روايه لعبه القدر2

البارت8

الله لا اله الا انت سبحانك اني كنت من الظالمين
( روايه لعبه القدر2 )
البارت8 بقلم نورا قنصوه
عند حسام وزينه وهمس
نلاقيهم وصلو مصر
وهمس بتبص للشوارع باشتياق وابتسامه
زينه: وحشتك
همس: جدااا انتي مش متخيله انا حسه بايه
زينه: مش متخيله بصراحه بس متشوقه
همس: انا قلبي هيقف من كتر الفرحه
حسام: بعد الشر عليكي
زينه بغمزه: ولسه لما تشوفي حبيب قلبك وهمس اتكسفت جدااا وبصت في الارض
زينه: يخواتي علي الخدود اللي بقت عمله زي الطماطم
حسام: زينه بطلي غلاسه
زينه: حاضر ووصلو القصر
حسام: جاهزه
وهمس هزت راسها بااه وبتبص للقصر وكل حاجه حوليها بابتسامه ودخلو القصر
حسام: يجماعه فيه مفاجأه ليكو
والكل بصلو باستغراب
زينه بمزاح: تفضلي يا مولاتي ودخلت همس والكل اتصدم لما شافوها
اميمه: بنتي
منال ونيره مع بعض: مستحيل وهمس حسا انها مش قادره تتحرك وطبعا دموعها نزله زي الشلال
اميمه وهي بتقرب منها: انتي همس بنتي صح وهمس جريت عليها واترمت في حضنها وفضلو يعيطو جاااامد
والكل عيط
همس ببكاء: ماماااا وحشاني وحشاااااني اوووي يماما
اميمه ببكاء: انا مش مصدقه نفسي مش مصدقه الف حمد وشكر ليك يااارب الف حمد وشكر ليك
منال: تعالي يا حبيبتي في حضني وهمس حضنتها جاااامد
منال ببكاء: الحمد لله انك بخير الحمد لله وهمس راحت حضنت نيره وفضلو يعيطو في حضن بعض
نيره: ازاااي ازااي انتي موجوده هو مش انتي
وهمس نطقت بكلمه واحده
همس ببكاء: لييييث
اميمه: فوق يا حبيبتي في اوضتك انتي وهو وهمس بصتلهم وقررت انها تطلع
عند ليث
نلاقيه واقف وبيكلم صوره همس
ليث بحزن: خلاص مبقتشي قادر كل حاجه بتروح وانا واقف اتفرج مش عارف اعمل ايه في الاول موضوع زياد ونيره ومعرفتش اعمل حاجه ودلوقتي فهد وشيماء وبرضو مش عارف اعمل حاجه
ليث: ارجعي بقا ارجعي انا تعبت من غيرك مش قااادر
همس: واديني رجعت وليث بقا واقف زي الصنم ومصدوم وبص للخلف واتصدم اكتر وفضل باصص لهمس كتير وبعد شويه
ليث: اكيد تخيل زي مبتخيلك ديما وكان ماشي وخبط فيها وليث بصلها بصدمه
ليث: مستحيل اكيد انا بحلم
همس ببكاء: لييث انا همس حبيتك وليث مش مقتنع برضو وفضل يحرك ايدو علي وشها وسقط مغشي عليه
همس بصراااخ: لييييييث والكل طلع بسرعه وفهد خرج من اوضتو
همس ببكاء: ليث رد عليا ليييث من فضلك قووم
فهد: عاااااا عفريته
حسام: عفريته مين يا عم دي همس تعالا شيل معايا ليث نحطو علي السرير بسرعه وفهد راح معاه وباصص ناحيه همس بخوف
فهد: سلام قول من رب رحيم اجعل كلامنا خفيف عليهم
حسام: يا عم اخرس بقولك همس ونقلو ليث وحطوه علي السرير
ليث بخفوت: همس همس
منال: فوق يا حبيبي
