صحت تانى يوم لبست اسود برده وراحت الشركه وراحت مكتبها واشتغلت هو لما جه دخل مكتبه وقعد
مشيره دخلتله
مشيره: صباح الخير يا حبييي
طارق: صباح النور
مشيره: ها ظبط البت
طارق: لسه استنى اجبها دلوقتى
مشيره: تمام
طارق قال لسكرتيره تجبها
اسراء راحتله
طارق: صباح الخير
اسراء: صباح النور حضرتك طلبتنى
طارق: اه انتى برده لابسه اسود
اسراء: اه لابسه اسود ومش هغيره لان دى مش مدرسه ليهاUniforms لازم التزم بيه دى شركه ولبسى حريه شخصيه ولو مش عاجبك ده انا هستقيل
طارق: هههههه لاء انتى وقعتى خلاص ولو مشيتى هتلاقى الكلبشات في ايدك يا قمر
اسراء: تمام انت لو مش عاجبك لبسي قطع الورقه اما انا مش هلبس غير الاسود
طارق: انتى بتتحدينى
اسراء:افهمها زى ما انت عايز
مشيره كانت قاعده وحطت ايديها على بؤقها
مشيره:ده انتى سنتك سوده دلوقتى
اسراء:ليه انا مقولتش حاجه غلط
مشيره:انتى بتزعقيله وبترفضى طلباته ده انتى متربتيش
اسراء:بقولك ايه اعدلى كلامك بدل والله العظيم هتشوفى منى اسلوب مش هيعجبك ومتجبيش سيره التربيه لانك متعرفيش معناها ولا عدت عليكى
مشيره اتصدمت من جرأتها
مشيره:طارق البت دى لازم تموت
طارق كان بيبص لاسراء وبس
اسراء:انا مبتهددش انتى سامعانى
مشيره:مش بقولك قليله الادب ولسه جايه تضربها بالقلم
اسراء مسكت ايديها وضغطت عليها
اسراء:انتى عارفه لو كانت اتمدت عليا كنتى هتزعلى وهتزعلى جامد.وايدك دى حافظى عليها عشان مكسرهاش وزقتها
مشيره:اه بت انتى موتك هيبقا على ايدى
طارق:مشيره اطلعى كده برا
مشيره:بس
طارق برقلها
طارق:انا مش قولت برا ولا عايزه تتعاقبى
مشيره:ل لاء لاء انا طالعه وطلعت بسرعه
طارق قام لاسراء
طارق:انتى بتزعقلها قدامى
اسراء:انا باخد حقى
طارق:انتى عنيده وانا بحب كده
اسراء:تحب ولا متحبش ميخصنيش
طارق: انتى لمضه اوى وبيقرب منها
هى كانت بتبعد لحد لما لزقت في الحيطه
هو ضحك وقرب منها جامد
اسراء:ابعد
طارق:توء
اسراء:قولتلك ابعد
طارق مردش وقرب شفايفه منها جامد ولسه هيبوسها
هى عوجت وشه وضربته بالقلم جامد وزقته بعيد عنها
هو اتصدم وبصلها وعينه كانت حمرا اوى ومطبق ايده من العصبيه
طارق:انتى ايه اللى عملتيه ده
اسراء:انت تستاهل كده
طارق:انتى هتتعاقبى على كدا انتى متعرفيش انا مين ولا ايه
اسراء:ايا كان انت مين مش فارق معايا انا مبفرقش بين الناس الوسخه اللى زيك ولو مش عاجبك اسلوبي نفسخ العقد يلا قطعه ده اللى مخلينى لسه في الشركه دى هو العقد الزفت ده
طارق استغرب جامد من جرأتها واول مره ميبقاش عارف يعمل ايه لان الكل بيخاف منه
طارق:امشي من قدامى احسنلك
اسراء:ماشيه اصلا ومشيت وراحت مكتبها وعيطت
بعد شويه هو راحلها هى شافته ومقامتش
طارق:في ملفات لازم تخلصيها وترصيها في المكتب ده
اسراء :تمام
الناس طلعولها الملفات كانت كتيير اوى هى بدأت تشتغل فيهم وجات الساعه ٨ وكانت خلصتهم وهترصهم بس الكل روح هو عارف انها لسه مخلصتش فكان قاعد
هى بدأت ترصهم وكان البتاع عالى عليها فوقفت على حرف الكرسي وكانت بترصهم هو جه وبص عليها هى كانت بضهرها ومش شايفاه هو فضل يبص عليها وعلى جسمها وقال في نفسه
طارق:ده انتى مفكيش غلطه احلى بنت عرفتها بس فعلا اصعب واحده كل ما الجمال بيزيد الصعوبه بتزيد بس مش عليا انا طارق السويفى ومسيرك هتجيلى يا قمر
وفضل يبص عليها
الكرسي اللى كانت واقفه عليه كان مكسور وهى مش شايفاه وهو شافه اتسحب وحركه الشرخ الموجود فيه ووقف هى اتحركت وكانت هتقع هو حط ايده وهى وقعت على ايده كان ايد لفا على ضهرها وماسك وسطها والايد التانيه لفا على رجليها من عند ركبتها وكان مسكها جامد
