23
شمس ببرود وانكسار: شاهر انا عايزه أطلق
شاهر بصدمه: ايه انتي قولتي ايه
شمس والدموع تنزل دون ارادتها : عايزه اطلق
اسلام: اهدي يشمس الموضوع هيتحل براحه مش كده وانتي بس هتلاقيكي خدتي القرار في وقت غضب استهدي بالله كده
دخلت مسرعا الي غرفتها تبكي وتتذكر ما كتب في هذه الاوراق
صرخ اسلام في شاهر: تعالي الوقتي حل المصيبه دي
وبالفعل ذهب شاهر إليها مسرعا
*****************************
عاصم واسماء
عاصم: مبروك ي حبيبتي شكلك بالحجاب قمر
اسماء: طبعا ما هو تاج البنت حجابها
عاصم: بس ايه القرار المفاجئ ده
اسماء: والله انا اول مره احس ان ربنا بعتلي رساله يعني انا قربت منه اوي الفتره اللي فاتت وقررت اتحجب وبابا ربنا شفاه ومرضه ده له فضل كبير عليا لان حسيت فعلا ان ربنا اراد انه يتعب علشان اقرب منه واتمني اني افضل كده علي طول
********************************
جاء يوم جديد واستيقظت لتؤدي فرضها وسجدت وهي تبكي وظلت تدعي ربها ان يهدي لها زوجها دخل عليها وجدها تبكي وهي ساجده تدعو الله ان يحنن قلبه عليها وان يوافق علي ما طلبته انهت صلاتها وجدته ينظر اليها بإبتسامه ويقول: يعني انتي زعلانه مني اوي كده لدرجه انك تشتكيني لربنا
حسناء وهي تفرك يديها: مانا مليش حد اشتكيله غيره وبعدين هو الوحيد اللي هيستجيب لدعائي
طارق: هو طبعا مفيش احن من ربنا بس انا فين ملكيش حد ازاي
حسناء:انت اكيد موجود لتردف بتنهيده: اجيبلك تاكل
طارق: مانا مش هعرف اكل وانتي زعلانه
حسناء: مين قالك اني زعلانه
طارق: عينك دايما فضحاكي
حسناء: لاء مفيش حاجه ..... اجيبلك اكل؟؟
طارق بإبتسامه : لو نزولك للشغل ده هيرجع ضحكتك وفرحتك تاني انزليه المهم فرحتك عندي
حسناء بفرحه طفوليه: بجد يعني هنزل الشغل تاني؟؟؟
طارق بإبتسامه: اه والله
حسناء: ربنا يخليك ليا يارب وميحرمنيش منك ابدا
*********************
ذهب شاهر الي غرفتها وجدها تبكي بشده
شاهر: ممكن تبطلي عياط شويه علشان نعرف نتكلم
شمس: نعم عايز تقول ايه.... عايز تبرر ايه..... اتمني بجد ان الورق ده يطلع مش حقيقه
شاهر: ممكن تسمعيني للاخر الورق ده كان صفقه تجاره سلاح بس مش ليا وده اللي لازم تعرفيه الوقتي وبعدها تحددي انك تطلقي ولا لاء ... كان لينا زميل انا واسلام اسمه يوسف وكان شغال في النيابه وكان لينا ناس نعرفهم زمايلنا يعني كانوا بيتاجروا في السلاح والمخدرات احنا عملنا عليهم حوار علشان نسلمهم وده طبعا يوسف كان عارف الكلام ده ورئيس النيابه عرف وعملنا مجموعه تحمينا وفعلا جهزنا الورق قدامهم اننا اللي هنستلم الصفقه دي وكان لازم امضي واسلام يمضي عليها وفعلا مضينا وحددنا معاد التسليم وقت الاستلام جت الحكومه ومعاهم يوسف وقبضوا عليهم وقبل مايمشوا ضربوا نار عليا وجات في كتفي اليمين ويوسف اترقي وبقي حاجه كبيره ف الداخليه وانتي بقي فكرتي اني بشتغل في الحاجات دي من وراكي
شمس: اه طبعا لازم افكر كده انا مرضاش ان ابو ولادي يبقي تاجر سلاح ولا ارضي اصلا انه يصرف عليا بفلوس حرام لو انت تراضاهم لغاده انا مرضاش علي نفسي
شاهر: وانتي معاكي حق ي ستي والله بس مكنش بينفع اقولك لان ده ورق مهم لينا ومعدلوش لازمه يبقي اتكلم فيه ليه وكان ف سريه والورق طلع بالغلط لاننا كنا بندور علي ورق يخص الشركه الورق طلع بالصدفه
شمس: مش مصدقاك ليه مش عارفه
شاهر بمزح: ده منظر واحد يتاجر ف سلاح دانا غلبان
شمس: خلاص ي شاهر وبعدين اصلا انت ايه اللي جايبك هنا
شاهر: كنت جاي اشوف حبيبتي زعلانه ليه بس
شمس: خلاص مش زعلانه بس والله لو فعلا طلعت مخبي عليا حاجه انا عمري مهسامحك
********************************
عاصم واسماء
عاصم: احنا مش هنتجوز بقي انا معتش قادر
اسماء بخجل : عاصم!!
