اسراء تانى يوم صحيت على صوت حد بيبخبط على باب اوضتها
لبست وفتحت لقته سليم
اسراء: سليم
سليم:ايوه يا اسراء ازيك
اسراء:الحمد لله
سليم:ممكن اتكلم معاكى شويه
اسراء:تمام هلبس واصلى بس استنى تحت
سليم:حاضر
اسراء دخلت استحمت ولبست وصلت ونزلت
اسراء:ايوه يا سليم
سليم:اسراء انا اتغيرت عشانك مبقتش ازعق وانتى عارفه انى من الصعيد فطبعى زيهم انتى غيرينى بس خليكى جمبى
اسراء:احنا مش كنا اتكلمنا يا سليم وقولتلك انك اخويا
سليم:ارجوكى لاء انا مش عايز كده انا مش اخوكى يا اسراء جربى تشوفينى حبيبك ارجوكى انا والله عايز اتغير ومش هتغير غير عشانك فانتى غيرينى
اسراء سكتت شويه
اسراء:ياسليم افهمنى انا شيلت فكره الجواز دى من بالى خلاص
ابراهيم دخل
ابراهيم:لاء يا سليم هى موافقه
اسراء:ايه اللى بتقوله ده يا بابا
ابراهيم:هو ده اللى هيحصل انتى وسليم هتتخطبوا اعصينى بقا عشان اموت
امينه:ابوكى تعبان يا اسراء وقلبه مبقاش يستحمل وافقى عشانه حتى
سليم:وانا اوعدك انى اتغير عشانك
اسراء:اللى تشوفوه وطلعت اوضتها
هما فرحوا لان دى كلها خطه عشان اسراء ترضى تتجوزه يعنى ابراهيم مش تعبان
عدى شهر وطارق حابس نفسه في الاوضه بتاعته وكل شويه يرن على اسراء بس هى مش بترد وعملتله بلوك ومكانش بيروح الشركه ولما يروح تحت بيتها ابراهيم يكرشه وكان تعبان وهى كمان اتخطبت هي وسليم ومكانتش مبسوطه خالص ودايما في اوضتها طارق بقا بيشرب تانى ويروح تحت بيتها ويعيط ويقعد وده خلال الشهر
في يوم طارق كان شرب كتتير وسكران وكان واقف قدام بيتها وهى كانت نازله هى وسليم هو شافهم
طارق بسكر:ا اسراء انتى ماشيه مع الواد ده ليه
اسراء بصتله ومردتش
طارق:اسراء انا اسف انا بحبك اوى مش بحب غيرك وحشتينى اوى تعالى في حضنى حسسينى بالامان واحضنك وادفيكى
طارق كان بيتكلم وهو سكران وبيروح ويجى كده ومش فايق والناس كلها طلعت من بالكونتها وبيبصوا
اسراء:طارق روح وملكش دعوه بيا انا مخطوبه
طارق:سيبك من خطيبك ده انتى مش بتحبيه انا عارف انتى بتحبينى انا يا اسراء تعالى انتى وحشتينى وحشتنى كل حاجه فيكى انتى بقالك شهر مش بتعبرينى انتى كده هتدمرينى انا اتغيرت عشانك هرجع تانى للى بعمله وادمر ناس كتيير تانى تعالى
سليم راحله
سليم:انت اتجننت يلا ولا ايه ابعد عنها واياك تجيب سيرتها ولا تكلمها تانى وكان هيضربه اسراء شدته
اسراء:متضربهوش يا سليم عشان خاطرى يلا نمشي
سليم:تمام عشانك بس
وحط ايده على كتفها
طارق:متلمسهاش اسراء انا بحبك انتى روحى وعقلى وقلبى وكل حياتى انتى الهوا اللى انا بتنفسه لو بعدتى عنى هتخنق انا اسف يا حياتى انتى الحب الاول والاخير والوحيد في حياتى ارجوكى ارجعى وسامحينى وعيط جامد
هى كمان عيطت وطلعت فوق على طول وقفلت على نفسها الباب وعيطت
هو فضل ينده عليها ويتكلم كتيير وفي الاخر ركب عربيته وزود السرعه جامد وكان سايق وهو سكران العربيه اتقلبت بيه ووده المستشفى وكانت حالته خطيره وجده راح واهله
الدكتور طلع
الدكتور:حالته خطيره جدا وبينده على واحده اسمها اسراء هى دى اللى ممكن تساعدنا شويه لان هو بينده عليها وعايزها هى فلو هنا ارجوكوا هاتوها عشان تدخله
امه:مين اسراء دى
مشيره: أشكال بتتحدف علينا في الشركه
جده:اخرسوا بقا
ورن على اسراء
اسراء:الو مين معايا
محمد:انا محمد جد طارق يابنتى ارجوكى تعالى بسرعه هو بيموت
اسراء:ل ليه هو ماله
محمد:طارق عمل حادثه كبيره جامد وحالته خطيره وبيموت ارجوكى تعالى المستشفى عنوانها .......
