وردة 🌒 ( روايات ليبية )

حلقة 10 " المصير" 🌒 " ما قبل النهاية "

#وردة 🌒.........." المصير  "
للكاتب : #أحمد_عبدالله
الحلقة : 10 . #ما_قبل_الاخيرة
.
" حلقتين مربوطين ببعض تعويض ليكم ❤️ السماح منكم "
.
قراءة ممتعة ❤️
.
يوم جديد و مع المغرب 🌒
" وصلت السيارة يلي فيها مالك و وردة "
.
( واقفة شهيرة في بلكونة الحوش )
( و تتفرج علي السيارة )
.
( ايوب و سند و الشغالة ميمي وافقين في باب )
.
( انزل يا مالك. انزلي يا وردة )
( نزل مالك )
( نزلت وردة و في ايدها شنطتها )
( و شافت فوق )
( جت عينها في عين شهيرة )
.
شهيرة : جيتي يا وردة 🔥 و برجليك 🔥
.........
حنين : حتموتي يا فرح في البحر ، زي ما ماتت وردة 💔 حتموتي يا فرح ، حتموتي 💔🔥
................
خالد : تفضلي يا بنتي تفضلي
( وردة تشوف في الحوش و الجرادين و مصدومة )
( مالك يضحك و مبتسم )
( وصلت للباب )
( بدت تسلم )
سند : انستي يا وردة
وردة : شكرا
.
ايوب : ببرود اهلين
وردة : اهلا
.
ميمي : اهلا اهلا مدام
وردة : اهلا
...
( خشيت للصالة )
خالد : خش يا مالك
مالك : مالك يلعب مع سند
سند : بعدين يا مالك اهو قاعد معانا و نلعبوا
خالد : ايه لعب خوك يا سند ، نبيه ديما فرحان
.
" الحوش صالة كلها سيراميك و تريات في كل مكان و في النص فيه دروج "
" فجاء نسمع في صوت كعب عالي 👠 "
( تلفتت )
شهيرة ؛ 🔥
وردة : 👁👁
( بدت شهيرة تشوف و تنفنص بعيونها )
" وردة واقفة و تشوف و معاها مالك "
.
شهيرة : اهلا و سهلا يا وردة
وردة : اهلا بيك
شهيرة : سبحان الله ما توقعتش يوم اني نشوفك في المكان هذا ، بس واضح اصرارك
وردة : 👁👁
.
خالد :  احم احم ، يا ميمي بري وري دار مالك و وردة
ميمي : حاضر  مسيو
( بدت الشغالة تقيم في الدبش )
خالد : برو ارتاحوا شوي في داركم و نتلاقوا في العشي
وردة : حاضر
.....
( مشت وردة هي و مالك ، ركبت وراء الشغالة )
" وصلت للغرفة "
" لقتها دار وحدة "
" و هي و مالك كل واحد في دار "
ميمي : تفضلي ادخلي مدام
وردة : شكرا ليك
( خشت تفاجئت انه سرير زوجي )
وردة : 👁👁
ميمي : محتاجة حاجة مدام
وردة ؛ لا بارك الله فيك
( خش سند )
( و هو معصب )
سند : ميمي اني مش قتلك ان وردة دار بروحها
ميمي : 😕
وردة : ( و هي محرجة ) لالا عادي
سند : شن عادي ، انتي ما ترقديش مع مالك صح
وردة : لا يا سند عادي
سند : 😕 متاكدة
وردة : ( شافتله ) متاكدة
( شافلها و وخر )
( نزل و خشت هي و مالك )
.......
مالك : مالك فرحان
وردة : مالك اسبوع و حنطلع فا كون حذر
مالك :😊
( جت بدت تشوف في الدار و تشوف في الجرادين )
.......
( خشت شهيرة لدارها و هي مطنشة و خايفة ان يجي حد للحوش من اصحابها )
( خش وراها ايوب )
شهيرة ؛ باهي يلي جيت
ايوب : خير
شهيرة : اقتلها غدوا
ايوب : اس اس خيرك حتخربي الخطة متعنا ، خيرك
شهيرة : خايفة حد يشوفها كان بندير بعدين
ايوب : انتي انشري انك حتسافري و تحضري في روحك ، فا مش رح يجيك حد و بعدين حتي لو جي ، اصلا موتتها حتكون طبيعية
شهيرة : كيف حتقتلها
ايوب : نفكر نسممها
شهيرة : لا غرقها زي وردة
ايوب : 👁👁 هي فكرة ، بس من وردة
شهيرة : اه
ايوب : هي فيه وردة تانية
شهيرة : 👁👁 حتفهم بعدين
( و مشت )
( شد ايدها )
ايوب : لازم تقوليلي كل شي علي البنت هادي و يلي قبلها
(بلعت ريقها )
( و تلفتت )
شهيرة : حنقولك 🔥
........