هى كانت مغمضه عنيها
طارق:فتحى يا قمر
اسراء فتحت وبصتله وفضلوا باصين لبعض كتيير
طارق سرح في عيونها اللى ماليانين الغاز وحزن وخوف وكره وقال في نفسه
طارق:عنيكى تهبل اوى بس فيها حاجات ياما اوى اول مره اسرح في عين حد وكمان هزقنى دى صعبه اوى عيونك بحر شدونى ليهم
هى كانت بصاله وقالت في نفسها
اسراء:انت طلعتلى منين حاسه انى قريبه منك حاجه رباطنا بس ايه هى معرفهاش لكن حاسه انك ازتنى ليه مع انى معرفكش
هو قالها بعد ما فاق
طارق:حلوه اوى
اسراء:نزلنى
طارق:بدل ما تشكرينى انى مسبتكيش وقعتى
اسراء:مش بشكر ناس متستهلش الشكر
طارق رماها على الكنبه
طارق:فعلا كان لازم توقعى تنكسري وارتاح منك وكسر الكوبايه جات عالى رجليها فتحتها وجابت دم كتيير هو شافها ومشي
هى قامت وكانت بتتوجع جامد ورجليها بتنزف جامد
وغرقت الشركه وهي طالعه لانها كانت بتجيب دم جامد
ركبت تاكسي وروحت ابوها وامها كانوا قاعدين
اسراء:السلام عليكم
امينه:وعليكم الس ا ايه ده تعالى
اسراء:مفيش تعويره بسيطه هطلع اغسل رجلى واربطها وخلاص
ابراهيم:مش بسيطه دى مفتوحه جامد وشالها وودوها المستشفى
الدكتور عملها الجرح وقالها متتحركش عشان الجرح يلم
ابراهيم شالها وودها تانى البيت وهى نامت
تانى يوم هى صحت ومشت بالراحه اتوضت وصلت وقعدت تانى وكانت بتفكر في طريقه طارق
اسراء :ده واحد مغرور اصلا ايه ده
عند طارق راح الشغل وهو داخل كان في دم كتيير والموظفين كانوا مستغربين طارق مشي ورا الدم لحد ما وصل لمكتبها افتكر امبارح لما اتعورت
طارق:اووف ده الدم كتيير اكيد نزفت جامد تستاهل عشان تضربنى بعد كده .وراح مكتبه وطلب سكرتيرته
هى دخلتله
طارق:لما اسراء تيجى تبعتهالى عشان هتتعاقب
رنا:هى لسه مجاتش لما تيجي هبعتها لحضرتك
طارق:يلا اطلعى
رنا:تمام بعد ازن حضرتك
طارق فضل مستنى ان رنا تبعتله اسراء بس مجاتش طلبها وهى دخلتله
طارق:لسه مجاتش
رنا:اه
طارق:هى بتتحدانى بقا
رنا:متجرأش
طارش:لاء دى اتحدتنى وعقابها بيزيد امشي
رنا طلعت
طارق روح وعدى ٤ ايام واسراء مش بتروح هو في اليوم الخامس بص في الCDبتاعها وعرف عنوانها
(لما رضوى ماتت ابوها وامها غيروا المسكن عشان الناس وعشان مفيش حاجه تفكرهم برضوى فنقلوا بقا وراحوا بيت جديد )طارق وصل للبيت وخبط
امينه قامت وفتحتله
امينه:مين حضرتك
طارق بتناكه وغرور رد وقال
طارق:انا طارق السويفى مدير الشركه اللى بتشتغل فيها اسراء
امينه:ايوه في حاجه
طارق:هى مش بتيجى الشركه خالص وكده غلط هى فين
امينه:هى تعبانه
طارق:طب كان لازم تتصل
امينه:معلش احنا اسفين
طارق:هو انا مش هدخل
امينه كانت مسامحه شويه لكن ابراهيم لو كان هنا مكنش دخله لكن امينه دخلته عشان ابراهيم مش موجود
امينه:اتفضل هنا وانا هندها
طارق قعد وكان بيبص للبيت بتناكه وقرف
اسراء نزلت وامينه كانت بتسندها وقعدتها وامينه مشيت
اسراء:السلام عليكم
طارق:ههههههه رجلك مالها يا قمر
اسراء:ايه اللى جابك هنا وعايز ايه
طارق:انتى فرفوره ليه ازازه عورتك توء توء
اسراء:طب امسك كوبايه وشوفها هتعورك من ازازها ولا لاء
طارق:احم احم انتى ليه متصلتيش تقولى انك هتغيبى
اسراء:مش عايزه اسمع صوت حد من شركتك ولو مش عاجبك اطردنى
طارق:ده في بعدك
اسراء:خلاص بلغ البوليس وقول انى مش باجى الشركه ويجوا واعملك محضر تعدى واوريهم رجلى اللى مش قادره امشي عليها دى
طارق:بت انتى مصنوعه من ايه
اسراء:مخلوقه زى زيك بس مبخافش غير من اللى خلقنى
طارق:بس قمر وجمالك ده شايل من عليكى قوه العقاب
