وردة 🌒 ( روايات ليبية )

حلقة 8 " مفاجاءة " 🌒

#وردة 🌒.........." مفاجاءة "
للكاتب : #أحمد_عبدالله
الحلقة : 8
.
" نأسف علي التأخير ، ظروف الكهرباء للاسف ، و هذه حلقة طويلة تعويض علي الغياب ، نتمني السماح منكم .....أحمد عبدالله "
.
قراءة ممتعة ❤️
.
شهيرة : خلاص نبي الخطبة في اقرب وقت ، نبي نفرح فيهم
يوسف : قرري انتي و انا تحت امرك
شهيرة : لا انتم قرروا و نديروا احلي فرحة في حوشكم
خالد : لا
الكل : 👁👁
خالد : احني في سبر عيلتنا ما فيش خطبة
يوسف : امانا كيف
خالد : فاتحة طول ، و حفلة بسيطة للنساوين و هاذم نبيهم في حوشي
يوسف ؛ حلو
خالد : نبي كل شي في حوشي ، عندي شخص عزيز لازم نشوفوه
يوسف : شوقتني يا خالد مني الشخص هذا
خالد :  خليه مفاجاء
شهيرة : 👁👁🔥
........
" وردة "
( خشت لقت مالك راقد )
وردة : تعب من كتر اللعب في الملاهي
( غطاته )
( و ركبت )
وردة : الله علي الملاهي ، لو معاي البنات 💔 كان حلمهم يشوفوها
( اتكت و تضحك علي روحها )
( لين رقدت )
.......
شهيرة : بسلامة
يوسف : بسلامة شهيرة ، بسلامة خوي خالد
( نزل خالد يسخن في السيارة )
(سلمت عليهم و نزلت هي و ولدها )
.
(ركبوا في السيارة و ايوب من الخلف )
( طلع بسيارة )
( تلفتت شهيرة لخالد )
شهيرة : خيرك لاوي بوزك علي الناس
خالد : فكيني من صوتك خلي نسوق
شهيرة : يا سبحان الله منك
ايوب : خلاص يا أمي خلاص
شهيرة : افففف
( تلفتت شهيرة و قعدت تشوف في الطريق )
( طول الطريق و هي تفكر في كلام خالد )
✨ تذكر ✨
خالد : نبي كل شي في حوشي ، عندي شخص عزيز لازم تشوفوه
يوسف : شوقتني يا خالد مني الشخص هذا
خالد :  خليه مفاجاء
.....
شهيرة : 👁👁🔥 خاطري نعرف شن في دماغك يا خالد
" وصلوا للحوش "
( نزلت من السيارة و نزل ايوب و خالد )
( لقوا سند كيف وصل )
..
سند : اهلا ان شاء الله خير
شهيرة : وين كنت انت التاني
سند : عند خوي مالك
شهيرة : ايح علينا عاد
( فتحت الباب بلقوة و خشت ركبت )
..
سند : شن صار يا بابا
خالد : كل خير يا ولدي ، بارك لخوك
سند : 😍 مبروك يا غالي
ايوب : عقبالك
.
( ركب خالد وراء شهيرة )
( قعمزت علي المرايا و بدات تنحي في خراصها و سلسلتها و خاتمها و تشوفه و هو مقعمز علي السرير )
سهيرة : مفاجاء صار
خالد : ( مقعمز في السرير و يشوفلها )
شهيرة : ( تلفتت ) ممكن نعرف شن المفاجاء
خالد : من أسمها مفاجاء يلي لما تشوفيها لازم تنصدمي
شهيرة : 👁👁 افففف
( ناضت و هي معصبة عليه )
شهيرة : ( بصوت عالي ) تعرف لو تفكر تجيب مالك شن رح يصير
خالد ؛ ( ناض ) و انتي من قالك اني حنجيب مالك
شهيرة : لو تفكر بس
خالد :( مشي و خلاها )
شهيرة : اففف
.........
صباح جديد 🏞
"وردة "
نوضت مالك و بدت تفطر فيه
( و تشوفله )
مالك : 😕
وردة : 👁👁
مالك : وردة زعلانة من مالك
وردة : 😂❤️ لا طبعا ليش بنزعل منك ، نشوفلك بس ، يعني لو شبحتلك نكون زعلانة منك
مالك : 😊
وردة : انت تفهم فيا صح
مالك : ( هز براسه )
وردة : ( شدت ايده ) نبيك تكمل كل الاكل هذا ، صحة
( ناضت )
( طلعت للجردينة ، كانت الريح قوي و بداية شتاء )
( صقعت خشت )
........
