وردة 🌒 ( روايات ليبية )

حلقة 1 " البداية " 🌒

#وردة 🌒 .........." البداية "
للكاتب : أحمد عبدالله
الحلقة 1
.

" ملاحظة : الرواية غير مقتبسة أبدآ من اي رواية ، الرواية رومانسية لا فيها دم و لا فيه قتل و جرائم و تتكلم علي موضوع إجتماعي ❤️ "
.
" قراءة ممتعة ❤️ "
.............................
📍 دار الايتام " قسم البنات "
( و أنا راقدة حسيت بحد يحسس علي جسمي )
( انا كيف فتحت عيوني )
( سكر فمي بأيده )
( من كتر عياطي ناضوا البنات يلي معاي في الغرفة )
أنا : 👁👁
( صوت صريخ في كل انحاء الدار )
( مشرفات الدار يجروا و معاهم مديرة الدار )
( خشوا للغرفة )
( لقوا عامل النظافة معايا )
مشرفة : انت شن تدير أهني
العامل : اه
المديرة : تكلم كيف تتجرئ تخش اهني
العامل : هي يلي قتلي خيركم عليا
المديرة : 👁👁 شني
العامل : هي يلي قتلي تعال في الليل و انا راجل عزابي و
المديرة : خلاص خلاص سكر فمك و اطلع برا
( بدي يشوفلي و طلع )
المشرفة : انتي شن قصتك كل مرة بفضايحك
مشرفة تانية : باهي يلي جت يتيمة كان بوها معاها راهو قتلها
المديرة : هاتلي العصة انا بنقتلها
البنات : 🤭🔥
أنا : 👁👁
( شدت العصا المديرة و بدت تضرب )
( و انا عيط و نبكي و نحس في وجع كبير في قلبي قبل جسمي )
.......
( طلع العامل للجردينة )
( لقي حسن ( البواب ) و عمر ( يشتغل في الدار ) جي قعمز بحداهم )
( صوت عياطي في كل مكان )
عمر : و بني عاجبك توا بنت تنضرب في عز الفجر
أشراف ( العامل ) : عاجبتني لل،،،،،،،
حسن ( البواب ) : تي مش قتلك فوتها
أشراف : عليها عيون زرق و فم ياكلوا العين ماكلة
عمر : و اللهي كان تنحيها من راسك خيرلك
أشراف : توا عرفت ليش متع الادارة حتي هو عاجباته
عمر : و اللهي حرام عليكم بنت مدايرين فيها هكي ، خلي نمشي نحز علاها
.
( مشي عمر و خش لغرفة البنات )
( و البنت تعيط و البنات يلي في الدار يبكوا و المديرة تضرب بأقسى جهدها )
عمر : ( شد العصا ) : علي رحمة ولدك خلاص
( المديرة ) : و نبي خليني تي مدايرة العار ، كل مرة نسمع حد يشوفلها و تعدي علاها
عمر : هما غالطين مش هيا
شاهيرة : لا هي
عمر. : باهي خلاص علي رحمة ولديك
المديرة : حدفت العصا و طلعت
عمر : خلاص حصل خير حصل خير
( خدي العصا و طلع )
( و الدموع في عيني و نبكي بلعبرة )
( طلعوا ، جو البنات يلي معاي في الغرفة اضبطوني و بدو يبكوا )
"احني عارفينك و مصدقينك يا✨ فرح ✨ما تزعليش خلاص"
..........
