تاني يوم اللكل صحي وكانوا قاعدين كلهم بيفطروا واسراء كمان
طارق:انهارده هنمشي
اللكل:بسرعه دي
طارق:هنرجع الاوتيل وهنركب تاني المركب عشان احنا استعجلنا ومنها نروح عن نفسنا شويه ولا ايه
اللكل:حاضر
طارق:يلا اللكل يروح يلم هدومه
اللكل قام وراحوا لموا هدومهم وكانوا قاعدين مستنيين طارق
طارق جه
طارق:احنا كدا ١٩ ناقصنا ولد حاولوا تقسموا نفسكم على كدا
مشيره:مفيش حد في البنات بيعرف يسوق
طارق:لا والله اما انتي ايه
مشيره:لاء انا هركب معاك
طارق:لاء انا هاخد إسراء انتي سوقي مع أي بنت او لوحدك يعني
مشيره:يعني هي السبب وتركب وانا اللي اسوق هي هتركب معايا
طارق:اعملوا اللي انتوا عايزينوا وخاد بنت من البنات ركبها وراه ومشي واللكل مشي ومشيره ركبت واسراء وراها
اسراء كانت حاطه رجليها على سناده الموتوسيكل
مشيره:شيلي رجليكي
اسراء:انا بعيده عنك
مشيره:مش عارفه اسوق شيلي رجليكي
اسراء:ومالها شيلان رجلي بالسواقه
مشيره:قولتلك شيلي رجليكي وخلاص ايه دا انا اصلا مبطقكيش فاسكتي وشيلي رجليكي
اسراء:يعني انا اللي بطيقك اووي
مشيره:اوووف وكملت سواقه وفي نص الطريق الموتوسيكل عطل
مشيره:ايه الحظ دا
اسراء:انتي مش عارفه تسوقي وبوظتي الموتوسيكل اووف منك
مشيره:ماهو انتي اللي حاطه رجليكي
اسراء:وانا مالي اووف اعمل ايه دلوقتي انا غبيه ازاي اخلي واحده ساقطه في الثانويه العامه تسوق الموتوسيكل واركب وراها كمان
مشيره:على فكره انا مش ساقطه في الثانويه انا جايبه ٦٠٪
اسراء:فرقت يعني ١٠٪وكمان انتي داخله بزينيس خاص يعني جايبه اقل من ٦٠٪ فاشله
مشيره:على فكره انا وطارق بيزنيس يعني هو شبهي تقدري تقوليه كدا
اسراء:اه اقدر بس الاول نطلع من المخروبه دي وبعدين هبقي اقوله
مشيره:اووف
وبعد شويه طارق لاقاهم ووقف
طارق:ايه اللي حصل
مشيره:اتعطلت
اسراء:اتعطلت لوحدها اظن
مشيره:بت اخرسي انا مش طيقاني اصلا وكمان انتي اللي شتتي انتباهي
طارق:خلاص قومي كدا يامشيره عشان اشوفها
مشيره:حاضر وقامت
طارق ركب واسراء كانت قاعده اصلا عليها هو فضل يجرب لحد اما اشتغلت واول ما اشتغلت هو مشي علطول
اسراء:ياغبي كنت هتوقعني
طارق:متخافيش كنت همسكك امسكي فيا بقى عشان همشي بسرعه
اسراء:مش همسكك فيك وكمان امشي براحه ليه السرعه
طارق :انا بحب كدا
اسراء:احنا سيبنا مشيره لوحدها
طارق:قلبك عليها متخافيش هي معاها الموتوسيكل بتاعي هتركبه وهتيجي
اسراء:ماشي
طارق:امسكي فيا بقى
اسراء:لاء وسوق براحه
طارق:انا قولتلك بحب السرعه
اسراء:وانا لاء
طارق:مليش فيه وساق بسرعه
اسراء كانت هتقع فمسكت فيه
اسراء:انت غبي غبي اووي وضربته في ضهره من ورا
طارق وقف الموتوسيكل
اسراء:وقفت ليه
طارق:انتي ضربتيني دلوقتي
اسراء:اه عشان كنت هتوقعني
طارق:اعتزري
اسراء:مش هعتزر انا مغلطش
طارق:انا محسبتكيش المره اللي قبل دي لما ضربتيني
اسراء:وانا مالي وكمان افتكر كدا انا ضربتك ليه عشان قله أدبك
طارق:انا قليل الادب
اسراء:اه
طارق:انتي زوتيها اووي معايا
اسراء:هتعمل ايه
طارق:بسيطه مش همشي غير لما تعتزري
اسراء:بص امشي احسن لك
طارق:هتعملي ايه هتمشي لوحدك لو بتعرفي تسوقي امشي
اسراء:اووف وقعدت طارق نزل وكان ساند على الموتوسيكل
هما اتأخروا جامد والباقي كانوا وصلوا ومستنيين