( ناضت شهيرة نزلت لقت ولادها يفطروا )
( شهيرة من غير لا صباح الخير و لا شي )
شهيرة : ميمي جيبيلي قهوتي
ميمي : حاضر مدام
....
سند : هيا خيرها أمي معصبة
ايوب : الله اعلم
.....
( شهيرة بدت تبكي )
شهيرة : انا عمري كله و انا نحافظ علي العيلة و اسمها و اسمي و فيه ناس تانية مش مهما هذا كله
( جابت ميمي القهوة )
شهيرة : هاتي خلي نشرب القهوة ، يارب نموت و نتفكي
( جي خالد قعمز يفطر )
( و يسمع فيها تبكي )
( ناضوا سند و ايوب ليها )
سند ؛ خيرك يا أمي
ايوب : افرحي عاد ، الفاتحة قريب
شهيرة : اي فاتحة
ايوب : فاتحتي
شهيرة : لا خلاص ما صارش ،
ايوب : 😕
سند : ليش ان شاء الله خير
شهيرة : اسالوا بوكم ، خالد يلي يبي يدير يلي في راسه
خالد :👁👁
" قررت شهيرة ان تحط خالد تحت الامر الواقع ، و هو ان تتهمه بتخريب فرحة ولده و بهذا حيكون في موقف مخرج "
......
ايوب : خيره بوي شن دار
شهيرة : اساله هوا
خالد : 👁👁
سند : تكلمي يا أمي شن فيه
شهيرة : بوكم عنده فكرة ان حيجيب مالك للحوش
خالد : 👁👁🔥
الكل : 👁👁
شهيرة : بعد العمر هذا ، حيخرب العرس كله و نطلعوا كذابين
( سند بعد ما سمع كلام أمه ، ناض و طلع و ما حبش ياخد و يعطي معاها )
( تلفت ايوب )
ايوب : بلحقا يا بوي
( تلفت خالد )
خالد : امك تخرف
شهيرة : انا متاكدة
خالد : و اللهي و اللهي ما فكرت فيها
شهيرة : 👁👁 يعني انت ما كنتش تفكر تجيب مالك
خالد : لا
شهيرة : و لا البنت الحيوانة يلي معاه
خالد : لا
ايوب : ديما يا أمي ضالماته
شهيرة : احلف
خالد : اقسم بالله لا
شهيرة : أمانا شنهيا المفاجاء
خالد : كنت حنشري حوش قريب اهني لايوب بس بعدين ما صارش
شهيرة : حنقول باهي مع اني قاعدة مش مرتاحة لانك قلت شخص عزيز عليا
خالد : و نبي تفكيني تره تسدت نيتي
( ناض من سفرة الفطور و طلع )
....
ايوب : اهو قالك لا
شهيرة : ايه بس انا سمعته قال شخص عزيز عليا مش حوش عزيز عليا
ايوب : بس حلف
شهيرة : ايه به
ايوب : خلاص معناها حيصير منها الفاتحة
شهيرة : مش عارفة اني شني يلي عجبك فيها البنت اهيا ،
ايوب : امي
شهيرة : خلاص خلاص ، حنكلم اليوم نادية صاحبتي ، نمشي انا و ياها
ايوب : ❤️
.................
خالد : حتشوفي انتي و ولادك غير تصير الفاتحة بس 🔥
..............
( طلع ايوب و قرر انه يمشي لخوه مالك )
..............
" عمر مقعمز في الجردينة متع الدار "
( شافاته حنين )
حنين : " 👁👁
( تلفت شافها )
( اشر بأيده )
حنين : هذا شن يبي
( مشتله )
حنين : تفضل
عمر : كيف حالك حنين
حنين : كويسة
عمر : الحمد لله
حنين : المرة يلي فاتت قتلي فيه شخص يسلم عليك من هذا الشخص
عمر : شخص تعزيه هلبا
حنين : 👁👁
عمر : في اقرب وقت ممكن تشوفيه
حنين :🤭
( تلفتت و مشت )
عمر : هذه خيرها
....
حنين " الواضح انه حيقتلني زي ما قتل فرح 💔 "
( ركبت لدارها )
.........
" بدت شهيرة في التحضير للفاتحة هي و صاحباتها و كل يوم تطلع و تشوف في البضعة و الحاجات يلي حديرها "
.......
