احمد بغموض و هو مازال ممسك بيد حورية وضغط عليها وقال:فاكراني مش عارف حاجة
تألمت حورية من ضغطت يديه حاولت ان تفلت يديها ولكن فشلت في ذلك وقالت بدموع :سيب ايدي انا مش فاهمة انت بتتكلم عن اية
تجاهل كلامها ونظر الي مي وقال بجمود:انا عارف كل حاجة يا مي وفاهم كل حاجة وعايزاني افهمك ماشي هقولك
Flash back
في الصباح الباكر بالتحديد الساعة10 صباحا
كان يجلس احمد في غرفته ويفكر كيف يعترف لها بحبه وكيف يعترف لها انه يعشقها و ايضا يفكر كثيرا انه مخطئ بشأنها عندما يجعلها تبكي ولكنه يعشق غيرتها عليه ويعشقها اكثر عندما تغضب وعندما تتضحك يعشقها بكل تفاصيلها
قاطع افكاره رنين هاتفه فكان المتصل عمر
قال لنفسه(يا تري متصل ليه بدري هو مش قالي انا جاي النهاردة اما ارد واشوف عايز اية)
احمد بمزاح:عايز اية ياض كنت سرحان في حاجة جميلة وجيت انت قاطعت تفكيري
عمر بضحك:لمؤاخذة يا ابو حميد هبقا افكر قبل ما اتصل بيك ثم قال بجدية :المهم انا عايزك في موضوع مهم
احمد بجديه:طيب تعالا البيت عندي انا مستنيك
عمر بجديه:طيب انا جاي بس كنت عايز اقولك انك متقولش لمي اني جاي
احمد باستغراب:ليه مش فاهم
عمر باهتمام:عشان اللي هتكلمه معاك فيه مينفعش مي تعرفه
احمد بجديه:خلاص ماشي مستنيك سلام
عمر بانجاز:سلام
بعد ان وصل عمر الي باب الفيلا
عمر لنفسه(انا اسف يا مي انا لازم اعمل كده انا شايف ان مينفعش نعمل الخطة ديه مع احمد حتي لو نيتنا مش حاجة وحشة هقوله علي كل حاجة)
بعد ان استقبله الخدم الي داخل الفيلا
طلع الي غرفة احمد وكان احمد ينتظره وعندما رأه
احمد بابتسامة وبمزاح:مالك جاي بتتسحب كده ليه
عمر بضحك:لحسن اختك تشوفني
احمد وهو يرفع احدي حاجبيه:هو اية الحكاية هي مي عملت حاجة
عمر بهدوء:بص يا احمد انا اللي هقوله ده ميتحكيش لحد
احمد بايجاز:قول يا عمر في اية
حكي عمر عن كل خطتهم له ونظر عمر الي احمد بتوتر
عمر بتوتر:انت زي اخويا وانا مستحيل اعمل حاجة تزعلك بس لازم تعرف حاجة واحدة بس ان مي وانا ونور كنا بنعمل كده بس عشان تعترف لنفسك انك بتحبها وتعترف ليها وعشان سبب كمان
احمد بصدمة:اية السبب التاني
عمر بجديه:هو ان فهمت ان حورية كانت منهارة انك اتريقت عليها عشان هي كانت خايفة عليك البنت ديه صدقني بتحبك يا احمد
احمد بابتسامة خبيثة:طيب مش هما كانوا عايزين يخلوني اغير ماشي انا هغير عليها وانت هتمثل زي ما طلبوا بالظبط
عمر باستغراب:بس
قاطع كلامه احمد بجديه:انا صدقني علي قد ما انا مضايق منهم علي قد منا فرحان لان اللي بحبها بتحبني ثم قال بمزاح اللي عايزك تعرفه ان مش هسيب عملتهم تعدي كده بالساهل
عمر بضحك:مش مطمن منك يا صاحبي
احمد بضحك:متقلقش الخطة بتاعتي انا اللي هتنجح
عمر عقد حاجبيه وصدمة:خطة تانية انا مالي انا بكل ده انا احسن حاجة اهرب منكوا انتو مش طبيعين
احمد وهو يضحك بشدة:متقلقش هي الخطة ديه هتبقي قرصة ودن ليهم بوص اسمع
وبعد ان انتهي من شرح الخطة
عمر بمزاح:حرام عليك يا بني هما قدك عشان تعمل كده فيهم
احمد وهو يضحك بشدة:صدقني لازم يتعلموا انو ميقفوش في وشي تاني اول حاجة مي هتاخد علقة مكلهاش حمار تاني حاجة نور هتشوف مني وش عمرها ما شافته في حياتها
عمر وهو يضحك بشدة : ده انت ناوي علي شر بقا ثم قال وهو يغمز له :طيب وحورية هتعمل اية معاها
احمد وهو يأخذ نفسا عميقا ويقول بابتسامة صافية:هتصدقني لو قولتلك اني مش مدايق منهم وبالذات حورية مش هقدر اقولك اني مش بس بحبها بالعكس ديه حياتي عارف يعني اية حياتي عارف اني مكنش ينفع اعمل كده فيها واني غلطان بس صدقني بتيجي اوقات بتستفزني فيها فبتخليني اضطر اوضحلها انها مهمة اوي في حياتي وعارف كمان اكتر حاجة فرحتني هي هقولك ازاي اني اعرف انها بتحبني ديه خلتني خلاص مش مدايق منها ثم قال بمزاح بس هما بقا اللي خططوا يستحملوا مني بقا هعمل فيهم اية وبالذات حورية مش هي كانت عايزاني اغير طيب انا هغير عليها
