وردة 🌒 ( روايات ليبية )

حلقة 7 " فرحة " 🌒

#وردة 🌒.........." فرحة "
للكاتب : #أحمد_عبدالله
الحلقة : 7
.
" سبب التأخير ، وضع الكهرباء "
.
قراءة ممتعة ❤️
.
" حدفت الشوكة و ناضت "
شهيرة : ما فيش حد مخرب الحوش غيرك
ايوب : 👁👁
( بدي سند يبتسم في وجه خوه بمعني ما تعدلش )
( تلفتت و ركبت )
"سمعت صوت مكالمة في تليفون خالد"
( بدت تركب في الدروج )
( فجاء سمعت )
خالد ؛ في المستشفي
( ما عدلتش و ركبت )
( وصلت للدرجة الاخيرة )
خالد : هاني جايك يا وردة ما تخافيش
شهيرة : 👁👁🔥
.....
ايوب : شن فيه يا بوي
سند : خيرها وردة
خالد : خوكم مالك في المستشفي
.....
( تلفتت و الدم قريب يطلع من عيونها )
( شهيرة بصوت عالي )
شهيرة : من يلي في المستشفي
خالد : ولدك مالك
شهيرة : وووويييينننن 🔥.
( طلعوا يجروا )
( لحقتهم )
......
( ركبت في سيارة الولد يلي ضربه و رفعني للمستشفي )
( الحمد الله ان رقم بو مالك عندي و اتصلت بيه )
....
( واقفة في قسم الاسعاف )
( طايحة و تبكي )
( جي الولد يلي ضربه )
الولد :يا اختي
( رفعت عيونها )
الولد : عندك حد جايك
( بدت تبكي )
وردة : مالك وين خديتوه ، مالك تعبان هلبا او كويس
الولد : كويس ما تخافيش ، المهم فيه حد جايك
وردة : جايني حد
الولد : انتي شن اسمك و شن اديري في الحوش و من هذا
وردة ؛ ما نعرفش ما نعرفش
الولد : كيف ما تعرفيش
وردة : ما نعرف شي يا خوي ما نعرف شي
( وقف )
( و قعد يشوفلي و مستغرب )
( و كان شاك اني مجنونة )
......
( وصلوا للمستشفي )
( خش خالد يجري و شهيرة و ولادها يجروا )
(وصلوا للقسم )
( وردة كانت حاطة راسها علي يديها و مقعمزة و تبكي )
( خشوا طول شهيرة شدت شعر وردة علي غفلة )
وردة : اااااااااه
شهيرة : رفعتيه المستشفي يا كلبة يا كلبة
خالد : ابعدي عليها
شهيرة : وين عمر الكلب
وردة : 💔
سند ؛ خلاص يا امي
خالد : وين مالك
( اشرت وردة بأيدها )
( مشي لغرفة الطواري و وراه شهيرة )
شهيرة : حتشوفي حتشوفي
.....
( جي قعمز بحداها سند )
سند : ما تخافيش يا وردة مش حديرلك شي
وردة : اني مش خايفة منها ، خايفة علي مالك خايفة علي مالك 💔
سند : ما تخافيش ما تخافيش
............