( عمر بعد ما سمع كلام حنين و هو دماغه مشوش )
( هي فيه وردة قبل فرح ، انا كنت مع مالك ، امتي كانت وردة الاولي ، اذا انا نعرف مالك من لما كان صغير ، وين كانت وردة )
( مشي للمديرة متع الدار )
( خش و سكر الباب )
المديرة : خيرك  فيه شي يا عمر
عمر : هو فيه بنت خدتها شهيرة قبل فرح
المديرة : لا
عمر : امانا مني وردة يلي تسمت عليها فرح
المديرة : مش عارفة
عمر : كيف مش عارفة ، انتي صاحبة الدار
المديرة : و اللهي ما نعرف يا عمر
عمر : حنقولك تمام و انا مش مصدقك
( طلع و سكر الباب )
المديرة : هذا خيره
...............
ايوب : يعني تبي تفهميني ان وردة هادي اسمها فرح و من دار الايتام
شهيرة : ايه بزبط و الاوراق عند بوك بأسم وردة
ايوب ؛ باهي من وردة الاولي
شهيرة : اه 😨
ايوب : من وردة الاولي
شهيرة : وحدة
ايوب : عارفها وحدة بس من هيا
شهيرة : وحدة قتلتها زمان
ايوب : 🤭 و ليش
شهيرة : ايح قداش تسال
ايوب : امي نبي نعرف من وردة الاولي من غير لف و لا دوران
شهيرة : بنت كانت مع مالك و قتلتها زمان علي خاطر معاملتها مع مالك كانت مش كويسة
ايوب : متاكدة
شهيرة :ايه ليش بنكذب
ايوب : تمام تمام
( طلع ايوب من المكتب )
شهيرة : اففف الحمد الله 🤭
.................
( سند متوتر في داره و خايف علي وردة و في نفس الوقت زعلان من يلي ادير فيه وردة انها تقرب من مالك ، و هو يحبها 💔 )
.....
" وقت العشي 🌃 "
( بدت السفرة تتعبي )
( و بدي خالد ينادي في كل الكل )
....
( طق الباب )
( فتحت وردة )
خالد : هيا يا بنتي تعالي انتي و مالك
نور : حاضر عمي
( طلعت هي و مالك و نزلت )
( قعمزوا كلهم )
🔥 فجاء نزلت شهيرة 🔥
( تنزل بشوي بشوي )
( وصلت قعمزت )
.
خالد : تفضلوا مدو ايديكم
( شهيرة تشوفله و معصبة )
..
( بدو ياكلوا )
" الا مالك كان ما ياكلش "
.
خالد : خيرك يا مالك ما تكلش ما عجبكش الاكل
مالك : مالك يستني في وردة توكله
( الكل قعد يشوف لوردة )
شهيرة : 👁👁
.
خالد : مالك حبيبي البنت تاكل ، يا ميمي تعالي وكلي مالك
وردة : لا يا عمي حنوكله
خالد : كملي ماكلتك توا ميمي توكله
وردة : لا بالله عليك خليني نوكله
( بدت توكل فيه و الكل يشوف )
شهيرة : 👁👁
....... " انتهاء العشاء ........
