وردة 🌒 ( روايات ليبية )

حلقة 3 " خوف " 🌒

#وردة 🥀 .........." خوف "
للكاتب : #أحمد_عبدالله
الحلقة : 3
.
قراءة ممتعة ❤️
.
فيلا مالك
( خشت سيارة عمر )
( و وردة تشرف في غرابة الفيلا و شكلها )
( نزل عمر و معاه وردة  )
( بدي ينزل في شناطيها و دبشها )
..
شهيرة : وردة . انستي مكانك و بيتك
وردة : ش شكرا
شهيرة : طبعآ انتي ما تعرفينيش صح
وردة : ص ص صح
شهيرة : أنا شهيرة طاطناكي أم راجلك مالك
وردة : راجلي
شهيرة : تعالي معاي يا وردة
( خشت شهيرة الحوش و وراها وردة و هي مستغربة )
شهيرة : قعمزي
وردة : 👁👁
شهيرة : طبعأ انتي مش عارفة كيف جيتي و شن حديري صح
وردة : ص صح
شهيرة : ما تتخيليش كمية التعب يلي تعبته عشان توصلي اهني
وردة : 👁👁
شهيرة : حنقولك و حنفهمك كل شي يا وردة و حتعرفي كل شي ، المهم بس لازم تعرفي ان المكان هذا فيه دخول فقط ،
وردة : 👁👁
شهيرة ؛ الخروج يعني الموت ، المهم ما تخافيش حنفهمك كل شي و حتعرفي كل شي بس لازم تشوفي زوجك مالك
( يا ماللللك )
.
( قامت عيونها فوق 👁👁 )
( شافت شخص مريض نفسي نزل من الدروج )
وردة : 👁👁
شهيرة : هادي وردة يا مالك
مالك : وردة وردة ها ها ها وردة وردة
( شافلها )
وردة : 👁👁💔
شهيرة : مد ايدك و سلم علي مرتك
( مد ايده )
( مدت ايدها و سلمت عليه )
( و هي مصدومة و خايفة )
....
شهيرة : يا عمر تعالا خود مالك لعبه في الجردينة
وردة : 👁👁
....
( تلفتت شهيرة لوردة )
شهيرة : تعالي معاي يا وردة
( ركبت هي و ياها لدار في الدور التاني )
شهيرة : هذه دارك ، بس لو حابة ترقدي بحدا زوجك يحقلك طبعا
وردة : 👁👁
شهيرة : اني حاسة بيك و عارفة موقفك انك فجاء تكوني في مكان مش مكانك ،
وردة : 👁👁
شهيرة : فرح انتي من الان وردة سعيد الجلالي ، احفظي الاسم هذا ، اما علي فرح فا ماتت
وردة : 👁👁
شهيرة : فيه سوال في دماغك توا ، اني شن رح ندير اهني ، انتي حتكوني زوجة مالك ولدي ، مالك مش صعب ابدا بس محتاج حد يراعيه ، هذه مهتمك
وردة : 👁👁
شهيرة : في حاجات يا وردة تصير بصدفة في حياتنا ، انا عرفتك في يوم و جبتك لهني . و للاسف الصدمة هادي الرجوع ليها مستحيل
وردة : 👁👁
شهيرة : انتي حاليآ في نظر الكل ميتة حتي اعز الناس ليك ، فا لازم تتأقلمي يا وردة ،
وردة : 👁👁
شهيرة : نبي نسمع صوتك تكلمي
وردة : ليش اني
شهيرة : القدر، الصدفة ، يا بنتي ،
وردة : او لاني يتيمة ما عندي حد
شهيرة :🔥
( ناضت شهيرة و كلها عصابية )
شهيرة : علي ما اظن فهمتي كلامي ، انتي مش فرح انتي وردة ، و كل اوراقك الرسمية معاي ، و لو طلعتي من المكان هذا تأكدي مليون بلمية انك حتموتي ، حافظي علي مالك و اي حاجة حديريها حنكون نشوف فيها ، الكاميرات في كل الحوش
.
اها حاجة تانية ، اي حاجة خاطرك فيها من برا ، يقدر يجيبهالك عمر ، ما عدا 🔥 التليفون 🔥
.
فيه ورقة في المطبخ فيها الاكل المفضل لمالك و ادويته فا ركزي عليهم و اعطيهمله في الموعد
.
( تلفتت تاني )
اها كنت حننسي تاني ، هو الاتفاق بيني و بينك ما فيشي علاقة جنسية بينك و بين مالك ، بس لو حابة مسموح بيه هو الان زوجك و متخافيش مافيش كاميرات في الدار
.
