روايه لعبه القدر2

البارت6

اللهم صلي على محمد وال محمد كما صليت على إبراهيم وال ابراهيم وبارك علي محمد وآل محمد كما باركت على إبراهيم وال ابراهيم في العالمين انك حميد مجيد
( روايه لعبه القدر2 )
البارت6 بقلم نورا قنصوه
عند فهد
فهد: ايوا كدا تمام يدوب بقا الحق اروح لشيماء وخرج من المكتب ولسه هيمشي فجأه يلاقي عايده خبطت فيه وكانت هتقع
وفهد مسكها
فهد: حاسبي
عايده بتعب: اااه انا اسفه معلشي وكانت مسكه دماغها جامد
فهد: مالك انتي كويسه
عايده: اااه اااه بس شويه صداع ومش شايفه بعيني
فهد: سلامتك طب جيتي الشغل ليه مخدتيش اجازه
عايده بتعب: زياد بيه مش طايقني اصلا فمرضتشي اقولو لانو مش هيصدقني
فهد: معلشي بس زياد عندو مشاكل شويه اعذروه وكمل خلاص يا ستي روحي انتي وانا هقلو
عايده: ايوا بس
فهد: ولا بس ولا حاجه يلا وقامت عايده وكانت هتقع تاني
فهد: لا انتي بالشكل دا مش هتقدري تسوقي تعالي هوصلك
عايده: مش عايزه اتعب حضرتك
فهد: ولا تعب ولا حاجه تعالي ومشيو وركبو عربيه فهد متوجهين لمنزل عايده
عند زياد ونيره
نلاقي نيره صحيت واتفزعت لما شافت المكان وبعد شويه افتكرت اللي حصل وهديت وقامت وخرجت تشوف زياد لقتو نايم برا وفضلت تتأمل فيه وافتكرت اللي حصل وحست بالذنب من ناحيتو وزياد حس بيها وقام
زياد: انتي بتعملي ايه هنا
نيره: مفيش خوفت لما صحيت فكنت عايزه احس بالامان فجتلك وزياد لف وشو الناحيه التانيه
نيره بحب: انا بحس بالامان لما اشوفك وابقي معاك
زياد بحزن: طب ليه ليه عملتي كدا ونيره سكتت وبصت للارض
زياد: هترجعي تسكتي تاني ومفيش رد
زياد بغضب: تمام يلا عشان ماشين ومشيو متوجهين للقصر
عند فهد
نلاقيه وصل قدام بيت عايده
فهد: يلا يستي وصلنا وبصلها لقاها نايمه
فهد: ينهااار احوس هعمل ايه دلوقتي وحاول يصحيها
فهد: عايده عايده
عايده: هاااا
فهد: وصلنا
عايده: ممكن بعد اذن حضرتك تطلع معايا فوق تسندني لاني بجد دايخه اوووي ومش شايفه
فهد باحراج: ماشي وطلعو شقه عايده وفهد كان سندها ودخلها الشقه
فهد: ارتاحي انتي بقا انا همشي ولسه هيمشي عايده مسكت ايدو وفهد سحبها بسرعه
عايده: انا اسفه بس ينفع تقعد تشرب معايا حاجه
فهد: لا معلشي عشان متاخرشي علي مراتي وضغط علي كلمه مراتي اوووي وكمل وكمان انتي تعبانه فلازم امشي
عايده: ارجوك دي اول مره تيجي فيها الشقه لو سمحت 5 دقايق بس
فهد: تمام بسرعه لو سمحتي وعايده قامت وراحت المطبخ وضحكت بشر وعملت مكالمه تليفون
عايده بهمس: الو
عمرو: الو( كدا تكونو عرفتو مين الشخص اللي عمرو كان بيكلمو في البارت اللي فات )
عايده بخبث: كلو تمام
عمرو: واخر خطوه
عايده: هتتنفذ دلوقتي بس قولت اطمنك
عمرو: تمام اوووي يلا شوفي شغلك
عايده: تمام وقفلت السكه وعملت عصير وحطت في كوبايه فهد مخدر وراحتلو
ونلاقي فهد قاعد متوتر مش عارف يعمل ايه
عايده: اتفضل
فهد: شكرا وخد العصير منها وشرب منو شويه وحس بدوخه والعصير كان هيقع منو وعايده راحت ناحيتو وشالت كوبايه العصير من ايدو وبتقرب منو بطريقه مقرفه وفهد مش حاسس بحاجه وبدأت انها تفتح زراير قميصو وبتحرك ايديها علي صدرو طبعا كل دا وفيه شخص بيصور وفهد في عالم تاني ولسه هتقرب اكتر نلاقي صوره شيماء جت قدام فهد وفجأه فهد يزق عايده جامد وتقع علي الارض ونزل بسرعه
عايده: اشرب بقا
ونلاقي فهد ركب عربيتو وكان بيتنفس جامد ولسه برضو مش في وعيو واتصل بليث
في القصر
عند ليث نلاقي تليفونو بيرن
ليث: الو
فهد بضعف: ليث
ليث بقلق: فهد انت فين مالك
فهد: ليث انا مش قادر اسوق تعالا خدني
ليث: طب انت فين
فهد بعدم وعي: انا انا في………
ليث: تمام خليك عندك وانا جيلك وخرج بسرعه من القصر وزياد ونيره وصلو
في امريكا