( خش خالد و شهيرة )
( طلع الدكتور )
خالد : طمني يا دكتور
دكتور : كويس حالته الضربة جت علي رجله اليسار و فيها كسر و الباقي كويس
شهيرة : شن سبب الكسر
دكتور : حادت سيارة انتم مش عارفين
خالد : ا ا ا ايه ايه عارفين عارفين
شهيرة : 🤭
( طلع الدكتور )
شهيرة : يعني مالك طلع
خالد : اكيد
شهيرة : البنت هادي لازم تموت ، الكلبة
( طلعت هي و خالد )
( ناضت وردة )
وردة : شن صار في مالك
شهيرة : طلع يا حيوانة من الحوش
خالد : خلاص يا شهيرة ، مالك كويس يا بنتي
وردة : الحمد الله الحمد الله
( جي الولد )
الولد : السلام عليكم
خالد : و عليكم السلام تفضل يا ولدي
الولد: اني جاي نطمن علي الحالة
خالد : كويس بارك الله فيك
الولد : انا مستعد في اي تعويض
خالد : انت يلي ضربته
الولد : ايه و اللهي ما شفته
خالد : برا يا ولدي عليك الامان و بارك الله فيك
الولد: هذا رقمي لو محتاجين اي شي
خالد : بارك الله فيك يا ولدي
( تلفت و مشي الولد )
( جي ممرض )
ممرض : لو سمحتوا نبو حد يجي يعبي اوراق الحالة
خالد : حاضر
شهيرة : لالا خليك يا خالد حنمشي انا و ايوب )
( مشت هي و ايوب )
.
خالد : ما تخافيش يا بنتي
وردة : 💔 ياريتها فيا ياريتها فيا
خالد : خلاص مالك كويس
وردة : 💔 الحمد الله يارب
خالد : خلاص يا بنتي ، سند ارفع مرت خوك خليها تشم هوا
سند : حاضر
( شد ايدها )
( و طلع لجردينة المستشفي )
........
شهيرة : السلام عليكم
الادارة : و عليكم السلام تفضلي يا هانم
شهيرة : نبي ندير اوراق للحالة يلي خشت قبل شوي
الادارة : يلي تعرضت لحادت سير
شهيرة : ايه
الادارة : اسم الحالة
شهيرة : ا ا ا صالح سالم
ايوب : 👁👁
الادارة : صلة القرابة ليك
شهيرة :عامل عندنا ضرباته سيارة
ايوب : 👁👁
الادارة : عمره
شهيرة : 30 سنة
الادارة : تمام شكرا
( طلعت شهيرة هيا و ولدها )
ايوب : امي من صالح سالم
( تلفتت )
شهيرة ؛ الكلام هذا ما نبيش حد يعرفه ، تخيل دكتور في العيادة يعرف بوك او يعرفني و يشوف الحالة ، يقول هذا ولدهم مالك
ايوب : اها تمام
شهيرة : رد بالك يا ايوب
ايوب : حاضر
..........
سند : خلاص وردة مالك كويس
وردة : تخيل صارله شي ، حنقتل روحي و اللهي
سند : 👁👁 انتي تحبيه
وردة : مش قصة حب يا سند ، بس الوحيد يلي حسيت انه زي ،انا و مالك زي بعض ، يلي عشته و تخيلت ان ما حدش عاشه ، طلع مالك عايشه 💔
سند : خلاص يا وردة كل شي حيكون كويس
وردة : هو ليش ما يعيشش معاكم
سند :👁👁
وردة : لو ما تبيش تجاوب عادي
سند : مش ما نبيش نجاوب ،انا ما نعرفش الاجابة يا وردة
وردة :كيف
سند : انا من لما وعيت علي الدنيا و نشوف في مالك في مكان بروحه ، و لما سألت ما حدش جاوبني ، بس لما كبرت حسيت ان شهيرة طاطناكي ما ترضاش ان يقولولها يا ام المتوحد و لهذا السبب اختارت ان مالك يعيش بروحه
وردة  : هو ولدها او ولد بوك
سند :ولدها من بطنها ، بس شهيرة لو توصل الحاجة لاسمها تنسي حتي أمها و بوها
وردة : 🥺
سند : تخيلي انا نتمني ان يرجع مالك للحوش و يعيش معانا
وردة : 👁👁
سند : و بوي حاطها في راسه و يحيديرها
....................
الصبح 🏞
( ناض مالك و بدي كويس و حالته تحسنت )
...