سلام
( نزلت شهيرة من الدور التاني )
.
وردة : 🤭🥺💔 ( الدموع في كل عيونها )
.....
( طلعت شهيرة للجردينة )
شهيرة ؛ عمر ، مالك
( جي مالك يجري و وراه عمر )
شهيرة : حبيبي مالك ، رد بالك علي روحك ، و معاك مرتك وردة حافظ عليها
مالك : وردة ها ورده ها
عمر : يا هانم نروحك بيك
شهيرة : لا خليك مع وردة قاعدة خايفة ، اقعد الفترة هادي كلها لين تتأقلم . حنروح مع صلاح
عمر : حاضر
...........
( خش مالك لدور التاني يجري )
وردة : 👁👁🔥
( تسمع في صوت رجليه و هو راكب )
( خش )
مالك : وردة
وردة : 🤭🔥 ( بدت تبعد )
مالك : مالك يبي ياكل
وردة : شني
مالك : يبي ييياااكللللل
وردة : حااا حااااا حاااضر حاضر 💔
.................:
" دار الايتام "
( زحمة و عياط و سيارة اسعاف و جماعة شهيرة كلهم في الدار )
( قامت الاسعاف الجتة )
بنات الدار
😭💔 فرح يا فرح
صاحباتها : لااا لاااا يا فرح اااااااه
حنين : 👁👁
حنين تذكر 🌙
( تلفتت و هي علي سريرها ، تشوف في عمر يقيم في فرح )
حنين : معناها هو يلي قتلها 🔥 الكلب
............
المشرفات : يا وخيتي كيف ماتت
المشرفة : بالك غرقت روحها
المشرفات : بالك
المديرة : و النبي اسكتوا عليا تره ، و انتم تفتوا ، البنت ماتت و خلاص
.........
حسن( عامل النظافة ) : خسارة الجمال يلي مات ، توا الواحد يدورله علي وحدة تانية يعاكسها
البواب : تي ادعيلها بلرحمة البنت ماتت
حسن : لا الحق الله يرحمها كان عندها خلقة فم و جسم يهبلوا
البواب : استغفر الله و خلاص
...........
(وصل سند ولد شهيرة الاصغر من زردته )
( خش للحوش )
( حط شناطيه )
( و نزل الشغلات )
سند : هي أمي جت و لا مزال
الشغالة : مزال بس اكيد حتجي توا معش تعطل
سند : تمام
( رجع للصالة )
( طق الباب )
( مشي فتح )
شخص : السلام عليكم
سند : و عليكم تفضل
شخص :هادي اوراق خاصة بشهيرة هانم
سند : اها تمام
شخص ؛ مع السلامة
سند : سلام
( سكر الباب )
( رفع الزرف لمكتب امه و من غير ما يفتحه )
( طاحت صورة )
( نزل و بيجيب الصورة )
سند : 🔥 منى الحلوة هادي
............:
( راكبة شهيرة السيارة )
( اتصل واحد من جماعتها )
شهيرة : ها شن فيه
شخص : يا هانم ، حطيتلك كل اوراق البنت في المكتب متعك
شهيرة : اي مكتب
شخص : مكتب الحوش
شهيرة : غبي غبي ، و كان يشوفه حد ، غبي ،
( سكرت علي وجهه )
شهيرة : يا صلاح سرع شوي للحوش ، بسرعة قبل محد يشوفه
..........
(وصل خالد ( راجل شهيرة ) للحوش )
( خش و كيف بيركب للدور التاني )
( لقي باب المكتب مفتوح )
( نزل و خش لقي سند )
خالد : سند حمد الله علي السلامة
سند : الله يسلمك
خالد : كيف كانت الزردة
سند : مليحة
خالد : اها تمام ، شن ادير في مكتب امك
سند : فيه حد جاب الورق هذا لامي ، كيف بنحطه طاحت الصورة هادي
خالد : ترا وريني
( شاف صورة وردة )
سند : شنى عروسة لواحد فينا ، قصدي كبيرة علي مالك و ايوب ، هادي ليا اني
( سحب الوراق من ولده )
خالد : هاتهم
سند : خيرك نبصر من هادي
خالد : وحدة تبي تتوظف عندنا في الشركة ، برا امشي لدارك ( خدي الاوراق )
سند : تمام
( طلع سند من المكتب و مشي لداره )
...