( بدو الشغالات تقيم في السفر )
( ناضت وردة و بدت تقييم معاهم )
( خشت الكوجينة )
( و قامت اطراف فنيليتها )
( و فتحت الشيشمة و بتغسل المايعين )
( جت ميمي تجري )
ميمي : لا مدام ما يصحش ارتاحي
وردة : لا حبيبتي هلبا عليكم انساعدكم
ميمي : لا مدام بليز مدام لا. مدام شهيرة تعصب
وردة : 👁👁
( وخرت و نزلت اطراف فنليتها)
وردة : خلاص حاضر ، ربي يعاونكم و الحق كنت بنخفف عليكم ، بس يلا حصل خير ، ياريت معش تقوليلي مدام قولي وردة
ميمي : حاضر مدام وردة
وردة : " ضحكت " لا الواضح انك فهمتي ، انتي شن اسمك
ميمي : اسمي منى بس الدلع تبعي ميمي
وردة : ربي يعاونك يا ميمي ❤️
ميمي : شكرا مدام
وردة : ها شن قتلك
ميمي : شكرا وردة ❤️
وردة : العفوا حبيبتي ❤️
" طلعت وردة للصالة لقت سند و ايوب في دارهم . و خالد يلعب مع مالك "
" و شهيرة قدامي "
( قدمت و قربت و قعمزت )
شهيرة : تعرفي يا وردة
وردة : 👁👁
شهيرة : تعرفي يا وردة اني ما نحسابكش هكي . و ما توقعتش ان كلامي يلي قلتهولك اول ما شفتك حديريه ، وهو ان القدر يرمينا في طرق مختلفة و لازم يكون اصرارنا ان نوصل للطريق الصح
وردة : يعني انا في الطريق الصح
( ناضت )
شهيرة : الطريق الصح نهايته مش حلوة يا وردة
( و مشت )
وردة : قصدك موت
( تلفتت )
شهيرة : اتوقع انك في نهاية الطريق فا خليك تعرفي بروحك افضل
( مشت ركبت )
...........
خالد : قريب عيد ميلاد وردة يا مالك
مالك : 😕
خالد : لازم تحتفلوا فيه مع بعض
مالك : اها
خالد : حنقرر وين نديرهولكم و بعدها تسافروا ، وتيت كل شي
مالك : مالك يحب خالد
( اضبطه )
خالد : و خالد يحبك و يحب وردة ❤️
..........
( ركبت شهيرة لدارها و سكرت الباب )
( و الدموع في عيونها )
شهيرة : زي ما قتلت وردة من 31 سنة نقدر نقتل وردة الجديدة
" مش عارفة ليش خايفة "
" مش عارفة 🔥 "
........
( سند و ايوب يهدرزوا في الجردينة تبعهم )
سند : بالله عليك غير يلي تفكر فيه
ايوب : يلي هو
سند : قتل البنت ، خوك يحبها ممكن يموت لو ماتت
ايوب : هذا هو الحل الوحيد لحل الازمة هادي و راحة أمي
سند : انا قتلك البنت ما تقتلهاش ، حرام عليك فوتها مالك يحبها هلبا يا ايوب
( تلفت ايوب لخوه )
ايوب : انت تحبها
سند : 👁👁
ايوب :اني عارف و حاسس من فترة
سند : انت شن تقول
ايوب : تستعبط صح ، انت تحب وردة و هذا باين و خايف عليها من الموت
سند : لا طبعا
ايوب : تتكلم علي الحرام و انت تحب وحدة ترقد مع خوك
سند : 🥺
ايوب : توكل فيه و تشرب فيه حتي الحمام تديرله فيه و راضي انك تاخدها
سند : 💔👁👁
ايوب : خليها تموت يا سند ، موت البنت هادي راحة للكل و اولهم انت يلي حتعيش طول عمرك تشوف لمرت خوك
( ناض و خلاه )
" سند الدموع محبوسة في عيونه و الصدمة يلي فيها كبيرة "
سند : ايوب عنده حق ، ايوب عنده حق 💔
........
( طلعت وردة للجردينة تبع الحوش )
( لقت ايوب خاش و سند مقعمز )
          ( مشت لسند )
          ( قربت عليه )
وردة : مكنتش نتوقع ان حوشكم بلجمال هذا
سند : ( قام راسه و عيونه دموع )
( قربت ايدها علي خدها و مسحت خده )
( دف ايدها )
وردة : اااااه خيرك سند
سند : انا اسف
( ناض و خلاها )
وردة :👁👁
( مشت وراه تمشي  )
( ركب للدروج و ركبت الدروج )
( وصل لداره و هي وصلت لدراها )
( قعد يشوفلها )
وردة : فيه شي يا سند
سند : تصبحي علي خير يا وردة
وردة : تلاقي الخير ❤️
( فتحت الباب و خشت )
........