أنا فرح 💔
بنت في دار الايتام من لما فتحت عيوني علي الدنيا ، عشت فيها 20 سنة . لا نعرف أب و لا أم و لا حتي شن وراء الباب متع الدار ، عشت 20 سنة تحت رحمة المشرفات ، يوم نمرض نلقي بنت معاي في الدار تعالجني و يوم ما نتعالج ، نمشي نهتم بوحدة مريضة معانا ، كنت نتمني ان يجي حد يتبناني ، كان الامل الوحيد يلي كان مصبرني علي الظلام يلي عايشاته هو اني ممكن في يوم يجي حد يهتم بيا و نمشي نشوف شي أسمه البحر و قالوا ان لونه ازرق و خاطري نركب سيارة و خاطري نشد هاتف زي يلي في ايد المشرفة و هلبا اشياء تانية ، لكن الامل هذا تلغي في اليوم يلي عمري صار 10 سنوات و اصبحت غير مأهلة للتبني و مأهلة فقط لخدمة الدار ، بلفعل أهتميت بهلبا اطفال و فيه يلي اتبنوهم و فيه يلي لا ، بس ان شاء الله يتبنوهم و يشوفوا البحر يلي كان خاطري نشوفه ،
كانت عندي صديقة اسمها نور بس اتبنوها ، بعد ما اتبنوها كانت تجيني كل جمعة و تجيب معاها في حاجات حلوة ليا ، بس ليها 12 سنة ما جتنيش نور و الواضح ان لما شافت جمال البحر ، نستني
حاليا عمري 20 سنة ، يعني عشرة سنوات و حنمشي لدار العجزة ، الحقيقة زعلانة لان عمري كله كان عبارة عن غرف و فرحانة اني حنغير لمكان تاني . حاليا عايشة انا و 6 بنات و انا السابعة فيهم ، عايشين ناكلوا و نهدرزوا و نلعبوا و نشتغلوا في الدار ، بس مضايقات الحارس و العامل و الاداري كانت كبيرة و يلي تتكلم كانها فتحت عليها نار جهنم 🔥 و للاسف انا الوحيدة يلي تكلمت و فتحت علي روحي نار جهنم
✨ مواصفات فرح ✨
فرح جمالها ملائكي بيضة و عيونها زرق و شفايفها و عيونها كبار ، ضعيفة ، و شعرها أسود مايل للرصاصي
..........
( طلعت المديرة للادارة و وراها عمر )
المديرة : البنت هادي مشاكلها هلبا و كل يوم تتبلي علي حد
عمر : فرح بنت حلوة و اكيد الكل يشوفلها بطريقة مش كويسة و بدات انها يتيمة
المديرة : البنت هادي لازم ندير معاها حل ان شاء الله نحرقها بمية نار و نخرب جمالها
عمر : لالا خلاص بالله عليك فوتيها
( تلفت و طلع )
المديرة : وين ماشي
عمر : عندي شغل
( طلع من الدار و مشي لشغله التاني )
....
عمر 🔥
راجل عمره 30 سنة تقريبآ ، تخصصه علم نفس و يكون في نفسه و يشتغل في خدمتين في دار الايتام أخصائي اجتماعي و يشتغل عند عيلة الخويلدي بس خدمته اهني غريبة شوي ، هو يوصل في البضاعة و يهتم بولدهم المريض النفسي بما انه يعرف يتصرف مع الاطفال و ذوي الاحتياجات الخاصة و هذه الخدمة ما يعرفها حد 🔥🤭 ،
.................
( طلع عمر ركب سيارته و وصل لفيلا عيلة الخويلدي )
( درس في الجردينة )
( فتحت باب البلكونة " شهيرة " )
شهيرة : هذا وين جيت يا عمر
عمر : اسف يا هانم
( خشت و هي معصبة )
( نزلت هيا و الخدامين و كل واحد منهم شاد بورزات)
شهيرة : عطلت اليوم هلبا
عمر : اسف يا هانم
شهيرة : ( تلفتت للخدامين ) حطوا في السيارة
( بدو الخدامين يحطوا البضاعة في السيارة )
( ركب عمر )
(ركبت معاه )
عمر : 👁👁 بتمشي معاي يا هانم
شهيرة : ايه عندك مانع و بعدين ليا فترة ما شفتش 🔥 مالك
عمر : انستي و شرفتي
( طلعت السيارة )
🔥شهيرة ططناكي : مراة ليبية من الطبقة النبيلة في ليبيا ، متزوجة من خالد عز العرب يلي يعتبر اكبر تاجر سفن تجارية في ليبيا و يملك شركة داماس للمجوهرات
عندها 3 اولاد
الكبير " مالك " مريض و عنده التوحيد
المتوسط " أيوب " و الصغير " سند "
..............
شهيرة : عطلت اليوم اكيد عندك شغل في دار الايتام
عمر : لا و الله
شهيرة : امانا شن فيه
عمر : فيه بنت في الدار يضيقوا فيها العمال و الخدامين يلي في الدار و المديرة تضرب فيها و كنت نحز عليها
شهيرة : صغيرة 🤭
عمر : ( أبتسم ) لالا كبيرة عمرها عشرين سنة
شهيرة : اها ، ربي يعينها
( وصلوا للفيلا يلي فيها 🔥 مالك 🔥 )
📍الفيلا .... مكانها في تاجورا و تحديدآ وراء مطار معيتيقة و جاية في وسط مزرعة كبيرة و عليها سور
....