( فتح الاوراق و بدي يشوف فيهم )
خالد : وردة سعيد الجلالي 👁👁
.
( طلع و معاه الورق و سكر المكتب )
.....................
( وصلت شهيرة تجري 🏃🏻‍♀️)
( خشت الحوش )
( مشت للمكتب طول )
( فتحاته و بدت تدور )
شهيرة : وينهم وينهم
( بدت تنادي علي الشغالة )
شهيرة : يا ميمي يا ميمي
( جت تجري )
ميمي : نعم مدام
شهيرة : وين الورق يلي جابهم شخص ليا اهني
ميمي : ما فيش شخص مدام
شهيرة : كيف ما فيش شخص ، جي و جاب اوراق معاه
ميمي : لا مدام ما فتحت الباب لحد
( شدت ايد الشغالة و بلقوة )
ميمي : اااه
شهيرة : يعني حد تاني فتح الباب صح
ميمي : صح مدام
( شدت شعر الشغالة )
شهيرة : اقلبي وجهك من اهني ، برراااا
.......
( طلعت من المكتب و سكراته و قلبها يدق )
( ركبت لدارها )
( و كان ما صار شي )
( خشت )
خالد : كيف حالك حبيبتي
شهيرة : باهية
خالد : خيرك متوترة
شهيرة : الف مرة قتلك فكني منها الكلمة هادي ، انت الوحيد يلي تشوف فيا ديما متوترة
خالد : 😏
( تلفتت و بدت تنحي في الكندرة و البدلة و قعمزت في المراية و تنحي في أكسسواراتها )
خالد : ما توقعتش يكون أسمها يدل علي جمالها
شهيرة : شني.
خالد : محلاها وردة ، يا زين ما اخترتي
شهيرة : 👁👁🔥
.............................
( خشت وردة للكوجينة )
( تشوف في الدنيا كيف حايسة و مقرفة )
وردة : شن تبي تاكل
مالك : جججعااااانننن
وردة ؛ حاضر حاضر
حاضر
( تلفت و طلعت الرز يلي في التلاجة و كان قديم و فتحت الدحي و كيف بتقلي )
( تلفتت لقاته ياكل في الرز )
وردة : 👁👁
مالك : ( ياكل و يضحك ) وردة ها ها وردة
وردة : 🥺
مالك : وردة جعانة
وردة : لا شكرا
مالك : كولي
وردة : لا شكرا
مالك : كووولللييي
وردة : حاضر
( جابت كاشيك و خدت تاكل و الدموع في عينها )
وردة : 💔
......................
( تلفتت شهيرة )
شهيرة : وين الورق يا خالد
خالد : اي ورق
شهيرة : بلا استعباط
خالد : خلي نشوف مرت ولدي الاول و بعدين نعطيك الورق
شهيرة : 👁👁
( بدي يصفق 👏🏻)
خالد : ما شاء الله عليك طلعتيه و غيرتي اسمها و درتي كل شي عشان تبدا ملكك  و اديري فيها يلي تبي
شهيرة ؛ 👁👁
خالد : لكن الاسم حلو
شهيرة : 👁👁 خلاص سكت علي الموضوع
خالد : المفروض تشكريني اني جيت في الوقت الصح ، الورقة كانت تحت يدين سند و كان حيعرف كل شي علي مرت خوه
شهيرة : 👁👁
خالد : بس لو منك اني نقول ليهم لانهم لما بيزوروه حيشوفوها
شهيرة : حنقوللهم بس مش توا
خالد : نبي نسالك مش خايفة منها
شهيرة : لا مش خايفة منها ، و ضامنتها و مراقبتها
خالد : شوقتيني نشوفها
شهيرة : حتعطيني الورق او لا
خالد : لا يا شهيرة
شهيرة : 👁👁🔥
........................
وردة : مقعمزة و تشوف لمالك ، و الدموع في عيونها
( ناض من السفرة و طلع )
( ناضت قامت السفرة و غسلتها )
( تلفتت تشوف في الكاميرا تصور )
......
( طلعت لقت مالك مقعمز )
مالك : ( 👏🏻 و بصوت عالي ) وردة. وردة وردة
وردة : 👁👁
مالك : وردة تلعب مع مالك
وردة : 💔
( ناضت و طلعت للجردينة )
( و الدنيا كانت صقع )
( دخلت ساكواتها )
( ركبت للدور التاني )
( لقت دبش جديد )
( لبست و نزلت )
......