عند حسام وزينه في القصر
نلاقي زينه صحيت وقامت خدت شاور ونزلت للأسفل ولقت حسام
زينه: صباح الخير
حسام: صباح الكرمله
زينه بتحذير: هااا
حسام: خلاص يا عم عبدو انا آسف
زينه: مين عم عبدو دا يا عم انت
حسام: لا والله دانا كدا هظلمو دا عم عبدو فيه رقه اكتر منك
زينه: هو كدا مش عاجبك
حسام: عاجبني ونص كمان
زينه: بحسب وفجأه نسمع صوت صرااخ بنت
زينه: ينهااار ابوك اسود انت بتخوني
حسام: بخونك ايه بس اهدي
زينه وهي ماسكه السكينه: انطق يلا مين البت اللي فوق دي وايه اللي جابها هنا انطق لايما وربنا هغزك
حسام: يا ستي فيه ايه دي بنت كانت بتجري امبارح وخايفه اوووي وفجاه اغمي عليها فشلتها وجبتها هنا وانتي كنتي نايمه فمرضتشي اقلقك
زينه: بت مين دي
حسام: هنفضل نتكلم كدا وتسيب البت تصوت فوق
زينه: تعالا منطلع نشوفها ودخلو عليها وهمس خافت جداااا وانضمت علي نفسها
زينه بصدمه: همس
عند فهد
نلاقي ليث وصل وشاف عربيه فهد ونزل من عربيتو وراحلو
ليث: فهد مالك
ليث: ايه اللي مبهدل حالك كدا وفهد حاطط ايدو علي دماغو ومش بيتكلم
ليث: متنطق يا عم
فهد بغضب: مفيش يا ليث مفيش انا عايز امشي من هنا
ليث: طب ايه اللي حصلك بس
فهد: ليث هتروحني ولا هنزل اخد تاكسي
ليث: ماشي يا فهد ماشي ومشي متوجه للقصر
وبعد شويه وصل القصر وفهد نزل بسرعه وطلع اوضتو والكل استغرب حالتو وليث اول مدخل نيره جريت عليه وحضنتو
نيره: وحشتني
ليث: انتي اكتر يا حبيبتي
اميمه: مالو فهد يا ليث
ليث وهو شارد الذهن: كويس كويس
اما عند فهد فوق
نلاقي شيماء بتنيم همس وفهد دخل
شيماء: كنت فين يا فهد كدا تسيبني وتمشي وفجأه فهد راح وحضن شيماء وفضل يعيط
شيماء بقلق: فهد مالك يا حبيبي
فهد ببكاء: انا بحبك اوووي انتي اغلي حاجه في حياتي انا مليش غيرك
شيماء: طب بس بس اهدي اهدي تعالا ارتاح ونام فهد وشيماء فضلت جامبو
فهد: شيماء احضنيني يا شيماء احضنيني وشيماء حضنتو وفهد فضل يقول
فهد: انا بحبك والله بحبك انا مليش غيرك وشيماء كانت خايفه اوووي عليه
عند همس
نلاقي همس منكمشه علي نفسها وخايفه اوووي
زينه بصدمه: همس
حسام: همس مين
زينه: انتي همس صح
حسام: همس مين
زينه: ردي عليا الله يخليكي يا همس قلبي هيقف
حسام: همس مين
زينه بزعيق: ايه يا عم انت تعرف ميت همس همس مرات ليث وهمس اول مسمعت اسم ليث فرحت وقلبها دق جامد
حسام: انتي بتزعقي
زينه: لا دا انفعال مؤقت بس
حسام: ااه بحسب وكمل هي مش همس ماتت
زينه: استني منفهم
همس بابتسامه: لييث
زينه وهي بتقرب منها: ايوا ليث انتي تعرفيه
همس بخوف: ابعدي عني متقرببش مني ابعدو عني وفضلت تعيط
زينه: اهدي اهدي احنا مش هنأذيكي
همس ببكاء: ليث انا عايزه ليث هيقتلوني هما هما هيقتلوني كلكو عايزين تقتلوني ابعدو عني ابعدو واغمي عليها تاني
زينه: انا مش مصدقه يا ترا ايه اللي حصلها
حسام: انتي اش عرفك ان هي همس وباعدين انتي اتهابلتي زي ليث ولا ايه همس ماتت وشبعت موت
زينه: والله محد مهبول غيرك انت مسمعتهاش وهي عماله تقول ليث انا عايزه ليث
حسام: ميمكن تشابه اسماء
زينه: لا هي دي همس انا شوفت صورتها لما كانت مع شيماء
حسام بصدمه: تعرفي لو كلامك طلع صح
زينه: طلع ليث عندو حق وحببتو طلعت عايشه بس دي هتبقي صدمه للكل
حسام: ربنا يستر
في القصر
ليث: اومال زياد راح فين
منال: راح الشركه
ليث: كويس عشان انا وفهد هنا
نيره: هو ايه اللي حصل لفهد
ليث: مش عارف مقليش حاجه بس لما يهدي هتكلم معاه
وفجأه الكل يسمع صوت صراااخ

يا ترا ايه اللي حصل
ومين اللي صرخ
وايه رد فعل الكل لما يعرفو ان همس عايشه وبالاخص ليث
وهمس رد فعلها لما تشوف حبيبها
كل دا في البارتات الجايه ان شاء الله
تفاعل وكومنتات وتصويت يلا