خالد : يا بنتي مالك حالته كويسة ، روحي ارتاحي
وردة : لا يا عمي ما نقدرش نروح و نخليه
شهيرة : قالك روحي روحي ، اقلبي وجهك ، توا لما يطلع توا نجيبهولك
وردة : حاضر
خالد : روح بوردة يا سند
شهيرة : لالا خليك يا سند ، توا يوصلها صلاح
سند : لا توا نوصلها اني
شهيرة : قتلك خليك ، يا صلاح يا صلاح
( جي السواق )
صلاح : تفضلي يا هانم
شهيرة : وصل البنت هادي لفيلا مالك
صلاح : حاضر
وردة : مع السلامة 🥺💔
شهيرة : 😡 سبحان الله
( مشت وردة مع صلاح )
.........
خالد : خيرك علاها ، حرام عليك
شهيرة : و النبي اسكت اسكت
" رن تليفونها "
شهيرة : نادية 🤭 حي عليا
خالد : شن فيه
شهيرة : نادية الطرابلسي تتصل بيا
( بعدت )
شهيرة: الو
نادية : الو شهيرة جيت الحوش لقيت الشغالات بس وينك و حتي ولدي مشو للشركة ما لقاكمش
شهيرة : اها اها ايه
نادية: وينكم ان شاء الله خير
شهيرة : ( بدت تضحك ) لالا خير ، غير خالد جاته الحالة قال شي نبي نرفعكم لمزرعة صاحبي و نتذكر ايام زمان ، قتله باهي
نادية : اها غير انشغلت عليك بس ، كنت بنشرب قهوة معاك بس يلا فيها الخير
شهيرة :توا نعوضهالك
نادية : سلام
( سكرت المكالمة )
شهيرة : اففففف الحربة هادي هي و ولادها يقزقزوا علينا
خالد : شن قلتلها
شهيرة : قلتلها و خلاص المهم وزعتها هي و ولادها ،
" جي الدكتور "
خالد :طمنا يا دكتور
الدكتور : حالته كويسة رجله بس كويسة
خالد : الحمد الله
شهيرة : باهي أمتي يطلع
الدكتور : بالك غدوا ، المهم حتي لو طلع اعطوه اجازة و ما بشتغلش بكل
خالد : مني هذا يا دكتور
الدكتور : العامل متعكم ، الحق كبرتوا في عيني ، قداش خايفين عليه
شهيرة : اح احم شكرا دكتور
( مشي الدكتور )
( شد خالد ايد شهيرة )
شهيرة : اه اه ايدي
خالد : قلتي انه عامل يا شهيرة
شهيرة : خفت يكون حد نعرفوه في المستشفي
خالد : انتي ما عندكش دم ما عندكش احساس
شهيرة : ايدي يا خالد ايدي
خالد : حتشوفي يا شهيرة حتشوفي
................
( رجع عمر لدار الايتام )
الحارس : عمر كيف حالك ليك وحشة
حسن ( عامل النظافة ) : يا وينك يا برو من لما ماتت البنت معش شفناك
عمر : كان عندي شغل
( شافاته المديرة )
المديرة : يا عمر يا عمر
عمر : كيف حالك
المديرة : الحمد الله تعالا نبيك
( مشي ركبلها )
( خش )
المديرة ؛ ليك وحشة ، الدار نورت
عمر : بارك الله فيك ، ما شاء الله سيارتك الجديدة تجنن
المديرة : شكرا ، حقا احكيلي شن صار في فرح
عمر : فرح تمام التمام
المديرة : بالله عليك يا عمر ،
عمر : تزوجت و عايشة في خير خيرها ،
المديرة : الحمد الله ، كويس ،
عمر : المهم توا شن اخبار الدار
المديرة : زي ما خليتنا بزبط
عمر : تمام خلي نمشي ندهور و نشوف الصغار
( طلع من المكتب و نزل من الدروج )
( و هو نازل لقي حنين صاحبة فرح قدامه )
حنين : 👁👁🔥
عمر : حنين 😊
حنين : في سرها " هذا قاتل فرح ، الحيوان "
عمر : كيف حالك يا حنين
حنين : كويسة
عمر : فيه حد يسلم عليك هلبا
حنين : 👁👁🔥
عمر : ما تبيش نبعتله سلام منك
حنين : لا ما نبيش
( و ركبت و هي مصدومة )
...
