22
اسماء: ايوا ي عاصم
عاصم: كلمي مصطفي لو احتاج اي حاجه انا موجود واحنا ممكن ننقله مستشفي احسن من دي لو مرتحش المهم تبقي مطمنه
اسماء: ان شاء الله هيبقي بخير
**************************
في صباح يوم جديد استيقظت شمس علي ضوء الشمس الذي سقط عليها دخلت حمامها سريعا لتأخذ حماما لتفيق وتتوضئ لتؤدي صلاتها لتذهب الي عملها
بعد ان خرجت من حمامها وارتدت ملابس الصلاه (الاسدال) وقبل ان تصلي دقت الخادمه باب الغرفه ثم دخلت لتردف: صباح الخير يا هانم الفطار جاهز
شمس: صباح النور يا ميرفت انزلي انتي وانا هصلي وهنزل بس بلاش هانم دي انا مش هانم انا واحده زيي زيك بالظبط وحسابنا واحد عند ربنا متقوليش هانم دي تاني قوليلي يا شمس خلاص؟
ميرفت: خلاص
***********************
استيقظت غاده علي صوت اسلام يناديها وهو يجهز لنزوله : غاااده اصحي بقي مينفعش كل ده نوم
غاده وهي تستيقظ بصعوبه: خلاص يا اسلام صحيت والله
اسلام: يلا ميرفت قالت الفطار جاهز وشويه وشمس نازله مينفعش تنزل متلاقيش حد
غاده وهي تتجه ناحيه الحمام: خلاص انا هنزل خلال 10 دقايق هكون جهزت بس متنزلش من غيري
*********************
استيقظ شاهر علي رنه هاتفه من شمس
شاهر: صباح الخير ي ست البنات
شمس: صباح النور ي حبيبي يلا لازم الشركه ترجع زي م كانت اجهز يلا وانا هفطر هنزل
شاهر: شمس نزول الشركه لاء
شمس بهدوء: شاهر انا بحب شغلي ودي الحاجه الوحيده اللي بقدر اطلع طاقتي فيها لو سمحت يا شاهر
شاهر: شمس قولت لاء
شمس بخنقه : تمام يا شاهر سلام
ثم اغلقت الخط ظل يفرك في شعره وزفر بضيق وخنقه وهو يحدث نفسه: مينفعش تبقي مراتي وتنزل الشغل
يرد علي نفسه كأن احد يحدثه: بس مينفعش تمنعها من حاجه بتحبها وتزعلها دا النهارده اول يوم تبقي علي ذمتك ولازم حتي ابقي علي هواها الفتره دي
ثم نهض واقفا واتجه إلى الحمام
وبعد ان خرج هاتفها مره اخري ليصالحها
شمس: ايوا ي شاهر
شاهر: ايه ي قلبي بقولك اي قدامك قد ايه كده وتكوني جاهزه اعدي عليكي
شمس: خلاص ي شاهر ملوش لازمه نزولي
شاهر: بس انا عايزك جمبي قدامي طول الوقت يلا خلصي وكلميني
***************************
استيقظت اسماء علي صوت اخيها
مصطفي: اسماء اصحي يلا بابا فاق وطلب يشوفك
اسماء بلهفه: هو فين
عاصم: اهدي بس هو جوا وفاق من بدري
اسماء وهي تتجه ناحيه غرفه ابيها مسرعه: بابا
والدها: حبيبه بابا اهدي انا كويس
اسماء: الحمدلله عامل اي الوقتي ينفع كده تقلقنا عليك
والدها: انا اسف يا بنتي
اسماء: انا اللي اقولك اسفه علي كل وجع شوفته امبارح المهم لازم تلتزم بالعلاج
عاصم: حمدلله علي السلامه عمي
زين: الله يسلمك ي ابني تعبناك معانا
عاصم: تعبتني اي بس هو انا مش زي مصطفي ولا ايه
والده اسماء: ازاي يعني ي ابني انت غلاوتك بقت من غلاوته
اسماء: بمناسبه اللمه الحلوه دي كنت عايزه اقولكوا ع قرار اخدته امبارح
زين: قرار!! قرار ايه
اسماء: انا قررت اتحجب
**********************
بعد ان جهزت شمس وهاتفت شاهر ليأخذها وبالفعل اتجه بها الي الشركه وبجواره اسلام بسيارته
استيقظ طارق في هدوء وجد حسناء نائمه في عمق اتجه الي المطبخ دون ان يصدر صوت ليجهز لها الافطار وبعد مرور ساعه جهز طارق الافطار بعد تجهيزه علي اكمل وجه واتجه مجددا الي غرفه نومها وظل يغازلها بهمس ناحيه اذنيها ابتسمت عندما سمعته يغازلها وفاقت : صباحك قمر
طارق: صباحك هنا يلا ي حبيبتي الفطار جاهز
حسناء: ايه الدلع ده كله انا شكلي هاخد علي الدلع
**********************************
في صباح يوم ما