عاصم: بلا عاصم بلا بتاع حرام عليكي بقي انا هكلم والدك ونتفق علي الخميس اللي جاي
وبالفعل اتفق عاصم مع زين ووافق علي المعاد
************************
مع اشراق الشمس معلنَ عن عقد قران عاصم واسماء
جلسوا جميعا يستعدوا لحفل المساء عدا غاده واسلام وهذا ما تسبب في قلق شمس وعندما تأخرت زاد قلقها اكثر وقد ظهر علي وجهها التوتر
*******************************
اسلام وغاده
اسلام: انا هجيبلك الدكتور دلوقتي اهدي بس
غاده ببكاء: لاء خلاص انا دايخه شويه وعايزه ثم اسرعت ناحيه الحمام
رن هاتفها سريعا اسرع اسلام ناحيته وجدها شمس
شمس: ايه يا بنتي ايه اللي اخرك كل ده
اسلام: غاده تعبانه اوي وبتقولي دايخه وقاعده ترجع
شمس: ليه ايه اللي حصل
اسلام: محصلش وبتقولي مصدعه وبطنها وجعاها
شمس بمكر: وانت مفهمتش ده ايه
اسلام : انا قولتلها ممكن يكون دور برد
شمس بزفر شديد: دور برد؟؟ لاء ي قلب اختك ده حمل
اسلام بصدمه: ايه؟؟ ازاي!!
*****************************
عند البنات
شمس: اجهزوا يلا معتش وقت
اسماء: وغاده
شمس: هيا تعبت شويه هتجهز في البيت
اسماء: ليه كده ايه اللي حصل
شمس: بيقولي بترجع ودايخه وبطنها واجعاها
ضحكت حسناء بشده لتردف: وقالك ده من ايه
شمس بضحك وسخريه : دور برد قولتله دي حامل يبني لقيته اتصدم وقالي حامل لتضحك اسماء بشده يخربيت عقلك ي شمس
شمس: قومي يختي انتي وهيا اجهزوا
*****************************
عند الشباب
طارق: اسلام مجاش ليه كل ده ليكون حصل حاجه
عاصم: يبني ايه قنبله التشائم اللي انت فتحتها دي ضاقت الدنيا بيه ميحصلش حاجه الا يوم دخلتي
ضحك شاهر عليهم ليردف: اهدي منك ليه هكلمه اطمن اهو
وبالفعل هاتف اسلام
شاهر: ايه اللي اخركوا كده
اسلام: غاده تعبانه من الصبح وبترجع ودايخه وبطنها وجعاها
شاهر بسخريه: وتفتكر ده من ايه
اسلام: بقولها دور برد
ضحك شاهر : برد ايه يا متخلف مراتك شكلها حامل
اسلام بخوف: انت هتعمل زي مراتك حامل ايه
شاهر : يبني دي مراتك يعني وارد حد قالك انك ضاحك عليها
اسلام: شاهر متوترنيش
شاهر: هيا عامله ايه الوقتي
اسلام: الحمدلله احسن بكتير هنجهز ونيجي الوقتي
شاهر: خلاص هستناكوا
***********************
استعدوا جميعا ونزلت تلك الفتاه بطالتها المميزه كانت تتقدم في خطواتها وهي تنظر للارض فهذا اول عقد قران لها بعد عقد قرانها كانت ترتدي فستان من اللون الاسود الستان المزين بأشغال فنيه من اللون النبيتي وحجابها الاسود الذي زادها جمال فوق جمالها واخيرا رفعت عينيها لتبحث عن حبيبها
