26
في صباح يوم جديد ذهب شاهر الي حبيبته ليخبرها الحقيقه التي لم تعلم عنها شيئا بعد أن اضطر ان يلغي الذهاب اليها ليله امس بعد ان علم بمرض عاصم بعد رحيله من المقابر وذهب اليه
شاهر بتوتر : شمس كنت عايز اقولك علي حاجه
شمس بقلق: قول يا شاهر فيه ايه
شاهر: الرساله دي اتبعتتلي امبارح بس ده محصلش والله ورويَ عليها ماحدث امس
كانت تبكي بشده وشهاقتها تعلو مره تلو الاخري ولكنها مسحت دموعها بقوه لتردف: وانا ايه اللي يثبتلي صدق كلامك
شاهر: اني جيت لحد عندك احكيلك اللي حصل
شمس بضحكه وجع وسخريه: لاء ياشاهر انت جيت علشان خايف اعرف قبل متقولي مش علشان حبك ليا
شاهر: شمس افهميني انا فعلا عمري مقدر اعمل كده
شمس بهدوء عكس مابداخلها : اول مره وجعتني لما اتهمتني في شرفي فضلت ايام وشهور لحد دلوقتي وانا لسه موجوعه وسامحتك قولت مش مشكله وايه يعني غلط كلنا بنغلط والورق بتاع السلاح المفروض كنت تيجي تقولي عليه من الاول خالص وانت فهمتني وقولت مش مشكله ممكن مكنش عايز يرجع الماضي وسامحتك جيت حكمت عليا نعمل فرح في خلال أسبوع وقولت مش مشكله عايز يفرح زيه زي اخواته وصحابه دلوقتي جاي تصارحني انك كنت متجوز
شاهر: انا مكنتش متجوز يا شمس
شمس بإصرار: لاء كنت متجوز بس انت جاي تمهدلي الموضوع انت فعلا لو بتحبني كنت عرفتني ان كان فيه بنات في حياتك قبلي مش تيجي قبل الفرح بأيام تقولي كده
صمت بخجل فهو يعلم انها محقه في كل ما قالته ولكنه لم يعلم ان كل هذا بغضبها منه فهو يحبها بل يعشقها
ليردف بهدوء: شمس اللي انتي عايزاه هعملهولك بس بلاش طلاق علشان خاطري انا مقدرش ابعد عنك وبرده ميرضنيش انك تطلقي قبل فرحك بأيام الناس كلامها مبيخلصش
شمس: خاطرك؟؟ هو انت كنت عملتلي خاطر علشان اعملك انا خاطر لتردف بهدوء: شاهر... من فضلك ابعد عني
شاهر بتنهيده حزن: حاضر يا شمس انا هسيبك الوقتي لكن لينا كلام تاني
**********************
طارق وحسناء
حسناء: ربنا يستر ومتنتهيش بطلاق انا عارفاها
طارق: خير ان شاء الله وشاهر مش هيرضي يطلق علشان كلام الناس عليها
حسناء: بس هو غلطان يا طارق المفروض كان عرفها كل حاجه في بدايه علاقتهم مش كل فتره تتفاجئ بموضوع مختلف
طارق: يا حسناء هو مبيحبش يفتح الماضي ع...
قاطعته: ماضي ايه وبتاع ايه امال هتبقي علاقه ناجحه ازاي قصه حبها الوحيده وتحولت لكابوس ومش اول مره ييجي عليها انت مش محتاج حد يحكيلك يعني
طارق: طيب تديله فرصه اخيره حاولي تتكلمي معاها
حسناء: انا لو منها مش هديله يبقي مخليهاش تديله فرصه علشان هيا استحملت كتير اوي منه ومن تصرفاته وحياته
******************
غاده واسلام
غاده: اسلام انت عارف ان شاهر ميعملش كده
اسلام: غاده اخوكي بكل الطرق غلطان هيا استحملت كتير اوي وانتي عارفه كده وكل ده قبل ميتقفل عليهم باب واحد الله اعلم بعد جوازها منه ايه اللي هيحصل تاني
غاده: يعني اي يا اسلام هطلقها منه
اسلام: اه يا غاده ده الحل الوحيد ليهم
غاده: تكسر قلبه اسلام
اسلام: ماهو كسر قلبها كتير واولهم لما تكون بتحبه واخوكي عارف كده ويتهمها في شرفها حلال يكسر قلبها لكن حلال تكسر قلبه صح هيا تعبت وانا اكتر منها حاولي تكوني مكانها شويه مش هتستحملي كل ده
غاده: انا معاك انه غلط بس هيا بتحبه وهو بيحبها والحب عايز تضحيه
اسلام ببعض الانفعال: يلعن ابو الحب اللي يدمر قلبها ويخليها تعيش من غير كرامه هو ضحيَّ امتي ؟ فين تضحيته هاتيلي موقف ضحيَّ فيه علشانها
غاده: يا اسلام هيا الحياه كده يوم حلو ويوم وحش وانت اللي معاه 24 ساعه يعني عارف تحركاته بالخطوه واللي يثبتلك ده ان لما اتقدملها انت وافقت لو مكنش مناسب كنت رفضت سيبهم يعيشوا حياتهم مع بعض بكره يتصالحوا ويتصافوا مع بعض
اسلام بغضب: واسيب اختي تتفلق
غاده ببعض التوتر: خلاص اهدي وربنا يقدم اللي فيه الخير
*******************
في مساء ذلك اليوم اجتمعت شمس بحسناء وغاده في غرفتها وايضا اجتمع شاهر بإسلام وطارق في غرفه اسلام
______________
شمس بهدوء مصطنع: انا عايزه أطلق.