ذهبت شمس الي الشركه ودخلت الي مكتب شاهر وجلست عليه ثم نظرت الي الاوراق الموجوده بشكل عشوائي وبدأت ترتبهم ثم نظرت لهم واخذها الفضول ثم قرأت تلك الاوراق ولكن كانت الصدمه لها دخل عليها شاهر وهو أُصر ان يأتي مبكرا في هذا اليوم ليخفي هذه الاوراق دون ان تأتي شمس الي المكتب ولكن لسوء حظه انها اتت قبله لتنهي عملها الكثير قبل ان يأتي هو
نظرت له نظرت عتاب ثم نظر لها ونظر للأرض
ثم اردفت وكأن لم يحدث شئ: جيت بدري يعني اول مره تحصل
شاهر بتوتر: مفيش كان فيه شويه شغل عايز اخلصهم بدري
شمس بإبتسامه سخريه: يا محاسن الصدف وانا كمان كان عندي شغل عايزه اخلصه قبل متيجي
شاهر: انتي هنا من بدري بقي
شمس: لاء لسه جايه بس للأسف نفسي اتصدت مش عايزه اعمل حاجه
شاهر: فيه ايه ي شمس علي الصبح
شمس وهي تنظر للأوراق ببرود: شوف الورق ده وانت تعرف فيه ايه يلا مع السلامه
علم شاهر انها كشفته علي حقيقته ولكنه لم يتوقع منها هذا الرد البارد
**************************
حسناء وطارق
حسناء بدموع: انا عايزه اعرف انت ليه مصمم تعمل فيا كده
طارق بحديه: حسناء الموضوع خلص خلاص
حسناء: لاء مخلصش يا طارق حرام عليك
طارق بإنفعال: انتي مش محتاجه فلوس الشغل ده ي حسناء احنا الحمدلله معانا فلوس ومرتاحين ماديا ليه الشغل يعني
حسناء: انا مش محتاجه فلوس ي طارق انا محتاجه الشغل نفسه انت لما حبتي حبتي وانا في شغلي ده روتين حياه انا بحب شغلي بجد
طارق: خلاص ي حسناء ملوش لازمه الكلام ده ومفيش شغل شوفي بيتك المفروض انك متجوزه يعني المفروض ارجع الاقي مراتي ارجع الاقي الاكل من ايديك الابتسامه الحلوه مش ارجع الاقيكي في شغلك مره ومره تباتي بره علشان ورديتك جات بلليل وانا مرضاش ان مراتي تبات بره
حسناء بدموع: ماشي يا طارق المهم تكون مرتاح
*************************
اسلام وغاده
غاده: اسلام فوق بقي شمس راجعه من بره مدايقه وزعلانه بقولها في ايه قالتلي مفيش اخرج اتكلم معاها هي شكلها تعبانه من حاجه
اسلام: كانت فين؟؟
غاده: كانت في الشركه تقرييا
اسلام: طيب خلاص انا رايح اهو
^^^^^^^^^^^^^^^^^^^^^^^^^^
ذهب اسلام الي غرفه شمس وجدها نائمه تبكي في صمت
اسلام: ممكن اتكلم معاكي شويه
نظرت له ولم تجيب
اسلام: دا الزعل مني انا مش من حد تاني
نظرت له ولم تجيب
اسلام: ده الموضوع كبير بقي فيه ايه
شمس بهدوء: ايه الورق اللي كان ف مكتب شاهر ده
اسلام: ورق؟؟؟ ورق ايه
شمس بإنفعال: الورق اللي انت شريك معاه فيه وماضي عليه بأسمك ولا انا غلطانه ي اسلام باشا
شك اسلام ان تكون رأت الورق الذي حدثه عنه شاهر ليله امس ...نظر لها ولم يجيب
شمس: عايزه انام ي اسلام لو سمحت
ذهب اسلام خارج الغرفه ليهاتف شاهر
إسلام: ورق ايه اللي شمس شافته و جايه تعيط بسببه وزعلانه
شاهر: اللي كان معانا امبارح
اسلام بإنفعال: انت غبي انت ازاي تحطه ع المكتب كده
شاهر بغضب: اعمل ايه يعني مانا اتفاجئت انها هنا كنت جاي بدري اخبيه لاقيتها هنا قبلي والورق في ايديها
اسلام: هنعمل ايه الوقتي
ليردف صوتها من الخلف: انا اقولك تعمل ايه الوقتي
اسلام: شمس انتي مش كنتي هتنامي
شمس ببرود: افتح الاسبيكر
اسلام: شمس ملوش لازمه الكلام ده
شمس: افتح الاسبيكر اصل وربي وما اعبد هنادي علي غاده تسمع الحوار هيا كمان
فتح إسلام الاسبيكر سريعا خوفا من غاده ان تعلم بالموضوع
شمس: عايز تعرف هتعمل ايه ي شاهر ؟؟
شاهر: اهدي ي شمس وانا هفهمك علي الموضوع
شمس ببرود وانكسار: شاهر انا مش عايزه حاجه غير انك تطلقني ... انا عايزه أطلق يا شاهر
ياتري ايه الورق اللي خلا شمس تطلب الطلاق وياتري حسناء هترجع الشغل ولا لاء واسماء هتلبس الحجاب ولا عاصم هيرفض
