تاني يوم طارق صحي الأول وشاف إسراء نايمه على الكنبه قام وراح قعد جمبها وحسس على وشها وبعدين لما حس انها هتقوم وبتتقلب شال ايده هي قامت
طارق:صباح الخير
اسراء:صباح النور
طارق:نمتي كويس
اسراء:اه
طارق:تمام انا هدخل الحمام ولا تدخلي انتي الأول
اسراء:ل لاء اتفضل انت
طارق:تمام ودخل استحمي بس مكنشي معاه هدوم فقال من ورا الباب
طارق:إسراء انا مش معايا لبس نسيت اخده ممكن تجيبي اللبس اللي انا كنت لابسه امبارح
اسراء:حاضر وراحت جابت اللبس وادتهوله
طارق خاده وهو بياخده لمس ايديها قفل الباب وقال
طارق:ايديكي سقعه
اسراء اتحرجت اووي ومتكلمتش
طارق لبس وطلع واسراء دخلت الحمام استحمت ولبست هدومها والطرحه وطلعت
اسراء:انا هنزل اجيب الفطار
طارق:تمام
هي نزلت
سليم:تعالي افطري انتي صاحيه متأخر ليه
اسراء:عادي واه انا هفطر فوق
سليم:وليه تفطري فوق
اسراء:حبه افطر فوق ودخلت المطبخ جهزت الاكل وطلعت
سليم:عمي انا بدأت اضايق من إسراء مينفعشي اللي هي بتعمله دا
ابراهيم:سيبها بس عليا انا هعرف اتكلم معاها
سليم:تمام
اسراء طلعت لطارق وقعدت وحطت الاكل على الترابيزه واكلت هي وطارق
اسراء:انا هدخل البس
طارق:تلبسي ايه هو انتي خارجه
اسراء:لاء بس انهارده الخطوبه ولازم اجهز اصلا لبسهم دا مبحبهوش ومش عارفه ازاي البسه
طارق:هههه طب ادخلي البسي كدا
اسراء دخلت لبست فستان كدا ضيق ومعمول من الحرير وضيق خالص وطلعت بس كانت السودسه مفتوحه ومش عارفه تقفلها طارق شافها واتصدم وبصلها
طارق:انتي هتنزلي كدا
اسراء:مجبوره اعمل ايه بس هما ستات بس مش رجاله يعني اوووف السدسه مش راديه تتعمل وبتعملها
طارق راحلها وقرب منها ومسك ايديها اللي كانت بتعمل السدسه ونزلها براحه
طارق:انا هعملها ومسك السدسه وعملهالها
هي كانت متوتره جامد هو حط ايديه على ايديها وقال
طارق:انا خلاص خلصت
اسراء بعدت عنه :ش شكرا
طارق:على ايه عادي خدي دا البسيه فوقيكي
اسراء:ليه
طارق:اصل انتي حلوه اووي وانا مش عاوز اي حد يشوف الجمال دا
اسراء وشها احمر خالص :ش شكرا
طارق:يلا خديها
اسراء:تمام وخادتها على ايديها ملبستهاش يعني ونزلت وكانوا تحت بيرقصوا وبيرقصوا إسراء وكدا طارق طلع من القوضه من غير مايعمل صوت وبص على إسراء من فوق وكان بيضحك لوحده وبعدين دخل وكان بيفكر فيها دايما
عدي يومين وطارق مع إسراء دايما ودايما بيفكر فيها وبيبص عليها وبيبتسم لوحده ولما هي بتنزل تحت تقعد معاهم شويه او تجيب الاكل بيكون اشتقلها وعاوز يشوفها ولما بيشوف سليم معاها بيتعصب جامد وبيبقي مضايق دي كلها نظرات الحب وهو حبها فعلا وجامد اووي وهو عرف دا وقرر يقولها في يوم بالليل كان قاعد واسراء كمان
طارق:إسراء ممكن بكرا نخرج نتمشى شويه
اسراء:نتمشى ازاي وفين
طارق:انا هنط من البالكونه وهستناكي عند الشجره اللي تحت البالكونه وانتي هتخرجي عادي اصل انا لازم اقولك على حاجه ضروري بكرا