( خشت و سكرت باب الدار و تبكي )
✨تذكر ✨
لما شافاته قايم فرح فليل
....
حنين : الله يرحمك يا فرح الله يرحمك حسبي الله و نعم الوكيل فيه حسبي الله و نعم الوكيل فيه
...................
( تعالج مالك و تنظمت حالته ، رجله بس مجبسة و رجعاته شهيرة و ولدها ايوب و صلاح )
(نزله ايوب و صلاح يساندوا فيه )
وردة : 😍
شهيرة : اهو جبته ،
وردة : الحمد لله و اللهي يومين خايفة بروحي
شهيرة ( شدت شعر وردة )
وردة : اااااه
شهيرة : المرة هادي مشيتها علي خاطر خالد بس و اللهي تم و اللهي لو صار شي تاني لمالك ، قتلانك علي ايدي يا فرح
وردة : 👁👁
شهيرة : صلاح جايبلك بضعة و دواء مالك لرجله و حيخطم عليك كل يومين يجيبلك الحاجات بدل عمر
وردة : ( هزت براسها )
( تلفتت شهيرة و نادت ولدها و السواق و طلعت )
...............
( خشت وردة لمالك )
وردة : الحمد الله انك رجعت
مالك : وردة زعلانة من مالك
وردة : لالا مش زعلانة ، وردة تحب مالك ،
مالك ؛ ( بدي يصفق 👏🏻)
وردة : ( اضبطاته ) 💔 الحمد الله انك رجعت ، الحمد الله الحمد الله
مالك : 😊
...............
( رجعت شهيرة للحوش )
خالد : روح مالك من المستشفي
ايوب : ايه روح
خالد : ما نكلمش فيك نكلم في امك
شهيرة : ايه روح
خالد : باهي الحمد الله ، جبتوله دواه و لا مش لازم
شهيرة : كيف ولدي نخليه من غير داوء
خالد : الله علي حنان الام ، لدرجة انك مسمياته بأسم تاني و مقايله انه عامل عندك
سند : 🤭
شهيرة ؛ ( شافت لولادها ) اركبوا لدياركم ، اركبوا
( ركب سند و ايوب )
...
خالد : خليهم يسمعوا ظلم امهم
شهيرة : ما خاطريش نتعارك معاك ،عندك شي بتقوله
خالد : نشوف فيك يوم يا شهيرة ، نشوف فيك يوم
شهيرة : افففف
( ركبت و خلاته )
خالد : تفوههههه انتي و ولدك
( ركبت لدار الاولاد )
( خشت )
شهيرة : ايوب تعالا نبيك في المكتب
ايوب : حاضر
( طلع هو و ياها )
.........
شهيرة : وين اوراق العيادة
ايوب : لوحتهم
شهيرة : هذا الصح ، هذا غزالي يا ناس ، ( فتحت شنطتها ) خود احلي هدية
ايوب : امي ما نبيش فلوس ،
شهيرة : امانا شن تبي
ايوب : نبيك تشوفي مرام
شهيرة ؛ من مرام
ايوب : بنت يوسف الجيلاني
شهيرة : 👁👁
ايوب : ارجوك يا أمي ارجوك
شهيرة : علي خاطرك يا ايوب بس نبي منك خدمة
ايوب : عيوني
شهيرة : تراقب بوك في كل شي و بدات في موضوع البنت هادي . حاسة ان يخطط بيرجع مالك للحوش
ايوب : حاضر ، ما تخافيش نحفلها رجليها لو تفكر بس تخش
شهيرة : سلمه الغزال هذا ولدي مش زي الجحش يلي فوق
............
" وردة "
( وتت العشي و جت قعمزت بحداه )
وردة : لازم تتقوي بلاكل
مالك : ( هز براسه بمعني ما خاطريش )
وردة : لا علي خاطري علي خاطري
مالك : ( فتح فمه )
وردة : 😍
............
