روايه لعبه القدر2

البارت10

آسفه علي التاخير النت كان فاصل ومازال فاصل

استغفر الله العظيم عدد ما كان وعدد مايكون وعدد الحركات والسكون
( روايه لعبه القدر2 )
البارت10 بقلم نورا قنصوه
وشيماء بتحاول تصرخ بس صوتها مش طالع وفجأه رجاله عمرو راحو ناحيه سرير همس وشالوها وخدوها مع محاولات رفض وصراخ من شيماء
شخص ما: فهمي جوزك وليث وزياد انهم لسه مشفوش حاجه من عقاب الباشا عن اذنك وزقوها جامد ومشيو بسرعه وشيماء حاولت انها تقوم
شيماء بصراااخ: همسسس بنتييييي
في القصر
في اوضه ليث وهمس
نلاقي ليث صحي وفضل يتأمل في همس ويمشي ايدو علي وشها وهمس صحيت
همس بنوم: صباح الخير
ليث بحب: صباح الجمال علي احلي واجمل همس في الدنيا وهمس ابتسمتلو
ليث بغمزه: صباحيه مباركه يا عروسه وهمس اتكسفت جداااا
ليث بضحك: هههههه بعد كل اللي حصل بنا امبارح ولسه بتنكسفي مني
همس بخجل: ليث خلاص اسكت بقا
ليث: حاضر يا ستي
همس: انت مش هتروح الشغل
ليث: رايح وكمل بخبث ولا ايه رايك لو خدت اسبوع شهر ولا سنه كدا اجازه
همس: ليث قوم يلا وبطل
ليث: ماشي انتي الخسرانه وقام خد شاور ولبس وهمس كذلك ونزلو
همس: صباح الخير
الكل: صباح النور
اميمه: نمتي كويس يا حبيبتي
همس: الحمد لله ياماما
ليث بحده: ايه اخبار الشغل
زياد: كلو تمام واخر صفقه شغالين عليها بكل جهدنا
ليث: تمام اوووي احنا لازم ننجز الشغل عشان الاسبوع اللي هنغيبو دا
همس: هتروح فين
ليث بجد: كل حاجه في وقتها حلوه
حسام: هنروح المزرعه كمان شهر
وليث بصلو بغضب وهمس ضحكت جااامد وليث بصلها وهمس سكتت
حسام: لا عاااش
وبعد شويه تدخل شيماء وتكون مش قادره تاخد نفسها وفهد اول مشفها اتفزع وجري عليها
فهد بخوف: شيماء مالك فيه ايه وانتي بتعيطي كدا ليه والكل قام وراح ناحيتها
شيماء: همس بنتي بنتي يا فهد
فهد بقلق: مالها همس وهي فين
شيماء: خطفوها خدوها مني والكل اتصدم
ليث: مين دول
شيماء: معرفشي معرفهمش هما خدوها وقالولي اقولكو انكو لسه مشفتوش حاجه من عقاب الباشا
وليث وزياد وفهد بصو لبعض
وهمس خضت شيماء في حضنها
همس: اهدي يا حببتي
شيماء ببكاء: انا عايزه بنتي يا فهد هاتولي بنتي
انا عارفه مكان بنتك فين والكل بص اتجاه مصدر الصوت واتصدمو لما شافو عايده
ليث: انتي جيتي للموت برجليكي وراح ناحيتها بغضب
وهمس جريت عليها
همس: ليث استني اما نفهم منها
فهد بغضب: نستني ايه دا دي هي السبب في كل اللي حصل وبسببها شيماء سابت البيت وبنتي اتخطفت
عايده: مفيش وقت للكلام دا الاهم انكو ترجعو الطفله
شيماء: هي فين قولي ارجوكي
عايده: عمرو خطفها وهما في ………
وليث وفهد وزياد وحسام خرجو بسرعه متوجهين للعنوان ومعاهم حرس كتير
في القصر
همس: اهدي يا شيماء ان شاء الله خير
زينه: الكل راح اهو وكمان شويه هتلقيهم دخلين عليكي بيها
شيماء ببكاء: انا بنتي لو حصلها حاجه انا ممكن يجرالي حاجه
منال: بعد الشر عليكو
وعايده فضلت تدعي ان همس تبقي بخير
عند عمرو
عمرو: كويس اوووي انكو جبتوها
الشخص: طب وعايده يباشا
عمرو: مش عارف قلقان منها بس اكيد هتظهر هي ملهاش حد وهتجيلي
