مع الحياة وجها" لوجه +18

البارت السادس

تعرفت على كرار ، وحجيتله كل شي عن حياتي ، و أغلب وقتي اخلصه ويا  عالتليفون ، وبقينه نتواصل  ، كلامه حلوو رومانسي ، اطمأنيت أله ، وصدكت بكل كلمه كلياهة  ، اذكر يوم جنت احجي ويا ودخل عليه عماد ، طبكت التلفون ورحت سويت عشه ،  وجنت
لابسه تراك ومعدله نفسي
حوراء  :- عماد تفضل
كعد ياكل واني اباوعله ، وافكر بحجي كرار الرومانسي ودلاله و غيرته عليه لمن اكله عماد ضربني
عماد : - شبيج تباعيلي
حوراء : - ماكو شي عماد
عماد :نعم
حوراء : - إذا متريدني طلكني ليش هيج سوي بيه ، اني شنو ذنبي مبقيني هيج ، جاي اخاف وحدي وانته مامتقبلني
عماد : - لتردي شنو
حوراء :- اريد مثل كل انسانه حقي بكلشي الفلوس مو كلشي،  اريد طفل اتونس بي
عماد :- طفل واحد ، متردين توم ؟
حوراء : - اني من حقي أصير أم وهذا  أقل حقوقي
عماد : - شوفي ولج هاي السالفه شيلها من بالج ولو ردت انام وياج ماراح يصير عندج أطفال ، لان اني مسوي مانع بألمانيا فلا تعبين نفسج
حوراء: - لعد إذا هيج طلكني
عماد :- طلاك ماكو وضلين هنا لحد ماتموتين ،  وعاف الاكل وراح يغسل
حوراء :- ضربت الصينيه بلكاع ، كتله اكرهك انت وحيدر  وحوش ، ماعدكم ذرة إنسانيه
الله يخلصني منك ومن حيدر الكلب ،

ياريتني ماحجيت ، أجاني كالعاده،  نزل عليه ضرب بالحزام ، كام جسمي كله يون من الوجع ،
طلع من لبيت وبعد ماشفته ، لاكثر من شهرين ،
بهاي الفترة اطورت علاقتي بهذا الولد كرار وجنت اخلص يومي كله ويا عالتليفون ،
يوم من الايام كلي
كرار :- حوراء اني اريد نلتقي واشوفج.
حوراء : - لا مااكدر وين شوفني البيت كله كامرات ،
كرار : -  نلتقي يمي بيت اهلي فارغ
باجر يرحون للزيارة
حوراء : - لا كرار اني مااريد
كرار :- كولي ماثقين بيه ولاتحبيني
حوراء :- ليش هو الحب هيج؟
كرار :- انتي بالنسبه ألي عرضي وشرفي شنو انت تخافين مني؟
حلف ميتقرب مني ، وضل يهدء بيه ،
المهم كلت كرار يحبني ويريد يشوفني مابيهة شي ، خابرت عماد كتله راح اروح اسجل بمعهد علمود السادس كلي روحي ، شفت كرار
ياريتني ما شفته ، جنت اتوقعه ملاك ، طلع أسوء من عماد ،  شارب وريحته تطرد ،
حوراء :- انته تشرب.
كرار : - لاحبي هاي عالمودج، حتى اعدل
مزاجي هاج ضوكي وياي
حوراء : - رجعني للبيت ولك لبالي بيك خير
كرار : - لا ، عمري انتي ، وين الحب لعد؟
وكف السياره يم بيت هيكل مامبني ، نزلت ويا باوع علي حالته تلعب النفس ، اجه يريد يبوسني من كد ماسكران راسن وكع  بالكاع
احجي ويا يهذي ، ويحجي أشياء ومامفهومه ،  شردت وعفته ، رجعت للبيت و طالعه روحي من الي شفته ، الله يلعن الساعه الي عرفتك بيهة ،
رحت نمت كعدت بليل ، خابرت عماد
حوراء : - اني تعبانه كلش تعال للبيت ، دايخه راسي راح ينفجر
عماد :- يله أي ، وما اجه كالعاده ،
اتمرض و ياخذني المرض والتعب واضل ايام بلا اكل ، ولا أحد يدري بيه ، لحد ما اكوم النفسي
خابرت كرار كلت خلي اعاتبه طلع نذل وخسيس
حوراء :-كرار ليش هيج سويت بيه ، ليش مكتبي تشرب خمر ،
كرار:- وهسه شنو لصار عادي كل الشباب تشرب
حوراء:-  راح اطلك ،  وخلي نتزوج ونبدي حياة جديده وبطل الشرب ، ونعيش إني وانت؟
كرار :- لا لا تفكرين تطلكين أبد ، لان ماراح ازوجج ، ماازوج وحده عدهة علاقه وياي سابقا" 
حوراء:-  ليش مو تكلي احبج و تخاف عليه ، لك انت شكد زباله ونذل ، لبالك اني لعبه بيدك ، واني لبالي زلمه  وبيك حض ، طلعت خسيس وابن حرام ، وسديت التلفون ، بجيت و دعيت ،