( مقعمزين علي العشي )
( جت شهيرة و هي مبتسمة )
( قعمزت )
شهيرة : السلام عليكم
الكل : و عليكم السلام
شهيرة : خيركم شن الماكلة مش حلوة
خالد : 👁👁 لا مستغربين انك مبتسمة
شهيرة : فرحانة ، حتي الفرحة حاسديني فيها اللطف
سند : فرحانة ان مالك رجع كويس
شهيرة : لا
الكل : 😕
............
شهيرة ؛ فرحانة ان حبيب قلب أمه ايوب بنخطبله
خالد : يا سبحان من مغير الاحوال
سند : 😕
ايوب : ( شد ايد امه و باسها )
شهيرة : خيركم ولدي و حابة نفرح بيه ، عقبالك يا سند
ايوب : خيركم مش فرحانين
خالد : ( متقرف منها و من ولدها ) و شن يلي غير المواقف
شهيرة : وووه قداش يا خالد تعمق في الامور ، فكرت و عرفت ان البنت كويسة و ولدي كبر و نبي نشوف صغاره
خالد : 👁👁 و من سعيدة الحظ او نفسها يلي كنتي رافضتها
شهيرة : اولا انا ما كنتش رافضتها و بلا كلام زايد يا خالد ، تانيا هي نفسها ، مرام بنت ما شاء الله عليها و بوها راضعة انا و ياه ،
خالد : يا سبحان الله
يا سبحان الله
شهيرة : لمختصر المفيد وًتوا روحكم غدوا عندنا مشوار لحوش يوسف الجيلاني
( ناض ايوب باس راس أمه )
خالد : مسلسل بزوز جني قدامي اقسم بالله
سند : 😂
شهيرة : و النبي اكرمنا بسكوتك تره
ايوب : ربي يخليك ليا يا أمي
خالد :😏 الله الله علي الحب
سند : 😂
...............
" حنين "
" عمر جاي يقتل وحدة تانية زي ما قتل فرح ، و مرات التانية نكون اني ، لازم نقتله ، قبل ما يفكر يقتلني و نكون خديت حق فرح 💔 يلي ماتت من غير سبب "
لازم نقتل عمر .،لازم 🔥
................
يوم جديد 🏞
" من الصبح و شهيرة تنظم في أمورها لمشوار الليل "
شهيرة : اي سورية حتلبس
خالد : هادي
شهيرة : لا طبعا ، خود الزرقاء
خالد : باهي خلي نمشي الشغل بعدين ساهل
شهيرة : تمام حنحدد الزرقاء ، يا ميمي
ميمي : نعم مدام
شهيرة : حددي هادي
ميمي : حاضر مدام
........
( طلعت لدار الولاد )
شهيرة : ها شن صار في لبستك
ايوب : اهيا
شهيرة : تمام حلوة ، حنعطيها لميمي تحددها ، و انت شن صار معاك
سند : 👁👁 منى
شهيرة : انت من يعني
سند : لا لا انا مش ماشي بروا بروحكم
شهيرة : ليش برا مرات نلقي عروسة ليك حتي انت
سند: لالا بروا بروحكم مش حنمشي اني
شهيرة : اقعد و انت ديما منكد
( طلعت )
...........
ايوب : خيرك مش ماشي معانا
سند : و النبي فكني من مشاوير امك
ايوب : علي خاطري
سند : لا بالله عليك ، بنمشي نقعمز مع وردة و مالك
ايوب : قداكش فاضي
( لبس سند و طلع )
............
وردة توكل في مالك
وردة : كيف حالك رجلك
مالك : رجل مالك كويسة
وردة : ترا اوقف عليها
( ناضت و سنداته )
وردة : الحمد الله كويسة
( شافت سيارة سند خاشة للحوش )
( نزل من السيارة )
مالك : سند سند
سند : اهلا اهلا
وردة : اهلا بيك
سند : كيف حال مالك
وردة : لا اليومين هاذم فيه تحسن فضيع و ما شاء الله عظمه يصح بسرعة
سند : الحمد الله ، اليوم جاي و بنقعمز معاكم اليوم كله
وردة : تأنس و تشوف
..............