" وردة "
( مقعمزة بحدا مالك )
( مدايرة كاكاو و مقعمزة علي الصالون )
( الدنيا كانت صقع )
( لابسة فانلية صوف و فاتحة الاغاني و منسجمة )
✨ ياما عدا وقت عليا و دموعي مغرقة عيني ✨
✨ ياما اقرب الناس ليا كان هو يلي بيأذيني ✨
✨ حاول لو حيسناني يا قلبي تبقا تنسيني ✨
.........
( سمعت صوت سيارة مالك )
( ناضت )
( طلعت للجردينة )
سند : اهلا
وردة : اهلا
سند : هي شني حتطلعوا
وردة : للاسف لا
سند : ليش مزال وقت قاعدة الدنيا عشية
وردة : ( تلفتت شافت مالك ) مالك راقد
سند : 😍 نطلع انا و ياك
وردة : لا لا خليها مرة تانية
سند : ( شد ايدها ) لالا توا ، لازم تشوفي البحر
وردة : ( قعدت واقفة تفكر )
سند : من غير تفكير هيا
( شدها و ركبت في السيارة )
" بس المرة هادي من قدام "
.......
سند : عندي ليك مفاجاءة
وردة : ما هي
سند : ( فتح المسجل )
      ✨ كنا بأواخر الشتاء ،، اقبل يلي فات ✨
       ✨ زي اليومين دول عشنا مع بعض حكايات ✨
                           ✨ انا كنت لما احب اتونس معاه ✨
                                            ✨انا كنت باخد بعضي ✨
                                                    ✨و رحلوا من سكات ✨
وردة : ❤️
سند ؛ عارفك تحبي اليسا
وردة : هو وين البحر
سند : قريب نوصلوا
وردة : 🥺
" كنت طول الطريق نتفرج علي الطريق و نسمع في اليسا و نتخيل في شكل البحر "
................
( وصل ايوب لحوش مالك )
( خش لقي مالك بروحه )
مالك : ايوب ايوب
ايوب : هو مرتك وين
مالك : وردة برا
ايوب : و كيف تخليها تطلع بروحها
مالك : 🥺
ايوب : المهم اني نبيك اصلا بروحك
مالك : مالك يبي يلعب
ايوب : لا نبي نكلمك
مالك : 👁👁
ايوب : مالك لو جاك بوي قالك نرفعك للحوش قوله لا
مالك : مالك زعلان من خالد
ايوب : المهم توا لو جاك بوي و قالك نرفعك قوله لا ، لان حيرفعك للحوش و حيبدوا الصغار يضربوا فيك زي زمان
مالك : 🥺
ايوب : رد بالك يا مالك ، ترجع معاه للحوش
( هز براسه بمعني حاضر )
" كان مالك يشوف في نضارات ايوب و حس ان ايوب مش حابه يرجع للحوش "
ايوب : اهو قتلك ، سلام
( ناض و خلاه )
......
الدنيا كانت ليل 🌒
سند : وصلنا للبحر يا وردة
( غمضت عيني و فتحت باب السيارة و نزلت )
( شميت ريحة غريبة )
( بديت نفتح في عيوني بشوي بشوي )
🌊🌊
وردة : 💔 الله الله الله
" دموعي نزلوا "
وردة : كبير ، اكبر ما كنت نتخيل
سند : 👁👁
وردة : ( واقفة و ساكتة )
سند : ما خاطركش تقربي
وردة : نخاف
( شد ايدها
( وقف في الشط و بدي يقدم فيها لين نزلوا رجليها فلمية)
وردة : 💔
( الهواء كان قوي )
وردة ؛ البحر شن نهايته
سند : مش عارف صراحة
وردة : ممكن نشرب منه
سند : مالح
وردة : يعني ربي حط المياة هذه كلها و يديرها مالحة عشان محدش يشربها
سند : لو البحر حلو كان تم يا وردة
وردة : ❤️
( تلفتت و تشوف في البحر )
( جي شد ايدها و يشوفلها )
( و هي مغمضة عيونها و الريح يضرب فيها )
سند : وردة انتي تحبي مالك
وردة : وردة تحب مالك
سند : تقلدي في مالك
وردة : ( تلفتت ) لا هذه الحقيقة
سند : 👁👁
وردة : انا نحب مالك ،
سند : احم
وردة : بس انت ليش تسأل
سند : لا نسأل بس
وردة : سند هو مالك ممكن يتعالج
سند : مالك عنده التوحد و اظن هذا مش مرض يحتاج علاج ، هذا مرض جيني
وردة : ❤️ يعني حيقعد طفل
سند : ايه
وردة : ❤️
سند : حتحبي طفل يا وردة
وردة : 👁👁 حنحب طفل يا سند ❤️
سند : ( سكت ) 🔥
وردة : هو اليوم شني
سند ؛ خميس
وردة : خميس 🤭
سند : شن فيه
وردة : مالك يصيرله تشنج يوم الخميس
( طلعت تجري )
( طلع وراها و ولع السيارة )
( ركبت في السيارة و طلعوا  )
.............
