روايه لعبه القدر2

البارت11

اللهم اغفر لي وللمؤمنين والمؤمنات جميعا
( روايه لعبه القدر2 )
البارت11 والاخير بقلم نورا قنصوه
عند همس
نلاقي همس ركبت تاكسي ونزلت امام المستشفي ووقفه متوتره ودخلت وقعدت في صاله الانتظار وسمعت حد بينادي علي اسمها ودخلت لاوضه الكشف
الدكتوره: اهلا مدام همس اتفضلي علي السرير هكشف علي حضرتك
همس بتوتر: حاااضر وبعد شويه خلصت الدكتوره كشف
الدكتوره بابتسامه: تمام اتفضلي
همس: خير يا دكتوره
الدكتوره بابتسامه: علي اساس انك مش عارفه
همس: حبيت اتأكد
الدكتوره: مبروك فيه نونو صغير هيشرف كمان شويه
همس بفرحه: بجد انا مش مصدقه
الدكتوره: لا صدقي يا ستي انتي حامل
همس بصدمه وفرحه: بجد يعني فيه طفل هنا وبتشاور علي بطنها وفضلت تطنطط من الفرحه
الدكتوره بحذر: بس بس انتي لازم تاخدي بالك من هنا وجاي ولازم تهتمي بنفسك عشان جسمك ضعيف وانا كتبتلك علي مقويات خديها في ميعادها
همس: حاضر يا دكتوره عن اذنك ومشيت وهي فرحانه وبتحمد ربنا
همس: اكيد ليث هيفرح اووووي ومشيت متوجه للمزرعه
في المزرعه
فجأه نلاقي رجاله عمرو هجمو علي كل اللي في البيت والكل اتصدم
شيماء: هااا فيه ايه
نيره بخوف: انتو مين وعايزين ايه
شخص ما: اخرصو ولا نفس وكمل وهو بيبص لزميلو نفذ ولسه هيقربو من نيره منال بعدتو
منال: ابعد عنها انتو عايزين ايه والشخص دا زق منال علي الارض
شيماء: طنط ورجاله عمرو مسكوهم كلهم وربطوهم وحطو لزق علي بوقهم ودخلوهم اوضه جوا واستخبو هما كمان
وبعد شويه وصلت همس
همس بفرحه: ماما ماماااا طنط منال زينه انتو فين
همس بقلق: شيماء وفجأه تلاقي الاشخاص مسكين اميمه ومنال وزينه ونيره وشيماء وموجهين عليهم السلاح
همس بصدمه: هااا ولسه هتروح تلاقي شاخصين مسكوها
شخص: تعالي هنا دا احنا جايلك انتي مخصوص
همس بخوف: انتو عايزين مني ايه ابعدو عني
الشخص: هتعرفي دلوقتي احنا عايزين ايه وزقوها علي الارض
وهمس خافت جدااا وبالاخص علي الطفل اللي في بطنها وحطت ايديها علي بطنها كنوع من الحمايه والشخصين نزلو فيها ضرب
همس بوجع وصرااخ: ااااه ابعدو عني سيبوني
والكل بيصرخ باسم همس
والشخصين منهالين عليها بالضربات مسبوش فيها حته سليمه لحد مفقدت وعيها ومشيو كلهم
وزينه بتحاول تفك نفسها وتوصل لهمس بس مش عارفه
وبعد شويه نلاقي الشباب وصلت ونزلو من العربيه
ليث بضحك: هههههه
فهد: لا مشوفتش البت لما خبطت في زياد وتقولو
فهد بصوت انثوي: اوووه اسفه مخدتش باالي
خالد: كنت مسخره
زياد: مخلاص يا عم منك ليه
ليث: ايه دا هو مفيش صوت كدا ليه هما راحو فين ودخلو واتصدمو من اللي شافوه
وراحو بسرعه فكوهم
نيره: همس الحقو همس والكل بص مكان مانيره بتوشر واتصدمو وليث جري عليها
ليث بخوف: همس همس ردي عليا همس فوقي فتحي عيونك
وخالد طلب الاسعاف
اميمه ببكاء: همس قومي متوجعيش قلبي عليكي
وبعد شويه الاسعاف جت ونقلوها المستشفي والكل راح وراها
في المستشفي
نلاقي الدكاتره والتمريض واقفين في انتظار همس واول موصلت خدوها بسرعه ودخلو العمليات وليث كان ماسك ايديها
الممرضه: لو سمحت وليث بيبص لهمس جااامد
الممرضه: لو سمحت مفيش وقت وساب ايد همس ودخلوها العمليات وليث فضل باصص لاثرها
بعد ساعتين
نلاقي الكل واقف والصمت بيعم المكان
وليث واقف وساند راسو علي الحيطه ومغمض عنيه
والشباب راحولو
فهد: اهدي يا ليث عشان خاطر همس
زياد: اجمد كدا يا صاحبي
حسام: ان شاء الله هتبقي كويسه وفجأه الدكتور خرج