" شهيرة راقدة و تحلم "
" وردة الاولي تخنق فيها "
وردة الاولي : قتلتيني يا شهيرة و خديتي اغلي حاجة عندي
شهيرة : اااااااه
وردة الاولي : حنرجع حقي منك يا شهيرة
شهيرة : اااااااااه
وردة الاولي : موتي موتي
شهيرة : ااااااااااااااااااه
............الواقع ..........
شهيرة : ااااااااااااه
( ناض خالد مخلوع )
خالد : خيرك خيرك
شهيرة : امية امية 🥵
(مدلها لمية )
شهيرة :( تشرب و مخلوعة و شادة رقبتها  ) استغفر الله استغفر
الله
خالد : فيه شي شهيرة
شهيرة : شي شي
خالد : تصبحي علي خير
شهيرة : تلاقي الخير 🥵
..................................
" خشت وردة لدار ما لقتش مالك "
وردة :👁👁 مالك انت وين
مالك
" تسمع في صوت شخص راقد "
" مشت وراء السرير لقت مالك راقد تحت "
وردة : 👁👁
( قربت عليه و بدت تنوض فيه )
وردة : مالك مالك
مالك : وردة خيرها
وردة : انت خيرك راقد علي الارض
مالك : وردة قالت مالك ما يقدرش بحدا وردة
وردة : 🤭🥺❤️
مالك : تصبح علي خير وردة
وردة : تصبح علي خير
( ناضت قعمزت فوق الفراش و تضحك و فرحانة ❤️ )
.......
سند : يفكر في كلام خوه
" كلامك يا ايوب هو الصح 💔 "
.
يوم جديد 🌃
" مقعمزين في الطاولة الفطور "
( نزلت شهيرة و هي معصبة )
شهيرة : صباح الخير
الكل : صباح النور
( بدو ياكلوا و وردة توكل في مالك )
.
خالد : ساعدك الفراش يا مالك انت و وردة
سند : 👁👁
وردة : كويس هلبا ، و مالك مشي معاه
خالد : كويس كويس
( ايوب يشوف في سند )
سند : 👁👁🔥
.......
" تم الفطور "
شهيرة : اني راكبة للمكتب ابعتلي قهوة يا ميمي
ميمي : حاضر
......
( طلع ايوب بلسيارة )
( كيف بيطلع سند )
خالد : يا سند يا سند
سند : نعم يا بوي
خالد : نبيك في موضوع بروحنا
سند : تفضل يا بوي
( طلع هو و سند للجردينة )
خالد : انا نبي نقولك سر
سند : شني
خالد : مالك و وردة بعد غدوا رحلتهم حيسافروا
سند : كويس افضل حل
خالد : غدوا عيد ميلاد وردة
سند : 😍 ايه
خالد : نبيك تختار مكان رومانسي لوردة و مالك يديروا فيه العيد ميلاد
سند : 💔 حاضر يا بوي حنشوف مكان كويس
خالد : بارك الله فيك يا ولدي
سند : تدلل
( مشي سند )
....
( جت وردة )
خالد : فيه حاجة يا بنتي
وردة : لا ما فيش شي
خالد : ( قرب علاها ) خلاص مزال يومين يا وردة و تسافري
وردة : كويس
خالد : خيرك يا بنتي
وردة : خاطري نكمل يلي بديته للنهاية
خالد : ( حط ايده علي كتفها ) خلاص كمل يا وردة
وردة : اتوقع مزال حاجة
( تلفتت و مشت )
" شهيرة تشوف من روشن المكتب كيف يحكي معاها "
" 👁👁 شن يلي فراسك يا خالد "
.......
( تلفت خالد و بعد من الجردينة )
( شد التليفون )
خالد : الو يا صافية الو يا نجوي تعالي شوفي مالك و مرته غير بيسافروا قلت خلي تلحقي 
صافية : جاية جاية
خالد : بس ما تقوليش اني قتلك
صافية : من عيوني
....
خالد : الو يا مرام يا بنتي
مرام : الو عمي خالد
خالد : كيف حالك
مرام : الحمد الله
خالد : حبيبتي اليوم عازمك علي العشي
مرام : حلو هلبا
خالد : بس ما تقوليش لايوب نبيها مفاجاء ليه
مرام : حاضر يا عمي
خالد : سلام
......