مالك : مالك عطشان عطشان
وردة : حاضر
مالك ( مشي وراها )
..
( صبت الطاسة )
وردة : تفضل
( شد الطاسة )
( شرب )
مالك : مالك يقول لوردة شكرا
وردة : 👁👁 ا ا العفو
( طلعت من الكوجينة )
( للجردينة )
( تشوف في عمر مقعمز في الدار يلي بحدا الباب )
( قربت علي الدار )
وردة : ممكن نخش
عمر : خشي خشي
( خشت )
عمر : المكان هذا و الخدمة هادي ما فيش حد يعرفها الا انتي
( يسخن في الشاهي )
عمر : نصبلك شاهي
وردة : عادي
( صب ليها شاهي )
( مقعمز يسمع في أغاني )
✨ مش عايزة منك أني عيش دنيا و لا الاحلام ✨
✨ مش عايزة منك وعد يطلع في النهاية الكلام ✨
✨ كل اللي طلبة اني حس ب حبة أهتمام 💔
.
وردة : الله محلاه الصوت و الكلمات ، من يلي تغني هذه
عمر : هادي اليسا ، الواضح انك ما تعرفيهاش ، بس حنجيبلك كل أغانيها تسمعيهم
وردة : عمر نبي نسألك ، هو هل ممكن مالك يأذي
عمر : لالا مالك طيب و ما يأذيش أبدا ، هو بس لما يحس ان الشخص خايف منه يبدا متوتر ، اما لما يحس بعدم خوف يبدا طيب
وردة : يعني لو قربت منه او حكيت معاه ما رح يدير شي
عمر : لالا ما تخافيش المهم ما تحسسيشي انه مريض
وردة : 🥺 ، هو خيره عايش بروحه ، وين خوته و خواته و بوه و امه او حتي هو يتيم و المراة هادي تحافظ عليه
عمر : عمر عنده زوز خوت ايوب و سند و بوه استاذ خالد عايش و أمه شهيرة يلي شفتيها
وردة : باهي خيرهم مش عايشين معاه
عمر : هما خايفين من كلام الناس و حاطينه اهني و قالوا انه مسافر
وردة ؛ 🤭 و قداش ليه
عمر : من لما كان صغير ممكن 7 سنوات
وردة : 🤭
عمر : ايه
وردة : و هل راضيين ان خوهم يكون بروحه في منطقة زي هادي و هما عايشين و فرحانين
عمر : شهيرة هي الحاكمة في كل شي و كلامها مسموع و يمشي حتي علي راجلها ، و شهيرة ما ترضاش ان يقولولها وين ولدك المتوحد
وردة : 💔
( بدت تبكي )
عمر : خيرك يا فرح
وردة : 💔 اتاري حتي هو يتيم زي بس الفرق اني يتيمة بلا اب و أم و هو يتيم بأب و أم و هذا الاصعب
عمر : ايه صح
وردة : باهي هو حاسس انه مظلوم في العيلة هادي
عمر : هو حاسس ، تخيلي عيد ميلاده امس طق عمره ال 30 ما فيش حد احتفل بيه
وردة : 🤭
عمر : نقولك الكبيرة يا فرح ، سمعت ان الورت كتباته شهيرة بأسم ولادها ما عدا مالك
وردة : 💔
عمر : مالك محتاج حد في حياته ، قسوة الدنيا عليه هلبا يا فرح ، قصدي وردة
وردة : 💔
( ناضت وردة )
وردة : ما تنساش تجيبلي مسجل زي هذا و نبي البنت يلي تغني هذه
عمر : حاضر
وردة : تصبح علي خير
عمر : تلاقي الخير
( طلعت وردة و مشت للحوش )
( فتحت الباب )
( الدنيا هدوء )
( و ما فيش اي حد لمالك )
وردة : مالك
مالك
يا مالك
( فجاء صوت عياط مالك في كل انحاء الحوش )
وردة 👁👁🔥
.
وردة ؛ خيرك خيرك تبي شي
( طلع مالك و في ايده موس 🔥 )
وردة : 👁👁🔥
مالك : بنقتلها بنقتلها
( و هجم )
وردة : اااااااه
👁👁 يا عمرررررررررررررررررررررررررررر..................يتبع
" الي اللقاء لحلقة بكرا 4 بعنوان صدمة "
بالله عليكم اكتبوا رايكم ، هذا المحفز الوحيد ليا ✨
رايكم في احدات اليوم 🔥
بقلم أحمد عبدالله
تصبحوا علي الف الف الف خير ❤️