اسراء:جتك القرف
طارق اتعصب ومشي وهى طلعت اوضتها
عدى اسبوع كمان واسراء مش بتروح راحت بقا بعد اسبوع ودخلت على مكتبها على طول
طارق عرف انها جات خلى رنا تدلها كل الشغل اللى عليها
اسراء اشتغلت فيهم ومنزلتش تفطر وخلصتهم الساعه ٤
طارق زهل بيها لما خلصتهم بسرعه وطلبها
هى راحتله
اسراء:نعم
طارق:براڤوا عليكى بجد
اسراء:عارفه انى شاطره
طارق:ههههههههه اموت في البنت الواثقه من نفسها
اسراء:اوووف انت عايز ايه
طارق:اهدى يا قمر عشان جمالك
اسراء:انجز
طارق:في شغل تحت في البادروم لازم يخلص
اسراء:تمام
ومشيت ونزلت البادروم وقعدت تشتغل طارق كان مركب كاميرا وشايفها الساعه جات ٩ واسراء خلصت هو قطع الكهربا كان الكل روح
اسراء كانت بتخاف جامد من الضلمه بدأت تروح وتيجى
بتمسك تليفونها طلع فاصل مفهوش شاحن سندت ووصلت للباب وبتفتحه مش رادى يتفتح عرفت ان طارق قفله بالمفتاح
فضلت تخبط وترزع عليه هو ضحك وشغل فلاش فونه ونزلها
طارق:افتحلك يا قمر
اسراء:انجز يلا وافتح
طارق:توء توء انتى خايفه
اسراء:بقولك افتح انجز يلا
طارق:لما تتأسفى
اسراء:انا معملتش حاجه غلط
طارق:لاء عملتى ولازم تتأسفى
اسراء:مش هتأسف
طارق:انتى حره وفضل واقف انها تعتزر معتزرتش بس كانت مرعوبه هو نده عليها مردتش
طارق قلق عليها لانها مفطرتش طارق كان اول مره يقلق على حد عمره ما حس الاحساس ده قبل كده ففتح الباب كانت اسراء قاعده على الكرسي وساكته هو عمل الفلاش عليها
طارق:انتى كويسه
اسراء:قامت ومردتش عليه
طارق شالها ومسكها كويس وكان بيبصلها عينه في عنيها
وهى كمان كانت بصاله وكانت شايفه في عينه نظرات الخوف والقلق
اسراء في نفسها
اسراء:يااااه واحد زى ده بيخاف ويقلق من ايه وعلى ايه ده قلبه حجر اول مره اشوف النظره دى في عيونك
طارق في نفسه
طارق:انتى عملتيلى ايه ايه الاحساس ده انا معاكى حسيت بمشاعر عمرى ما حسيت بيها ابدا وحركتى جويا احاسيس كنت فاكرها ماتت من امتى وانا بقلق على حد اووف
اسراء:نزلنى
طارق:بت انتى اهدى شويه لما نطلع هنزلك
اسراء:يوووه نزلنى وضربته في كتفه
طارق:اعملى اللى تعمليه يا قمر خلينى ارميكى فوق ومتعرفيش تروحى
اسراء:خلاص خلاص
طارق شالها ونزل بيها قدام الامن تحت وحطها في عربيته
هى كانت بتنزل
طارق:هوصلك اسكتى بقا
اسراء:شكرا مش عايزه
طارق:انا قولت كلمه وقفل الباب من جوه
اسراء جات تفتح لقته مقفول
اسراء:افتح الباب
طارق:توء مش فاتحه واسكتى بقا
هى سكتت وكان هو بيسوق وبيبصلها من المرايه
ووصلها
طارق بغرور :خدى بالك وانتى طالعه
اسراء:اووف
طارق: ردى يا قمر
اسراء طلعت ومردتش
ابراهيم اللى فتحلها
ابراهيم:اتأخرتى ليه
اسراء:انا اسفه كان ورايا شغل كتيير ومتراكم
ابراهيم: يادي الشغل متتأخريش كده مره تانيه
اسراء:اسفه يا بابا
ابراهيم:ادخلى يلا
اسراء دخلت وغيرت واتعشت طلعت ملقتش صوره رضوى نزلت جرى تحت
اسراء:فين الصوره اللى كانت في اوضتى
ابراهيم:مبنشلش صور زباله في بيتنا
اسراء:بابا ارجوك فين الصوره وعيطت
ابراهيم:رمتها في الزباله
اسراء:ليه كده يا بابا ليه ونزلت جرى تحت وراحت الزباله وفضلت تدور ولقت الصوره وعيطت
خدتها فوق نضفتها ومسحتها وغسلت ايديها والبرواز بتاعها وحضنتها وفضلت تعيط لحد لما نامت
وبس كده 💔💔
لما بنتعلق في حد ممكن شخصيتنا تتحول تماما من المكسوف واللى صوته مش بيطلع لشخص تحسه قلبه ميت بس بتفضل عنده نفس الصفات لكن اللى بيتعامل بيه مع بعض الناس بيتغير وخصوصا ان كان الشخص اللى سبنا عزيز علينا اوى فبيترك اثر كبير جوانا