خالد : الو يا نادية
نادية : الو استاذ خالد كيف حالك
خالد : الحمد الله بارك الله فيك
نادية : سمعت انكم بتسافروا
خالد : و اللهي ايه ، بس كنت حابب تجي تطمني علي صاحبتك شهيرة و بدات بعد يلي صار في الفاتحة
نادية : ايه حاضر حنجي
خالد : بالله عليك ما تقولي انا قتلك ، قولي انك جاية تسالي عليها ، امس كله تشكي ان محدش سال عليها
نادية : حاضر من عيوني
...........
" سكر تليفونه و رجع للحوش "
( لبس و طلع )
......
🔥 في دار الايتام 🔥
( ناض عمر الصبح لقي حنين مقعمزة تحت الشجرةو في ايدها طاسة امية )
( قرب عليها )
عمر : من لما سمعت كلمة وردة الاولي و انا عقلي مشتت
( نزلت راسها و بدت تبكي )
عمر ؛ تكلمي يا حنين
( قعمز بحداها )
عمر : انا عايش معاه عمره ما سكنت معاه وحدة بنت ، منين جت وردة الاولي
حنين : وردة الاولي ما عاشتش معاه
عمر ؛ امانا شني
حنين : وردة الاولي .........🔥
عمر : 🤭 كيف
حنين : " انقذ فرح يا عمر انقدها ، حتموت غرقانة زي يلي قبلها "
..............
" بعد مرور ساعتين "
( رن تليفون شهيرة )
شهيرة : الو نادية
نادية : اني في الطريق جاياتك يا حلوة
شهيرة : لا اني نحظر في للسفر
نادية : لالا و الله ما يصير ، دقايق و نكون عندك
شهيرة : 🤭
( طلعت تجري بشد وردة و مالك و بدخلهم الدار )
" فجاء تسمع في صوت الباب "
" و بعدها صوت صافية و نجوي "
شهيرة : 🤭
( مشت تجري لدار وردة )
شهيرة : انتي اهني
وردة : شن فيه
شهيرة : وين مالك
وردة : لوطة
شهيرة : 👁👁 انهار اسود
وردة : شن فيه
شهيرة : خشي خشي
( دخلت وردة للدار و سكرت الباب )
.....
( خشت صافية و نجوي )
صافية : مالك يا حبيب عمته
نجوي : مالك الغزال كيف حالك
مالك : 😕
( قربوا عليه )
صافية : تكلم يا حلو سمعنا صوتك
مالك : وردة قالت لمالك ما تهدرز مع حد
صافية : 👁👁
( تلفتت صافية لنجوي )
نجوي :👁👁 شن قال
صافية : و الله ما فهمت حاجة
( رجعت تلفتت )
صافية : من وردة يا مالك
مالك : وردة مرت مالك
صافية : من مالك اني تلخبطت
( ناض مالك ركب )
.
نجوي :خيره يتكلم هكي
صافية : مش عارفة 👁👁 خيره
.....
" طق الباب "
( فتحت ميمي )
نادية : هاي
......
صافية : اهي جت الباردة هادي
نجوي : حالة و خلاص
.......
( خشت نادية )
نادية : هاي كيف حالكم
صافية : هايين
نجوي : باهيين
نادية : حلو هلبا
........
شهيرة : هذا الفستان طالع عليك
وردة :👁👁
( تلفتت شهيرة و كيف بتطلع )
( رجعت دارت )
شهيرة : استني نسيت حاجة
وردة :👁👁
....
( مشت فتحت الدولاب )
( طلعت عقد كامل )
شهيرة : البسي هذا
وردة : 👁👁
شهيرة : البسي
وردة ( شدت الطوق )
شهيرة : و الله اليتيمة يلي جبتها قدرت تلبس عقد حقه 2 مليون جني ليبي
وردة : 💔
( مشت و هي معصبة )
وردة : اني ممكن انحيه
( تلفتت )
شهيرة : يمشوا الناس حنحيه بأيدي اطمني
وردة : 👁👁
( مشت و سكرت الباب )
............
( نزلت شهيرة لقت صافية و نجوي و نادية مقعمزين )
شهيرة : اهلين
صافية : ساعة مقعمزين
نجوي : احم
" ناضت نادية و قربت من شهيرة و باستها "
نادية : حبيبتي شهيرة اسفة اني ما سالتش عليك بعد الفاتحة
شهيرة : حبيبتي مش لازم تتاسفي
.