" الساعة 7 مسآ 🌒 "
شهيرة : يا ميمي هاتي الريحة
ميمي : حاضر مدام
شهيرة : انت واتي
ايوب : واتي
شهيرة ؛ سبحان الله من بوك يلي ديما معطلنا ، الناس تستنا فينا
ايوب : قالي في الطريق
شهيرة : قتلك وين خوك
ايوب : سند
شهيرة : ايه
ايوب : عند مالك
شهيرة : اها باهي ، لكن هلولد غريب زمان ما كانش هكي ، توا مالك مالك
ايوب : عاجباته وردة
شهيرة : 👁👁
( خش خالد )
شهيرة : بعدين نكملوا
خالد : السلام عليكم
شهيرة : و عليكم ، الناس قريب ترقد، هيا ، هيا
( طلعت شهيرة هيا و ايوب و خالد )
............
وردة : نديرلكم شاهي
سند : لا شكرا
وردة : باهي كاكاو
سند : لا شكرا
وردة : شن رايك نفتحلك اليسا تسمع الالبوم الجديد
سند : لا يا وردة شكرا ،
وردة : خلاص تمام
( ناضت مشت الكوجينة )
( ناض سند لحقها )
....
( خش )
وردة : تبي حاجة سند
سند : وردة شن رايك نطلع انا و ياك
وردة : وين
سند : مطعم ، كافي ، منتزه
وردة : لو تسمع امك تقتلني فكني  و بعدين فيه كاميرات في الباب و الصالة و الدار
سند : امي مش في الحوش فا مش رح تشوف الكاميرات
وردة : لا لا نخاف
سند : ( قرب ايده ) انا معاك و علي مسؤوليتي
وردة : ا ا ا ا
سند : قولي و لو لمرة حاضر
وردة : حاضر
سند : 😍 تمام انا في السيارة نستني فيك
وردة : تمام
( طلع سند فرحان ركب يسخن في السيارة )
.......
( وصلت شهيرة هي و ايوب و خالد )
( طقت الباب )
( فتح يوسف )
شهيرة : يوسف ليك وحشة
يوسف : و اللهي انتي اكتر يا شهيرة
شهيرة : الله علي عشرة العمر
يوسف : تفضلوا تفضلوا
خالد : 😕
ايوب ؛ كيف حالك يا عمي
يوسف : تفضل يا ولدي تفضل
( خشوا)
نرجس ( ام مرام ) : شهيرة طاطناكي
شهيرة : نرجس خير الله
( بدو يبوسوا في بعض )
شهيرة : الدنيا قداش صغيرة
( قعمزوا )
" خالد ماشي و مستغرب 😕 )
شهيرة : هذا ايوب يا نرجس
نرجس : ما شاء الله ما شاء لله
شهيرة : مازال فيه سند غير عنده شغل
نرجس : و اللهي ليك وحشة يا شهيرة
شهيرة : اني اكتر ، و اللهي و اللهي ديما نسال عليك و علي يوسف ، يوسف هذا متربية انا و ياه
( خالد 😕 )
..............
( لبست وردة و لبس مالك و طلعت هيا و ياه )
سند : 😕
( ركب مالك )
( و ركبت وردة من تالي )
سند : ليش متعبة مالك خليتيه مرتاح
وردة : لالا ما شاء الله عليه كويس قلت خلي يدهور معانا
سند : 🤦🏻‍♂️ اها ايه ايه
وردة : 😊
سند : وين تبو نرفعكم
مالك : العاب العاب
وردة: شن العاب
سند : بالك قصده ملاهي
وردة : شن ملاهي
سند : مكان فيه العاب
وردة : ارفعنا لملوهي هذه
سند : 😟 تبو ملاهي
مالك : ملاهي ملاهي
وردة : ايه ايه ارفعنا ليها ، خاطري نشوفها
سند : حاضر ☹️
............