( حنين )
( نزلت لقت عمر مقعمز بروحه في الجردينة )
( لازم يموت لازم حق فرح يرجع 💔 )
..........
( وصلت فرح هيا و سند يجروا )
( خشت الحوش )
( بدت تنادي )
وردة ؛ يا مالك
يا ماللللكككككك
سند :يا مالك يا مالك
" قلب وردة يدق و خايفة و متوترة "
وردة : يا مالك
( ركبت و بدت تفتش في الديار )
( فتشتهم كلهم )
( فجاء )
( تلفتت شافت الدار يلي ديما مسكرة )
( طالع منها صوت )ً
( فتحتها )
وردة : ماللللللللللللللك 🔥 يا سنددددد يا سنددددذ
( ركب سند يجري 🏃‍♂️)
" مالك كان مداير حبل و بيشتق روحه 🔥 )
......
وردة : مالك انزل
مالك قتلك انزل
سند : مالك رد بالك حتموت هكي
مالك : مالك يبي يموت
وردة : لا يا مالك ، لا يامالك انزل ، وردة تزعل
مالك ؛ مالك بروحه يبي يموت
وردة : لا يا مالك انا معاك 💔 انزل انزل ، انزل ، انزل
مالك : مالك خايف من ايوب
( تلفتت وردة و هي معصبة )
وردة :من ايوب
سند : خوي ،
وردة : شن جيبه اهني
( رجعت و هي تشوف لمالك )
وردة : انزل يا مالك ، انا معاك ما تخافش ، انزل يا مالك
سند : انزل يا مالك ، ايوب مش رح يديرلك شي
مالك : مالك يبي يرجع لحوش الكبير
سند : حترجع يا مالك
وردة : انزل يا مالك
مالك : لا
وردة : مالك انزل ، انزل بالله عليك انزل
( بدت تبكي )
وردة : انزل يا مالك ، بالله عليك انزل ، انزل
( طاحت )
سند :👁👁
وردة : تخليني بروحي يا مالك ، 💔 تخلي وردة بروحها
انزل يا مالك
مالك : 🥺
( نحي الحبل و نزل )
( نزل لوردة )
مالك : خلاص مالك يقعد مع وردة
( رفعت راسها )
وردة : ( مسحت دموعها ) خلاص ، تعالا نديرلك حمام و نشربوا كاكاوا ❤️
مالك : ❤️
سند : 👁👁
..
( نوضاته و رفعاته للدار )
( طلعت من الدار )
( لقت سند قدامها )
وردة : 👁👁
سند : بجد بجد محظوظ فيك مالك
وردة : ❤️
سند : ( حط ايده علي كتفها ) مع السلامة تصبحي علي الف خير
وردة : شكرا سند
( طلع سند )
( خشت وردة لمالك )
( نوضاته و دخلاته للحمام )
( لكن المرة هادي نحي دبشه بروحه )
( خش في الباينوا و شدت الصابون و بدت تغسل في شعره )
...........
" حنين "
( شدت حديدة 🪓 و قربت عليه )
( و هو مقعمز فجاء تلفت )
عمر : 👁👁 🔥 انتي شن بديري
حنين : اني حناخد حق فرح 💔 يلي قتلتها
حسبي لله و نعم الوكيل فيك
انت لازم تموت
عمر : لا استني يا مهبولة
حنين : لازم تموت ( قامت العصا و كيف بتضرب )
عمر : فرح حية 🔥
حنين : 👁👁
عمر : فرح حية ما ماتتش
حنين : كذاب كذاب ( قامت العصا )
عمر : ( قام التليفون و وراها صورة فرح في حوش مالك ، مصورها علي غفلة )
حنين : 🤭🔥💔
...........
