في الصباح الباكر في فيلا مي في مائدة الافطار بالتحديد
والدة مي بابتسامة صافية وجميلة وهي تنظر لحورية:منورة يا حبيبتي مبسوطة اوي اني شوفتك يا حورية معلش متزعليش مننا كنا في مشوار ضروري ورجعنا متأخر
حورية بابتسامة جذابة:لا طبعا متقوليش حضرتك كده وانا اللي مبسوطة اني شوفت حضرتك
والد مي بابتسامة:انتي اكيد هتتغدي عندنا النهاردة يا بنتي ومفيش نقاش في الموضوع
حورية كادت ان تتكلم لكن قاطعها احمد بابتسامة وبصوت رجولي: احم احم متكسفيش بابا بقا خلاص مفيش كلام تاني هتتغدي عندنا
نظرت حورية الي مي بخجل شديد عندما تذكرت ما فعله البارحة
مي بضحك:خلاص يا حورية متزعليش احمد منك
نور بمزاح:ايوة انا رأيي كده بردو
حورية بتمتمه انا هوريكي يا زفته منك ليها
مي وهي تنظر الي حورية بخبث:بتقولي حاجة يا حورية
حورية بابتسامة وضحكة جميلة:لا هقول اية امري لله ثم قالت بمكر بس كلمي انتي مالك
مي بلعت ريقها بصعوبة فأنها كلما تحدثت معه تخجل بشدة قالت بغيظ:يا حيوانة
حورية بابتسامة انتصار:بتقولي حاجة
مي بابتسامة بلهاء:ها لا هقول اية يعني
نور تتابع الحوار وهي تكتم ضحكتها بصعوبة لانها تفهم ما تفعله حورية
والدة مي بابتسامة جميلة:خلاص جميل اوي هتتغدي عندنا وانتي كمان يا نور ومفيش اعذار انا عارفة انتي بتحبي تاكلي اية
نور مقاطعة اياه بلطف:بس ياطنط هقول اية لماما
والدة مي بابتسامة:متقلقيش يا حبيبتي هكلمها وهطمنها عليكي
نور بابتسامة جميلة:خلاص اللي تشوفيه حضرتك ثم قالت لنفسها(انا لازم اكلم ادهم واقوله عشان مدايقش مني لا لا اكيد مش هيتعصب عليا زي امبارح انا فاهمة انو بيغير عليا وده اللي بيخليني اعشقه اكتر واكتر يارب اجعله من نصيبي واجعله خير ليا يارب بجد بفرح اوي لما اشوفه وبحس اني مش عايزة حاجة تانية خلاص بعد ما شوفته)
مي بتفكير في نفسها(هكلمه ازاي بقا انا بتكسف منو اوي ماشي يا زفتة يا حورية بتحطيني اودام الامر الواقع بس فرحانة اني هكلمه بجد يومي بيحلي بيه لما بكلمه رغم اني بتكسف منو اوي وبسكت ومش برد عليه بس يكفي عندي اني اسمعه انا كل يوم بتأكد اني مش بس بحبه ده انا بعشقه )
حورية وهي تلاحظ نظرات احمد وهي تفرك يديها بتوتر وخجل شديد(ما تبطل بقا بتبصلي كده ليه طب اعمل اية دلوقتي انا عايزة اقوم من هنا حاسة اني مش عارفة ارفع عيني انا مكسوفة اوي من اللي عمله امبارح انا مش هسكت علي اللي عمله امبارح )
