روايه لعبه القدر2

البارت4

اللهم صلي على محمد وال محمد كما صليت على إبراهيم وال ابراهيم وبارك علي محمد وآل محمد كما باركت على إبراهيم وال ابراهيم في العالمين انك حميد مجيد
( روايه لعبه القدر2 )
البارت4 بقلم نورا قنصوه
في امريكا
في افخم مطاعم امريكا
نلاقي ليث وحسام قاعدين ومجتمعين مع الوفد وبيتكلمو في خصوص الشغل
ورامز وهمس دخلو من الباب الخلفي واستخبو في مكان وهمس شافت ليث بوضوح
وهمس فرحت جداااا وقلبها دق جامد ودموعها نزله زي الشلال
عند ليث
ليث بحده: كدا كلو تمام حسام هيتابع معاكو عن اذنكو وقام ولسه هيمشي
همس باشتياق: لييييييث وفجأه
في مصر
في غرفه
شيماء وفهد
فهد: ايه يا حببتي البوز اللي ضربهولي من الصبح دا
شيماء بغضب: متقوليش حببتي انت فاهم
فهد: مالك بس يا شيمو
شيماء بعصبيه: متدلعنيش انت فاااهم يا خاااااين وفجأه نلاقي شيماء مسكت بطنها جامد وبتصرخ
شيماء بصراااخ: اااااه فهد فهد الحقني
فهد بخضه: شيماء مالك يا حبيبتي فيه ايه
شيماء بعصبيه: بولد يا متخلف مش عايزه ذكاء
فهد بصدمه: متخلف ومسكها من هدومها
فهد: بتشتمي مين يا بت
شيماء: ااااااه الحقني يا فهد هموووووت الله يخرب بيتك ااااااه
فهد: ينهااار احمر دي شكلها بتولد بجد وشالها ونزل بيها للأسفل
اميمه بخضه : خير يا ابني مالها
فهد: اااه سيب ايدي يا بنت العضاضه وكمل بتولد يا طنط
منال: طب يلا بسرعه واحنا هنجيب الشنطه بتاعتها ونيجي وراك وفهد ركبها العربيه وساق بسرعه وطبعا كل دا مع صراااخ شيماء واميمه ومنال راحو وراهم المستشفي
في امريكا
عند همس وليث
همس باشتياق: ليييييث ورامز شدها بسرعه ومشيو من غير محد يشوفهم
وليث بص للخلف بصدمه
حسام: ليث فيه حااجه
وليث كان بيدور بعنيه علي حد
حسام: مالك يا ليث
ليث: فيه حد نادي عليا دلوقتي صح
حسام: لا مفتكرشي
ليث: انا متأكد ان فيه حد نادي عليا من شويه
حسام: بيتهيقلك يا لييث انا مسمعتش حاجه
وليث بصلو جاامد
ليث في سرو: انا ليه قلبي بيدق جامد كدا وليه حاسس اني عايز اقعد هنا والصوت اللي سمعتو حاسس انو مؤلوف عليا
حسام: ايه يا عم روحت فين
ليث بانتباه: معاك
حسام: كدا خلاص خلصت شغلك هتمشي ولا ايه
ليث بتفكير: لا مش همشي هقعد شويه ومشي من المطعم
في قصر رامز
رامز بغضب: ادخلي ادخلي وزقها جااامد
همس بوجع: ااااه وراح مسكها من الحجاب
رامز: انتي مش قولتي هتشوفيه بس ومش هتفتحي بوقك ولا هتعملي اي حااجه
همس ببكاء: غصب عني والله غصب عني ممتلكتش نفسي
رامز بعصبيه: انا اللي غلطان اللي سمعت كلام واحده زيك كانت هتوديني في داهيه غورري اطلعي اوضتك وهمس طلعت بسرعه اوضتها
ورامز تليفونو رن
رامز: الو سيد ارجون
ارجون: عزيز تعالا فورا ( طبعا عزيز دا اللي هو رامز بس غير اسمو وغير حاجات في شكلو )
رامز-عزيز: خير سيد ارجون
ارجون: لما تيجي هتعرف وقفل في وشو
رامز بغضب: ابن**** وطلع قفل الباب علي همس وخرج من القصر بسرعه
في مصر
في المستشفي
نلاقي الكل وصل المستشفي وفهد شال شيماء ودخل بسرعه
شيماء بصراااخ: ااااااه ربنا ياخدك يا فهد والكل بص عليهم
فهد: اخرسي يا بومه فضحتينا
الدكتور: بسرعه حطها هنا وجهزو اوضه العمليات
فهد: احيات عيالك يا دكتور ابقي قصلي 2 متر من لسانها
شيماء: عاايز تخلص مني يا خااين عشان تروح تتجوز البت الوتكه بتاعتك دا بعينك يا فهد والله لكون ملزماك زي عفريتك
فهد بصدمه: يا بنت المجنونه يلا يا دكتور خدها
شيماء ببكاء: فهد
فهد: مالك بس يا قلبي بتعيطي ليه
شيماء: خايفه
فهد: ان شاء الله هتقومي بالسلامه متخافيش
شيماء: لا انا خايفه لما ادخل العمليات تستغل ان انا مش موجوده وتروح تخوني وفهد بيبصلها بصدمه وهو فاتح بقو
فهد: الله يخليك خدها بدل مقتلها والدكتور خدها
شيماء: ماشي يا خااااين يا بتاع البنات ودخلت اوضه العمليات ومنال واميمه بيكتمو ضحكتهم عليهم
في القصر
