مع الحياة وجها" لوجه +18

البارت السابع

فرحت من وافق عله طفل الانابيب وذبيت روحي علي ، خليت شفتي عله شفته وبسته ، وكالعاده راد يبتعد عني ، اعرفه يرفض وميقبل اتقربله بس فاجأني بردة فعل كانت بيهة بروده ، من شفته هيج ماصدكت
كمشت بي ، كتله :- بداعت أعز الناس عندك لا ترفضني ، تقبلني وبده يستسلم أليه ، وسوينه العلاقه الحميميه ، لجنت أريدها منه ، بعدها
شكله كان متندم لبالك مرتكب جريمه راح لبس ملابسه وطلع ، طبعا"حيل انقهرت وضجت ،
لكن كلت شوي شوي العافيه بالتداريج ،
وصلت للسادس وانشغلت بالدراسه كلش دوام بالمدرسه والمعهد دورات دخلت بي  وتعب وسهر ، بعد فتره أكثر من أسبوع
اجه عماد :- كلي هاي سياره الج ، ومن طلعين تنطيني خبر ، و وين متردين تمشين امشي بس انطيني خبر
حوراء :- اكدر اروح بيها محافضات
عماد :- شنو
حوراء :- اريد اروح ازور اهلي ، من الأربعين
لسه مازايرتهم ،
عماد :- وين تندليهم
حوراء :-اخابر زينب أختي دليني ،
عماد اوك روحي ، حضريلي غده جوعان
حوراء :- دقايق
عماد :- لو عوفي الغده تعاي
حوراء :- 🥰🥰
رحنه للغرفه نسوي علاقه مابيه ابسط لذه ومتعه ، جان قاسي كلش وياي ،  يتعامل بوحشية ، قذر الى ابعد الحدود ، عدواني بلارحمه ، لكن شنو اسوي ،  تحملت ، وسكتت و كلت ميخالف ،
بعد فتره رحت للمقبره ازور امي وابوي ، خابرت زينب دلتني على قبورهم ،  ادور َ عيهم  مالكيتهم ، اكثر من اربع ساعات كمت ابجي ،   صرخت بأعلى صوتي
ولكم كلبي طك متردوني
بااااااااااااابا
ماااااااااااما ، اني بنيتكم  حوراء ، ليش هيج تايهه ، بكبور ادور ليش مجاي الكاكم ،
بااااااااابا
مااااااااااما
وأصرخ والطم علوجهي وراسي ، شافني ولد اجاني
الولد : - خويه محتاجه مساعده
حوراء :- 😭😭😭 ادور على اهلي مجاي الكاهم ، مجاي يطلعون يتلكوني ميريدوني وانحب
لولد :- خويه كولي يالله هسه تلكين القبر
رجعت خابرت زينب وصفت المكان للولد ، وصلني من شفت كبورهم ، ماعرف شصار بيه اباوع عله قبر امي  واحجي وياهة
يمه ليش متحاجوني
يمه اني محتاجتج ولله
بابا صدك اجي اول مره وماتتلكاني ، اخذوني وياكم ماريد ارجع ، اريد اسولفلكم حالي
يمه زوجني حيدر لرجال جبير ، قبل لا تجي دورة سنتكم ، يضربني ويشتمني ،
يمه اضل وحدي ايام وليالي ، عشت بس خايفه وراكم ، اكعدو حاجوني ، صدك متردوني ، 
يمه تيهت بالكبور ، يمه مااندل بعدني طفله ، وضليت ابجي وكاعده يمهم ،
لبالي يتلكوني من اجي ، واشوفهم بعيوني
يحضنوني ويمسحون عله راسي ، يسمعوني ويجون وياي ، يحاسبون حيدر وعماد ، صار العصر رجعت للبيت كوه افتح عيوني ، ومشت الايام ويا مااسرعها ، خلصت امتحانات و
اجه شهر رمضان ، واني وحدي حتى من يجي الفطور مااشتهي اكل ، وخلص واجه العيد ، لكن كالعاده ، محسيت بي ولاعرفت ، شنو لمة العايله وأهل وعيد ، حياتي عباره عن ضرب مستمر من عماد ، وخوف من الوحده والظلمه ،
وحشة البيت وهدوءه موتتني مابي صوت ، بس  دموع وحزن ، رفض مستمرار ألي ، اباوع علزوايا البيت ، أتمنى لو عندي طفل اتونس ويا يزيل الوحشه عني ، ويخفف الهموم الي على كلبي
اتفقت ويا عماد انو اسوي منه طفل أنابيب
وبعد مااريد منه شيي حتى جيه ماريد منه ،
بعد فتره طلعلي عماد اجازة سوق ، قلل جياته عماد للبيت ، كل شهر يجي مره واحيانا"
كل شهرين ، بس بكل مره يجي نسوي علاقه حميميه ، والتهيت اراجع طبيبه 
تكول إذا تردين أطفال نسويلج بمركز الأنابيب بالحله وهذا يحتاج موعد ، وافقت أني طبعا" ،
راح عماد أكثر من شهرين مااجاني للبيت ،
بعدها أجه ،  دخل وكالعاده يشتغل
بالحاسبه مالته واني ميدري بيه وين لله خالقني  ، ضاربنبَي عرض الحايط ، إني ادري بي حيوان مايفهم شي ، كلت خلي اشوف ردة فعله ، عود اريد اسوي جو ونضحك ،  حجيت ويا
حوراء :- عماد اني حامل
عماد :- شنو
حوراء :- شبيك حامل
عماد :وشكد الج
حوراء :- مادري احتمال شهر
عماد :- احجي عدل لاادميج
حوراء :- شبيك غير مزوجه وعندي رجال ، أنت تجيني كل شهر مره ، خليني احبل ليش حارك اعصابك ، غير أنت موبحالي ، ومااحس الا راشدي طرش اذاني وكام عليه لبالك وحش يضرب بيه بلارحمه ،
كتله اشاقه وياك  والله اجذب مو حامل والله موتتني ، وخلاني وطلع من البيت  ،
ضليت ابجي ومهضومه وكلبي يريد يطل
جسمي كله يوجعني ، الله لا ينطيك كسر ليكسر ايدك واتلوه من الوجع وهيج أيامي تمشي.