صافية : نفاق اقسم بالله
نجوي : حالة و اللهي
......
( نزلت قعمزت بحداهم و جابت ميمي القهوة و الحلويات )
.....
" فجاء نزلت وردة "
( و للاسف نحت القفطان و العقد )
شهيرة : 👁👁🔥
وردة : 👁👁
.
نجوي ؛ من الحلوة هادي
صافية : من هادي
نادية : شهيرة من البنت هادي
( نزلت و قربت منهم )
وردة ؛ انا وردة زوجة مالك
.
( ناضوا و شدوه وردة و بدو يبوسوا فيها )
" و شهيرة تشوف و مصدومة من الموقف "
.........
صافية : قعمزي بحداي قعمزي
نجوي : لالا خليها بحداي
نادية : حابة اني نهدرز معاك يا وردة
وردة : 😊
شهيرة : 🔥
" عيون شهيرة علي اللبسة و العقد يلي نحتهم وردة "
.....
صافية : انتي بنت مني يا وردة من اي قبيلة
وردة : انا يتيمة
شهيرة : 👁👁🔥
الكل : 🤭
.....
نادية : يتيمة
وردة : ايه يتيمة هو اليتيم مش حلو
نادية : لا طبعا يا بنتي حلو هلبا ربي يحفظك
.....
صافية : اكيد كنتي عايشة البرا مع مالك
نجوي : لكن طريقة كلام مالك غريبة شوي
نادية : ايه احكينا عليه
وردة : لا لا هذه طريقة كلامه لانه يعاني من التو
" ناضت شهيرة "
شهيرة : وردة نبيك شوي
صافية : خليها تكمل
شهيرة : ( بصوت عالي ) نبيك شوي
وردة : ( تشوف لشهيرة بقوة ) حاضر
( ناضت و مشت معاها للمكتب )
........
صافية : خيرها شهيرة ساكتة
نجوي : غريبة شهيرة خدت يتيمة
نادية : لكن بنت تجنن الحق
الكل : ايه صح
صافية : بس قالت مالك يعاني ، شن قصدها
نجوي : مش عارفة الحق
.......
شهيرة : انتي شن اديري
وردة : نقول في الحقيقة
شهيرة : الحقيقة صار ، حتشوفي يا فرح
وردة : وردة اسمي وردة
شهيرة : يا وردة 👁👁
( تلفتت و مشت )
( شدت شهيرة ايد وردة )
شهيرة : انتي حتقولي
وردة : كانت حنقول بس غيرت رائي
( طلقت ايد وردة )
( مشت وردة و بعدين رجعت )
وردة : اها حقا العقد يلي ب 2 مليون في الدار هو و الفستان يلي اكيد بمليون انا يتيمة خليني علي لبسي افضل
شهيرة : 👁👁🔥
( طلعت و خلتها )
.........
" رجعت للنساوين و قعمزت بدوا يهدرزوا علي مواضيع تانية "
" و شهيرة طول الوقت تشوف في وردة و مصدومة فيها "
.........
بعد 4 ساعات
صافية : هي خلاص احني نجوك في وقت تاني ان شاء الله
نجوي : بسلامة يا وردة
وردة : بسلامة
نادية : سلام يا وردة
وردة : سلام
( ناضوا و مشو للباب ، طلعت صافية و نجوي و نادت نادية شهيرة )
( مشت شهيرة لنادية )
شهيرة : ها شني
نادية : بنقولك ان ذوق ولدك جميل في وردة ، و بجد محظوظة فيها
شهيرة : 😒
نادية : ( باستها ) سلام حبيبتي
شهيرة : سلام
( سكرت الباب )
( و هي معصبة )
" تلفتت و تشوف لوردة "
" كيف بتبدا في العركة "
( طق الباب )
شهيرة : منى ؟
مرام : انا مرام يا عمتي
شهيرة : اففففف مش عارفة شن جابهم في وقت واحد هادم
مرام : افتحي عمتي
شهيرة : حاضر يا عيون عمتك 😒
( تلفتت و فتحت )
( بدت مرام تبوس في شهيرة  )
( شافت لوردة بطريقة مش حلوة )
مرام : انتي مني
وردة : انا مرت مالك ، وردة
مرام : اها اهلا
( من غير حتي ما تسلم قعمزت )
.............