الشخص: وهتعمل ايه في البت دي
عمرو بشر: هحرق قلب ابوها وامها عليها ونلاقي ليث والكل وصلو وفضلو يتبادلو اطلاق النيران
الشخص: ايه دا فيه ايه
عمرو: انت لسه هتسال اطلع شوف وليث وفهد دخلو جوا وفهد قتل الشخص ودخلو ولقو عمرو وليث وجه سلاحو عليه وفهد دخل يدور علي همس
ليث وهو موجه سلاحو ناحيه عمرو: انت ايه يا اخي الوساخه بتجري في دمك
عمرو: احترم نفسك يا ليث انت عندي
ليث بسخريه: عندك انت فاهم انت بتقول ايه انت مش شايف السلاح في ايد مين يعني بضغطه واحده هخلص منك ومن قرفك
عمرو: عمرك متقدر تخلص مني وكمل بخبث اه صحيح ابقي خلي بالك من مراتك همس صح وليث متمالكشي نفسو وضربو بالمسدس علي مؤخره راسو
ليث: وسخ
ونلاقي فهد تناه يدور علي همس لحد مسمع صوت عياطها وراحلها بسرعه وشالها وحضنها جاامد
فهد: آسف يا حبيبتي آسف
ليث: يلا يا فهد عشان نطمنهم
ومشيو متوجهين للقصر
في القصر
شيماء بقلق: لا دول اتاخرو اووي
نيره: زمانهم جايين اهدي
زينه: عرفا لو العنوان اللي ادتيه ليهم طلع غلط والله مهيكفيني فيكي قتلك
همس: زينه مش كدا وبعد شويه نلاقي الكل وصل وشيماء جريت علي فهد وخدت منو همس وحضنتها جامد
شيماء ببكاء: الحمد لله الحمد لله
وليث راح ناحيه عايده وعايده خافت جدااا ورجعت بظهرها لورا
همس: ليييث وليث شاورلها انها تسكت
عايده بتوتر: والله غصب عني هو هددني
ليث: احكي كل حاجه بالتفصيل
عايده: انا والله مكنت اعرف عمرو دا هو ظهرلي فجأه انا كان ليا اخت اسمها نفين واكتشفنا في الاخر انها عندها مشاكل في القلب ولازم تعمل العمليه والا هتموت بس مكنشي معايا تكاليف العمليه ومكنتش عارفه اعمل ايه لحد مهو ظهرلي فجأه وعرض عليا الفلوس مقابل شغل ومرضيش يقولي ايه هو الشغل قالي هتعرفي بعدين وكتبي وصلات امانه وخدت منو الفلوس ودفعتها واختي ماتت وهي بتعمل العمليه وهو ظهر ليا تاني وطلب مني الشغل دا بس انا رفضت بس هو هددني بوصلات الامانه فضطريت اني اوافق
همس: وكان ايه الشغل دا
عايده: بعد اللي عملو مع نيره كان عايز يفرق بين زياد ونيره بس زياد مكنشي طايقني لان اسلوبي كان مكشوف فطلب مني اني افرق بين فهد وشيماء بس مش بنفس الطريقه بطريقه تانيه ومسلت اني تعبانه وفهد جه وصلني البيت واتصورنا انا وهوا وكملت وهي بتبص لشيماء
عايده: بس والله محصل بنا حاجه هو اصلا مكنشي في وعيو بس فاق وزقني ومشي
زياد: هو عمل ايه مع نيره
عايده: نيره هربت من الفرح بسببو والكل اتصدم وبص لنيره
زياد: انتي بتقولي ايه
عايده: هو قالي انو يوم الفرح اتصل بنيره وهددها انها لو مهربتشي هيقتل زياد ونيره خافت علي زياد وهربت
والكل مش مستوعب
همس: ياااه
منال: وليه يا حبيبتي مقولتيش
اميمه: سانتين بحالهم وانتي شيله كل دا لوحدك
نيره ببكاء: هو هددني وقالي قالي لو قولتي لحد هقتلك زياد وزياد مش عارف يعمل ايه فطلع اوضتو ونيره بصتلو بحزن
عايده: والله اسفه وكنت خايفه اجلكو بس لما الموضوع ذاد ولقيتو هيدخل طفله في الموضوع قولت لازم اتصرف
همس: شكرا ليكي انتي بسببك هنحل الخلافات اللي بينا