طارق عشان هو اللي معاه المفاتيح
الشمس بدأت تغرب ولسه مامشيوش
اسراء:يلا نمشي انا زهقت
طارق:لما تعتزري وطلع سيجاره وكان بيدخن
اسراء خادت السيجاره منه ورمتها على الأرض
اسراء:انا مش هعتزر ومتدخنشي قدامي تاني
طارق:وليه ياترى
اسراء:عشان انا بتخنق اه ما انت متعرفش ان السيجاره بتأثر على اللي بيشربها واللي بيشمها طبعا ماهو انت جايب ٦٠٪او اقل كمان هتعرف منين
طارق:وانتي عرفتي منين
اسراء:انت داخل بيزنيس يعني جايب ٦٠٪وكمان داخل خاص يعني أقل من ٦٠٪
طارق:وانتي عرفتي منين اني داخل خاص
اسراء:عادي مش مهم ويلا روحني عشان انا بدأت اتعب ولازم اخد الدوا
طارق:دوا؟
اسراء:اه اصل عندي ضيق في النفس عشان كدا قولتلك متدخنشي قدامي
طارق:ومقولتليش كدا ليه من اول
اسراء:وانت يهمك في ايه
طارق:اركبي يلا هنمشي وركب وهي كمان ركبت ومشي ووصلوا وهما كانوا مستنينهم
مشيره:ايه التأخير دا كله احنا بقينا بالليل
طارق:وانتي مالك خدي المفتاح اهه وادالها المفتاح وإدا للكل المفاتيح ماعدا إسراء
اسراء مدت ايديها :هات المفتاح
طارق:انتي معايا في نفس الدور وقوضنا جمب بعض فتعالي يلا وطلع
هي طلعت وراه هو فتحلها القوضه ومعاه لسه المفتاح
اسراء:هات المفتاح
طارق:انا فتحتلك القوضه ادخلي
اسراء:هات المفتاح مبعرفشي انام كدا
طارق:المفتاح هيفضل معايا متخافيش في الأيدي الأمينه
اسراء:استغفر الله العظيم انا مبحبش كدا هات المفتاح
طارق:ادخلي استحمي وغيري وخدي الدوا وانا هجبلك المفتاح بعد كدا ودا وعد مني بس بعد اما اغير انا كمان
اسراء:انت وعدتني
طارق:اه يلا ادخلي
اسراء:حاضر ودخلت استحمت ولبست وخادت الدوا وقعدت مستنياه هو استحمي ولبس وراحلها وفتح بالمفتاح ودخل
اسراء اتخضت
اسراء:مش تعمل صوت
طارق:متخافيش انا بس اللي معايا المفتاح
اسراء:طب هاته
طارق:اخدتي دواكي الأول
اسراء:ايوا أخدته هات بقى
طارق:مش هتعتزري
اسراء:لاء عشان انا مغلطش وخادت المفتاح منه في سهوه
طارق:انتي مش ساهله ابدا
اسراء:كويس انك عارف كدا يلا اطلع برا عاوزه انام
طارق:حاضر ياقموره وطلع وكان بيبتسم راح قوضته ونام وكان بيفكر فيها وهي كمان
تاني يوم صحوا وراحوا المركب
طارق:هاتي ايديكي عشان اطلعك
اسراء:هعرف اطلع لوحدي
طارق:ماهو كان باين المره اللي فاتت كنتي هتقعي
اسراء:اووف ومدت ايديها
هو مسكها وشدها مشيره كانت شايفه كدا وشايطه خالص دخلوا وناموا وصحوا العصر وكانوا على السفره عشان الاكل
طارق:اخذتي الدوا
مشيره:مين اللي تعبان
طارق:إسراء اخذتي الدوا
اسراء:اه أخذته
طارق:طب خدي انتي اشربي دا انتي عندك حساسيه من النوع دا من العصير
اسراء:حاضر
مشيره كانت شايطه خالص منهم هما كلوا وخلصوا إسراء طلعت فوق في قوضتها في واحد جالها بعد ساعه
اسراء فتحت
اسراء:نعم
الراجل:في حد عايزك تحت في المطبخ
اسراء:عايزني انا
الراجل:اه
اسراء:مين
الراجل:معرفشي هو قالي اطلعلك واقولك وانتي تنزلي تحت المطبخ
اسراء:حاضر جايه ونزلت تحت المطبخ
اسراء:هو فين
الراجل:جوه في التلاجه دي
اسراء:ه هدخله جوه
الراجل:اه
اسراء:حاضر ودخلت في الأول فالرجل جه وزقها ودخلها خالص وقفل الباب علطول وراها بالمفتاح
هي فضلت ترزع على الباب بس مفيش حد كان سامعها. وغابت كتيير اوى جوه فأغمي عليها من كتر التلج
