روايه لعبه القدر2

البارت2

اللهم صلي على محمد وال محمد كما صليت على إبراهيم وال ابراهيم وبارك علي محمد وآل محمد كما باركت على إبراهيم وال ابراهيم في العالمين انك حميد مجيد
( روايه لعبه القدر2 )
البارت2 بقلم نورا قنصوه
ليث بصدمه: انت
عمرو: ااااه فكرني نسيتك ولا ايه سانتين وانتي في دماغي مروحتش عن بالي وانا بجهزلك عشان ارجعلك بكل قوتي
ليث بحده: اتكلم علي قدك انت فاهم ومتنساش انا ابقي مين
عمرو: فاكر فاكر كويس اووووي يا ليث احب اقولك استعد للي هيحصلك ابقي ادعيلي بقا ومتقلقشي هجبلك عيش وحلاوة وسلملي علي ام مراتك وكمل
عمرو: اااه صحيح الله يرحمها عرفت انها ماتت محروقه قلبي عندك
ليث بحده: اظن اللي بيعمل حاجه مش بيتنيه يقول خليها مفاجأه احسن
عمرو: ايه دا انت اتغيرت خااالص من امتي وليث البحيري بيحب المفاجأت ان طول عمرك بتحب تعمل حساب لكل حاجه وكل حاجه تبقي متوقعها
ليث: السنتين اللي فاتو دول غيرو فيا كتير وهتشوف بعنيك وقفل في وشو
ليث بغضب: اقسم بالله مهرحمك ولا هرحم اي حد جاب سيرتها علي لسانو ولبس هدومو ونزل للأسفل وقابل حسام وزينه
حسام: اهلا يا ليث
ليث بحده: صباح الخير
زينه: عامل ايه يا ليث
ليث ببرود: كويس وجداا تمام وكان ماشي
فهد: ليث متنساش حفله بليل
وليث مردش عليه وكمل طريقو
حسام: حفله ايه يا معلم
فهد: حفله لكبار رجال الاعمال
حسام: اشطاا انا جاي فيها
فهد: انت غبي يلا ولا ملزق بقولك حفله لرجال الاعمال وانت ظابط هتيجي تعمل اي
حسام باحراج مصطنع: كدا تهني قدام الموزه بتاعتي وبص لزينه وزينه ضحكت بصوتها كله
حسام: ااااه يا صايعه دا احنا لما نبقي قاعدين لوحدنا مش بتضحكي كدااا
زينه: حسااام حاسب علي كلامك احسنلك
حسام بامر: امرك يا فندم
فهد بمزاح: لا راجل ومال وهدومك كمان
زينه: متدخلشي انت يا فهد اومال فين الكرمبه مراتك
شيماء من الخلف: كرمبه مين يا حضره الظابط
زينه: عامله ايه واخبار المفعوص اللي جوا دا ايييه
شيماء: تمام وكملت هو انتو ليه بتعملوه علي انو ولد واحنا اصلا منعرفشي هو ايه
زينه وهي بتهرش في دماغها: اااه صحيح
حسام: بما انك يا شيمو ام وكدا وقلب الام دليلو قلبك بيقولك ايه ولد ولا بنت
شيماء: مش عارفه بصراحه
حسام: كتكو خيبه امهات اخر زمن وكمل يلا يا زينه
فهد: رايحين فين متقعدو مش قولتو جاين الحفله بليل
حسام: يلا انت اهبل ياض انا رايح انا وزينه مسؤلين عن تأمين الحفله
فهد: ضمنا موتنا والحمد لله
حسام: اكتر حاجه بتعجبني فيك ثقتك فيا
فهد: عيب عليك دانت صاحبي يا جدع
حسام: طب يلا سلام يا صاحبي
فهد: سلام
في الشركه
في مكتب زياد
نلاقي الباب بيخبط
زياد: ادخل
نلاقي فتاه لبسه ملابس بتكشف اكتر مبتستر وحط جميع انواع المساحيق
زياد ببرود: انتي السكرتيره الجديده
عايده بدلع: ايوا يا فندم
زياد بحده: تمام اظن انك فهمتي الشغل كويس اوووي ياريت تتفضلي علي مكتبك ومتدخليش هنا تاني غير لما انا استدعيكي ولما تكوني جايا الشركه تلبسي لبس محترم
عايده: يعني دا ولم تكمل كلمها وانتفضت من الخوف
زياد بغضب وهو ببخبط ايدو علي المكتب: انا لما اقول حاجه تقولي تمام انتي فاهمه
عايده بخوف: فااهمه
زياد: غوووري اطلعي برا وعايده طلعت بسرعه من المكتب واتنفست بعمق وزياد قام وراح مكتب ليث
في مكتب ليث
زياد: دا الورق اللي ناقص امضتك
ليث: ماشي وكمل هتيجي الحفله
زياد: لا مش جاااي انا ماشي سلام
ليث: انساها يا زياااد انساها هي اختي اه وانا معرفشي هي عملت كدا ليه بس حالك مش عاجبني يا صاحبي وزياد بصلو جامد ومشي متوجه للقصر
وليث رجع راسو للخلف وبيفتكر اللي حصل وبيغمض عينه جامد وبيقوم يقف قدام الشباك
في القصر
نلاقي زياد وصل وكان طالع اوضتو
منال: زياد تعالا يا حبيبي كل وزياد راح وقعد من غير ولا كلمه وبدأ ياكل
فهد بخبث: الله صحيح يا زياد مين البت الوتكه اللي كانت قدام مكتبك امبارح
