مع الحياة وجها" لوجه +18

البارت الأول

بعد تسع أشهر من الحمل و الإنتظار والترقب والكل يتمنى الولد لكن كان لله رأيا" أخر ، واجيت اني بنت" ، ضاجت أمي وبجت لأن ماحققت لأبوي رغبته بولد ، لكن أبوي رغم رغبته مابين أي حزن أو عدم رضا ، سلم للأمر الواقع وشكر الله على عطاءه وهكذا سارت الحياة ،
كنا أسرة صغيره ببيت واحد أنا وابوي وأمي وأخوي حيدر وأختي زينب ،
كانت أختي هادئه و محبوبه ،أكبر مني بأكثر من عشر سنوات ، تعتمد عليها أمي بلبيت جانت لطيفة وياي تشيلني و تلاعبني وانا صغيره ، كانت تتونس بيه كلش جنت أتمنه أكون بهدوئها لكن جنت طفله مشاكسه ومشاغبه كلش " ،محد يتحملني بكثر وكاحتي ، جانت لي مواقف هواي ويا أخوي حيدر ، لأكبر مني بخمس وعشرين سنه وهو ، شاب ، وسيم ، مؤدب ، شاطر بعمله ، واتذكر من هذه المواقف ، كان عمري ثلاث سنوات كمت ذبيت عدة العمل ليحتاجها حيدر بعمله بالمجاري ،
حيدر : ماما ماما وين غراض شغلي اريد اتغده و ارجع للسوك

امي :انته وين مخليهن
،
حيدر :هنا عالطبله

امي : كوم تغده وهسه نلكاهن مايروحن

زينب :ماما تعاي فضنه المجاري ترست البيت

امي : يااااا ولج شذابين بيه حتى هيج طافحه

زينب : مادري يمكن ذني غراض حيدر

امي : يااااااا عزا العزاني ولج ماكو غير حويران الذابتهن الله لاينطيج العافية ولايخليج يايمه ليش هيج ؟

حيدر :سمع امي تصيح وتدعي طفر من الغده
توجه لامي
كال الهة : ها يمه شكو ؟

امي : لكيتهن بلمجاري غراضك ماكو غير حويران الذابتهن

حيدر:😲😡😡 اليوم اموتها على أيدي هاي الكلبه غراضي مال الشغل تعالي ولج ادبسز اليوم أموتج على أيدي
حوراء :شردت لكن لزمني🏃‍♀️🏃‍♀️🏃‍♀️🏃‍♀️
ذاك اليوم متت على إيديه شبعت دك لحد ما كام حلكي ينزف دم
امي :ولك يمه عوفها😱😱 راح تموت اختك جو ايدك يممممممممممه يبوووووووو سوده بوجهي اللحكولي ياناس ياعالم وطلعت أمي صيح بشارع بتي راح يموتها اخوها

لان ماكدرت امي تحميني منه ، وخلصت منه بأعجوبة و لحمدلله عدت على خير ،
أتذكر حيدر خطب ويريد يزوج ولان أني وكحه مااكعد جانو ميخلوني ادخل غرفه حيدر لمحضريها لزواجه و دوم يطردني ومايخلوني ادخل للغرفه ، بيوم الحنه جبت شخاطه والعب بيها يم باب الغرفه
واشتغلت الدواسه ومشت النار بالحصير لداخل اعرفه بس اتلاحكوها وطفو النار
حيدر اشتاط غضب يومها واشتعل نار😡
لزمني ضربني ضرب مصاير بحيث كسر ايدي، وابوي كوه سحبني من بين ايديه وشفت الموت بذاك اليوم ، وهيج تزوج حيدر وضلينه ورا زواج حيدر نفس الشي عرك وضرب على قل شي اسوي 😔😔
ومن اجت مرت حيدر جانت كلش تضربني😪 لان ماتحب العب بغراضها***
ابوي أخذه المرض والتعب والضغط والسكر ومايكدر يكوم ، وامي كلش تعبت كامت حتى تخلص من مشاكلي ودتني يم خالتي بغير منطقه وحيدر صار عنده
ولد سماه كرار ابنة الجبير 🙈 وهم كان الي وياه موفق اتذكه في يوم من الايام ،
لكيت المكص عالميز وكرار جان يزحف اجيت عليه .

حوراء :تعال كروري وكصيت شعر من راسه ولأن جان يتحرك عورته بكصته وضل دمه يجري

احلام مرت حيدر : يمه ابني سابح بدمه عزا العزاج ولج شمسويه بي 🙌من امداج
امي : يمه اسم الله سوده بوجهي شمسويه يمكموعه 👋👋👋وضربتني
حوراء 😭😭😭
ابوي : كالهم لاتكولون الحيدر وديها لخالته
ورحت ضليت يمها ،

وبدت الدنيا تمشي بسرعه وتزوجت أختي زينب من ابن عمي ،
عمي الوحيد كاعد بغداد واحنه من سكنت الديوانيه ومن زمان يريد زينب لابنه وزوجت وعاشت وياهم ببغداد
في هذا الوقت صار لحيدر ولد ثاني سماه علي وطلع بيت وحده ، بمطقه أهل زوجته وكعد هناك واني رجعت الاهلي بس اروح وارجع لخالتي لان متعلقه بيها وتحبني ،
حيدر بسبب علاقاته بالسوك كدر يشتغل بالحاسبات والمبايلات اول منزلن
ويا صديقه عماد (انسان كلش صاحب خير وعنده رأس مال جبير بسوك)
لان حيدر سباعي وصاحب لسان راقي وصار عنده توأم بنات
أبوي اشتد عليه المرض وجان حيدر يحبهم ، رجع كعد ويا اهلي هو وزوجته فتره حتى يساعد ابوي ويعتني بي ،
بهاي الفتره سجلت بالمدرسة يم بيت خالتي بمنطقتها وكعدت يمها ، لأن مااكدر اكعد يم حيدر وزوجته لأن وكحه و ميقبلون ادنه لأولاده أو أخذ منهم شي ، امي وأبوي كانوا
يدافعون عني ويحموني ،
بدت المدرسه والحياه تمام ، و اول يوم دوام دخلت المدرسه جانت اكو بنيه بيضه شكره حلوه مسويه كصايب وكاعده اول رحلة
حوراء :كومي اني اريد اكعد هنا
ايوته :ماعليه ☹️
حوراء :كومي ولج 👋👋وضربتها
ايوته 😭😭
فاطمه : ليش ضربين اختي تعاي ايوته وكعدتها اول رحله ،
حوراء :من شفت البنيه تبجي واجت اختها دافعت عنها وعيونها حمر انقهرت لان ضربتها كمت ورحت ألها وبستها وكعدت يمه وصرنه صديقات العمر ولحد الان هي اختي وصديقتي وأهلي وسندي وكلش احبها واثق بيها 😘😘
=====================

فدوه لكلبكم صوتو للقصة من النجمه 👇حتى تصعد القصة وانزل البارت الثاني وسو متابعه