وليث بدأ يفوق واول مفتح عينو شاف همس قدامو
ليث بحب: همس انا مش بحلم صح
همس ببكاء: لا مش بتحلم انا همس يا ليث انا عايشه مموتش وفي اقل من الثانيه كان ليث حاضن همس جامد ومقدرشي يتحكم في دموعو وكان بيشدد من احتضان همس وكانو خايف انها تروح منو ولو كان مقدرتو انو يدخلها جوا ضلوعو كان عمل كدا
اما بالنسبه لهمس كانت مفتقده الشعور دا جداااا وحسو ان الوقت وقف بيهم هما الاتنين ومحدش يعرف فضلو قد ايه حاضنين بعض
ليث: انتي عايشه صح عايشه
همس: ايواا عايشه انا همس
فهد: اقسم بربي لو حد كان حكالي كدا كنت قولت عليه متخلف بس انا شايف بعيني وبرضو مش مصدق
همس بابتسامه: لا صدق يا فهد انا هموسه
فهد بضحك: هموسه لا انا كدا صدقت بالحضن يا شيخه والكل بصلو بحذر
فهد: معلشي يجماعه الفرحه خدتني شويه
همس: اومال فين شيماء وزياد
وهمس لاحظت الحزن اللي ظهر علي وش الكل وبالاخص نيره وفهد
همس: فيه ايه يا جماعه حصل ايه
فهد ونيره: عن اذنكو ومشيو
ليث: الاحوال اتغيرت من ساعه ممشيتي يا همس
همس: ايه اللي حصل مش كان زياد ونيره مخطوبين وشيماء فين
منال: فهد وشيماء اتجوزو وخلفو بنوته كمان
همس بفرحه: بجد طب هي فين
اميمه: شيماء اكتشفت ان فهد بيخونها وسابت البيت ومشيت
همس بصدمه: بيخونها
ليث: دي لعبه بس لعبوها صح اوووي بس فهد فاق علي اخر لحظه
همس: طب نيره وزياد
منال: احنا اصلا منعرفشي ايه اللي حصل
همس: ازاي
ليث: هحكيلك
فلاش بااااك
يوم فرح زياد ونيره وفهد وشيماء
علي السفره
اميمه: مبروك يا حبيبي
منال: اتجدعنو كدا واملولنا البيت دا عيال
ونيره وشيماء اتكسفو جداااا
حسام: يبيضه منك ليها
فهد: اخرس يااض
زينه: يلا قومو بقا عشان تجهزو وكملت اااه صحيح انتو مش هتشوفوهم غير بليل عشان لو عايزين تقولولهم اي حاجه دلوقتي
زياد: دا ليه يعني
زينه: العادات بتقول كدااا
فهد برفع حااجب: لا يا شيخه
ليث بحده: خلاص منك ليه كل واحد ياخد خطيبتو واتكلمو مع بعض شويه قبل ميبداو يجهزو
وفاء( ام شيماء ): ايوا يلا بس متتاخروش
وقام فهد وشيماء وزياد ونيره
عند زياد ونيره
نلاقي نيره وقفه متوتره جدااا وبص في الارض
زياد بحب: تعرفي انا النهارده من اسعد ايام حياتي وكمل
زياد: انا مش مصدق اني خلاص حلم حياتي هيتحقق وهتبقي بتاعتي
نيره: لا صدق احنا فرحنا النهارده
زياد: ربنا استجاب لدعائي تعرفي كل لما اصلي ادعي ان ربنا يجعلك من نصيبي ويجمعني بيكي في الحلال واهو ربنا استجاب لدعائي
نيره بدموع: ياااه لدرجادي بتحبني
زياد: اول ميتم كتب كتابنا هقولك اد ايه انا بحبك وهخبيكي جوا في حضني واثبت للكل انك خلاص ملكي انا ونيره اتكسفت جدااا وطلعت اوضتها جري
عند شيماء وفهد
فهد: انا عارف انك بتحبيني وكمل