نيره بعصبيه: نعم بت مين والكل بصلها باستغراب ونيره اتوترت جداااا وبصت قدامها وزياد مش مدي لحد اهتمام وبياكل ببرود
شيماء بغضب: بت مين دي بقا ان شاء الله
فهد: سكرتيره زياد الجديده
نيره: هو مش كان عندو سكرتير
فهد: مهو مشي
شيماء: استني شويه انتي يا نيره وكملت وانت شوفتها فين بقا يا استاذ فهد
فهد: ايه يا حببتي منا شغال معاهم في الشركه
شيماء: ايوا يعني انت بتبص علي البنات ليه
وزياد قام وقرب من فهد وهمسلو
زياد ببرود: انت غبي اوووي يا فهد معرفشي استفدت ايه من اللي قولتلو بس اللعبه اتقلبت عليك اشرب يا شاطر وطلع اوضتو بكل برود
فهد: يا بن****
شيماء: رد عليا هنا انا بكلمك علي فكرا
فهد بسرعه: ينهااار انا لازم امشي حااالا الحفله زمانها ابتدت سلاموز ومشي بسرعه
شيماء: ماشي يا فهد لما تجيلي هتشوف
في الحفله
زينه: كل حاجه تمام
حسام: الحمد لله ربنا يستر ومتحصلشي مصيبه
زينه: ان شاء الله خير وكملت اومال ليث مجاش ليه
فهد بمزاح: مساء الخيار عليكو
حسام: مبدري يا استاذ
فهد: انا اجي براحتي وامشي براحتي انت مش عارف انا مين
زينه: طب براحه علي نفسك يا شبح كدا واهدا
فهد: منا هادي اهو حد قلك اني بشيط وليث دخل بغرورو وكبريائو المعتاد وراحو ناحيتو وقعدو علي الطرابيزه
حسام: اومال زياد فين
ليث: مش جااي
فهد بصدمه وهو فاتح بوقو: ايييه دا
زينه:اقفل يابا عشان تفتح بدري وفهد لسه منصدم والكل بص علي المكان اللي بيبص عليه
حسام: دا مين دا
ليث ببرود: جوز عمتي سابقا
فهد: هو ظهر فجأه كدا ازاي وجه عليهم
زينه: اسكت بقا عشان دا جاي عليكم
عمرو: اهلا بيكو
ومحدش رد عليه
عمرو: ازيك يا ليث وحشني يراجل وانت كمان يا فهد
فهد بقرف: بجد تصدق انك موحشتنيش خالص وحسام ضربو في كتفو
عمرو بخبث: تليفونك مشحون يا ليث وليث والكل بصلو باستغراب
عمرو: اصلك هتحتاجو هيجيلك مكالمه مهمه منو خليك في انتظارها وسابو ومشي
فهد: هو يقصد ايه وفجأه جه اتصال لليث وليث بص لعمرو
عمرو شاورلو انو يرد
ليث: االو وليث اتصدم من اللي سمعو ومشي بسرعه والكل استغرب ومشي وراه بسرعه
في القصر
نلاقي نيره ماشيه راح جايا في الاوضه وبتهري
نيره: سكرتيره بنت اشمعنا يعني وكمان ايه فهد بيقول عليها وتكه
نيره: لا برضو اكيد انا احلي منها ايوا صح وضربت الارض برجليها زي الاطفال وقررت انها تروح لزياد
وخبطت علي الباب جامد وبعصبيه وزياد كان بيغير هدومو ومكملشي وفتح الباب من قوه الخطبه
نيره بعصبيه: ينفع اعرف مين البت اللي فهد كان بيحكي عنها دي وسكرتيرك راح فين وحتي لو مشي مجبتش سكرتير تاني بدالو ليه
قالت كل دا ومخدتش بالها ان زياد واقف عاري الصدر
نيره: انا بكلمك انت مش بترد عليا انت واحد خاين وزياد شد ايديها ودخلها الاوضه وقفل الباب ولزقها في الحيطه
زياد: انتي بالزات متكلميش عن الخيانه انتي فاهمه اللي زيك اصلا ميعرفشي يعني ايه مشاعر ويعني ايه حب انتي واحده عديمه المسؤليه وبعدين انتي مالك اجيب سكرتيره ولا اجيب سكرتير دي حاجه متخصكيش انتي فاهمه ياريت تبعدي عني وتخليكي في حالك احسنلك انتي فااهمه ونيره الدموع اتجمعت في عنيها ومش عارفه تعمل ايه
نيره بصوت مرتعش: ابعد عني وزياد بصلها جامد وبعد عنها ونيره جريت علي اوضتها وفضلت تعيط وتفتكر في كلامو
بانها خاينه ومتعرفشي حاجه عن الحب ولا المشاعر وزادت في العياط
في بلد اخري وبالتحديد في امريكا
داخل قصر كبير
وفي غرفه
نلاقي شخص ما بيفتح الغرفه بالمفتاح ويدخل ونلاقي فتاه قاعده علي السرير وضمه رجليها لحضنها ودموعها نزله
الشخص: هااا عمله ايه النهارده ومفيش رد
الشخص: ايه رايك لو خرجنا النهارده واهو بالمره تشمي هوا وبرضو مفيش رد
الشخص: هتفضلي الحال دا لحد امتي بقالك سنتين وانتي كدا
رامز: همس علي فكرا انا بكلمك

يا ترا ايه اللي حصل
وياترا دا تشابه اسماء ولا لا
وايه اللي حصل مع ليث
وايه اللي حصل مع زياد ونيره كل دا في البارتات الجايه ان شاء الله
تفاعل وكومنتات وتصويت يلا