( نزلت شهيرة و بدي عمر ينزل في البضعة )
شهيرة : مالك مالك
( فتح الباب و نزل يجري )
مالك : مالك اشتاحش شهيرة
شهيرة : حتي شهيرة استاحشت مالك
مالك : ليش معش تجي لمالك 💔
شهيرة : سامح شهيرة خلاص حتجي ديما لمالك
مالك : ( اضبتها )
عمر : مالك تعال وراي فيها ماكلة
( مشي وراء عمر للكوجينة )
...
( بدت شهيرة تشوف في الحوش يلي فيه ولدها ، و كيف حايس و كانه مكان لحيوان )
( بدت تعيط )
شهيرة : يا عمر يا عمر
عمر : نعم نعم
شهيرة : مش قتلك تهتم بكل شي يتعلق بمالك
عمر : امس درتله حمام و غسلت الحمام و الكوجينة
شهيرة : و الحوسة هادي كلها منين
عمر : هو يلي دار هكي
شهيرة : عارفة ان هو ، معش نبي نشوف المنظر هذا
عمر ؛ حاضر
( تلفتت ومشت للكوجينة )
شهيرة : مالك حبيبي شهيرة حتروح و حترجع تاني
مالك : مالك يقول لشهيرة باي
شهيرة : باي 💔❤️
( طلعت شهيرة و وراها عمر )
عمر : حطيتله كل شي و الاكل عنده و غدوا نجيه بأذن الله
شهيرة : تمام
( ركبوا السيارة )
( مشوا )
عمر : قتلك يا هانم هو خيره استاذ أيوب و أستاذ سند ما يجوش لخوهم
شهيرة : اشغال و كل واحد لاهي
عمر : هو أمتي مالك حيرجع للحوش و يعيش معاكم انا سمعت ان هني من عمره 7 سنين
شهيرة : 👁👁 درس
عمر : شني
شهيرة : قتلك درس
( وقف السيارة )
شهيرة : ( فتحت عيونها و بكل عصبية ) اسئلة زايدة يا عمر حتشوف الوجه التاني و معش تتعمق اكتر من هكي و ما تحشيش راسك في حاجة ما خصكش فيها ، سامع
عمر : سامع
شهيرة : اطلع
( ولع السيارة و طلع )
( سرحت شهيرة )
✨ الرجوع للماضي ✨
خالد : وين مالك
شهيرة : في مكان افضل من اهني
خالد : وين رفعتي الولد يا شهيرة
شهيرة : الولد في مكان حنقولك عليه بعدين ، المهم اي حد يسالك عليه ، قوله انه مع خالته في فرنسا ، و كلمت نجلاء و قاتلي تمام
خالد : لامتي
شهيرة : فترة و حيموت
خالد : 🤭 انتي شن اديري يا شهيرة
شهيرة : انت عندك ولدك أيوب و جاي سند في الطريق ، اما مالك كان نزوة و هو في مكان افضل من اهني بألف مرة ، حيعيش فيه لين يموت و قالي الدكتور لو طول حيعيش 10 سنين بس ، يعني 3 سنين و يموت ، خليه يعيش بعيد علي إهانات الناس
خالد : حرام عليك تحرميه من انه يعيش مع خوته ،
شهيرة : حنرفعهم ليه
خالد : انتي أم انتي
شهيرة : أني أحن أم في الدنيا ، اني نحرم ولدي من نضرة و كلام الناس و الموضوع هذا سكره
خالد : 🔥
✨ العودة للحاضر ✨
( دموع شهيرة في خدها )
( و عمر يشوفلها في المرايا )
عمر : فيه شي يا هانم
شهيرة : غدوا عيد ميلاد مالك ال 30
عمر : ما شاء الله ربي يخليهولك
شهيرة : 💔 مكنتش متوقعة
عمر : شني ما كنتيش متوقعة
شهيرة : ( مسحت دموعها و شافتله ) اسمع شن اسمها البنت
عمر : اي بنت
شهيرة : يلي قتلي عليها
عمر : اها ايه فرح
شهيرة : نبيها
عمر : 👁👁 كيف تبيها
شهيرة : خليها غدوا نكلمك و نقولك كل شي
( وصلت السيارة للفيلا )
( نزلت شهيرة )
عمر : مع السلامة يا هانم
شهيرة : سلام
( خشت شهيرة )
...................