شهيرة : وين مرام ما شفنهاش
يوسف : يا مرام يا مرام
( خشت مرام )
ايوب : 😍
شهيرة : ما شاء الله كبرت مرام
نرجس : سلمي علي عمتك شهيرة
( بدت تبوس )
شهيرة : ما شاء الله عليها ما شاء الله
نرجس : سلمي علي عمك خالد و ولده ايوب
( سلمت عليهم و قعمزت )
شهيرة : منين الجمال هذا يا نرجس منين
يوسف : طالعة لبوها
شهيرة : اكيده 😂
نرجس : 🙄
شهيرة : انت يا يوسف في صغرك كنت غزال مزغل
يوسف : حتي انتي يا شهيرة و لا نسيتي
خالد : 🙄
شهيرة : المهم توا ، نوضي يا مرام حبيبتي شوي
( ناضت مرام )
شهيرة : توا بنخشوا في الموضوع
................
( وصلوا للملاهي)
( نزلت وردة و هي شادة مالك و تتمشي )
( و معاهم سند )
وردة : 🤩 الله هذا شني 🎪
مالك : العاب العاب
وردة : 😂 الله نبي نلعب 🤹🏻‍♀️
سند : استني بس حاضر
وردة : الله ، عمري ما شفت حاجة زي هكي 🎪
سند : عمرك ما خشيتي ملاهي
وردة : عمري 💔 الله يا سند شكرا بجد
سند : العفوا
....
مالك : مالك يبي يركب اهني 🎡
وردة : حتي اني حتي اني
سند : تمام استنوا اهني
( مشي جاب بطاقة دخول )
...
( و ركبنا و هو ركب معانا 🎡 )
وردة : ما اطيحش بينا
سند : لالا ما اتطيحش
مالك : ( يلعب و يصفق )
...
وردة : ( عيون الفرحة و الصدمة في وجهها )
سند : فرحانة هلبا بلملاهي يا وردة
وردة : عمري ما شفتها
سند : حنجيبلك ديما ليها
وردة : اكيد توا تضحك عليا ، تقول كبيرة و فرحانة بلالعاب
سند : لالا من قال ، مستحيل انا فرحان انك فرحانة
وردة : المحروم من الشي ، لما يشوف يلي كان محروم منه يبكي من الفرح
سند : حنجيبلك ديما اهني
وردة : اني خايفة اطيح بينا ، خيرها وقفت 🎡
سند : هيا هكي توقف شوي و بعدين تتحرك ، شوفي طرابلس من فوق
وردة : الله 🥺 تخيل انا ديما نسمع بيها بس عمري ما شفتها
سند : شن هيا
وردة : طرابلس
سند : انتي عايشة فيها
وردة : يا راجل 🤭
سند : 😂
" مالك فرحان و يلعب "
وردة : سند بعد ما ننزلوا من اللعبة هادي نبي نركب في اللعبة هديكا 🎠
سند : حاضر
وردة : 😍
...........
شهيرة : اني جاية اليوم و طالبة من خوي يوسف و اختي نرجس  بنوتتهم الحلوة مرام لولدي ايوب
يوسف : هذا يشرفني يا شهيرة ، ايوب زي ولدي و اعز
شهيرة : طبعا و عارفاتك ما تردنيش زعلانة
خالد : 🙄
يوسف : تكلم خوي خالد خيرك
خالد : شن مزال عندي ما نقول ، الخير و البركة في شهيرة
يوسف : 😂
شهيرة : تضحك و تفنص في خالد ، ها ها ها ها 👁👁
.......