" وردة "
وردة : ليش مالك كنت حتموت
مالك : ( منزل راسه ) مالك يحب الحوش الكبير 
وردة : كيف ما فهمتش
مالك : مالك يحب يلعب مع سند و ايوب و  خالد و شهيرة ، لكن ايوب ما يبيش مالك يرجع ، مالك يقعد بروحه
وردة : و انا نسيتني
مالك : 💔 مالك زعلان
( طبست عليه )
وردة : لالا ما تزعلش انا معاك و اصلا بوك خالد ، قالي انك حترجع ، فا اكيد حيرجعوك
مالك : حتمشي وردة مع مالك
وردة : و اللهي ما نعرف ، بس لو قالوا باهي اكيد .
مالك : 😊
( بدت تحدف عليه في لمية )
مالك :😂
وردة : 😂❤️
......................
حنين : كيف حية ، امانا يلي غرقانة مني و يلي قمتها من سريرها مني
عمر : مش فرح
( قربت عليه 🪓 انت تكذب )
عمر : انا ممكن نرفعك ليها
حنين : ايه باش تقتلني صح
عمر : لا باش تتأكدي ، يلي في الحوض كانت بنت تانية ، فرح تزوجت
حنين : 🤭 انت شن تقول
عمر : حنين الكلام هذا بيني و بينك ، ما حدش يعرفه بكل ، انا قتلك لاني عارفك شفتي كل شي و ما شربتيش الشربة
حنين : يا كلب يا كلب حطيت منوم في الشربة يا كلب و انا نقول خيرهم راقدين هكي محدش حس
عمر : مش اني يا حنين ،
( تلفتت و حدفت العصا و الدموع في عيونها )
عمر ؛ استني يا حنين ، مش حابة تشوفي فرح
حنين : مش حابة نشوف وجهك ، ( تلفتتله و الدموع في عيونها ) و زيدوا العبوا بلبنات الايتام صح ما عندهمش سند ، بس عندهم ربي يلي اكبر منك و حيرجع علي بناتكم و حتشوف 💔
عمر : 👁👁 استني يا حنين استني
( مشت )
............
صباح جديد 🏞
" وردة "
( نضت بكري نوضت مالك و فطرته فجاء نسمع في كلاكس سيارة ، بصوت عالي )
( نضت للجردينة و خليت مالك يفطر )
( لقيته خالد بو مالك )
( قربت علي السيارة )
( فتح الروشن )
وردة : اهلين عمي تفضل خش
خالد : لا يا بنتي نبيك بروحك اركبي
وردة : حاضر
( ركبت )
خالد : فكيني من كاميرات شهيرة
( تلفتتله )
وردة : ان شاء الله خير عمي
خالد : بعد 4 ايام فاتحة ولدي ايوب و نبي نجيب مالك
وردة : 😍 الله مالك كان خاطره يرجع للحوش
خالد : شدي هادي لبسة عربية نبيها عندك ، عشان تلبسيهاله و رد بالك حد يعرف
وردة : حاضر ، مالك حيفرح امس كله يبكي ،
خالد : ليش
وردة : جاه ايوب قاله ما تجيش لو حد قالك تعالا للحوش
خالد : 👁👁
وردة : استاذ خالد عندي سوال ، هو يلي في الحوش ما يبوشي
خالد : مش مهم يبوه او لا ، المهم انا نبيه
وردة : 😍 تمام
.........
( نزلت من السيارة )
( خشت )
( حطت البدلة و خشت لمالك و هو يفطر )
وردة : حترجع للحوش يامالك
مالك : 😍 " بدي يصفق 👏🏻 "
وردة : شفت عيلتك تحبك ، ❤️
........
" بدي التحظير للفاتحة و شهيرة جهزت كل شي و علي اعلي مستوي و ارقي الاشياء ، و حرصت علي ان شريكات تشرف علي كل شي "
..............