( فرح تضم و تمسح و العامل قاعد يشوفلها )
حنين : فوتيه يا فرح
فرح : 👁👁
( شدت ايدي و طلعنا من الدار )
حنين : فوتيه خلاص
فرح : كيف نفوته وانا قاعدة في وجهه
حنين : كانك ما تشوفيش فيه
فرح : المرة يلي فاتت جي للفراش المرة الجاية وين حيوصل
حنين : لالا ان شاءالله لا
...............
( شهيرة مقعمزة و تفكر )
( جي خالد )
( خش الغرفة لقاها مقعمزة علي السرير )
خالد : السلام عليكم
شهيرة : و عليكم السلام
خالد : وصل عمر بضاعة مالك
شهيرة : مشيت حتي اني معاه
خالد : باهي يلي تذكرتيه
شهيرة : 👁👁 ريحني تره
( صوت أيوب و سند )
شهيرة : خلاص فوته الموضوع
( خش سند )
سند : ( شد ايدها ) حبيبتي كيف حالك
شهيرة : روحي ❤️ الحمد الله
سند : كيف حالك يا غالي
خالد : لا خلاص بعد شني خليك مع امك
سند : ( تلفت لامه ) كنت بنقولك اني حنمشي زردة فترة و جاي
شهيرة : دير يلي تشوفه كويس حبيبي
خالد : وين خوك
شهيرة : ايه وين ايوب
سند : في داره ، و اني قلت نشوف عيونك الحلوات
شهيرة : حبيبي
خالد : خيرك انت و خوك معش تزوروا في خوك مالك و لا صدقتوا زي الناس انه في فرنسا من 23 سنة
سند : و اللهي زرته
شهيرة : 👁👁 خلاص يا خالد
خالد : اخر مرة زرته امتي
سند : ( سكت )
خالد : من شهر ، من شهرين ، من تلاتة ، حرام عليك انت و خوك يلي تديروا فيه ، خوكم الكبير ما تنسوشي
شهيرة : 👁👁🔥 ( شدت ايد سند ) خلاص حبيبي برا لغرفتك و توصل بسلامة من زردتك
( طلع سند )
( ناضت شهيرة )
شهيرة : انت خيرك
خالد : انتي يلي خيرك ، خاطري نشوفه و نسمع صوته مع خوته ، خاطري نشوفه عايش بفلوسي ، مش ملوح زي الكلاب و السبب أمه متحشمة من الناس و كلامهم
شهيرة : 👁👁
خالد : اني حندير حل و حنجيبه و خلي يلي يتكلم يتكلم معش معدل ، هذا ولدي ، نبي نموت و اني شايفهم ال 3 مع بعض
شهيرة : كملت
خالد : كلامي مش حيكمل لين نشوفه عايش معاي
شهيرة : لو صبرت كنت حجيت
خالد : شن فيه
شهيرة : ( شدت ايده و قعمزاته في الدار )
خالد : خيرك شن فيه
شهيرة : اني حنجوز مالك
خالد :😍 و حيرجع
شهيرة : لا
خالد : 👁👁
شهيرة : عمر مش يخدم في دار الايتام
خالد : ايه
شهيرة : حكالي علي بنت عمرها 20 سنة و عايشة في الدار، و فيه مضايقات ليها
خالد : ايه
شهيرة : حنتبناها
خالد : ( شافلها ) فكرة مش كويسة و لا
شهيرة : اني حنديرها ، فكر في الموضوع يا خالد ، يتيمة يعني ما ليها حد
( تلفت و بكل عصابية )
خالد : نحسابك حتزوجيه و ترجعيه لحضنك مش تجيبي وحدة ما ليها حد و تلوحيها معاه
شهيرة : 👁👁🔥
خالد : اني عارف شن مرادك
شهيرة : نبي واحدة تحافظ علي مالك و تهتم بيه
خالد : كذابة
شهيرة : 👁👁🔥
خالد : انتي تبي تستعبداها
شهيرة : و اللهي
خالد : من غير حلف ، حتاخديها يتيمة و اديري فيها يلي تبي ، زي يلي قبلها
شهيرة ؛ مش قتلك انسي الموضوع الاول
خالد : باهي نبي نسالك ، لو دارت زي يلي داراته يلي قبلها شن حيكون مصيرها
شهيرة : حنقتلها طبعآ 👁👁
خالد : مش خايفة يا شهيرة
شهيرة : منين بنخاف
خالد : من يلي خالقك
شهيرة : اني نبي ندير حل لولدي
خالد : انتي عمرك ما كان عندك ولد اسمه مالك ، انتي نسيتيه لوحتيه و انا مشارك في هذا اني سكتت طول المدة هادي
ابعدي عليا يا شهيرة لو تبي حل تجيبي ولدك و تخلي فحضنك مش تلويحه و تلوحي معاه وحدة يتيمة ، حتزيدي ذنب فوق الذنب يلي عندك
( دفها و طلع )
شهيرة : 💔👁👁
( تلفتت و الدموع في عيونها )
( شدت التليفون و اتصلت بعمر )
.......
