حسناء: ربنا يقويني بس واقدر لان عمليه تقيله بس الحمدلله
شمس: عندي فكره حلوه نعمل جدول نمشي عليه لمده اسبوع هتمشي 3 ساعات في اليوم علشان بطنك تشد بسرعه يلا ننزل الحديقه نتمشي ونشم شويه هوا
حسناء: يلا ي شمس انا عرفاكي مش هترتاحي الا لما ننزل
ذهبت شمس بصحبه حسناء الي الحديقه
تعجبوا عندما وجدوا الشقيقين في الحديقه
طارق: حسنااء عامله ايه الوقتي طمنيني عليكي
حسناء: بقيت احسن الحمدلله
شاهر: قولنا نيجي نبص عليكوا الاول
شمس: تعالي ي شاهر عايزه اقولك علي حاجه
استعجب شاهر من قولها ليردف: اتفضلي عن ازنكوا ي جماعه ثواني
ثم اخذته بعيدا عن حسناء وطارق
شاهر: فيه حاجه ولا اي مش غريبه ؟
شمس: كنت عايزه اقولك ان انا اتأكدت من اللي حصل في المستشفي وكله طلع كدب واسلام عرف كل حاجه
شاهر: وهي قالت كده ليه
شمس بحده: انا مش جايه احكيلك اللي حصل انا جايه اقولك اني شريفه مش زي مانت اتهمتني وزي مقولتلك هتأكد مش علشان ابقي كويسه في عينك لاء لاء علشان تفضل مكسور في عين نفسك انك ظلمتني وشكيت فيا
وقف شاهر يديه خلف ظهره مطئطئ الرأس حزين الوجهه: شمس لو اي حد مكاني كان هيعمل اكتر من كده انا كنت خلاص هقولك متمشيش خليكي جمبي اول مره احس احساس الامان اول مره اتعب لما حد يبقي واخد جمب مني اول مره اتوجع صدقيني
شمس: انت لو واثق فيا مكنتش صدقت انت اللي اتسرعت علي الاقل كنت استني لما حسناء تقوم بالسلامه وكنت تعالي افهم مني
شاهر بتنهيده: عارف اني غلطان وغلطان اوي كمان بس والله مقدرش علي زعلك وانتي عارفه كده
شمس: صدقني ي شاهر انت كسرتني وجرحتني اوي بس خلاص ملوش لزوم الكلام ده انا زي مقولتلك لما اعرف هقولك
شاهر: ويهون عليكي قلبي اللي هيدمر من بعدك
شمس : وانت مدمرتنيش ي شاهر؟؟
شاهر: وانا بتأسف وعارف اني غلطان وكانت ساعه غضب
شمس: كلامك مع اسلام
شاهر بتعجب وتساؤل: هو عرف؟؟؟
شمس: اه عرف كل حاجه وجيه معايا للدكتوره
شاهر: وقالك ايه
شمس: ابقي اسأله وخليه يحكيلك عن ازنك
شاهر مسرعا: شمس!!
شمس: نعم
شاهر: اديني فرصه ي شمس علشان خاطري
نظرت له شمس قم ذهبت داخل المنزل