الليل 🌃
" جي الليل و قاعدة مرام مقعمزة "
شهيرة : شن حبيبتي قاعدة
مرام : بنتعشى عمتي ، فيه حاجة
شهيرة : لا يا عيوني تأنسي
( فجاء جي خالد )
( ناضت مرام تسلم عليه )
( خش ايوب )
ايوب : مرام 😍
مرام : هكي تعطل عليا من بكري اني
ايوب : اسف حبيبتي شغل و اللهي
مرام : باهي باهي
( خش سند )
سند : كيف حالك مرام
مرام : اهلين سند كيف حالك
( مشي ايوب قرب من امه )
( بدت شهيرة توشوش)
شهيرة : انت من عزمتها
ايوب : لا
شهيرة : اكيد انت من يعني، هذا كله قتلي اطمني محدش حيشوف مالك و وردة ، لتوا 5 شايفته
ايوب : و اللهي ما عزمتها
شهيرة : و النبي اخطاني
.........
( مشت شهيرة للكوجينة )
شهيرة : ميمي حطي عشي مالك و وردة بروحهم في دارهم تمام
ميمي : حاضر مدام
.
" بدت سفرة العشي تنحط "
شهيرة : وين خالد
ميمي : في المكتب مدام
شهيرة : حنركبله
( مشت ركبت )
( وصلت )
خالد : دير زي ما قتلك و ما تخافش
( فتحت شهيرة الباب )
خالد : خلاص خلاص حنكلمك بعدين
( تلفت )
شهيرة : تعال العشي واتي
خالد : حنجي وراك
شهيرة : اوك
( طلعت )
" دس الاوراق في الكجر "
( طاحت ورقة 🔥 )
" سكر الكجر "
.
( طلع من المكتب و نزل )
( بدو يقربوا و قعمز مالك و وردة في السفرة  )
شهيرة : وردة حبيبتي انتي و مالك في داركم عارفة مالك يتحشم
الكل : 👁👁
وردة : لالا اليوم قررت اني ناكل معاكم توا انادي ميمي تجيبلي عشاي انا و مالك معاكم
يا ميمييييييي هاتي عشاي اهني انا و مالك
ميمي : حاضر مدام
شهيرة : 👁👁🔥
خالد : 😏
........
( جابت ميمي الصواني )
( بدت وردة تاكل )
.
مالك : وردة توكل مالك
وردة : حاضر حبيبي
.
شهيرة : 👁👁🔥
.
( بدت وردة توكل في مالك )
مرام :🤭
الكل : 👁👁
.
مرام : هو خيره ما ياكلش بروحه
وردة : ( من دون تردد ) متوحد بعيد عنك
الكل : 🤭🔥
شهيرة : 👁👁🔥
مرام : حييييييييي 🤭
.
( ناضت شهيرة و هي ترعش )
( ركبت لفوق )
( خشت المكتب )
.
مرام : ( مصدومة و فاتحة فمها )
" كملوا عشاهم ناضت وردة هي و مالك و ناض خالد و ناض سند "
" قعد ايوب و مرام "
مرام : ايوب انت ليش ما قلتليش ان خوك متوحد
ايوب : مرام رد باك الكلام هذا يطلع انتي توا وحدة من العيلة
مرام : 👁👁🔥
ايوب : مرام رد بالك حد يعرف
مرام: ما تخافش خلاص
........
خالد :افضل ما درتي يا وردة
وردة : يلي درته هو الصح
خالد : لازم سفرك يكون في اسرع وقت ، مكانك اهني خطر انتي و مالك
وردة : معش يهمني
خالد : انا يهمني يا وردة ❤️
( ناض خالد و طلعت وردة للجردينة )
( لقت سند يذخن )
( قربت عليه )
.........
( طلعت مرام و وراها ايوب و يأكد عليها انها ما تقول لحد )
..........
" في المكتب "
شهيرة : ( الدموع في عيونها ) خلاص نفضحت خلاص خلاص
فضحتني بنت الكلب ، كسرت كلمتي ، معش تخاف مني
لازم تموت لازم تموت
" فجاء عفست علي ورقة 📄 "
( طبست راسها لوطة )
( قامتها )
شهيرة : 👁👁🔥 " بدت تقرا "
( 🤭 يا انهار اسود )
" قوة الصدمة خلتها تطيح "
.........