طلعت النتائج وكان معدلي قليل انقبل كلية
آداب ، بس صديقتي قدمت  إدارة واقتصاد  فكلت أقدم وياها ، وفعلا " رحت للجامعه وداومت فتره ، لكن المفاجئة بعد دوامي بالكليه  خابروني من مركز الانابيب،  انو لازم اسوي طفل بعد يومين وبحضور الزواج
خابرت عماد ، اجاني ورحنه للمركز طبعا
اجه كوه علي ،  سوينه الطفل ورجعنه للبيت إني وعماد وكالتلي الدكتورة لتتحركين ،  بليل هوه راح وره شويه رجع وويا مره زينه بالعمر وكلش  وتشبه عماد
عماد :- هاي اختي ام إسراء راح ضل وياج علما الله يسهل وجيبين
حوراء :- كل لهله بيج اتفضلي
ام إسراء ':- وبيج يكلبي
حوراء :- شكد عيب راح اتعبج شلون تعوفين زوجج وتجين يمي؟
ام إسراء :- إني زوجي شهيد
حوراء :- اسفه الله يرحمه
ام إسراء :- لحمدلله عماد مامخليني محتاجه شي الله يطول بعمره ، جان عدها ٣ ولد و٥ بنات وكلهم جاين وياها،  فرحت بيهم كلش ،
البيت انترس والوحده راحت ، كانت
كلش حبابه وهواي ساعدتني وضلت وياي ٧ أشهر بذني الأشهر ابد مشفت عماد ولا وصل للبيت ، بس اخته جانت مونستني هي وجهالها ،واحساس الحمل حلو ماينوصف ،
أحلى احساس  طفل بداخلي و يتحرك ، يعني  روح تنبض قبل نبضي ،  يوميه احاجيها واكلها مراح اعوفج ولا اخلي الدنيا تعذبج مثل ماتعذبت، كانت بنيه وسميتها شهد 👧
وبيوم كنت نايمه ، شفت امي بالمنام ، تضحك وتكلي انطيني شهد خلي أبوسها ، وشالت شهد من أيدي و مرجعتها ألي، اخذتها وراحت
ضليت  اصيح ماما وين رايحه
تعاي جيبي شهد ،  فدوه ماما وين ماخذه بتي فزيت مرعوبه من الحلم
ام إسراء :- اسم الله عيني شبيج
حوراء :- حلمت بامي
ام إسراء :-الله يرحمها ماكو شي ان شاء الله ، وره المنام الي شفته ، شهد بعد  متتحرك بطني ، رحت  للدكتوره و اخذت سونار
دكتوره :- حوراء كلشي بيد الله ، بس الطفله ميته بطنح ولازم قيصريه حتى نطلعها
حوراء :- لا مستحيل شهد متموت.