نلاقي نيره صحيت من النوم ونزلت للاسفل
نيره باستغراب: ايه دا هو مفيش حد هنا ولا ايه ولقت زياد نازل من اوضتو وخارج بسرعه
نيره في سرها: هو رايح فين بسرعه كدا وسمعتو وهو بيتكلم في التليفون
زياد: يا عم اخرس طب انتو في اني مستشفي ونيره اتخضت اول مسمعت اسم مستشفي
زياد: طب انا جاي سلام ولسه هيمشي
نيره بتوتر: زياد
زياد ببرود: نعم وهو مديها ظهرها
نيره: هو مين اللي في المستشفي
زياد: شيماء بتولد
نيره بخضه: اييه بتولد وزياد مردش عليها وخرج ونيره خرجت بسرعه وكانت وقفه متوتره مش عارفه هتروح ازاي
وزياد لاحظ توترها وهو عارف ان عندها فوبيا من سواقه العربيات
زياد: اركبي
نيره: نعم
زياد: خلاص براحتك وركب العربيه
نيره: لا خلاص استني وركبت العربيه بسرعه
وزياد ساق العربيه بسرعه
بعد شويه
نيره: شكرا
زياد: امممم ونيره قاعده متوتره جدااا وعماله تفرك في ايديها وفجأه
عند ارجون ورامز-عزيز
عزيز: مساء الخير سيد ارجون
ارجون بخبث: الملف فين اللي طلبتو منك
عزيز بتوتر: لسه مجبتهوش محتاج بس شويه وقت
ارجون: اااه شويه وقت وقام وبيمشي حول عزيز
ارجون: تعرف انا مش بكره في حياتي اد الناس الخونه
عزيز بتوتر وهو بيبلع ريقو بصعوبه: اه طبعااا
ارجون: تمام روح انت دلوقتي يا عزيز وانا هعرف ازاي اجيب الملف بطريقتي
عزيز: تمام ومشي بسرعه
ارجون: لازم نخلص منو في اسرع وقت الخاين
شخص: امرك سيدي
ارجون: فاكرني مش عارف انو جاب الملف وخدو لنفسو بعملتو دي فتح علي نفسو ابواب جهنم
عند ليث
نلاقيه شارد الذهن وطبعا بيفكر في حببتو همس وقطع تفكيرو رنين الهاتف
ليث: الو يا ماما
منال: ازيك يا ليث عامل ايه
ليث: تمام وانتو ايه اخباركو
منال: الحمد لله يا حبيبي
ليث: ايه صوت الدوشه اللي جمبك دا
منال: اصلنا في المستشفي
ليث: خلاص شيماء هتولد
منال: ااه ربنا يقومها بالسلامه
ليث: تمام يا ماما وانا هاجي علي اول طياره عشان الشغل ميبقاش كلو علي زياد لوحدو
منال: ترجع بالسلامه ان شاء الله
ليث: سلام يماما وقفل معاها وطلعت صوره همس وفضل بصصلها كتير ونام وهو حضنها
في المستشفي
نلاقي الممرضه خرجت وشيله بيبي علي ايديها
الممرضه: مبروك بنوته زي القمر
فهد بسرعه: وشيماء شيماء عامله ايه
الممرضه: الحمد لله بخير شويه وهننقلها اوضه عاديه وكملت اتفضل البنوته
فهد بخوف: لا لا مش هعرف اشيلها
منال: يا حبيبي متخفشي شيلها وفهد خدها من الممرضه
فهد بصدمه: ينهاااار دي صغيره اوووي
اميمه: هي كل الاطفال بيبقو كدا وفهد حس بفرحه اول مشالها وفضل شايلها طول الوقت ودخلو لشيماء
منال: حمد لله بالسلامه
اميمه: حمد لله على سلامتك
شيماء بضعف: الله يسلمكو وكملت جبت ايه
فهد: بنوته زي القمر
اميمه: هتسموها ايه
فهد وشيماء مع بعض: همس وبصو لبعض بابتسامه
عند زياد ونيره
نلاقيهم ماشين وفجأه تطلع عربيه تعترض طريقهم وتضرب عليهم نااار
نيره بخضه: هااااا فيه ايه
زياد بسرعه: انزلي انزلي بسرعه ونزل نيره في الدواسه وبيحاول يهرب منهم وضرب النار لسه شغال
نيره بخوف: هو فيه ايه ومين دول
زياد: اكيد عمرو مفيش غيرو وضرب النار بيزيد
نيره: حاااسب وزياد سايق باقصي سرعه وبيحاول يهرب منهم وبالفعل هرب منهم
نيره: هاا الحمد لله
زياد بقلق: انتي كويسه
نيره: ايواا وكملت احنا فين بقا
زياد: معرفشي دا شكلو مكان مقطوع احنا هنبات هنا النهارده وبكرا نبقا نمشي
نيره: هنبات فين هنا في العربيه
زياد: عندك حل تاني
ونيره سكتت
في قصر رامز
نلاقي رامز وصل القصر ودخل بسرعه وفتح الخزنه وطلع منها ملف
رامز بخبث وبشر: الملف دا بتاعي انا ودا اللي هينقلني نقله كبيره انا لازم احافظ عليه وامسكو بايدي واسناني وفجأه حصل اللي محدش يتوقعو

يا ترا ايه اللي حصل
وايه مصير همس
وايه اللي هيحصل مع زياد ونيره
وايه اللي غير زياد كدا كل دا في البارتات الجايه ان شاء الله
تفاعل وكومنتات وتصويت يلا