والكل جري عليه
شيماء: طمنا يا دكتور
الدكتور: الحمد لله المريضه بقت تمام بس للاسف
زينه: فيه ايه بسرعه
الدكتور بحزن: مقدرناش ننقذ الطفل الضرب كان شديد عليه
والكل اتصدم
ليث بصدمه: طفل
الدكتور: ايوا المدام كانت حامل احنا نقلناها اوضه عاديه عن اذنكو
وليث قعد علي اقرب كرسي وحط ايدو علي دماغو
ومنال راحت حطت ايديها علي كتفو
ليث بحزن: ابني يماما ابني قتلوه قبل حتي مشوفو
منال: معلشي يا ابني امر ربنا وانت لازم تجمد وتبقي اووي حتي عشان خاطر همس
وفجأه الكل يسمع صوت صراااخ ويكون صوت همس وليث يدخل ليها بسرعه
همس بصرااخ: ااااااه
ليث: فيه ايه
الممرضين: عشان الطفل
ليث: اطلعو براا برااا والممرضين طلعو
همس ببكاء: ليث ليث ابننا كان كان فيه هنا طفل وبتشاور علي بطنها انا كنت هعملهالك مفاجأه ليه ليه يا ليث وليث خدها في حضنو وهي مسكت فيه جامد وليث عنيه مكنتشي بتبشر بالخير
ليث بوعيد: وغلاوتك عندي وحيات ابني اللي ملحقتش اشوفو لكون واخد حقكو وهمس فقدت وعيها وليث خرج من عندها
ليث: خليكو معاها متسبوهاش وخرج بسرعه والشباب خرجت وراه
خالد: ليث ليث استني انت رايح فين
ليث بغضب: رايح اجيب حق مراتي وابني
فهد: اهدا يا ليث بالهداوي المواضيع دي مش بتتاخد كدا
ليث: ملكوش دعوه بيا انتو فاهمين
خالد: اهدا بس واسمع احنا هنقولك ايه
زياد: ............
عند عمرو
فجأه نلاقي ليث دخل كالصاروخ
ليث بحده: عمرو
عمرو: وانا اقول القصر نور ليه اتاري ليث باشا فيه
ليث وهو بيوجه سلاحو علي عمرو: هقتلك يا عمرو ورحمه ابني اللي قتلتو لكون مندمك
عمرو: ابن ابن مين
ليث بغضب: ابني اللي رجالتك قتلوه وهما بيضربو مراتي مراتي دي اللي هي بنتك
عمرو: اوووه هي كانت حامل
ليث: انت اتجاوزت كل حدودك يا عمرو سواء بللي عملتو معايا او مع زياد وفهد
عمرو: هي الخاينه قلتلك وكمل طب تمام احب اكملك
عمرو بشر: انا اه هددت اختك وانا اللي خلتها تسيب الفرح وانا اللي سلط عايده عليكو وانا اللي خطفت بنت فهد وكنت هقتلها بس انقذتها وانا اللي سلطت رجلتي علي مراتك واقولك حاجه كمان انا قتلت عايده وفجأه يدخل البوليس
عمرو بصدمه: فيه ايه
الظابط: اتفضل معانا بهدوء ومن غير شوشره
عمرو: انتو بتعملو ايه هنا وهتخدوني ليه
حسام: كل كلمه قولتها اتسجلت يا عمرو وخلاص انتهيت
عمرو: كدب كدب مستحيل
الظابط بامر: هااتوه
عمرو: ابعدو عني اوعو سيبوني هندمك يا ليث والله مهرحمك واتقبض عليه
والشباب راحو المستشفي
وبعد يومين همس خرجت
وحالتها الصحيه والنفسيه مدمره
منال: حمد لله على سلامتك يا حبيبتي تعالي يلا انا محضرالك كل الاكل اللي بتحبيه
همس بحزن: انا مليش نفس
اميمه: ليه بس يا همس
همس: ليث انا تعبانه عاوزه اطلع ارتاح
ليث: خلاص يجماعه وليث طلعها فوق
همس: ليث خليك جانبي متسبنيش
ليث: حاضر يا حببتي مش هسيبك خااالص وهمس نامت في حضن ليث وبعد شويه نلاقي همس قامت مفزوعه
همس: هاااا
ليث بخضه: اهدي يا حبيبتي انا معاكي اهو وهمس اترمت في حضنو وفضلت تعيط
همس ببكاء: ابني يا ليث
ليث بحنان وهو بيمسد علي ظهرها: خلاص يا حبيبتي هو في مكان احسن دلوقتي واكيد ربنا هيعوضنا
همس: يااارب يااارب انا قلبي وجعني اوووي
ليث: تعرفي يا حبيبتي ان الرسول قال ان مات ابن للمسلمين وقال ابوه وامه الحمد لله بني لهم بيت في الجنه يعني مبروك علينا بيت في الجنه اكيد ربنا ليه حكمه
همس: الحمد لله الحمد لله