يوم جديد 🏞
( ناضت
" الفاتحة مزال عليها 3 ايام "
( شهيرة تلف و في ودنها التليفون )
شهيرة : المهم العبنبر لازم تكون طازة و جديدة لازم . و بعدين نبي اشراف كامل علي عصير اللوز و يكون لوز صافي و اصلي انا دافعة فلوس ، نبي كل شي علي اعلي مستوي
ميمي : مدام الشركة جابت الطاولات
شهيرة : تمام كلمي صالح و سالم يحطوهم في مكانهم
ميمي : حاضر
( سكرت و بدت تكمل تعزم )
شهيرة : الو يا سعاد ، نبيك تكوني موجودة في فاتحة ولدي ، هيا صح فاتحة لتريس ، بس مدايرين حفلة بسيطة للنساوين لقراب ليا و انتي اولهم
سعاد : حاضر حبيبتي طبعا حنكون موجودة
( خطمت من بحدا المكتب و كان خالد يهدرز بلتليفون  )
" كان يحكي مع صاحبه "
خالد : انا كلمت مرته و اتفقت معاها و بأذن الله حيكون موجود في الفاتحة بأذن الله ، لازم نرجعه لحظني ، و الخطاء يلي درته لازم يتصلح
( سكرت التليفون و قعدت مصدومة )
شهيرة : تمام مع السلامة ي سعاد
( سكرت )
( و مشت قعمزت )
( بدت الدنيا تلف بيها لف )
" ضحك عليا و خلاني نصرف و نعزم و نعلم كل الناس انا فيه فاتحة و يحطني في الامر الواقع زي ما حطيته 🔥 بس و اللهي و اللهي يلي فراسك ما رح يصير 🔥 "
( كمل المكالمة )
( طلع من المكتب و كيف بيركب )
( بدت تصفق 👏🏻 )
( تلفت )
شهيرة : نهنيك ، تحيا ليك ، انك ضحكت عليا و خليتني ندير كل شي و في الاخير تضرب راسي في الحيط
خالد : 👁👁
( ركب )
شهيرة : انزل و كلمني ، بس مش قادر تكذب تاني
( تلفت )
خالد : ايه يا شهيرة حنجيبه
شهيرة : 👁👁🔥
........
" في دار الشباب "
سند : شن هذا الصوت
ايوب : امك و بوك يتعاكوا
سند : تعالا تشوفوهم
( طلعوا يجروا )
.........
شهيرة : يعني حلفت و انت كذاب
خالد : ايه حلفت و نكذب علي خاطر ولدي
سند : شن فيه
ايوب : خيركم
شهيرة : شفتوا بوكم ، في اخر العمر يكذب عليا ، طلع حيجيب مالك لفاتحتك يا خو المتوحد
( تلفت ايوب )
ايوب : صح يا بوي
( سند سكت و بعد )
خالد : ايه صح ، خلاص انا رجل في القبر و رجل في الدنيا. و هذا خوكم و لازم يرجع ، هذا زيه زيكم و رح يورت زيه زيكم
شهيرة : حيعطيه حتي ورت ، ااااه يا قلبي و خلاص
خالد : طبعا من حقه كل شي ، و يلي يبي رضاي فيكم انتم الزوز يوافق علي جي خوه و ما يتحشمش منه
شهيرة : 🔥
خالد : هذا غلطة درتها و لازم نصحهها ، و طز في اي حد بيتكلم ، انا راجل الحوش  
( رجع بيركب )
شهيرة : توا عرفت روحك راجل
الكل : 🤭
( تلفت و هو معصب )
شهيرة : 👁👁
خالد : شهيرة انتي
شهيرة :🤭🔥
ولاده : لا يا بوي بالله عليك لا
لا لا لا 😱 بالله عليك
شهيرة : 👁👁🔥
خالد: استغفر الله
( رجع ركب )
" شهيرة قاعدة واقفة و الصدمة غالبة فيها "
( قربوا عليها ولادها )
( و قعمزوها علي الكرسي )
ايوب : ما تخافيش يا امي مش رح نجليه يجيبه
( سند قعد يشوف لخوه ايوب و سكت 👁👁 )
( ناض لداره )
.........
( رجع ايوب لداره )
.......
( خشت شهيرة لدارها و هي ساكتة و متأترة ، شافت خالد لقاته راقد ، غيرت و رقدت و الدموع في عيونها )
" كنت حتطلقتي بعد 31 سنة يا خالد 💔 "
" حضحك الناس عليا يا خالد "
( رقدت و الدموع في عيونها )
.............
( خش ايوب للدار )
سند : انت شن الكلام يلي تقول فيه لامك هذا
ايوب : شن هو
سند : يعني انت مش راضي ان خوك يرجع
ايوب : لا مش راضي
سند :👁👁
ايوب : بعدين مالك كويس انه يقعد في مكانه ، افضله ،غير بوي يزيد فيها
سند : اخس عليك اخس ، تخيل ان مالك كان حيقتل روحه بسببك لما جيته و قتله ما تجيش للحوش
ايوب : اسم الله عليه و النبي ارقد ارقد
( طفي الضي )
سند :👁👁
........................
