كدة اوڤر يعني.

-هات اللي تجيبه وانا مالي.
=عندك حق، إنتِ مالك فعلاً، بس هاتي فونك بقي أكلم اللي كان معايا علي الفون.