اسراء:في ايه
طارق:بكرا هتعرفي هتيجي
اسراء:هو اصلا بكرا هروح المزرعه
طارق:حلو اروح معاكي
اسراء:بس دا مع سليم
طارق:تمام انا هروح واستخبي واكيد هتبقى لوحدك اصل لازم اقولك على الحاجه والا انا مش هستحمل
اسراء:طب ماتقولها دلوقتي
طارق:كل شيء بأوانه
اسراء ابتسمت :تمام خليني لما اجي من المزرعه
طارق ابتسم وقال تمام ونام وكان بيفكر فيها
تاني يوم إسراء راحت مع سليم وطارق مستحملشي يشوفهم يخرجوا كدا فنزل من البالكونه وراح وراهم وكان مستخبي
سليم:واخيرا خرجنا لوحدنا
اسراء ابتسمت بس هي كانت مضايقه
سليم قرب من إسراء ومسك ايديها
اسراء:سليم ابعد عني
سليم:انا خطيبك وهبقي جوزك ياروحي يعني عادي وكمان متخافيش مش هعمل حاجه انا بس عايزك تبقى قريبه مني
اسراء:هبقي قريبه منك ازاي وانت اصلا خاطبني من غير ارادتي
سليم:هنرجع للموضوع دا تاني
اسراء:اه هرجعله سليم متخلنيش ألم هدومي وامشي ومش هتشوف وشي ابدا لا انت ولا اي حد
سليم:وتروحي للزفت دا
اسراء:متقوليش عليه زفت دا اولا ثانيا انا قولتلك مليون مره ان مفيش حاجه مابينا انت ليه مش بتفهم وشاورت على دماغه
سليم:انتي ليا بالذوق ولا بالعافيه هصبر خالص لحد اما تبقى مراتي واعمل اللي انا عايزه معاكي ومشي
هي مهتمتش لكلامه وفضلت تحسس على الحصان براحه
طارق جه من وراها وحط ايده على كتفها
طارق:زعقلك مش كدا
اسراء لفت وشافته
اسراء:انت هنا بتعمل ايه
طارق:قولت هيمشي وهيسيبك لوحدك ودا افضل مكان بصراحه للي هقوله
اسراء:طب اتفضل قول
طارق:تعالي بس نتمشى
اسراء:تمام وراحوا يتمشوا وطارق متكلمشي ولا كلمه
اسراء:ها ياطارق قول انت ساكت ليه
طارق وقف وزق إسراء للشجره اللي وراها بالراحه وقرب منها
اسراء:ف في ايه ياطارق
طارق:انا دلوقتي هكون شخص تاني غير اللي كنتي تعرفيه وبتشتغلي عنده
اسراء:مش فاهماك
طارق:انا لما شوفتك اول مره وشوفت طريقه كلامك وانك منخضعتيش ليا خالص حسيت بإنجذاب بس قولت ان هعمل كل اللي اقدر عليه عشان تخضعيلي وتبقى شبه كل البنات اللي قابلتهم بس الأمور مشيت مش شبه ماكنت متوقعها بقيت بنجذب ليكي اكتر وببقي مبسوط اووي لما بشوفك وببقي مضايق لما مبشوفكيش ولما بتضحكي وتكوني فرحانه انا ببقى فرحان انا كمان ولما تبقى زعلانه ومتضايقه ببقى زعلان انا برده
اسراء:ا ايه لازمه الكلام دا انا مش فاهمه
طارق:إسراء انا ااا ا انا اووف انا عمري ماحسيت بالشعور دا ولا قولته لحد حقيقي
اسراء:ا اللي هو
طارق قرب منها خالص وبقت قورته على قورتها وقال
طارق:انا بحبك حبيتك من امتى مش فاكر وازاي برده مش فاكر انا حبيتك وخلاص وصدقيني دا حقيقي ومش بلعب بيكي وشبك ايده بإيديها عايزك تبقى نصي التاني
اسراء سحبت ايديها وبعدته براحه :ا انا لازم امشي ومشيت
طارق وقف شويه وفكر انها محروجه ولازم يسيبها بعض الوقت فمشي رجع القاهره