وصل عمر للدار . خش و قعمز
( جاه اتصال )
عمر : الو يا هانم
شهيرة : نبيك موجود عندي الصبح بكري
عمر : تمام حاضر
........
" فرح "
🌙 الليل كان كله نجوم
( مقعمزين بنات الدار كلنا في غرفة النوم و نهدرزوا )
حنين : تخيلوا نتزوجوا
الكل : 😅
حنين : لالا تخيلوا ، بلحقا يا بنات
نجوي : هو احني ممكن نتزوجوا بس ولاد يتامة زينا
حنين :و خيرهم ، زينا زيهم
فرح : 😄 حنين تبي تتزوج
الكل : 😂
حنين : و انتي شن خاطرك
فرح : خاطري نحب
حنين : ايه يعني تتزوجي
فرح : لا الزواج شي و الحب شي تاني ، ممكن تتزوجي شخص ما تحبيشي ، بس مش ممكن تحبي شخص ما تحبيشي
حنين : فهمتوا حاجة يا بنات
الكل : 😂
فرح : اني نبي حد يفهمني ، يحبني ، مهتم بيا ، و الاهم يكون سند ليا في الدنيا
نجوي : عندك مواصفات معينة
فرح : لا بس ممكن نبيه يفهمني
حنين : كلامك عميق
فرح : 😅 بلحقا
نجوي : خلاص و النبي قلبي نبضاته زادت معش حد يتكلم علي الحب
الكل ؛ 😂
المربية : ارقدوا يا كلابات
الكل :👁👁🔥
( كل وحدك مشت سريرها و غمضت عيونها زي كل مرة )
..........
🌅 يوم جديد
( وصل عمر الصبح للقصر )
( نزل من سيارته و خش )
( شاف ايوب و سند يفطروا )
عمر : صباح الخير
سند : تفضل معانا
عمر : صحة صحة سبقتكم
( نزلت شهيرة من الدروج )
شهيرة : تعال وراي عمر
عمر : حاضر 👁👁
( مشت هي و ياه للمكتب و سكرت الباب
.......
سند :خيرها أمك
ايوب : فوتها اكيد علي خوك مالك
سند : قتلك نمشي نزرد و نمشوله نقعمزوا عنده حرام ليه هلبا ما مشنلاشي
ايوب : براله بروحك
( ناض )
ايوب : شبعت
( مشي )
..........
عمر : شغلتيني يا هانم
شهيرة : شن نسيت
عمر : ذكريني
شهيرة : البنت متع دار الايتام
عمر : 👁👁 فرح
شهيرة : ايه نبيها
عمر : ايه عادي ، بس بيني و بينك يعني ليش
شهيرة : حنجوزها لمالك
عمر : 🤭
🔥....................يتبع
هذه الحلقة الاولي ، يلي جاي اقوء و مازال الاحدات نار 🔥
رايكم . في المقدمة
نتلاقوا غدوا في حلقة بعنوان " اللقاء "
و هي اول مواجهة بين فرح و مالك و كيف حتطلع من الدار ؟
.
تصبحوا علي الف الف الف خير ✨