وردة : اول مرة نشوفك تدخن
سند : ايه
وردة : خيرك سند من لما جيت اهني و انت مش عاجبني
سند : انتبهي يا وردة علي روحك
وردة : انا منتبهة علي روحي
" يشوفلها و عيونه تزغلل "
وردة : سند هذه تاني مرة نشوف دموعك ، خيرك فيه شي تكلم
سند : انتي تحبيني
وردة : 👁👁
سند : انتي تحبيني
وردة ؛ 👁👁 انت شن تقول
سند : نبي اجابة تحبيني
وردة : ( قامت عيونها فيه ) لا طبعا
سند : 💔
وردة : 👁👁
.......
( خالد مقعمز هو و مالك في الصالة )
( خش ايوب يدور في امه )
( فتح الديار و ما لقهاش )
( فتح المكتب لقاها تبكي )
ايوب : فيه حاجة يا أمي ، ما تخافيش مرام مش حتقول شي
( تلفتت و الدموع في عيونها )
شهيرة : الثروة كلها لوردة
ايوب : شن تقولي
شهيرة : خالد كتب كل شي بأسم وردة
ايوب : 🤭
( طلع يجري و وراه شهيرة )
..........
سند : ( نزلوا دموعه ) باهي ليش تعاملي فيا هكي ، ليش خليتيني نحبك ، و انتي تحبي مالك
وردة : هو انا قتلك حبني
سند : 👁👁
وردة : انت حبيتيني ، ما تحطش ذنبك عليا
سند : يعني انتي ما تحبينيش
وردة : لا طبعا
سند : ( نزل راسه ) 💔
( مشت )
( شد ايدها )
( تلفتت )
سند : فكري يا وردة ، فكري انا نحبك ❤️ انتي ما كنتيش زوجة لمالك انتي كنتي مربية ليه ، انا نحبك يا وردة
وردة : و انا نحب مالك يا سند
( ابتسمت و طلقت ايدها )
" يسمعوا في صوت عالي "
( خشت للحوش و وراها سند )
...........
ايوب : ( هجم علي وردة ) " بصوت عالي " كل السبب منك
مالك : وردة 😭
خالد : ابعد ايدك علاها
سند : 🤭
......
شهيرة : درتها يا خالد ، كتبت كل شي بأسم اليتيمة الوسخة هادي
وردة :👁👁
خالد : لا انتي و لا ولدك تستاهلوا قرش منى
سند : 🤭
شهيرة : البنت يلي وراك انا بنيتها ، انا درتها ، اسمها فرح ، وحدة يتيمة من دار الايتام ، درتلها اسم و شان ، و في الاخر تعطيها كل شي و تردها عليها ، منها فضحتني و منها خدت كل شي
سند : 🤭
خالد : يلي تتكلم عليها هادي احسن منك ، يكفي انها ما لوحتش ولدك زي ما لوحتيه
شهيرة : لما لوحت ولدي كنت انت راضي ، لانك مش حاب تسمع يا بو المتوحد ، لكن توا بعد 30 وليت راجل و خاطرك تسمعها و فرحان بولدك  و جاي تصحح غلطتي يلي انت مشارك فيها معاي
انت لوحت مالك زي ما انا لوحته بزبط
" ضربها كف "
شهيرة : 👁👁 🔥
.
شهيرة : اتفوووووووو عليك
.
( تلفتت و مشت )
.
خالد : شهيرة
.
🔥انتي طالق 🔥
.
شهيرة : 👁👁🔥
الكل : 🔥
ايوب : 👁👁
( تلفتت و هي عيونها مفتوحة )
شهيرة : ( ابتسمت ) باهي يلي بديت راجل و قدرت تقولها يا خالد
خالد : خاطري نقولها من 30 سنة
شهيرة : اتفوهههه عليك و عليها و علي ولدك المريض 🔥 حتندم يا خالد حتندم
( تلفتت و مشت )
( طلع وراها ولدها ايوب )
ايوب : حتشوف يا خالد شن رح يصير فيك
و انتي يا وردة مصيرك بروحه
حنشوفوا
سند :🤭 ................................يتبع
من تكون وردة الاولي ، و شن مصير وردة ❓
و الاهم كيف تتوقعوا نهاية رواية #وردة 🌒
...........نتلاقوا غدا في الحلقة النهائية من رواية وردة 🌒
بقلم : أحمد عبدالله