دكتوره :- سبحانه لمايموت ، رجعت للبيت واني ابجي،  واجه عماد
عماد :- حضري ملابس باجر العمليه لاضلين تبجين
حوراء :- روح بداخلي ماتت شلون ماابجي شهامك انته جهالك داير مدايرك ، شكد اكرهك اطلعو عني خلوني اموت وياها بلكي ارتاح ،
أم إسراء اخذت أطفالها وراحت لبيتها ،
وعماد راح ضليت بلا أكل ولا شرب وجسمي منهك بحيث مغمي عليه
نقلوني بلاسعاف للمستشفى وسولي عمليه وطلعو شهد ميته ،
صحيت من البنج احس سجاجين بطني من الألم ،  وخالتي وزينب وحيدر، ورجل زينب كلهم يمي
حوراء :- شهد بتي وين شهد وين شهد
حيدر :- اهدي هسه نجيبها الج
خالتي :- يمه ذكري الله
حوراء :- خاله اريد بتي ، وشويه وطب عماد وبيده وصله بيضه ملفوف بيها طفل ، خالتي وزينب يصيحون ميصير ليش اطب عليها ،
واني اصرخ لا شهوده أريدها ، ليش مغطيها
خلي اشمها انطيني بتي وأصرخ ،
المستشفى كلها لتمت علينه ، اغمى عليه
كعدت اسمع الدكتوره تكول لخالتي ، عدها نقص دم والعمليه طاكه خياطات وراجعه مخيطتهن ولازم ارتاح ، بعد هاي الصدمه والالم لحسيته بفراك شهد لجنت مصوره حياتي راح تتغير بوجودها وتصير أفضل ، طلعت من المستشفى وخالتي ، وهنا عماد تعاركو
خالتي :- انته شتريد بعد من الله موحرام عليك شنو من كلب ، شايل حته جيب بتها ميته وتحطها بحضانها ، لو مامتلاحكيها الأطباء جان مصارينها طلعت
عماد :- لاتجاوزين حجيه هاي بتكم جوه وكلشي مابيها
خالتي :- هاي لوصيتاك بيها وينك حيدر ، تجي تشوف عطيتك حوبتها تتلكاكم أن شاء الله
عماد :- تره زودتيها
خالتي :- وشتريد سوي بعد أكثر من لسويته
عماد :- طلعي بره بيتي
خالتي :- تطردني والله عليش اعتب انته وحيدر من نفس الطينه بس اكو لله وهو ياخذ حقها منكم ،  جنت اسمع ومااكدر اكوم ولااحجي من الألم ،  مشت خالتي واجه عليه عماد
عماد :- شوفي ولج مال بعد طفل هاي بحلامج وحق الله إذا ماتندفنين وتنجبين لادفنج اني.
متت بجي وكلت لازم اطلك كافي مااكدر بعد ، وره خمس ايام من العمليه ، لزمت بطني والالم ركبت السياره وكوه اسوق رحت لحيدر أخوي
حوراء :- حيدر طلكني من عماد ، ابوس ايدك حيدر لو تكتلني وتخليني اموت هنا بعد مابيه اتحمل
حيدر :- طلعي بره وبعد انسي عندج اخو كافي عاد ، تماديتي شهلوكاحه
حوراء:- لا حيدر فدوه والله بعد مابيه اتحمل الموت أسهل من حالي ، لزكني بيده وجرني بره  البيت وسد الباب ، هنا رجعت من بيت حيدر ، طبيت للبيت واني اصيح من الهضم والوجع والالم لاحس بي ، رحت شربت علاج مسكنات و ضليت يومين نايمه كوه اكوم اكل لكمه وارجع استند علحايط وابجي
لو عندي أم
لوعندي اب
جان ماصار بيه هيج 😭😭😭
يوم العاشر من الولاده  رحت البغداد كلت أضل يم  اختي زينب ، أجرت أخو صديقتي يسوق  سيارتي وصلت لبيت اختي ، مااكدر اشيل ضهري من الوجع ولازمه بطني
زينب :- حوراء هله بيج تفضلي شجابج وانتي هيج تعبانه
حوراء :- زينب نيميني اريد ارتاح ، ضليت عد زينب للاربعين لحد مارتاحيت ، وراها رجعت للبيت مابيه شي الحمد لله ،  ما حجي ويا عماد ومالي علاقه بي أبد ، بعد كم شهر اجه عماد
عماد:- شنو بنفسج ترحين
حوراء :- اروح لاربيل ،
عماد:- اوك حضري نفسج عكب باجر نروح
ضليت متفاجئة من تصرف عماد هذا ،
ورحنه لاربيل وجان يخليني علراحتي طول السفر، ضليت خمس ايام ، بعدها رجعنا ، لكن مارجعني للبيت ،  تفاجئت انو عماد وكف السياره يم بيت عمي بغداد
حوراء :-شكو جايبني لهنا ليش ؟
عماد :- انزلي روحي عيشي حياتج لرتيها
حوراء:-  يعني شنو راح تطلكني
عماد :- روحي انزلي
حوراء :- عمي ماراح يستقبلني
عماد :- روحي لعليه سويته ، نزلت واني خايفه وافكر شلون بيه إذا طرذني عمي🤔
وين اروح َ🤔
دكيت الباب طلعتلي مرت عمي وتباوع عله جنطتي 🤥
والقصة تكمله.........

التفاعل كلش قليل والمشاهدات عاليه يعني اليقره البارت صعب علي يدوس النجمة عموما '' '
حبايب صوتو علبارت من النجمه 👇وسوو متابعه لمامسوين وياربي قراءه ممتعه.