غاده وحسناء ف نفس واحد بصدمه: ايه
شمس: اومال عايزين ايه انا تعبت
حسناء: مينفعش طلاق يا شمس هيا كلمه كل شويه تمسكي فيها اهدي شويه
غاده بهدوء: يا حبيبتي انتوا بتحبوا بعض والمفروض تضحوا علشان علاقتكوا تمشي
شمس: وانا مضحتش يا غاده انتي شايفه كده مضحتش بكرامتي لما اتهمني ف شرفي مضحتش ؟!
غاده: كان بيغير عليكي وخايف
شمس: ولما شوفت ورق السلاح والشغل الممنوع وسامحته زي الهبله بالفيلم اللي عمله عليا
غاده: لاء يا شمس هو فعلا ضحك عليهم لما قبضوا عليهم
شمس: واستعجاله علي الجواز فضلت اقول عايز يفرح اتاريه كان عايز يتجوز قبل معرف بموضوع جوازه
غاده: يا شمس
شمس ببعض الانفعال : بطلي تبرريله خلاص
حسناء: يا حبيبتي الموضوع مش بيتاخد بقرار سريع زي ده طيب انا معاكي في كل اللي قولتيه بس ربنا بيسامح احنا مش هنسامح
شمس: بس برده ربنا قال العفو عند المقدرة وانا مش قادره اسامحه
حسناء: بس برده هو انسان بشر مش ملاك يعني بيغلط انتي عمرك مغلطتي يا شمس؟
شمس: اكيد غلطت بس مجتش علي كرامته اكتر من مره موجعتوش زي موجعني
حسناء لدلاله ثم غمزت لغاده: طيب علشان خاطر البيبي اللي جاي لغاده ممكن نديله فرصه تانيه
نظرت شمس بدموع لغاده ثم نظرت لبطنها
******************
شاهر: انا عمري مهطلق يا اسلام
اسلام: مطلقش بس فيه خلع
طارق بعصبيه: اهدوا بقي انتوا الاتنين وانت يلا جايب البرود ده منين قال تلك الجمله الاخيره وهو ينظر لشاهر تقعدوا بقي تسمعولي وتشوفوا وجهه نظري كأخ كبير ولا ايه يا اسلام
اسلام: انت اللي مربينا يا طارق
طارق: طلاق مينفعش دلوقتي يا اسلام علشان اقل كلمه هتتقال عليها انها والعياذ بالله فيها حاجه وكلام الناس مش بيخلص ممكن يتجوزوا وبعد فتره هيا لو قررت تطلق انا اللي هطلقها بس مينفعش الوقتي
ليردف: اتفضل قوم اتأسفلها حالا
***************
دخل غرفتها وجدها تبكي دون صوت ولكن هذا لم يوصف ما الذي يعاني به قلبها الذي تحطمه من ناحيته
جلس أمامها علي سريرها وامسك بيدها ثم رفعها ناحيه شفتاه ليقبلهم ليردف بحزن واسف: انا اسف بس والله انا معملتش كده وانت اغلي حاجه عندي و مقدرش فعلا اخونك انا بجد نفسي نعيش في سعاده مع بعض لاخر العمر
هل شمس هتقبل اسفه وتسامحه ولا هتعطيه فرصه تانيه؟؟؟؟ عايزه توقعاتكوا واتمني تعجبكوا ومتنسوش تفاعلتكوا