يوم جديد 🏞
( ناضت شهيرة تلفتت لقت خالد طالع )
( لبست و نزلت )
( لقت الشركة تنظم في الكراسي و تجهز في الحاجات و الديكور )
شهيرة : ميمي هاتي كبوطي بسرعة
ميمي : حاضر
( جابت الكبوط و لبساته و طلعت )
........
" مقعمزة وردة تشرب في القهوة و بحداها مالك يضحك "
وردة : قريب تمشي لحوشكم
( فرحان و يضحك
( سمعت سيارة خشت للحوش )
( ناضت و حطت القهوة علي الطاولة )
وردة : هادي امك جاية تسأل عليك ، فرحانين بيك هلبا
" فجاء خشت شهيرة "
وردة : اهلين
شهيرة : هو وين هو وين
وردة : 👁👁 من تبي
( تلفتت لقت مالك يضحكلها )
شهيرة : اهو اهني ، تعرف ، تم تعرف لو خالد يقولك تعالا معاي و تركب معاه ، شن حيصير فيك يا مالك
( هو يشوفلها 💔 )
( مشت لوردة )
( شدت شعرها )
وردة : اااااااااااه
شهيرة : و انتي يا قح....... كله منك ، يلعن اليوم يلي شفتك فيه ، تعرفي شن مانعني من قتلانك ، ان وراقيك مش عندي ، لو عندي كنت قتلتك زي ما قتلت فرح يا كلبة
وردة : ااااااااااه
مالك : 💔
شهيرة :انا قريب تطلقت بسببك يا كلبة
وردة : ااااااااااه
( تلفتت )
شهيرة : و انت يا هبل ، تعرف لو تمشي معاه و جيبك شن حندير فيك ، حنقتل البنت هادي ، و تقعد بروحك زي ما كنت
" بدي يضرب في روحه و يعيط  "
شهيرة : حسك عينك تطلع من اهني
وردة : ما تبيش ولدك 🔥
شهيرة : ( ضربتها كف ) مش ولدي ، مش ولدي ، انت شن عندك علاقة ، سكري فمك ،
مالك : يعيط و يبكي
شهيرة : الفاتحة بعد غدوا ، 🔥 حنجيب حراس عليكم ، اضمن ، و قاعدة نتكلم بأسلوب يا مالك ،
مالك : 💔
شهيرة : يقولك خالد اركب معاي او اي حد اضربه
فاهم
فاهههههممممممممممم
( طلعت و هي معصبة )
........
( ساوت وردة شعرها )
( و بدت تحكي مع مالك )
( هو يبكي )
( ناض يجري )
وردة : يا مالك استني
( ركب للدار و بيطلع الحبل )
وردة : استني يا مالك قتلك استني
مالك : شهيرة تكره مالك ، مالك بيموت
( نحت الحبل من ايده )
وردة : لا انت حترجع يعني حترجع
مالك : معش نبي نرجع
وردة : قتلك حترجع لحوشك و معاك بوك و متخافش منها
( بعدت عليه الحبل )
( اظبتها )
وردة : 💔 حترجع حترجع
مالك : وردة هو ليش شهيرة تحب ايوب و سند و ما تحبش مالك
وردة : 💔
( شبحتله و اضبطاته )
( رقد )
( طلعت وردة و الدموع في عيونها )
" مالك يرجع لحوشه و غصب عن شهيرة و ولدها 🔥 و حتشوف "
" حتي لو حنموت ، لازم نفرح مالك .. لازم 💔 "
............
( روحت شهيرة للفيلا )
شهيرة : كيف نطمن في الفاتحة و ممكن علي غفلة نشوفها هي و مالك بحداي
ايوب : انا عندي حل
شهيرة : لو علي الحراسة ، فا فكرت فيها ، لكن بوك مرات يضرب الحراس و يجيبه
ايوب : لا نطلعوهم يوم الفاتحة من الحوش و نرفعوهم لحوش تاني بوي ما يعرفاش
شهيرة : كيف
ايوب : شن كيف ، يقعدوا في حوش تاني لين تتم الفاتحة و يرجعوا تاني
شهيرة : 😏
ايوب : خلي الموضوع عليا
شهيرة : نبي يوم الفاتحة نكون مرتاحة
( باس ايدها )
ايوب : يهمني راحتك
شهيرة : ❤️
..............
