حوراء :- شلونج عمه
مرت عمي :- هلا يروحي تفضلي ، دخلت للبيت
و افكر يقبل عمي اضل هنا ، خاف مايستقبلني
عمي :- هلا بويه شلونج
حوراء :- لحمدلله ، اريد احجي ويه عمي تلعثمت كلت عمي عمي اني😔
عمي :- لا تحجين ، هلا بيج بويه ، عماد اجاني وحجه وياي ، وهذا البيت اشتراه عماد ألج حتى هنا تعيشين يمي
حوراء :- معقوله أشترالي هذا البيت ، ليش ؟
عمي :- ليش 🤔
انتي غير متردي 🤔
متردين تطلكين🤔
حوراء :- يوم عيد يوم لاخلص منه ،
عمي :- خلص باجر اداور البيت باسمج ، كعدي عدنه فتره ، علما يتاثث البيت وكعدي بي ، وهنا انتي معززه مكرمه محد يمر ويوصلج أبد
حوراء:- شكرا" عمي الله ينطيك العافيه
عمي عنده ٦ولد ، ثنين منهم ساكنين بريف بغداد ، وثنين مزوجين وكاعدين يم بيت عمي بيت بصف بيت ، وثنين ساكنين ويه عمي بنفس البيت ، واحد مزوج و الآخر
بعده الزغير و المدلل ، كعدت وياهم
باليل خابرني
عماد :- الو حوراء
حوراء :- أي تفضل
عماد :- باجر تجين للبيت و تاخذين غراضج
وتروحين للمحكمه توقعين على الطلاك
حوراء :- مااروح ، اريد المؤخر مالتي كله
عماد :- 😒روحي للمحكمه وقعي واخذي غراضج ، المؤخر كامل عد أخوج حيدر خمسه وعشرين مليون
حوراء :- اوك ، رحت نمت ، واني مامصدكه
يمته يجي باجر واطلك حتى أخلص منه ، وفعلا رحنه اني وزوج أختي للمحكمه ووقعت علة الطلاك ، ورحت لبيت حيدر أخوي ، أخذت الفلوس ، ورحت للبيت مالتي لميت كل غراضي ،
قبل أن اطلع من البيت باوعت لكل زواياه واركانه ، كمت احجي وي البيت أني رايحه وبعد ماأجي ، شفت بيك أيام سوده ، ولالحضة فرح مرت عليه واني ساكنه بيك ، هاي هيه بعد مااطب الك ولااوصل ، ورجعت اني ورجل زينب أختي ، رحت للمقبره لمي وابوي زرتهم ، وانطيتهم خبر، هيج طايره من الفرح لبالك طير تحررونفك من سجنه ، مادري شسوي اضحك
لو ابجي ، ورجعنه لبغداد ، كعدت بيت عمي ومستحيه ، لان بيتهم زغير ، فجنت بالنهار بيت عمي ، لان ولد عمي بشغلهم وبليل انام يم جهال زينب لان ماكو مكان بيت عمي انام بي ، كم مره نمت بلبراني ،
عندي فلوس ، ضليت افكر
اني مالي احد يصرف عليه ، ولازم الفلوس العندي اشتغل بيهن ، حتى أعتمد على نفسي ،
وفعلا ابن عمي عنده معرض سيارات ويشتغل
بالسيارات ، دخلت اشتغل ويا ببورصة السيارات وحصلت أرباح واثثت البيت بس ماكعدت بي لوحدي ، صارت فكرة اشتري غرفة خشاب ، كان إبن عمي الزغير يباوعلي بأستمرار ويحاول يكون مهتم بيه وبالشي الي أني أريده ، بس اني مكان بالي وماردت يتحرك كلبي عليه بسبب ألي عشته قبل وشفته من أذيه ، بيوم ردت اطلع اشتري غرفه خشاب ، بعد ثلاثة أشهر من حادثة الطلاق، أجاني عمي كلي تعاي عندي موضوع وياج ،
عمي :- حوراء عمي شنو رايج بأبن عمج منتضر ؟
حوراء :- خوش ولد وشغول وحباب ؟
عمي :- بابا ابني حجه وياي علمودج ،
وكلي ، هويحبج ويريدج على سنه الله ورسوله
حوراء :- ها 🥺🥺عمي اني لشفته مو شوية
عمي :- البنيه يرادلها سند وهاي دنيا ، واني مدايملج ، فكري علة راحتج واخذي وقتج ، واطلبي المهر لتردي و منتضر ، صح هو مدلل وطايش شويه ، بس رجال
ويحميج ، ويدللج
حوراء :- ميخالف عمي ، ضليت افكر للمغرب ، بعدها طلعت اريد اروح لزينب أختي ، من طلعت لاكاني ابن عمي وجه بوجه ، يباوع عليه أرتبكت من شفته
منتضر :- حوراء مساء الخير
حوراء :- ي مسا النور
منتضر :- شبيج هيج مرتبكه
حوراء:- ماكو شي ، وردت اطلع سد عليه الطريق
حوراء :- أريد اروح لزينب
منتضر :- زينب وزوجها والجهال طلعوا يتعشون بره البيت
حوراء :- ها اوك
منتضر :- ممكن نحجي
حوراء :- شنو تحجي ، الله يخليك اني مو مثل متصور فدوه شوف حياتك ويه وحده افضل مني
