الحلقة 8
تعدات جمعة .. والوقت لف لف بين خطبة الاولاد و سامر و هند لي تخطبوا وهيا كانت يدها على قلبها من هالحكاية وموش طايقتوا بين ايثار لي تعدي نهارها بين جري في شركة بعد ماالمعرض لي عملتوا مع دانا وسامر تعرف و لوا تجيهم طالبات كبيرة بش يخيطوا و يصردوا الللبسة بين العيلة لي نهار بعد نهار يتلموا بحذا ايثار بش متحسش روحها وحدها بين الاولاد لي سيئ كملوا اومورهم في روما و تنقلوا لامريكا وغادي وين بش تبدا مهمتهم الكبيرة و بش يبداو يلوجوا علخيط لي يوصلهم لامهم و بعد الخيط لي يوصلهم للبوص لي ملك تفكيرهم ليل ونهار
لاسامة ودانا لي كلموهم لولاد و حكاولهم لحكاية و السر لي ضهر في اخرلاخضة و الصدمة كانت كبيرة عليهم اما فرحوا خاطر اخيرا بش يتلم شملهم مع امهم لي خسروها و خسرتهم سنين.....
قامت ايثار على معدتها لي تقلب و خواطرها المتقلبة هيا حلت عينها. وتشوف فيها كان تنطرت قامت تجري ترد و تجي على راسها. توا جمعة على نفس الحاله
غسلت وجها و نشفت ومشات وقفت بحذا فرش جاد لي مزال راقد و محلاه و مبنوااا وهوا راقد
حطت يدها على كرشها وتبسمت و هي تحكي جاد ريت يا روح ماما تشوف في خوك كيفاه يقلق فيا وضحكت مع تبسيمتوا وهوا راقد تفكرت كيفاه من نهارين مشات بش تشوف شنيا هالحكاية متاع ردان و تقلب مزاجها ياخي طلعت حبلة عندها جمعة تحكي مع ولادها زوز ريتوا كيفاه كل مرة بابا يحب ماما اكثر اما لمرة هذي مناش بش نقولوا باهي بش نخلوه يكمل موهمتوا ويرجعلنا وقتها تكون نتي يا روح ماما جيت لدنيا وشفت الضو و قتها نعملوا سوربريز لبابا مفهموم منحبكمش تقلوا لحد😂 كانت عاملة جو وتحكي معاهم فرحانة
_____
كلعادة وكيف مستناس كل صباح يجبد ورقة من هاك الصندوق لي هوا بيدوا بحاجتوا كان ياخذ منوا في قوتوا كل صباح و كل يوم كيني حست بيه و بقلبوا لي شاعلة فيه نار الحب
❣️بسم الله مشاالله❣️
فما ناس تعيش لحب على اصولوا و تحب و كلمة نحبك تتقال بيلحق و خارجة من لقلب ونتي دنيا و مافيها نتي روحي وفرحتي نتي صاحبي واختي و امي و خويا و صاحبي وراجلي ودنيا لي نرا بيها كل شي محلاه ❤️❣️
نحبككككك كدس اكداس
( هذا انا نكتبهولك في صباح )😂
كمل قراها و طواها و ضحكتوا على خدوا مفارقتوش
___ نرجعوا لإيثار للي ليوم عندها اجتماع بش يححدوا مباليغ الشركات ولازم اسامة و سامر ودانا يبدوا حاضرين لبست كلعادة و هبطت فيسع كلات حاجة و مشات خلط عليها اسامة و رآهم سامر و دانا دخلوا ثلاثة و حطوا كرهبهم في لباركينغ تعدات لبيروها هزت دوسيات و مشات لبيت الاجتماعات تناقشوا ولقاو انوا شركات جاد شدت المراتب لولا عالميا في عالم الموضه و نسق ماشي و يزيد يعلى و الاسهم رجعت لماكنها الحقيقي
وهكا تكون حققت نجاحها و قفت شركات على ساقيهم ورجعتهم كيف ماكنوا بضبط كيف كيف ادمجت شركات جاد وجوزيف بإسم عيلة آل راشد للموضة وهك تكون ربحت ومتخسرش جاد املاكوا واكيد مكانتس وحدها وقفت معاها دانا سامر اسامة عادل مجد بما انوا كان إختصاصهم مقصومين بين شركات و معادلين الخدمة على روحها
وقفت وقالت مرسي لناس لكل علمجهود الاجتماع وفا خرجوا ناس لكل هزت دوسياتها ومشايا لبيروها وضحكتها متتوصفش فرحانة بلي عملتوا
__________
نرجعوا لجاد لي ليوم قرروا يبداو وبش يخرجوا لولاد الأربعة يمشيوا لبلاصة دلهم عليها آزر ينجموا يلقاو فيها دليل ولا خيك يوصلهم لكارمن
احم احم جاد لابس سروال نوار مقطع ومريول ڨري وسبادري اكحل و لونات
جوزيف لي كان لابس سروال دجين فيه تقطيعات في ركبة و مريول نوار وسبادري نوار و لونات بطبيعة
وآزر لي كان لابس سروال ابيض و مريول ازرق و سبادري اديداس ابيض و اكيد لوناتوا زادا 😂😂😂 حسن وحسين لازم😂
حتى ايهم ميسالش خنوصفوه شوية
لابس شوميز باج محلول قفاليها في صدروا سراوا نوار و سبادري نوار حاك لوناتوا فوق شعروا
ايهم .. اب اب اب شوف شوف ملا احنا يا صاحبي لي يشوفنا يقول علينا بوڨوصات😂
آزر ههههههههه وله لتحشمها ريت نقطروا رانا
جاد تي بلعوا عاد لتسخطونا بعين 😂
جوزيف بلعوا لكل و تحركوا أطلعوا في لكرهب ايا معاش بكري
مشا جاد و آزر وايهم وجوزيف ديماريوا لكرهب وقصدوا ربي
هههه ايا رايكم توا وزعما بش يلقاو الحاجة لي مشين على خاطرها ولا💔؟؟
أنت تقرأ
عندما يعشق الشيطان الجزء الرابع
Actionهذا الجزء الرابع كمالة للكرونيك هذا الي مولاتو لاصلانية ماكملتوش نحنا كملناه بأقلامنا #Ritta & #Hyba