( نزلت ورودة و مالك من الالعاب )
( قرب سند و شد ايد وردة )
( بعد مالك و مشي لمكينة الحلوة )
( طلقت ايدها و مشت وراه )
مالك ؛ نبي منها 🍭
وردة : هذه ما تتكلش
( جي سند )
سند : زوز حلوة صوف بالله عليك
وردة : صوف 🙄
( خداهم )
سند : شد يا مالك
( بدي ياكل )
سند : شدي يا وردة
وردة : لالا حاشة النعمة شن هذا
سند : حلوة
وردة : شكلها غريب لا لا شكرا
( خدي من الحلوة شوية )
سند : افتحي فمك
وردة : لالا شكرا
سند : افتحي
( فتحت بشوية )
( حطها في فمها )
( ذوقي )
سند : ها شن رايك
وردة : حلوة الله حلوة 🤭
...
سند : هي شني نروحوا
مالك : لالا
وردة ؛ لالا خلاص يا مالك غدوا نرجعوا
سند : ايه خلاص غدوا نجيبكم باذن الله
وردة : تمام
( شديت ايد مالك و طلعنا من الملاهي )
.........
( ركبنا السيارة )
سند : شن رايكم في الرحلة
وردة : تجنن شكرا سند
( يشوفلها في المرايا )
سند : العفوا 😍
............
شهيرة : سمعيني صوتك يا نرجس
نرجس : فرحانة طبعا ، هو حنلقي في ادب و اخلاق و علم ايوب
شهيرة : الله علي كلامك الحلو يا نرجس
يوسف : ايوب هذا نعرفه زي ولدي ابراهيم بزبط
شهيرة : هو وين ابراهيم
يوسف : في مالطا يقرا
شهيرة : اها ربي يخليهولك
يوسف : و يخليك لينا يا غالية
خالد : 🙄
نرجس : 🙄
شهيرة : 😂❤️
................
" سند "
( وصل درس السيارة ، نزل مالك و نزلت اني )
( مشي مالك للحوش )
وردة : شكرا سند بجد اول مرة نحس الشعور هذا
سند : من غير شكرا يا وردة ، انا نكون في قمة سعادتي لما نشوفك سعيدة
وردة ؛ اقسم بالله لما نذكر شن درت انا و مالك نموت بضحك ، كانا اطفال ،
سند : 😅
وردة : بس سبحان الله ، كان لا إراديآ ، كنت حاسة بشي غريب قدامي ، بجد الفرحة يلي في وجهي و في وجه مالك ، كانت فرحة شخص محروم من الفرحة
سند : كل ما حابة تطلعي كلميني
وردة : كل يوم تكبر في عيني اكتر
سند :❤️
وردة : تصبح علي خير
سند : و انتي بالف خير
( مشت و بعدين تلفتت )
وردة : اها حقا كنت حننسي
سند : شن فيه
وردة : هو فيه بحر في طرابلس
سند : طبعا 😅
وردة : خاطري نشوفه
سند : غدوا بأذن الله
وردة : بأذن الله ، سلام
سند : سلام
( مشت )
سند : ❤️🔥
...............
شهيرة : خلاص نبي الخطبة في اقرب وقت ، نبي نفرح فيهم
يوسف : قرري انتي و انا تحت امرك
شهيرة : لا انتم قرروا و نديروا احلي فرحة في حوشكم
خالد : لا
الكل : 👁👁
خالد : احني في سبر عيلتنا ما فيش خطبة
يوسف : امانا كيف
خالد : فاتحة طول ، و حفلة بسيطة للنساوين و هاذم نبيهم في حوشي
يوسف ؛ حلو
خالد : نبي كل شي في حوشي ، عندي شخص عزيز لازم نشوفوه
يوسف : شوقتني يا خالد مني الشخص هذا
خالد :  خليه مفاجاء
شهيرة : 👁👁🔥.................يتبع
الي اللقاء غدا في حلقة جديدة و احدات جديدة
" رايكم هو المحفز ليا للكتابة ❤️ "
بقلم أحمد عبدالله
تصبحوا علي الف الف الف خير ❤️