" مشي خالد لحوش مالك "
" وص "
" لقي مالك و وردة مقعمزين في الجردينة بدبشهم "
خالد : 👁👁 شن فيه يا بنتي
وردة : مش تبي مالك
خالد : ايه
وردة : لو تبي خطتك تطلع زي ما تبي لازم تطلعنا من المكان هذا
خالد : 🔥
................
🎇 يوم الفاتحة 🎆
" صوت الاغاني ، و الرجالة بدت تتوافد و الكراسي تقريبا اصبحت معبية ، و الشغالات يوتوا في الغدي ، اصحاب العريس في كل مكان ، و السيارات قدام الحوش معبية "
....
" بدت النساوين يلي من العيلة فقط تخش ، عماته و خالات العريس "
.....
( نزلت شهيرة من الدروج )
( قفطان و الذهب في كل مكان )
.
" خوات خالد "
صافية : شوفي الذهب و الدنيا يلي تلمع
نجوي : تحساب روحها قاعدة صغيرة يلي في سنها يلبسوا في العبايات لكن عاد هي بنت ططناكي
صافية : ايه و الله ،
" شهيرة متوترة "
صفية ( اخت خالد )  : مش عارفة اني شن لازمة هذا كله ، كان في جامع خير و بعدين الفاتحة لتريس مش لنسواين
شهيرة : و اللهي ولد شهيرة ططناكي ، هذا اقل حاجة تندارله و بعدين صاحباتي و عشرت عمري و حبيتهم يساندوني في هذا اليوم و يفرحوا معاي
صفية : اه طلع ولد شهيرة ، مش ولدنا ولد خواله
شهيرة : ااااف
نجوي : فكيك منها يا صافية
ميمي : مدام يبوك الطباخين
( نزلت )
( جت وراها صافية )
الطباخ : كم نحط لحمة في الصنية الوحدة
شهيرة : حط الخير معبي حتي 7 8 عادي
صافية : اااه 7 ليش لالا لا كل قعد حط اربعة ، شن اللحم لاقيينه في الشارع
شهيرة : انا قتلك حط زي ما تبي و يلي يفضل لوحه
( تلفتت و ركبت و هي معصبة )
صافية ؛ اسمع انت كل قعد حط اربعة ،
الطباخ : بس القعد 5 اشخاص
صافية : عادي يقسموا ، شن البرسخة الزايدة متع شهيرة هادي ، حتي صافية فركاش ما داراته
...........
( بعدت شهيرة علي النساوين )
شهيرة : ايواه يا ايوب . شن صار في يلي قتلك عليه
ايوب : بعتت جماعة من بكري لتوا ما ردوش عليا
شهيرة : مفروض مشيت معاهم ،
ايوب : لا لا كل شي تمام ، مرات حتي حطوهم في المكان و راجعين
شهيرة : و النبي شوفهم و طمني
ايوب : حاضر
...........
( خالد واقف هو و خوه و صحابة و يوسف بو العروسة )
يوسف : شن يا خالد الشخص يلي عزيز عليك جاي
خالد : جاي جاي
..........
" ايوب كلم جماعته "
ايوب : ها شن صار
الجماعة : ما لقينا حد
ايوب : كيف ما لقيتوا حد
الجماعة : ما فيش حد في الحوش
ايوب : دوروا كويس
الجماعة : دورنا كل مكان
ايوب : 😨
" وين مشو هادم "
.........
( بدت شهيرة تكلم في ايوب و ايوب خايف يرد عليها )
شهيرة : وينه الحيوان هذا
.........
( وصل الشيخ و كل الجماعة تلمدت )
" بيبدا كتب الكتاب "
" ايوب متوتر و خايف "
( قعمز الشيخ و بدي ينادي علي بو العروسة و بو العريس )
يوسف : هي عاد يا خالد وينك
" سند مقعمز و فرحان لخوه "
...
خالد : هاني جيت ، خش يا مالك
الكل : 👁👁
سند : 🤭
...
ايوب : 😱
.....................
" شهيرة مقعمزة تسمع في صغاريط "
شهيرة مبروك يا شهيرة
مبروك ما عقبتي لايوب
" شهيرة تضحكلهم تحسابهم علي ايوب "
🔥 فجاء 🔥
و مبروك جيت مالك
" تلفتت و عيونها بدو حمر و حست الدنيا تلود بيها "
شهيرة : 👁👁🔥🔥.......................... يتبع