فهد: بس عارف كمان انك خايفه من علاقتنا وشيماء بتبصلو بصدمه
فهد: احب اسمع منك احسن
شيماء بتوتر: اصل اصل ومش قادره تتكلم
فهد: خايفه لحسن اخونك اكمني بتاع بنات وشيماء بصت في الارض
فهد بحب وصدق: انا مش هكدب عليكي واقولك اني معرفتش بنات قبلك بس اقسملك بربي انا من ساعه معرفتك عمري ملمست بنت ومفيش اي واحده في قلبي غيرك ومش شايف حد قدامي غيرك
فهد بحب: ووعد مني عمري مهخونك ولا هبقي سبب في نزول دمعه من عينك وهصونك واحطك جوا قلبي وشيماء اتكسفت جدااا وطلعت اوضتها
وطلعو يجهزو وكل واحده في اوضتها ومعاهم مساعدين
والاتنين قررو انهم مش يعملو فرح كبير عشان خاطر همس
ليلا في القصر
زياد بلهفه: يلا بقا هما مش ناوين ينزلو
منال: اهدي يا ابني زمانهم نازلين مستعجل كدا ليه
وشيماء نزلت مع والدها
وفهد انبهر بجمالها
فهد: صلاه النبي احسن
زياد: اشمعنا شيماء تنزل الاول وفهد طلعلو لسانو والكل ضحك عليهم
والماذون كتب كتاب فهد وشيماء
المأذون: بارك الله لكما وبارك عليكما وجمع بينكما في خير
وفهد قام بسرعه وحضن شيماء وفضل يلف بيها
فهد: بحبك
شيماء بخجل: وانا كمان
زياد: دوري
وليث طلع لاوضه اختو وخبط علي الباب ومفيش رد وبعد شويه فتح الباب وملقاش حد وتناه يدور عليها وبرضو ملقهاش لحد ملقي حاجه صدمتو ونزل
والكل اتصدم لما نزل من غير نيره والكل بص لليث باستغراب
اميمه: اومال نيره فين يا ابني
ليث بحزن: مش فوق
زياد: ايه مش فوق دي ايه الكلام دا انا هطلع ليها بنفسي
ليث بحده: نيره هربت يا زياد وزياد اتصدم والكل كذلك
زياد بعدم تصديق: انت انت بتقول ايه اكيد انت فاهم غلط
وليث طلع ورقه
ليث: طب ودي تبقي ايه
وزياد خدها منو وقرأها
نيره: انا اسفه انا اخدت قراري ومش هتجوزك وانا روحت لوحده صاحبتي لاني عرفا لو كنت قاعدت في البيت كنتو هتغصبوني انا اسفه مره كمان
وزياد حاسس انو في حلم
زياد بصدمه: ليه ليه عملت كدا ليه وكمل
زياد بامل: اكيد عندها سبب اكيد
فهد: اهدا يا زياد
وزياد طلع اوضتو وبيفكر ليه نيره عملت كدا والماذون مشي والكل طلع اوضتو ونامو
صباح اليوم التالي ( كل دا واحنا لسه في الفلاش باااك)
نلاقي الكل موجود في القصر مستنين وصول نيره وبعد شويه دخلت نيره مع واحده صاحبتها
منال بغضب: انتي شرفتي ولسه هتروحلها ليث مسكها
ليث: ماماا استني اما نسمعها
وزياد باصص ليها وعنيه بتقول اكيد غصب عنك مستحيل يكون حقيقه اكيد حلم ونيره بتبصلو بحزن
شيماء: نيره اتكلمي
نيره: ….…
والكل اتصدم من اللي سمعوه

يا ترا ايه اللي حصل
ونيره عملت كدا ليه
وايه رد فعل همس
والخطه بتاعه عمرو ايه هي كل دا في البارتات الجايه ان شاء الله
تفاعل وكومنتات وتصويت يلا