"شخبطه على الماشي"
: يا بنتي مش بحبو ومش عايزه اتجوزه
= طب قولي لـ باباكي
: فولتلهم ومصممين اني اتجوزه
= طب خلاص اتصلي بالعريس وقوليلو وفهميه
: كدا هكون بهين صوره بابا قدمهم وانا مستحيل اعمل كدا
= ما أنتِ مقدمكيش حل غير انك تكملي معاه
: افهميني بقا يا مرام مش هيبقا أنتِ واهلي، بقولك مش عوزاه أنا عاوزة إياد يا مرام
= وإياد لو كان عاوزك كان هيجيلك هو مكنش آسر اللي جه
: إياد عنده ظروف على فكرا
= ظروف إيه دي اللي بقالها سنه يا سارة دا بقالو سنه بيقولك عندي ظروف
: ممكن يكون بيكون نفسه على فكرا ومش حابب يقول ويعملهالي مفاجأة
= افهمي يا سارة، لو هو كان بيحبك فعلًا زي ما قال كان هيحافظ عليكي ومستحيل كان هيرضى يكلمك من غير رابط شرعي بينكم اللي زي إياد كان بيكلمك قبل ما يكون في رابط بينكم يعني متضمنيش إنه يجي بعد الجواز تلاقيه بيكلم واحده تانية ويقولك مانا كنت بكلمك هي جيبت عليها .. ومش بعيد كمان يقولك معلش كل شيء قسمة ونصيب وانا مش هعرف ءامن بيتي وأهلى وشرفي على واحده خانت ثقة أهلها وكانت بتكلمني لما يناموا .. اللي زيه ملهوش آمان إلا لو تاب بجد
: يعني اوافق على آسر
= بالظبط
' الباب خبط
* يلا يا سارة المأذون وصل
: حاضر يا ماما
= يلا عشان منتأخرش عليهم، وزي م قولتلك دلوقت دا هو اللي هيبقى جوزك يعني متزعلهوش ولا تخبي عليه أي حاجة قدام
بصلتها وهزيت راسي بمعنى ماشي ونزلنا وكتبنا الكتاب فعلًا، وقعدنا اسبوعين بعد كتب الكتاب نظبط الحاجات اللي كانت ناقصة
' بعد الفرح
: احم، عاوزة اتكلم معاك شوية
- وانا كمان يا سارة
' مش هنكر إني اطمنتله من نبرة صوته، ولا هنكر إن لما نطق اسمي حسيت إني الوحيدة اللي اسمي سارة
: اتفضل انا سمعاك
- لا لا إبدأي أنتِ بس
:بس اوعدني إنك متعمليش حاجه او تقول حاجه لأهلي على حاجة
بإبتسامه- اوعدك.
: صراحًا أنا مغصوبة ع الجوازة دي مش هقولك إني بكرهك ومكنتش عوزاك لإني مشفتش منك غير كل خير، بس أنا بقالي سنة ومستنيه واحد تاني معين هو اللي المفروض كان جه اتقدملي وكان زماني مراته دلوقت، بس بقاله سنه بيقولي عنده ظروف وصحبتي قالتلي إن أكيد إياد دا مش بتاع جوزا أصلًا