هى قفلت ونزلت جرى واهلها وسليم كانوا قاعدين هى طلعت جرى بره وركبت تاكسي وراحت
اسراء:لو سمحت يا جدو هو ماله انا عايزه ادخله ارجوك
محمد:ادخليله يا بنتى ارجوكى
اسراء دخلت لما شافت شكله كده عيطت جامد
اسراء:ط طارق قوم يلا انا جتلك اهو مش هسيبك قووم انا اسفه بس صعب عليا اسامحك مش عارفه ابص في عينك عشان كده اهملتك بس ارجوك قووم ونتكلم يلا متسبنيش يا طارق انا عايشه عشانك انت عشان انت كويس قووم يا طارق خليك جمبى انا محتجاك واقف جمبي ومعايا انت الحب الوحيد اللى في حياتى انت الوحيد اللى عرفنى معنى الحب محبتش غيرك قوم يا حبيبي قووم وعيطت كتير وفضلت تتكلم معاه هو بعد اربع ساعات صحى وشافها حط ايده على طرحتها
طارق:ا اسراء
اسراء بصتله وعنيها كانت مليانه دموع لما صحى ابتسمت وسط عياطها
اسراء:ط طارق قووم انت كويس
طارق:خليكى جمبي ومعايا انا محتاجك
اسراء:انا معاك اهو متخافش انا هقول للدكتور انك فقت وطلعت تجرى برا
اسراء:دكتور حد يندهله طارق فاق
الكل فرح والدكتور دخله والكل كان عنده
الدكتور:ما شاء الله يا بطل ما انت حلو اهو دى معجزه انك قومت بالسرعه دى وانت حالتك خطيره
طارق:انا مقومتش غير عشان اسراء وبصلها
هى بصتله وطبطبت على ايده وبصت للدكتور
اسراء:يعنى هو دلوقتى عدى مرحله الخطر
الدكتور:ايوه الحمد لله
اسراء:الحمد لله
الدكتور طلع وامه قعدت جنبه واسراء مع جده على الكنبه وهو كان بيبص لاسراء وبس
طارق:اسراء تعالى جمبى
اسراء:معلش يا طارق هجيلك بكرا لانى اتأخرت طالعه من غير ما حد يعرف
طارق:طب خدى بالك من نفسك ومتتأخريش عليا
اسراء:ربنا يسهل
وروحت
ابراهيم:انتى كنتى فين
سليم:اكيد عند الحيوان التانى
اسراء:احترم نفسك يا سليم
سليم:لاء انتى اللى تتظبطى كده وتتعدلى انتى خطيبتى واللى عملتيه ده غلط اعقلى يا اسراء بدل ما امد ايدى عليكى
اسراء بصتلهم
اسراء:اه وعايزنى اكمل معاه طب انتوا لو هتموتونى مش هكمل معاه ولو مش عايزنى وعايزين تخلصوا متى فانتوا جميلكوا على راسى انكوا سبتونى هنا ده كله وشكرا ليكم على قد كده لكن انا مش هكمل معاه وخلعت الخاتم ورمته في وش سليم
امينه خافت ان اسراء تمشى لان هى بنتها ماتت فاعتبرت اسراء بنتها
امينه:لاء يا حببتى محدش هيغصبك على حاجه ابدا تعالى ارتاحى وخدتها فوق
اسراء:لو مش عايزنى يا ماما امشى
امينه: لاء يا حياتى ايه اللى بتقوليه ده ارتاحى انتى ونزلت
ابراهيم:عقلتيها
امينه:لاء مش رايده معلش يا سليم انا مش هضحى بدى كمان
سليم اتعصب ومشى والكل نام
اسراء حلمت برضوى
الحلم
اسراء كانت قاعده تخت شجره وبتعيط وزهقانه رضوى جاتلها وحطت ايديها على كتفها
رضوى:ارجعيله متعيطيش
اسراء:مش هعرف ابصله وهو السبب
رضوى:لاء انا هنا مع ناس هو عمل معاهم كده وماتوا مستحملوش وبقينا صحاب وبنسلى بعض هنا لحد لما انتى تجيلى ونقعد سوا واتأكدى انى معاكى ومش هسيبك ابدا وانا بقولك ارجعيله عشان هو حبك انت وهيتغير عشانك عشان ميأزيش حد تانى ودمعت
اسراء:طب انتى بتعيطى ليه
رضوى:انا كان نفسي اكون مكانك انا حبيته اوى بس هو محبنيش انا كان نفسي يحبنى ويتجوزنى لكن هو محبش غيرك انتى كملى معاه يا اسراء انا بقولك
اسراء:بجد
رضوى:اه بجد انتى عملتى اللى محدش عرف يعمله روحيله
اسراء:شكرا وحضنوا بعض ورضوى مشيت
اسراء صحت وكانت فرحانه اوى ان رضوى قالتلها كده استحمت ولبست وصلت وراحتله الصبح بدرى
هو كان صاحى وقاعد لوحده هى دخلت
طارق:اسراء
اسراء:ايوه
طارق:تعالى
هى راحت وقعدت
طارق:اسراء والله انا اسف انا بحبك والله انا خلاص اتغيرت والله العظيم عمرى ما هعمل كده ابدا طول ما انتى معايا لانى اتغيرت لكن لو سبتينى ممكن ارجع تانى وادمر بنات تانى
اسراء:خلاص اهدى انا مسمحاك
طارق:بجد
اسراء:اه بجد خلاص
طارق:فرح اوى وقال
طارق:انا بحبااااااااااااااااااااك
اسراء:بااس بااس اسكت خالص
هو شدها وحضنها جامد وعيط وهى كمان عيطت
طارق:انا بحبك انا عمري ماهعمل حاجه تإزيكي ابدا تاني هعوضك عن كل حاجه انا بجد كنت هموت لو مرجعتليش
اسراء طلعت من حضنه وحطت ايديه الاتنين على خدوده وقالت:بعد الشر عليك انا سيبت سليم وانت هتصحي اهه ونبدأ حياتنا اللي وقفناها دي
طارق باس ايديها وهي على خده وقال:اوعدك اني هصلح كل حاجه انا اصلا اتغيرت انا بحبك اووي ومش عايز اشوفك بتعيطي تاني ومسح دموعها انتي روحي وحضنها تاني
وبس كده 💖
