عندما يعشق الشيطان الجزء الرابع

5

الحلقة 5
( يا جماعة فما  احداث وشخصيات جديدة بش تضهر في لكرونيك بش تقلبها و يكون فما تشويق وايثارة غير كونوا صابرين😂)
نرجعوا لصدمة لي حلت على الاخوة وعلى السكوت لي كان مخيم على الموقف و ستار الظلام من الحقيقية لي عرفوها و الاخبار الصدمة لي كلوها في جرت بعضها💔💔😞😞😞

حتى تقص هاهودوء لي سيطر على الموقف وقت تكلم آزر بصوت فيه بحة و بكاء 😣😣
يعني العايلة لي تبناتني و عندي سنين نلوج عليهم من اخر مرة خرجنا و ضعت في وسط المدينة من اخر ايامات صغري لي تلزيت نعديهم في الميتم يعني العايلة لي كبرت بينهم حتى وصل عمري 10 سنين مهمش عايلتي💔💔💔💔  شنيا هذا امان فسرولي وعلاه انا كنت بعيد على عيلة آل راشد وفي اخر نطلع واحد منهم امان واحد فيكم يتكلم يفسرلي امامنن و ضرب يدوا بفوة عطاولة وقتم جيهة شباك ولمرة هذي دموعوا خانتوا متتصورش قداه كانت صعيبة لحقيقة على برشا منهم خلفت في قلوبهم دمار شامل بيلحق 💔
حتى تكلم آل بيرتوا آزر العيلة لي تبناتك هيا في الاصل عيلتي انا ودانا واحنا عنا سنين ومن نهار لي ضعت واحنا نلوجوا عليك قلبناها دنيا عليك وامي منستكش ليل ونهار و بابا مخلا اش يعمل وهذا سبب دخولي لشرطة الدولية لسبيب اكهو اول هوا اني نلقاك وثاني نلقا خيط للبوص لي عنا سنين نلوجوا عليه وحتى اسموا ملقيناشوا دارس لعبة اكثر من تصوروا  وفي لوقت لي احنا نلوجوا عليك لقيناك موش وحدك لقينا امك كارمن لي هيا زادا لحد ليوم تحت رحمة لبوص هذا وموش لقينها من اخر مرة حكينا معاها من وقتها معاش نجمنا نوصلولها وعرفنا لي هيا جبات طفل زادا و حكاتلنا بار ديتاي على جوزيف و جاد وعيلة آل راشد على اذاك كان لازم انوا الخطة تتقلب ونمثل دور سفاح تاكسس بش نجذب انتباه جوزيف و كنت على فكرة بأكسيدون متاع جاد لي قالوا انوا احمد ولد عمك تابع لراجلي اما لا في الاصل هوا تابع للبوص لكبير لي هدفوا الوحيد تدميرة عيلة آل راشد اما في القضايا لوخرا يخدم ويصفي بنضافة
قام جاد خزر لجوزيف بش يقوم مشا شد آزر من كتفوا و دوروا يلقا عينوا معبيا دموع  هز يدوا ومسحلوا دموعوا وجبدوا بقوة حملوا حتى دموعوا هبطت على خدوا سيبوا هوا وجبدوا جوزيف ديراكت عنقوا بعد تكلم جاد
آزر كنت طول عمرك نسخة مطبقة عليا وعمري محسيت والا توقعت في نهار انك تنجم تكون خويا مني وفيا
جوزيف ..آزر كنت ديما تبين عكس تصروفتتك كنت ديما شبيهي في طيبة لقلب وانا زادا عمري متصورت نهار انك تكون نصنا الثالث ولي يكملنا
آزر ..حياتي لكل نتصور لي انا وحدي ومعندي حد كرست حياتي نحقق في حلم انوا كل فلوس المعارض نعطيهم للعائلات لي تستحق قلبي وجعني ومنلقاش سند لي نتكا عليه ربي شافلي بكل حاجة باهية عملتها في دنيتي بعثلي خواتي لي كنت حياتي لكل نتصور انهمم مفقودين وهناء تكلمت اليزا
_ ههههه انا كنت ونبعثلك في الميساجات على خواتك راو يا آزر😂
نتي زادا لا لحق ختمت
اليزا ههههه انا نعرف بكل شي و نعرف لي جاد معرس وعندوا طفل زادا 😂
خزرلها جاد
يعني كنت تمثل عليا
هههههه اي وله جاد😂 اتقنت الدور بلڨدا😂
هههه وله مصقطك
رجعوا يخزروا لبعهم وتكلم آزر ياخي انا توا قداه عندي من خو 😂
تلفتت اليزا انا اختك صغرونة 😞
ايجا يا روح خوك ايجا  مشات عنقتوا وعنق آلبرتوا زادا حتى تكلم ايهم بتمسخير
يا جماعة نطلعش انا خوكم من البو زادا😂😂😂
جاد لا ختممت وقتها نمشي نهد على كارمن ونقلها هذا تصرفي فيه رجعيه منين جاء
ضحكوا لكل مع بعضهم واقفين في نص الصالة حتى حط جاد كف يدوا و حط فوقوا جوزيف وكملها آزر وتكلم جاد
احنا اولاد الياس آلراشد نتوعدوا من ليوم
كمل جوزيف لي بش نلقاو امنا كارمن وين ماكنت تكون ونرجعوها لولادها لي تحرمت منهم توا سنين
كملها آزر و نوعدوا بعضنا زادا لي بش نقعدوا لبعضنا لأخر نفس و بش نتبعوا قضية البوص و منتراحوا ومتوفا مهمتنا كان م نلقاوه و نكشوا سر لي بقا مخبي من البين اسرار هذي لكل
قدم ايهم و جاد و اليزا وحطوا ايدهم معاهم ونكلموا فردوقت واحنا زادا نوعدوكم لي معاكم لاخر لاحضة حتى تقصت عليهم ليد لي تحطت فوقهم وتكلمت ومتنساونيش انا لي ساعة لتالي نحرق في اعصابي الينا جات و سمعت كلامهم لي تحكا لكل 💕

✋✋✋✋✋✋✋✋✋
يا جماعة هك يكون نص السر تكشف السر واللغز لاخر تكتشفوه في باقي الحلقات والاحداث 🌻🌻
ونعاود نفكركم لي فما ضهور لشخصيات جديدة في الحلقات الجاية🌻🌻