وتمر الايام وعمرو يتحكم عليه بالاعدام ويتعدم
بعد مرور 6 شهور ( يوم فرح حسام وزينه وزياد ونيره )
في غرفه همس وليث
ليث: يلا بقي يا همس الناس وصلت
همس: استني يا ليث
ليث: يعني كل الهدوم دي ومفيش واحده حلوه عجباكي
همس: مهو انا مش بدور علي اجمل واحده انا مش عايزاك تبقي حلو اصلا
ليث برفع حاجب: نعم ياما
همس: ايوا زي مبقولك كدا اقولك علي حاجه تعالي منحضرشي الفرح
ليث: انتي هبله يا همس
همس ببكاء: هبله عشان خايفه عليك
ليث في سرو: ينهااار هرمونات الحمل هتبدأ اهي
ليث: مالك بس يا قلبي
همس: انت مبقتشي تحبني واكيد في الفرح هتقابل بنات قمر وتعاكسهم
ليث بحب: مين بس اللي قلك كدا انا عيني مش بتشوف غيرك وانتي في نظري ملكه جمال وعمري محب بنت غيرك بالعكس انتي حبك بيزيد في قلبي كل يوم عن اليوم اللي قبلو واكبر دليل اني بحبك هو ابني اللي انتي شيلاه دلوقتي وهمس ابتسمتلو وحست بالامان من كلامو البسيط دا ولبسو ونزلو
في الاسفل
نلاقي فهد شايل همس
فهد: يا شيماء اقعدي بقا هلاقيها منك ولا من بنتك
شيماء: بقولك حسه اني هولد
فهد: تولدي ايه اشد في شعري انتي في السادس ياما
شيماء: منك لله يا فهد كان لازم ابقي حامل دلوقتي
فهد بغمزه: علي اساس اني غصبتك علي حاجه مكلو كان برضاكي يا موزه
وشيماء اتكسفت
ليث: يا عم اعتق البت بقا وبطل وقاحه وشيماء وهمس ضحكو عليهم
وبعد شويه ابتدا الفرح وليث وصل نيره لزياد ووصل زينه لحسام
عند نيره وزياد
زياد وهو بيبوس ايديها برقه: آسف على المعامله اللي كنت بعاملك بيها
نيره: انا اللي آسفه لو جرحتك في يوم من الأيام
زياد: انا عمري منجرحت منك انا كنت واثق انك عندك سبب
نيره: يعني مش زعلان مني
زياد: انا بحبك وبس وحضنها جامد ولف بيها
نيره: وانا كمان بحبك
عند حسام وزينه
زينه: يا عم يلا بقولك جعانه
حسام: يا بت اتهدي دا فرحك
زينه: طب سبني هاكل حته جاتوهايا الله يخليك
حسام: جاتوهايا وبعدين ايه دا لبسه كوتشي
زينه: ااااه فيها حاجه دي وخلص بقا عشان زهقت
حسام: يا بنتي المفروض اقولك بحبك وتقوليلي وانا كمان وكدااا
زينه: لا ضحكو عليك يا ريس مليش انا في الحاجات المعوقه دي
حسام: معوقه كتك داهيه دبش بش بحب فيكي دبشك دااا وزينه اتكسفت
حسام: ايه دا ايه دا احنا طلعنا بنتكثف اما استغل الفرصه وراح حضنها ولف بيها جامد
عند فهد وشيماء
فهد: بحبك يا مبهدلاني انتي وبنتك
شيماء: تعرف اول مره حسيت فيها ان بحبك امتي يوم لما انقذتني من الشابين اللي كانو بيتهجمو عليا
فهد: يا بنت الجزمه اومال كنتي تقلانا عليا ليه
شيماء بفخر: يا ابني هو انا اي حد
فهد: بحبك يا بنت الجزمه
شيماء: وانا كمان بحبك جدااا
عند ليث وهمس
همس: ليث
ليث: امممم
همس: انت كنت بتحلم بللي احنا فيه دا
ليث: مش عارف وكمان معرفشي وقعتيني في حبك امتي
همس: انا ليا تاثير خاص برضو
ليث: آسف يا قلبي علي معاملتي ليكي
همس: بس بس احنا ننسا اللي فات ونركز في الحاضر والمستقبل
ليث: بحبك يا بنت اميمه
همس: وانا بعشقك يا ابن منال وكالعاده كل العيله وقفت مع بعض وكانو مسكين ايد بعض وخدو صوره جماعيه بتدل علي الحب والموده اللي بنهم
وبكدا نكون انتهينا وكالعاده الخير ديما بيكسب علي الشر طالما عندنا حسن ظن بالله
وفعلا هو دا الحب انك تحس بلي بتحبو وتفهمو من غير ميتكلم وطمنو في عز خوفو ويارب تكونو استمتعو معانا
ودي اخر روايه ليا السنادي عشان الدراسه بدات كل سنه وانتو طيبين هتوحشوني