منتضر :- لهدرجه مكروه 🤔
حوراء:- لا بس اني كلبي بعده ملجوم
منتضر :- وافقي راح ادللج واعوضج
عن كلشي مريتي بي ، و راح اكون الج
الزوج والأخ والأب
حوراء :- عيوني كامن يجرن وكتله ماكدرانسه
منتضر :- لج عليش تبجين امدايه إذا ابجيج
شوفي حسبي نفسج ابنيه واجيت خطبتج ، ماراح اسالج عن أي شي صار وياج بلماضي ، َواذا تردين سوي عمليه وارجعي ابنيه هم ماعندي مانع
حوراء :- 😔افكر وارجع الجواب
منتضر :- اوك لعد روحي لزينب َ
حوراء:- شنو اروح لزينب؟
منتضر :- أي زينب بيتها انتي مصدكه زينب تطلع المطعم ، إذا ماتكعد علجدر ماترتاح ،
ردت احجي وياج جذبت عليج
حوراء :- 😁حروح
منتضر :- خلي اوصلج دنيا المغرب ، وصلني ورجع واني افكر بكل كلمه كالها ، وحياتي وكلشي عشته ، وشلون إذا باجر اتغير اوف ياربي اوكف وياي وساعدني
حوراء :- زينب عمي خطبني الابنه
زينب :- صدك
حوراء :- والله أنتي شدكولين أوافق ؟
زينب :- اي وافقي هو خوش وليد
حوراء :- اي
زينب :- وماراح يكولون الحيدر
حوراء :- ليش حيدر شعلي وبعدين اني بيد عمي موطردني من بيته حيدر ، بعد شيريد مني
زينب :- حوراء اني اكلكم كلو الحيدر ، تره اللعب بنار يجوي ، وحيدر ميعوفج هم يجي يوم يدري ويجي يكلب عاليها واطيها
حوراء :- 🙄مرت الايام وهمه منتضرين الجواب مني ، واجه اليوم لكالتلي بي مرة عمي
ها عمه :- بشري مارديتي خبر علمود إبن عمج
حوراء :- مالكه مثله اني موافقه ، وباليل كل ولد عمي اجو للبيت ، وسوو عشه وكدام لكل عمي خطبني ، وزوجات ولد عمي أسمعهن يسولفن بيناتهن بسكوت ، وحده تكول بعد شتريد بيت وملك الفلوس ونوب حصلت رجل ، والثانيه
تكلها الله اعلم شنوسوتلهم وخلتهم يخطبوها،
انكسر خاطري ، وكلت لو ماموافقه شنو راحن يكولن عني ، كان عمي يدافع عني ويرد كل شي عني ، وأصر عمي ابقى بالبيت عنده لمن ازوج واروح البيتي ، حضرت نفسي لزواج واشترينه الغرفه و النيشان وعقدنه بالمحكمه ، ابن عمي كان أحن واحد عليه ، أبد محسسني اني مطلقه ، كنت فرحانه وبغير عالم ، اتفقنه نزوج بالفندق وثاني يوم نسافر ، وطلعت جواز سفر ، وملتهين نحضر للزواج ، وبيوم زواجنا طلعت اريد اروح للصالون ، فتحت الباب وأذا أخوي حيدر واكف بالباب 😟
من شفته خفت وصحت يمه
حيدر :- وغمه الظاهر خوش لكيتو بنك
تستغلونه ؟
منتضر :- حيدر احجي عدل ، اني اتقدمتلها علسنه الله ورسوله
حيدر :- ومنين خطبتها حضرت جنابك ؟
عمي :- ها يحيدر جاي تتعارك ، طب يبويه وعليكم السلام
حيدر:- مااطب ولا اكعد ، اختي منو لسمحلكم تزوجوها شنو اني متت ؟
عمي:- ولك انت شو ماعندك أخلاق ، اني عمها وزوجها بكيفي 😕 كلبي كام يدك لبالك راح ينشلع من مكانه ، وخفت كلش لان
حيدر جاي ماناوي علخير
حيدر :- اني الوحيد لاتحكم بخواتي
عمي:- واني زوجته لبن عمها مو غريب ،
علاقل يصونه مو لمصلحته ويا 🤔
حيدر :- شنو قصدك ، اني زوجته لعماد مصلحه ،وباوع عليه كلي يله كومي ولج
لو علجثتي متزوجين هذا ، الهتلي ابو النسوان ، ردت اموت من الخوف ودموعي يجرن
حوراء:- حيدركلي شسوي بيه بعد ؟
تريدني أكتل روحي عوفني بحالي شنو الذنب ارتكبته حتى تعاملني هيج ؟
ليش حرام عليه أفرح ؟
عمي :- حيدربويه اكسر الشر واطلع احسلك
حيدر :- مااطلع وحوراء تجي وياي والا البيت احركه عليكم ، باوعت عله منتضر كتله
احميني منه ماريد اروح ويا 😭😭😭
وللقصه تكمله........
حبايب لاتنسون التصويت من النجمه 👇لما مسوي متابعه يسوي وقراءة ممتعه
أنت تقرأ
مع الحياة وجها" لوجه +18
General Fictionالزود مو للمهره ابد احجيلي عن خيالها......... وزلم مووكت لحجي زلم وكت أفعالها