ليث: انتي مش خايفه منو
عايده: لا مش خايفه وانا اصلا طيارتي كمان ساعه هسافر من هنا خالص ومحدش هيعرف طريقي
ليث: لو عوزتي اي حاجه كلميني
عايده بابتسامه: تمام عن اذنكو ومشيت عايده
وكل واحد طلع اوضتو
في اوضه فهد وشيماء
نلاقي فهد بينيم همس وبيلعب معاها
شيماء: آسفه
وفهد مرضش عليها
شيماء: غصب عني يا فهد حط نفسك مكاني
فهد: كنت هسمع منك هثق فيكي المفروض العلاقه بين اي اتنين تبقي مبينه علي الثقه
شيماء ببكاء: انا كنت عرفه ووثقه كمان ان محصلشي بينكو حاجه بس انا اتصدمت يا فهد وحسيت اني مجروحه آسفه وفهد شيماء صعبت عليه وخدها في حضنو
فهد: خلاص يا ستي حصل خير وكمل بخبث بس هو انتي قمر كدا ليه وهمس عيطت
فهد: ااه يا بنت الكلب
شيماء: متشتمشي البت
فهد: من ساعه البت دي مجت وانا مش عارف اخد راحتي معاكي
وشيماء ضحكت بصوتها كلو
في اوضه نيره
نلاقي نيره قاعده علي السرير وبتعيط جااامد ومش عرفه تعمل ايه والباب خبط
نيره وهي بتمسح دموعها: اتفضل
ودخل زياد وفضلو باصين لبعض فتره
نيره ببكاء: انا عرفه اني كسرتك وجرحتك كمان بس والله غصب عني كنت خايفه عليك انا كنت بموت كل يوم وانا شيفاك بتبعد عني وفجأه نلاقي زياد خدها في حضنو وحضنها وهي حضنتو ومسكت فيه جاااامد
نيره: آسفه والله آسفه
زياد: هشش خلاص انا كنت متأكد انك مخبيه عليا حاجه
نيره: يعني انت مش هتبعد عني
زياد: تؤتؤ
نيره بحب: شكرا
زياد: يلا روحي ارتاحي وبطلي عياط تصبحي على خير
نيره: وانت من اهلو ومشي زياد ونيره فضلت تطنطط ونامت والكل نام
وعدت الايام والاسابيع من غير احداث تذكر
ليلا في غرفه ليث وهمس
نلاقي همس عماله تتقلب علي السرير ومش قادره تنام وبعد شويه
نلاقي همس قامت ومش قادره من التعب ومسكه بطنها جاااامد
همس بتعب: ااااه بطني مش قادره وقامت بسرعه دخلت الحمام وليث صحي وهمس خرجت من الحمام وليث راحلها
ليث بلهفه: مالك يا حبيبتي
همس: شكلي خت برد في معدتي
ليث بسرعه: طب تعالي نروح المستشفي
همس: لا لا مفيش داعي انا هبقي كويسه متقلقشي
ليث: متأكده
همس: ايوا
ليث: طب تعالي ارتاح وليث فضل سهران جمبها طول الليل
صباح اليوم التالي ( يوم المزرعه )
نلاقي الكل واقف قدام القصر ومستعدين للسفر
حسام: يلا يا عم ليث
ليث: جاي يا عم وكمل يا حبيبتي لو تعبانه نأجل
همس: يا ليث والله انا كويسه متقلشي ولو فيه اي حاجه اكيد هقولك يلا بقا
ومشيو متوجهين للمزرعه
عند عمرو
عمرو: سافرو
شخص: ايوا
عمرو بحقد: نفذو
شخص: تمام وقفل معاه
وبعد عده ساعات نلاقي الكل وصل المزرعه
ليث: يلا انزلو انتو ارتاحو شويه واحنا هنروح نجيب شويه حاجات ناقصه ونزلت البنات مع اميمه ومنال ومشيو الشباب
همس: بقول ايه انا هروح مشوار علي السريع كدا وجايا
زينه: هتروحي فين
همس: هقولكو بعدين يلا سلام خلوها مفاجأه ومشيت بسرعه وركبت تاكسي والكل بصلها بقلق ودخلو المزرعه وفجأه

يا ترا ايه اللي حصل
وهمس راحت فين
وعمرو هينفذ ايه
وايه مصير الكل كل دا في البارت الجاي والاخير ان شاء الله
تفاعل وكومنتات وتصويت يلا